استفسار بخصوص انواع الروتر
عايز اعرف مين الافضا فى نوعين الروتر دول
DLINK 224
https://www12.0zz0.com/2023/09/21/17/904016580.jpg
ام روتر TPLINK W9960
https://www7.0zz0.com/2023/09/21/17/627184093.jpg
انا بستعمل ال DLINK من فترة و شغال معايا كويس جربت ال TPLINK دة لقيت انو بيدينى بينح اقل بحوالى 3 معرفش السبب اية بضبط فا حبيت اعرف مين الافضل فيهم و هل عشان TPLINK ادانى بينج اقل يبقى هو افضل
سؤال تانى
هل لو اشتريت روتر TP LINK VR600 هل هايفرق معايا فى النت و هل هايثبت البينج مع الالعاب ولا مافيش داعى لشراء روتر غالى ؟؟
رد: استفسار بخصوص انواع الروتر
مرحبا ياأخ أحمد
البنج فى مصر سىء جدا
ولاتوجد شركه تضمنه
فهو يخضع لمعايير عده
من أهمها مدى قربك من الكابينه
وجوده الكابلات الأرضيه
وأيضا التوصيلات الداخليه
وليس نوعيه الراوتر
حتى لو إقتنيت أغلى راوتر فى العالم
فالقصه تخضع لجوده الخدمه
والظروف المحيطه بها
وبالنسبه لعمل تيست على الخط
فطبعا عن طريق ال cmd هو الأصدق
وليس أى موقع
موفق دائما
رد: استفسار بخصوص انواع الروتر
الف شكر على ردك استاذ عبد الحليم
طيب يعنى نوعية الروتر بتفرق فى اية يعنى مافيش فرق بين الروتر غير فى جودة الواى فاى و المدى إلى بتوصل لى
انا شوفت فيديو الروتر إلى عندو vdsl و قراء عندو أعلى سرعة يستحملها الخط هى 20 .. جاب روتر من نوعية غالية tplink vr400 و جرب لقى ان الخط أصبح يستحمل سرعة 38 ميجا مش عارف ازاى
عشان كدا عايز افهم هل انواع الروتر كل ما تجيب روتر افضل و هيفرق معاك فى حاجة
على افتراض واحد عندو السرعة 30 ميجا مثلا و مغ روتر من النوع العادى و السرعة شغالة مع 30 ميجا و البينج مثلا 50 و مافيش مشكلة
هل لو راح جاب روتر أغلى مثلا tplink vr600 و برضو هايستعملو على نفس السرعة إلى هى 30 ميجا هل الروتر الجديد هايقدم اداء افضل ولا مافيش اى فرق
رد: استفسار بخصوص انواع الروتر
الشكر لله ياأخى الكريم
العبره ليست بقرائه الراوتر أو أى موقع
فكلاهما وارد معهما القرائه الخطأ والوهميه
العبره فى الباقه اللى حضرتك مشترك فيها
لأن تلك الباقه يتم التحكم بها
عن طريق ديسلام الشركه الذى يوجد بالسنترال
وجرب تعمل داوون لوود على سرعه 30 ميجا مثلا
على أرخص وأغلى راوتر
ستجدها واحده طالما توافرت العوامل
التى تحقق إستقرار الخط كما ذكرنا بمشاركتنا السابقه
أما موضوع البنج فهو ليس مستقرا عندنا بمصر أطلاقا
وعندما تتصل بأى من شركات النت المتاحه لدينا
ستجد نفس الإجابه التى تكون فحواها بمعنى
أننا ليس من شأننا
قصه البنج ولانستطيع أن نضمن جودتها
حتى وأن كان بأسلوب المواربه بالرد
لذلك تاره تجد البنج أحيانا جيد وأحيانا العكس
كما ماذكرنا أعلاه
وحسب الضغط على الشبكه والخطوط الأرضيه
وكما تفضلت انت بذكره
فالراوتر المرتفع الثمن يمتاز بمكونات جيده
فيحافط على جوده الأتصال
سواء كان كابل أو واى فاى
كما أنه يتمتع بعمر طويل بنفس الجوده
نظرا لجوده مكوناته
فقط هذا كل شىء
شرفت بالتواصل معك أخى الكريم
رد: استفسار بخصوص انواع الروتر
الف شكر يا استاذ عبد الحليم المنتدى من غير حضرتك ملوش اى لازمة فعلا
رد: استفسار بخصوص انواع الروتر
الشكر لله أخى الكريم
والمنتدى مستمر بفضل جهود أعضائه الكرام
برغم قله أسهاماتهم
بالتوفيق دائما