البدائل كما ذكرت في ردي: http://www.arabhardware.net/forum/sh...ostcount=76509 من الأغلى للأرخص، كله فيه QoS DSL-2740B Wireless N ADSL2 + Router DSL-2650U Wireless G ADSL2+ 4-Port Router DSL-2640U Wireless G ADSL2+ 4-Port Router و كلهم DSL Router بـ 4-port و wireless
بديل للـــDSL-2740U لأن الــDIR-655 مش هينفعني علشان انا مش عندي موديم انا الي عندي DSL Router TP-Link 8840T وعايز اجيب حاجة (Dual (Wireless+Wired
البديل لأنهي D-Link؟ بديل للراوتر فقط و لا بديل للثنائي الـ DSL-Router ؟ معلش أنا مفهمتش من مشاركتك السابقة عندك إيه و عايز تجيب إيه..
مفيش ولا ابسط ولا اوضح من كده تسلم ايديكي معلش رخمت عليكي جدا بس افرد ملقتش الـــD-Link في مصر يبقي ايه البديل ليه بنفس مواصفاته او شبيه ليه ؟
خط ايه و جهاز ايه و وصلة ايه؟ ببساطة شديدة جداً ، الـ DIR-655 لا يوجد فيه فتحة لتوصيل سلك تليفون (السلك الذي يحمل خط ال DSL) لأنه راوتر فقط! و هنا الحاجة لـجهاز آخر و هو الـ DSL Modem لو مش عندك جاهز و واصل على سلك التليفون و شغال بالفعل لو عندك DSL Modem واصل على خط التليفون و مديك إتصال للإنترنت لجهاز كمبيوتر واحد و أنت فقط محتاج توزع الإتصال، يبقى دي لزمة الـ DIR-655 لو مش عندك DSL Modem واصل على النت و شغال و عايز توزّع منه الإتصال بالـ DIR-655، يبقى إنت عايز DSL Router مش راوتر فقط، يبقى شوف الـ DSL-2740U أو البدائل التي ذكرتها سابقاً كده أبسط و أوضح؟
تمام جدا جدا الفكرة وضحت بس في نقطة صغيرة قوي قوي هل لو انا جبت الــDIR-655 هيشتغل عادي جدا مش هيحتاج موديم ؟ بمعني..... احنا 3 افراد في شبكة واحدة والــDSL علي الخط بتاعي يعني الجهاز هيبقي عندي الفكرة دلوقتي انا لو جبت الــDIR-655 وطلعت وصلة ليا منه ووصلة لأصدقائي عادي, ولا لازم موديم ؟ اصل الـــDIR-655 فيه 4 بورت علشان كده بسال بس لو مش هينفع الــDIR-655 او غالي مثلا ممكن الي بعديه علي طول يبقي الــNETGEAR DGN1000 ؟ ولا ضعيف برضوه ؟ اصل الوايرلس مفيش حد هيستخدمه غيري في البيت فا مش محتاج مسافات مهولة يعني والــGigabit Lan مهمة علشان اصدقائي وليا برضوه بس مش هتفرق قوي لو مش موجودة , صح ؟ وانا معنديش DSL Modem حاليا عندي Router عادي جدا نوعه TP-Link 8840T فيه 4 بورت وصلة خارجة لجهازي ووصلة تانية لأصحابي
كلمة DSL Router بتوحي بوجود خاصية DSL Modem ، إذاً ده مش راوتر فقط. لاحظ الفارق العلمي و العملي بين كلمة "راوتر" و "مودم". يعني لو بصيت مثلاً على ال DIR-655 مش هتلاقي كلمة DSL دي في أي مكان في صفحته أو معلوماته. هو فقط "راوتر". ده هام. الهام التاني رداً على سؤالك و كما ورد في تعديلي للمشاركة الأصلية: لو عندك DSL Modem جاهز و واصل بالنت و عايز راوتر توصل المودم عليه يبقى الـ DIR-655 هيؤدي غرضه، لكن لو مش عندك مودم و عايز حاجة فيها مودم و قريبة للـ DIR-655 و موجودة في الشرق الأوسط حسب موقع D-Link ME يبقى الـ DSL-2740U ، فيه Wireless-N و QoS أيضاً لكن لا توجد فيه الـ gigabit LAN لو ال DSL-2740U غالي شويتين، في خيارات أخرى برضه فيها Wireless و QoS شوف مشاركتي الأخيرة في نفس الموضوع: http://www.arabhardware.net/forum/sh...ostcount=76509
شكرا جزيلا علي التوضيح الجميل ده والسلس للغاية مفهمتوش من حد قبل كده بصراحة واشكرك علي طول البال علي الاسئلة المتكررة والمزعجة ديه بس دلوقتي انا محتاج ايه من كل ده اعذريني لو انا غبي او فهمي بطئ بس قصة الروترات والموديمات ديه عمري ما فكرت فيها قبل كده نظرا لأني بوصل الراوتر واشتغل علي طول مش بركز ده ايه وده ايه الي فهمته ان الــDSL Modem مش هينفعني علشان معايا ناس في النت طبعا يعني دلوقتي الاختيار بين الــDSL Router و DSL Modem/Router فا ايه المناسب ؟ واسف مرة تانية علي الازعاج ده بس ربنا يزيدك من علمه فعلا ويوفقك في مجالك ان شاء الله لأنك فعلا مش بتبخلي بالمعلومة شكرا ليكي مرة تانية
كنت متوقعة السؤال ده، و كنت لسه معدّله المشاركة الأصلية: http://www.arabhardware.net/forum/sh...ostcount=76503 ببساطة شديدة: 1. DSL Modem فقط بيبقى جهاز اللي بيوصلك على الـ DSL طبعاً، بس فيه 1 ethernet port فقط، يعني لتوصيل جهاز واحد فقط 2. Router فقط هو جهاز ياخد وصلة ethernet في ال WAN port بتاعة (مش مهم بقى يكون جاي من DSL و لا غيره، المهم ethernet جاي و واصل على النت)، و يعمل كموزع للإتصال ده بشبكة داخلية (مش بيشوفها حد خارج الشبكة، و تبدو من الخارج كأنه جهاز واحد بآي بي واحد فقط) 3. ال DSL Modem + Router بيدمج خواص الإتنين في جهاز واحد (هو في الواقع جهازين على لوحة إلكترونية واحدة، متصلين بعضهم ببعض)
جميل جدا بس هو ايه الفرق بين DSL Modem/Router وبين DSL Modem بس او Router بس ؟ علشان بشوفهم كتير قوي ومش فاهم ايه الفرق بينهم انا كل الي محتاجه حاجة تشتغل وايرلس ووايرد في نفس الوقت علشان انا مع اصحابي في النت والنت 2 ميجا والروايرلس هيبقي عندي انا بس علشان الموبايل والابتوب وهنبقي شغالين بالسلك عادي في الاجهزة والفلوس مش مهمة قوي لأننا هنشترك كلنا فيه فا هتبقي مش فارقة الفلوس معانا
