رد: احداث يوم 10 - 2 - هنا تكتب الأخبار...
سافره ولكنها اشرف من رجال كثير
سافره ولكنها شهيده
سافره كلمه ممكن تكون صحيحه ولكن استخدامها الان في غير محله او وقته
ترحمو عليها يا اخي
ما الفرق بينكم وبين طلعت زكريا يقول ان الشبان في ا لميدان يزنون بلفتيات
خلاص اللي في الميدان قوم لوط وسادوم و عموريع
ربنا ينصرهم على كل ظالم اذا كان نظام او اهل يسيؤ ل ظن بهم او مزايدين على الدين
رد: احداث يوم 10 - 2 - هنا تكتب الأخبار...
معتصمو التحرير يستقبلون الأمطار والرعد والبرق بالدعاء
https://www.masrawy.com/News/Egypt/P...y/10/doaa.aspx
رد: احداث يوم 10 - 2 - هنا تكتب الأخبار...
الفرق مابين الثورة وما بعدها في كلمات مختصرة
قبل الثورة لما كنت تجيل سيرة اي حد من الناس اللي فوق كنت بتقابل أسود ايام حياتك بعدها
قبل الثورة ماكنتش تقدر تعدي من قدام اي قر للحزب الوطني ولا اقسام الشرطة وكنت عايش في رعب
قبل الثورة لما كنت تيجي تروح بالليل متاخر تلاقي نفسك خايف ان اي حد من الشرطة يوقفك ويقولك بطافتك ويقولك انا مشتبه فيك وعيش حياتك بقه
قبل الثورة كنت تشوف بلطجية الشرطة والمخبريين السريين وهما بيظلموك وانت واقف تتفرج ومش قادر تفتح بقك
قبل الثروة مكنتش تقدر تتهم اي حد من الناس اللي فوق بغنه ظالم ومفتري وبياخد حقك
بعد الثورة عكس جميع ماسبق
يبقى لازم نفوق بقه ونبطل ندور على سفاسف الامور ونبص للمطلب الرئيسي وبعدين نبقه ندور على الحاجات الصغيرة اللي مش عجباكم
رد: احداث يوم 10 - 2 - هنا تكتب الأخبار...
مسجل خطر بشبرا يضرب مخبراً بمطواه اعتراضا على تفتيشه
شهدت مدينة شبرا الخيمة حادثاً مأساوياً عندما انهال مسجل خطر على مخبر سرى بقسم ثانى شبرا الخيمة بالمطواه، وتركه غارقا فى دمائه، ولاذ بالفرار اعتراضا على تفتيشه أثناء مروره بالشارع.
تلقى العميد اللواء فاروق لاشين، مدير أمن القليوبية، إشارة من مستشفى ناصر العام بوصول رضا سيد مصطفى مخبر سرى مصابا بعدة طعنات وفى حالة خطرة نجحت تحريات رجال المباحث من تحديد شخصية المتهم الهارب وجارى ضبطه وإحضاره وأخطرت النيابة، فتولت التحقيق.
تعليقي :
الله يرحمك يا داخلية فين ايام لما المخبر كان بيتقالوا يا باشا والناس يبقى هاين عليها تبوس رجله عشان يكون رحيم معاهم
رد: احداث يوم 10 - 2 - هنا تكتب الأخبار...
منذ عدة ساعات وصورة الجزيرة لميدان التحرير يغلب عليها اللون الابيض هل ذلك نتيجة لتساقط الثلوج ؟
رد: احداث يوم 10 - 2 - هنا تكتب الأخبار...
آلاف من عمال المصانع الحربية يبدأون إضرابا مفتوحا عن العمل مطالبين برحيل مبارك ويقطعون طريق كورنيش النيل
الفين موظف بمدينه الانتاج الاعلامي يعتصمون و يطالبون بإقاله وزير الاعلام انس الفقي
اتساع الاحتجاجات في أسيوط لتشمل الجامعة وشركات الأدوية والغاز والكهرباء
حتى اللى مالهومش حق بيتكلمو...:rolleyes:
موظفي النقل العام بدأوا إضرابا أمس الأربعاء في ورش الأميرية ونزل رئيس الهيئة صلاح فرج قائلا لهم "كل واحد فيكم بياخد 1000 جنيه لو مش عاجبكم هاجيب نسوان يشغلوها" فقام بضربه قبل أن يبدأوا اليوم إضرابا شاملا وتتوقف كل أتوبيسات النقل العام في الجراجات
الف جنيه ومش عاجبهم...امال اللى بياخدو 400 جنيه هيعملوا ايه؟؟
يا رب عدى الغمة على خير :ah38:
رد: احداث يوم 10 - 2 - هنا تكتب الأخبار...
المناضل السياسي شكمان عبد الرحيم أيف شعبان عبد الرحيم يهدي الثورة اغنية وطنية
25 ميدان التحرير.. من اليوم هانعيش نفتكره كتير
عايزين بقى نفتكره بخير.. ونعيش ونفرح بالتغيير
يابرادعى ياللى مولعها.. كبر دماغك وسعها
كفاية العراق واللى عملتوه.. دى مصر مش هاتوقعها
شبابنا دا عاقل وكبير.. ياللى فى ميدان التحرير
العالم متربص بينا.. وشعبنا بقى وضعه خطير
عملتوا ثورة جميلة بجد.. بشكل حضارى معملوش حد
بس فى ناس بتقيد فى النار.. وعايزه اللى عملتوه يتهد
مشاكلكم هاتتحل قوام.. مفيش تانى مسئول هاينام
ارحموا مصر.. دا ربنا نفسه.. خلق الدنيا فى 6 أيام
وقفتكم فى ميدان التحرير.. خلت ناس تشمت وكتير
وناس ليها مصالح خاصة.. نطقت بعد ما كانوا صراصير
ثورتكم أهداف قوية.. عايزين عدالة وحرية
لما دخل بينكم الأحزاب.. قلبت بفوضى وهمجية
أهالينا كلها مخنوقة.. فرحتنا صبحت مسروقة
متسمعوش من حد غريب.. دى ناس دخيلة ومزقوقة
دى خطه قعدوا رسموها.. علشان بلدنا يهدوها
شوفوا الجزيرة بتعمل ايه.. بتساعد اللى بيدوها
قاعدين بيكبروا فى الحكايات.. وكل يوم فتنه واشاعات
متدهومش الفرصة كفاية.. دا الميدان مليان كاميرات
ثورتكم كانت ضوء أخضر.. أشرف من العملاء وأطهر
بلاش تمشوا ورا الكداب.. اسمعوا لشيخ الأزهر
https://www.youtube.com/watch?v=rvDl...layer_embedded
عشنا وشوفنا
أخي شلاع العتر
هذه خيم للنوم وليست ثلوج
رد: احداث يوم 10 - 2 - هنا تكتب الأخبار...
المشكلة انه غير اللحن بتاعو وحذف لزمته الشهيرة (ايييييييييييييييييييييييييييييييييه)
رد: احداث يوم 10 - 2 - هنا تكتب الأخبار...
اقتباس:
المشاركة الأصلية كتبت بواسطة JUBA
المشكلة انه غير اللحن بتاعو وحذف لزمته الشهيرة (ايييييييييييييييييييييييييييييييييه)
حتى شعبولا اتغير وحسنى زى م هو :D
رد: احداث يوم 10 - 2 - هنا تكتب الأخبار...
شعبولا هذا أحد أدوات النظام البائد لتغييب الشعب المصري فمن الطبيعي أن يقف مع النظام ضد الشعب
------------------------
شاهدت منذ قليل طلعت زكريا وهو يقول تخاريفه القذرة وأحب أقول له : ربنا يشفيك :rolleyes:
---------------------
اقتباس:
متظاهرو التحرير يطردون مصطفى الفقى من الميدان
تعرض الدكتور مصطفى الفقى رئيس لجنة العلاقات الخارجية بمجلس الشورى والمستقيل مؤخرا من الحزب الوطنى للطرد من ميدان التحرير من قبل المتظاهرين هناك.
سادت حالة من السخط العارم على الشباب المتظاهرين بميدان التحرير اليوم على خلفية الزيارة المفاجئة لعضو الحزب الوطنى المستقيل، وتعالت الأصوات بخروج الفقى من الميدان حيث اعتبره المتظاهرون ضمن أحد رموز النظام.
تذكر الشباب أقوال الفقى عن الرئيس مبارك وآراءه المؤيدة له حيث أعلن فى وقت سابق دعمه للرئيس مبارك فى الانتخابات وقال وقتها "يبقى قليل الأدب اللى يترشح ضد الرئيس مبارك لحكم مصر"، وهو ما دفع الفقى إلى مغادرة الميدان فى حماية الجيش وسط تهليل من الشباب وهتافات بسقوط النظام ورموزه.
مليون تحية للشباب الشريف المثقف الواعي الذكي
رد: احداث يوم 10 - 2 - هنا تكتب الأخبار...
اقتباس:
المشاركة الأصلية كتبت بواسطة ™Phantom
شاهدت منذ قليل طلعت زكريا وهو يقول تخاريفه القذرة وأحب أقول له : ربنا يشفيك :rolleyes:
وانا احب أقولك ليس على المجنون حرج
رد: احداث يوم 10 - 2 - هنا تكتب الأخبار...
و أنا أحب أقوله : أركن جنب الجركن يا طباخ الريّس :D
رد: احداث يوم 10 - 2 - هنا تكتب الأخبار...
اقتباس:
المشاركة الأصلية كتبت بواسطة ŤǾЯŊΛĐф
حتى شعبولا اتغير وحسنى زى م هو :D
توقيعك فيه صور مخالفة
رد: احداث يوم 10 - 2 - هنا تكتب الأخبار...
رد: احداث يوم 10 - 2 - هنا تكتب الأخبار...