الله يبارك فى عمرك و الف مليون مبروك على السماعات المحترمه جدااااااااا و فعلا المحل كده عداه العيب و مفيش داعى لقايمه الأسعار . ركز فى امتحاناتك و ربنا معانا كلنا يارب و لينا لقاءات فى الصيف كلنا ان شاء الله
اة نسيت اقولك بالنسبة لل Price list انا سألتة قالى عندة بس للاب توب اخدها لو حضرتك عاوزها انا تحت امرك ابعتهالك على طول ان شاء الله
يا باشا ولا يهمك انا الحمد لله النهاردة اشتريتها ب 500 جنية فعلا و كلمتة سألتة فى التليفون الأول قالى 550 و بعدين قلتلة انا من عرب هاردوير قالى يبقى 500 و روحت المحل نظيف و للأسف كانت اخر قطعة معندهوش تانى و الراجل محترم جدا و المحل اول ما تطلع على طول على ايدك الشمال العلبة نفسها بتاعت السماعات نظيييييييييييفة جدا جدا جدا مفيهاش خدش ( انا كنت فاكر ب 500 جنية حلاقى علبة قديمة و متبهدلة ) و عليها ختم الوكيل ميترا و الضمان سنة و العلبة لم تفتح قبل كدة ! السماعات تحفة انا بس جربتهم كدة على السريع علشان الأمتحان بكرة بس كلهم كانو شغالين زى الفل مستنى اخلص ان شاء الله و حوزعهم فى الأوضة و اشترى اكستنشن للسماعات الخلفية علشان الطول مش حيكفى ( طول السلك 4 متر ) و اتشرفت بمعرفتك يا محمود انا فى ترم رابع هندسة ميكانيكا فى الأكاديمية ربنا يوفقك و شد حيلك فى الأمتحانات و تخلص على خير ان شاء الله
انا اسف جدا والله مكنتش اعرف ان عندك امتحانات اصلا سعر السماعات دى فى كارفور 570 جنيه . فلما يبيعها بـ 500 جنيه تبقى حاجه ممتازه انا بس كنت عايز اعرف إذا كان بيبيع فعلا بالسعر اللى كاتبه وللا كلام و خلاص و إذا كان عامل اسعار لناس و ناس . لو مفيش price list متجيبش حاجه و طمنى عليك فى الإمتحان بكره إن شاء الله ياباشا و بالنجاح مقدماً انا هخلص 28 فى الشهر اسمى محمود و فى هندسه مدنى جامعه اسكندريه
اهلا و سهلا اخى MF88 ( معرفش لسة اسمك على فكرة ) شكرا ليك بالنسبة للسماعات لو ادانى سعر اكثر من 500 مشتريش ؟ بالنسبة للأسعار انا ححاول اطلب منهم Price list مطبوعة لو معندهمش اعزرنى علشان انا عندى بكرة امتحان ادعيلى انا حروح كدة بسرعة اجيبهم علشان انت عارف بقى لما الواحد بتضرب فى دماغة الحاجة بيبقى لازم يشتريها دلوقتى :D :D :D بالنسبة لكارت الصوت فا انا فعلا اشتريت الكارت من الأستاذ طارق و وصلنى النهاردة الصبح الحمد لله و تمت التجربة و كله تماااااااااام ادعيلى بقى بكرة عندى امتحاااااااااااان !!!! هانت ان شاء الله يوم 16 حخلص !
السلام عليكم فهد باشا قبل اى حاجه : تحيه للوالده على الإسم المميز تانى شىء طالبه منك ( وهو غير إجبارى ) انك لما تروح شركه بركه متقولش فى الأول انك من عرب هاردوير : اسأل بس على سعرها ولو اداك سعر اعلى من 500 جنيه قولى ثانيا : و ارجو ميكونش فيه تعب عليك : لو تقدر تاخد معاك ورقه كبيره و قلم و تاخد اسعار منتجاتهم كلها اكون شاكر جدا جدا ليك و لو عملت كده ياريت تبلغنى فى رساله خاصه بالأسعار عشان اضيفها فى موضوعهم و الف مبروك على السماعات يا فهد باشا ( و لو معاك فلوس زياده حاول تجيب الكارت xtreme gamer من استاذ طارق فى قسم البيع هنا بالمنتدى و سعره 300 جنيه ) و هتحس بفرق كبيـــــــــــــر جدا فى الصوت و جودته انا جبت الكارت و بعد الإمتحانات هجيب السماعات إن شاء الله
