فكره وياريت تعجبكم بخصوص ccnp
السلام عليكم اولا انا كتبت الموضوع ده لاسباب كتيره منها :
1-الكسل ربنا يبعد عندكم الكسل للناس اللى زى حالاتى بيذاكرو ccnp لوحدهم ساعات بيجلهم شويه كسل وممكن يقعد يوم او اتنين ميذاكرش حاجه
2- الاحباط بردو ربنا يبعده عنكم ممكن الواحد وهو بيذاكر وشغال تمام مش فى الايام اللى مكسل فيها والعميله حلاوه
يجى واحد ابن حلال يقولك سيسكو ايه ياعم اللى شغال دلوقتى هو الجرافك والتصميمات والشغل فيها على ودنه
ومراخيروه يهبطك وتقعد تفكر من جديد ياترى المجال ده كويس ولا اغيره وتبتدى تكتب اساله غريبه زى سيسكو
افضل ولا مايكروسوفت ولا الجرافك ولا علم النفس ولا الطب احسن ونلعب لعبه البيضه والفرخه والناس مشكوره ترد عليك:ah34:
3- ثالثا انا اعرف ناس غيرت المجال بتاعها اكتر من مره وبردو مفلحتش فى حاجه منهم
طيب كويس انا عارف بعد ده كله هتقولى روح اتعالج احسن هقولك لا اعذورنى وخليك معايا
كل الكلام اللى قلته والله حقيقى وبيحصل لكل الشباب فى كل ساعه ودقيقه انت عارف ليه علشان انت لوحدك
والمثل بيقول ايد لوحدها متسءفش مش عارف بتتكتب ازاى :D المهم لو انت مع جروب يعنى اصحابك مثلا 4 كمان
غيرك وقولتو يا معين وذاكرتو هتخلصو اسرع ما انت شغال لوحدك وهدفك هيفضل ثابت علشان كلكم مجتمعين
على هدف واحد لذلك قررت التالى انا لسه مخلص ccna وامتحنت كمان الحمد لله وخلصت شويه فى ccnp يلا نكون
جروب نعمل كل حاجه مع بعض من مذاكره تبادل معلومات تبادل ماتيريال وحتى ننزل مع بعض ندور على شغل
ونقدم cv مع بعض وده هيكون عن طريق الميل وممكن يكون على ارض الواقع وانا جاهز والشاى عليا:)طبعا لو
احنا سكنين قريب من بعض يلا ياشباب لو اجتمعنا مع بعض ممكن نعمل حاجه كويسه يعنى نكون مع بعض فصل
السسكاويه اللى عجباه الفكره يبعتلى على الخاص الاميل وانا هضيفه وربنا معانا كلنا بالتوفيق للكل واشكرك
استاذى احمد نبيل والمهندس ياسر ونفسى والله اشفهم على الطبيعه والسلام ختام
وياريت الاخوه الادامن يقولو لو ينفع اضع الاميل بتاعى ولا
رد: فكره وياريت تعجبكم بخصوص ccnp
الفكرة جميلة طبعا وانا معاك بس المشكلة هتبقي في الناس اللى ساكنة بعيد وهتبقي صعب انها تيجى وهو المكان فين بالظيط يعنى ممكن نتجمع مثلا في مكان معين زى ساقية الصاوى او رسالة ولا فين بالظبط وبعت لحضرتك الميل بتاعى وشكرا للفكرة.
رد: فكره وياريت تعجبكم بخصوص ccnp
يامسهل يارب اهى بدءت تندى يلا يا شباب . اخى الفاضل انا ضفتك عندى
خلى بالكم اول الناس اللى هتكلمنى ليهم مفاجاءه وهدايا :ah7:
رد: فكره وياريت تعجبكم بخصوص ccnp
ان شاء الله تتم علي خير يابشمهندس وانا متفاءل بأذن الله وعلي فكرة انا جبت معايا واحد كمان وممكن نجيب شباب تانى بس عايزين نعرف هو المكان هيبقي فين بالضبط يعنى هيببقي عند حد معين ولا احنا نختار المكان زى ساقية الصاوى او جمعية رسالة عايزين نعرف بس عشان نرتب ولو كده ان شاء الله نكمل اول مجموعة وجزاكم الله كل خير علي الفكرة الجميلة
رد: فكره وياريت تعجبكم بخصوص ccnp
والله فرحتنى انا كنت ناوى اعملها فى الساقيه انت سبقتنى زى ما انت قولت ممكن نعملها فى الساقيه او رساله احنا مش هنغلب يعنى طالما هدفنا واحد والله ينور على الشغل ايوه كده شوف اى حد ويشترك معانا ياراجل دا انا كنت خلاص هدخل مجال تصميم الويب :D بس يا شباب فينكم واحد بس اللى رد عليا يعنى عايزين تفهمونى انه الوحيد فى هذا المنتدى اللى بيذاكر ccnp حاليا مش معقول وبعدين حتى لو بتاخد كورس فى سينتر تعالى ونشجع بعض ولو فى حاجه مش فهمنها اشرحها لينا يا جماعه الخلاصه احنا عايزين نعمل ورشه عمل مع بعض ومش شرط نتقابل كل يوم
رد: فكره وياريت تعجبكم بخصوص ccnp
طيب انا لسه بدرس ف ccna ينفع اشترك معاكم
رد: فكره وياريت تعجبكم بخصوص ccnp
تشرفنا بوجودك معنا اكيد طبعا تشترك معنا وياريت كمان تاخد الفكره دى وتطرحها فى قسم ccna وهنساعدكم بالخبره اللى مرينا بيها والسلبيات والايجابيات
يلا ياشباب شدو حيلكم ان شاء الله هنكون فريق ضخم وانا عندى افكار تانيه كتير
رد: فكره وياريت تعجبكم بخصوص ccnp
رد: فكره وياريت تعجبكم بخصوص ccnp
ان شاء الله تتم علي خير وتكمل وانا معاك للاخر ياباشا
رد: فكره وياريت تعجبكم بخصوص ccnp
انا اسف انى اتاخرت بس انا شايف الموضوع لسه دلوقتى يا ريت تضيفونى معاكم ويا ريت يكون القاء اون لاين لانى مش ف القاهره وانا اخدت الكورس قبل كده بس لسه هبدا تانى معاكم وربنا الموافق
رد: فكره وياريت تعجبكم بخصوص ccnp
فكرة ممتازه جداً - لكن انا من السعودية بأدرس 640-802 ينفع اشترك معاكم يابشمهندسين؟
رد: فكره وياريت تعجبكم بخصوص ccnp
السلام عليكم بالنسبه للموضوع احنا لسه ما فيش حد بدء بسبب الظروف اللى فاتت وعادى لسه الباب مفتوح لاى حد من مصر او خارج مصر بس ياريت كل واحد يرسل الاميل بتاعه على الخاص عندى علشان نحدد عمليه التواصل هتكون ازاى ؟بالتوفيق للكل
رد: فكره وياريت تعجبكم بخصوص ccnp
ممكن يابشمهندس MD5*طريقة ارسال إيميلي على الخاص؟
رد: فكره وياريت تعجبكم بخصوص ccnp
اخى انا بالفعل ارسلت ليك اميلى على الخاص
رد: فكره وياريت تعجبكم بخصوص ccnp
وصلني وراح اتواصل معاك .... شكراً