ازاى اكسر سرعة Core 2 Duo وايه الخطورة؟

[blueman]

السلام عليكم,
انا اشتريت من 3 شهور كده بروسيسور Core 2 Duo E6350 1.86GHz 4M L2 ومعاه موزر بورد GigaByte 965P-DS3 بالإضافة الى رامه 1GB Bus 800 وده جبته بعد عناء ودراسة لكل انواع البروسيسور لحد ماتخنقت بس الحمد لله مبسوط بيه قوى .. الحاجة الوحيده اللى مضايقانى فى الموضوع هى كارتة الشاشة وهى نوعها Gforce 7300GS XFX 256 up to 512 وللأسف لما شغلت مثلا لعبة NFS Carbon وحبيت ارفع شوية خواص اللعبة علشان اشوف الامكانيات بقى اتضح لى انى اتخميت .. اللعبة بطيئه لما بس برفع الخواص شوية قلت انا يعنى اجيب فيجا ايه بقى علشان اعرف العب حتى ... يا ريت لو حد عنده تعليق على الموضوع ده يفيدنى... النقطة اللى برغى من الصبح علشانها وصدعتكم عشانها انى عندى فضول اجرب موضوع كسر السرعة على المكنة دى وخصوصا انى قريت شوية فى الموضوع ولقيت ان كسر السرعة فى ال Core 2 Duo بقى حاجة عادية نظراً لإنخفاض الكهربة اللى بيحتاجة البروسيسور وده السبب فى انخفاض حرارته فى الوضع العادى..لسه ماجربتش حاجة فى موضوع الكسر ويا ريت اعرف ارفعها ازاى و ايه الخطورة و ححس فعلا بفرق فى اى برامج؟؟
عايز احكى على موقف صغير للى يحب يقرأة واللى مش فاضى اشكره لحد كده
لما اشتريت الجهاز وجيت اركبه (اجمعه) وكان اخويا الكبير جنبى متابعنى المهم ركبت الجهاز وجه وقت التشغبل وبسم الله الرحمن الرحيم ضغطت على مفتاح التشغيل والكيس كانت مفتوحة علشان اتفرج على لامكونات ( الحرمان وحش يا جماعه) المهم الجهاز اشتغل وكنت متأكد ان كل حاجة متوصله كويس لقييت الجهاز اشتغل ماعدا مروحة البروسيسور يدوب لفت نص لفه ووقفت قمت مسرخ وحطيت ايدى على وشى لقيت اخويا بيقولى اصبر حتشتغل وفعلا بعد كام ثانية كده ابتدت تشتغل ومن هنا عرفت ان البروسيسور ده مش من النوع اللى بيسخن زى اللى قبله بس كفاية الخضة اللى عمرى ماحصلتلى قبل كده ..

 

[azzozy]

http://www.arabhardware.net/news/mod...article&sid=92

 

[مجلـد جديـد]

يوجد برنامج مرفق مع لوحات الجيجابايت اسمه EasyTune يمكنك من كسر السرعة بطريقة سهله جداً وآمنة ، فيوجد مثل العداد تزيده وتنقصه ثم تضغط على Go ليقوم البرنامج بتغيير سرعة المعالج .

 

[blueman]

شكراً اخوانى على الرد جزاكم الله خيراً