مساعدة في اختيار مزود طاقة مناسب

[AAY]

السلام عليكم

الله يسعد اوقاتكم بخير ... انا اواجه بعض المتاعب في جهازي بسبب مزود الطاقة الذي لدي

لدي مزود طاقة نوع Ultra-X Finity 600w SLI Ready
http://www.tigerdirect.com/applicati...0&sku=ULT31847
المشكلة ان الواط كافي لجهازي بس المشكلة انه مزعج بشكل خرااااااااااافي... والله ياجماعة اذا شغلت لعبة واشتغلت المروحة حقت الباور والله تقول الجهاز بطير من الصوت... مزعج مزعج مزعج!!!

انا جالس افكر اغير المزود بواحد هاديء وممتاز.
طبعا اخذات لفة حول المواقع ووجدت مزودات كثيييييييرة احترت منها واسعار مختلفة.
Thermaltake
Antec
OCZ
Gigabyte
طبعا مواصفات جهاز موجودة اعلاه... انا حسبت كم يحتاج جهازي حسب موقع http://extreme.outervision.com/PSUEngine
واظهر لي ان جهازي يستهلك 362 واط!!!! معقولة احسن انه قليل

اضافة اني راح اطور جهازي مستقبلا يمكن زيادة كرت شاشة آخر على منصة ATI CrosseFire

فارجوا المساعدة في ايجاد مزود موجود بالسوق المحلي وبسعر معقول... اهم شي الجودة الهدوء وتنظيم الاسلاك.

اعتذر عن الاطالة... لكن الازعاج ذبحني
تحياتي
AAY

 

[alayoubi]

هلا أخوي

يعني ما في حل لتقليل سرعة المروحة باستخدام برامج لأن البورسبلاي هذا ممتاز .

بالنسبة لطلبك البورسبلاي من جيجابايت Gigabyte 800W Odin Pro ممتاز وكافي لكرتين وزيادة .

وراجع موضوع شراء البورسبلاي بتوقيعي .

 

[AAY]

هلا فيك اخوي الايوبي

والله لو في حل كان زين.

نظام المزود عندي عاجبني... اول ما اشغل الجهاز صوته هادي وخفيف... ثم بعد كم دقيقة تطفي المروحة تلقائيا واجلس اشتغل على الجهاز... ثم ترجع تشتغل مرة ثانية بسرعة اعلى.

لكن لمن اشغل لعبة وخاصة لعبة قوية يجلس فترة ساكنت... ثم يشتغل بشكل الله لا يوريك تقول سيارة تبي تقومها بالجير الاول بس الكلتش خربان

بس في في شغلة لمن يصدر هذا الصوت اعرف ان حرارته مرتفعة لأني المس سطح الكيس جهة الباور اجدها دافية... ثم تبرد لمن تشتغل مروحة المزود.

 

[AAY]

بالنسبة للمزود الي وضعته كم سعره عندنا بالسوق؟

لأني شفت سعره بالنت يخلف بين GT و Pro

 

[alayoubi]

عندنا بالأردن سعره تقريبا 650 ريال ممكن تحصله عندكم بسعر أرخص .

الموديلين نفس الشيء لكن الــ GT في برنامج للتحكم بالفولتيات و حساسات Sensors لقياس درجات الحرارة في أماكن انت تحددها داخل الكيس وبرأيي هذه أمور زيادة لن تستخدمها فالأفضل تاخذ الموديل العادي Pro .

 

[AAY]

السلام عليكم

والله GT خطير البرنامج الي معاه بس فعلا انا ماراح احتاجه.
طييب وين احصله بالسوق المحلي Pro طبعا... في محل بمجمع الدوسري يبيع نوع OCZ GameXStream 800w ب 800 ريال !!!!
وييييين قاعدين ولا ينزل ولا ريال.

800 واط راح تكون فعلا كافية وزيادة مرة.

طبعا انا راح انتظر لحد بعد العيد واخذ لفة على السوق واذا ما حصلت شيء مافي الا اخونا ياسر بجدة يمكن عنده شيء

الله يعيكم العافية