الله يخليك شكرا و مفيش ازعاج ولا حاجة تحت امرك فى اى وقت.. بالنسبة للشاشة فأى شاشة فوق ال 21 بوصة بتكون بدقة عرض 1920x1080 و دى تعتبر الدقة المتعارف عليها فى الألعاب و ال Default لشاشات من 21 الى 24 بوصة.. الدقة مناسبة عندك مع شاشة 23 بوصة.. اما الدقات الأقل من كده بتكون مناسبة اكتر مع شاشات 20 بوصة فيما أقل ( من ناحية عرض الصورة و تناسبها يعنى) اما من ناحية الاداء فى الألعاب فكل لما الدقة تقل اداء الكارت بيزيد و العكس صحيح.. لكن بالرغم من ذلك دقة شاشتك هتكون مناسبة مع اداء الكارت فى الألعاب.. و هتقدر تلعب معظم الألعاب الحالية على الهاى او الألترا.. و العاب قليلة ممكن تضطر تلعبها على الميديم او ميديم الى هاى معدل
ربنا يجازيك كل كل خير استاذي الفاضل المحترم انا بصراحة مش عارف موضوع دقة الشاشه ده لكن عموما انا عندي شاشه 23 بوصه HD ممكن اعرف ايه انسب دقه تنفع للشاشه دي مع التجميعه اللي عرضتها علي حضرتك .. وهل بالتجميعه دي اقدر العب الالعاب الموجوده دلوقت علي الهاي والالترا بصرف النظر عن الالعاب المستقبليه ؟؟؟ معلش انا اسف لو ازعجت حضرتك لكن انت متعرفش انا محتاج مشورتك دي قد ايه .. لا امتلك الا ان اقول لك ربنا يجازيك كل خير انت وكل القائمين علي المنتدي الرائع ده ..
أهلا بيك.. التجميعة بشكل عام ممتازة مش هتحتاج تحدث حاجة فيها لأكتر من سنتين بالتأكيد.. نفس الكلام ينبطق على كارت الشاشة فهو اكيد قادر على تشغيل جميع الألعاب لمدة طويلة.. لكن الفكرة هنا فى الأعدادات اللى هتلعب عليها.. هل كارت الشاشة يقدر يشغل كل الألعاب لأكتر من سنتين؟ نعم.. بس هل يقدر يشغل كل الألعاب الحالية و العاب سنتين كمان على أعدادات ال Ultra او ال High ؟ الأجابة لأ مع الوقت و مع تقدم الألعاب طبيعى هتحتاج كل شوية تقلل الأعدادات فى الألعاب المتطلبة عشان تحس بسلاسة فى الأداء.. و الموضوع ايضا هيعتمد على دقة الشاشة.. كل ما كانت دقة الشاشة عندك قليلة كل ما اداء كارت الشاشة فى الألعاب زاد و العكس صحيح بس بشكل عام زى ما قلتلك كارت الشاشة جيد جدا للألعاب الحالية.. و باقى التجميعة ممتازة لفترات طويلة قادمة
استاذي الفاضل .. انا اسف جدا لو هتعبك معايا .. انا مستعجل اوي علي المشورة من حضرتك انا عايز اعرف هل التجميعه دي تستطيع تشغيل كل الالعاب لاخر لعبة موجوده 2015 ومش هحتاج احدث الكيسه لمده 2 سنة فعلاً ؟؟ CPU: Intel I5-4460 Haswell 3.2GHz = 1500 Mobo: ASUS H81M-V3 = 550 HDD: Western Digital Caviar BLUE 1TB = 420 Mem: Kingston HyperX Blue 8GB DDR3 1600 CL10 1.5v = 500 GPU: ZOTAC GeForce GTX 950 OC 2GB = 1550 Case : Cooler Master K281 Mid Tower Desktop Case + 500W PSU = 650 التجميعه دي هي التجميعه الوحيده المناسبة لاقصي ميزانية معايا ايه رأي حضرتك وربنا يجازيك خير علي مشورتك ومساعدتك ..
