مراجعه شخصيه لباور HEC(Gamma) 450W
بسم الله الرحمن الرحيم
إزيكم يا أحلى منتدى أخباركم ايه يا احلى أعضاء ويا أغلى مشرفين
الاول قبل مانبدأ ده المشروب الرسمى للموضوع علشان يساعدنى على التركيز
https://img155.imageshack.us/img155/...7072010155.jpg
على فكره انا مقتبس الموضوع ده من فادى او بمعنى أصح انا سرقه منه:D بس هو مشروبات بارده وانا مشروبات ساخنه
أولا الموضوع ده للغلابه اللى زى حالاتى يعنى يمنع دخول فادى او سام او اكسمان او اى حد عنده Core7 لسببين
السبب الرابع:D انه مايحس بالملل ماهو لما يبأه عندك باور 1200 وتقرأ لسه عن ال 450 هتحس بالتخلف:D
طبعا انا بهزر اى حد يشرفنى هنا يبأه فخر ليا :)
انا بشكر الاخ الغالى محمود (محدود الدخل) لانى انا اشتريت منه الباور ده وكان استعمال 4 شهور انا بصراحه لقيته لقطه بس الظاهر انى وشى نحس على حوده لانى لما الباور جه وجيت اكلمه على المنتدى لقيته موقوف لمخالفة القوانين :eek:الظاهر ان وشى نحس عليه ليه بس كده ياجوهرى:mad::mad:
طب كنت وقفه بعده بشويه
نخش فى الموضوع ده صوره للباور وهو لسه جاى ومتغلف فى كيس تغليف جامد جدا من قبل شركة الشحن
https://img824.imageshack.us/img824/...6072010139.jpg
https://img175.imageshack.us/img175/...6072010140.jpg
على فكره انا اول مره اجيب حاجه عن طريق النت وكمان مستعمله وعن طريق شركة شحن بس لازم الواحد يجازف وده دليل انى واثق فى المنتدى والمشرفين اللى لو لاقم اى حد نصاب اكيد هيحذفوه واكيد كل الاعضاء ناس محترمه وبعدين انا ماجزفتش بفلوس كتير هى 25 بس مصاريف الشحن والباقى دفعته لما جه الباور ولو كان حوده طلب المبلغ كله كنت حولتهوله بجل مادفع مصاريف ذهاب وعوده:Dوان شاء الله ده مش آخر مره اتعامل معاك فيها ياحوده
نرجع لموضوعنا
ده صورة علبة الباور الجديد ومقارنته بعلبه الباور القديمه
https://img19.imageshack.us/img19/1097/06072010142.jpg
العلبه جواها كمان علبه وده حاجه كويسه للحفاظ على الباور
https://img693.imageshack.us/img693/...6072010143.jpg
الفاتوره والباور
https://img822.imageshack.us/img822/...6072010144.jpg
الظاهر ان حوده كان بيقلى بيض على الفاتوره:D
الباور بذات نفسيته
https://img199.imageshack.us/img199/889/06072010145.jpg
وصلة كارت الشاشه والبورده
https://img4.imageshack.us/img4/2481/06072010146.jpg
وصلة البروسيسور للبورد الجديده علشان تكسر سرعه براحتك
https://img706.imageshack.us/img706/...6072010147.jpg
مقارنه بين الباورين هما نفس الحجم بالظبط بس طبعا الوزن بتاع الباور الجديد تقريبا ضعف القديم
https://img197.imageshack.us/img197/...6072010148.jpg
https://img42.imageshack.us/img42/1528/06072010150.jpg
صوره وانا مشغل الباور لوحده علشان شوف صوته وصوته فعلا هادى جدا مش زى باورات بتاع ام محمد اللى بتبأه زى الجرار وطبها علشان تعمل كده بتيجى على وصلة البورده وتوصل السلك الاخضر باى سلك اسود(أرضى)
https://img85.imageshack.us/img85/6337/06072010151.jpg
من ضمن الحاجات اللى زعلتنى فى الباور ان كابل البورده بس هو اللى متغلف والباقى عادى مع ان الباور اللى ارخص منه كان كه متغلف
https://img251.imageshack.us/img251/...6072010149.jpg
صوره توضح طول الكابلات وهى فعلا طويله وتوصلك لاى حته فى الكيسه
https://img208.imageshack.us/img208/...6072010153.jpg
صوره لارخم حاجه ممكن تعملها فى حياتك بالذات مع الكيسات ال Cable Mangement
https://img541.imageshack.us/img541/...6072010154.jpg
مميزات الباور الجديد
1
-ان شاء الله هجيب كارت شاشاه وانا متطمن انا ناوى على 5750 او 5770
بيدى 360 وات لخط ال 12 او 30 أمبير وده الحمد لله كافى تقريبا لكل فئات كرت الشاشه المتوسطه ويمكن بعض الكروت العليا فى ATI
2-توصيل اى عدد من الهاردات
الواحد كده مش هيقلق من توصيل اى هارد زياده او اى هارد واحد صاحبى
3-كسر السرعه
انا ابتديت اتجنن والشيطان لعب فى دماغى واحاول اعمل اوفر كلوك لاكتر من 3.2 التردد الاصلى 2.3 وصلت الحمد لله ل 3.4 على قولت 1.45 الحد الاقصى على موقع انتل 1.50 وكان ممكن اوصل ل 3.6 بس البورده ده تعبانه شويه فى كسر السرعه
4-كثرة الوصلات يعنى مش هحتاج لمشترك داخل الكيسه يوجد 2 ساتا و 5 موليكس
5-الساتا يحتوى على 5 بن البن الزياده بتاع ال 3.3 ونفسى اعرف بيفيد فى ايه ياريت حد يقولى؟؟؟؟؟؟؟؟؟
6-بلاستك الوصلات جامد جدا بعك بلاستك الباورات العاديه تحس انه هيكسر فى ايدك
العيوب
1-وصلتين ساتا بس بعكس الاصدارات الجديده اللى بتحتوى على 4
2-المسافه بين وصلتين الساتا قصيره جدا بيحيث انها معموله لهاردين جنب بعض وموصلتش لل دى فى دى واستخدمت برضه الconverter
الخلاصه ياجماعه ان الباور ده عامل زى اساس البيت لو الاساس قوى ابنى زى مانت عايز واكسر سرعه وركب اى عدد من الهاردات لكم لو الاساس تعبان هتبأه خايف
الفكره كلها انك وانت بتشترى جهاز جديد تعتبر ان الباور قطعه مهمه زى الهارد وتديله جزء صغير من الفلوس مع العلم ان معظم الاجهزه المتوسطه يكفيها ال350 وات لو مش هيكسر السرعه وده عامله 160 جنيه واحسن بكتير من ابو 50 جنيه اللى آخره 100 وات ده
نصيحه مجرب ماحدش يجيب الباور بتاعى القديم ابو 100 جنيه لانه برضه صينى وماركه من تحت السلم هو بس شكله اللى حلو وكفائه شويه عن ابو 50 بس احسن حاجه هات من شركه محترمه علشان تحافظ على جهازك
وشكرا عرب هاردوير على كل ماقدمت لنا من معلومات قيمه واسعار وشركات وأصدقاء
رد: مراجعه شخصيه لباور HEC(Gamma) 450W
تجربة ممتازة من عضو ممتاز
مبروك على البور
تم التقييم
رد: مراجعه شخصيه لباور HEC(Gamma) 450W
جزاك الله خيرا يا أخى وألف شكر على ردك الجميل
رد: مراجعه شخصيه لباور HEC(Gamma) 450W
83 مشاهده ومافيش غير رد واحد ايه شباب ده ردودكم هى اللى بتخلينى أتحمس وأعمل مراجعه على كل قطعه بشتريها
رد: مراجعه شخصيه لباور HEC(Gamma) 450W
مبروك عليك يا معلم ......... ويتربى فى عزك:D
تم التقييم
رد: مراجعه شخصيه لباور HEC(Gamma) 450W
اقتباس:
المشاركة الأصلية كتبت بواسطة teemager eng
مبروك عليك يا معلم ......... ويتربى فى عزك:D
تم التقييم
ربنا يخليك ياباشا
رد: مراجعه شخصيه لباور HEC(Gamma) 450W
مبروك عليك ياسيدى الباور انا جربته وشغال معايا تمام الحمد لله بس فيه شوية حاجات مش تمام
اولا: كابل 24 بن قصير جدا لو الكيسة اللى عندك الباور بيركب تحت
ثانيا:كابل ال cpu برضه قصير الى حد ما ولو جيت تعمل كيبل مانجمنت من ورا الماذربورد مش هينفع
ثالثا: زى ما حضرتك ذكرت كابلات الباور الساتا قليلة جدا 2 بس وبينهم مسافة تقريبا 10 سم بس
ولكن كأداء ممتاز جدا وسعره مقبول وتقبل تحياتى.
رد: مراجعه شخصيه لباور HEC(Gamma) 450W
اقتباس:
المشاركة الأصلية كتبت بواسطة Nabilios
مبروك عليك ياسيدى الباور انا جربته وشغال معايا تمام الحمد لله بس فيه شوية حاجات مش تمام
اولا: كابل 24 بن قصير جدا لو الكيسة اللى عندك الباور بيركب تحت
ثانيا:كابل ال cpu برضه قصير الى حد ما ولو جيت تعمل كيبل مانجمنت من ورا الماذربورد مش هينفع
ثالثا: زى ما حضرتك ذكرت كابلات الباور الساتا قليلة جدا 2 بس وبينهم مسافة تقريبا 10 سم بس
ولكن كأداء ممتاز جدا وسعره مقبول وتقبل تحياتى.
فى نقطه كمان المفروض ان فى خطين 12 فولت كل واحد بيعطى اكير قدر 19 أمبير همه مش محددين فى البروسيسور أنهى خط 1 وأنهى 2 وفى الكارت مش محددين هو تبع مين فيهم
ياريت لو تعرف طريقه تقولى عليها؟؟وألف شكر على مرورك
رد: مراجعه شخصيه لباور HEC(Gamma) 450W
اقتباس:
المشاركة الأصلية كتبت بواسطة Gomaa108
فى نقطه كمان المفروض ان فى خطين 12 فولت كل واحد بيعطى اكير قدر 19 أمبير همه مش محددين فى البروسيسور أنهى خط 1 وأنهى 2 وفى الكارت مش محددين هو تبع مين فيهم
ياريت لو تعرف طريقه تقولى عليها؟؟وألف شكر على مرورك
انا شغال على معالج 125 وات وشغال بالخطين ال 12 الخاصين بالمعالج
وفى كمان خطين 6 بن عشان كروت الجرافيك بس طبعا ال 4670 مش محتاج لان استهلاكه تحت ال 75 وات
وبالنسبة للنقطة اللى حضرتك ذكرتها فعلا لما جيت اركب الكابل ال 4 بن الاولانى ركبته بطريقة عشوائية مركبش فقمت جايب الطرف التانى فعلا ركب فى مكانه عادى جدا والطرف التانى برضه ركب فى مكانه التانى عادى.
رد: مراجعه شخصيه لباور HEC(Gamma) 450W
مبروك عليك الباور الجاما وانا عندى نفس النوع ب 600 وات
رد: مراجعه شخصيه لباور HEC(Gamma) 450W
اقتباس:
انا شغال على معالج 125 وات و. شغال بالخطين ال 12 الخاصين بالمعالج
وفى كمان خطين 6 بن عشان كروت الجرافيك بس طبعا ال 4670 مش محتاج لان استهلاكه تحت ال 75 وات
وبالنسبة للنقطة اللى حضرتك ذكرتها فعلا لما جيت اركب الكابل ال 4 بن الاولانى ركبته بطريقة عشوائية مركبش فقمت جايب الطرف التانى فعلا ركب فى مكانه عادى جدا والطرف التانى برضه ركب فى مكانه التانى عادى
المشلكه عندى ان البورده بتاخد 4 بن فقط والكابلين ممكن يركبم فكنت عايز أركب الخط التانى اللى مش عالى خط كارت الشاشه
رد: مراجعه شخصيه لباور HEC(Gamma) 450W
إزيك يا مصطفى , بصراحة التصوير تحفة وطريقتك في الطرح روعة :D
الف مبروك ولو انها جت متأخرة معلش .
تم قتل سمعة .
رد: مراجعه شخصيه لباور HEC(Gamma) 450W
اقتباس:
المشاركة الأصلية كتبت بواسطة Extreme2
إزيك يا مصطفى , بصراحة التصوير تحفة وطريقتك في الطرح روعة :D
الف مبروك ولو انها جت متأخرة معلش .
تم قتل سمعة .
أخ نواف انت تشرف فى أى وقت وأنا آسف جدا ان الموضوع باللغه العاميه بس أصلى كنت لسه جديد فى المنتدى أيامها وأنا يسعدنى فعلا ان أى شخص يعيد موضوع قديم ليا للحياه من جديد وكمان تقييم :Dده كرم كبير جدا
بارك الله فيك يا أخ نواف
رد: مراجعه شخصيه لباور HEC(Gamma) 450W
مبروك عليك الباور وربنا يبارلك فيه
موضوع جميل والاجمل طريقه طرحك ليه
رد: مراجعه شخصيه لباور HEC(Gamma) 450W
مبروك عليك وشكرا على المراجعة, بس كان لازم تصور صورة لل DC Output Specs زي ديه :
https://img831.imageshack.us/img831/9836/img3975c.jpg