رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
شكرا جزيلا على ردك يا استاذ Mezoxinبس والله انا كنت عايز اعرف انه مش معاد تصينعه ؟!
وانا فعلا كنت بفضل ال DELL ? وهل من كلامك افهم انا ال Lenovo مش كويس ؟! لان ال Lenovo G550 جهاز محترم اوى و امكانياته عاليه مقارنه بسعره ؟!
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
اقتباس:
المشاركة الأصلية كتبت بواسطة Mezoxin
tornado الجهاز بقالو معاك قد إيه
الجهاز بقالوا حوالى شهر بس هو عيبه الوحيد إن البطارية بتخلص بسرعة مبالغ فيها
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
اقتباس:
المشاركة الأصلية كتبت بواسطة hesham87
شكرا جزيلا على ردك يا استاذ Mezoxinبس والله انا كنت عايز اعرف انه مش معاد تصينعه ؟!
وانا فعلا كنت بفضل ال DELL ? وهل من كلامك افهم انا ال Lenovo مش كويس ؟! لان ال Lenovo G550 جهاز محترم اوى و امكانياته عاليه مقارنه بسعره ؟!
إشتري الجهاز من مكان محترم و إتأكد من وجود ستيكر الوكيل سواء bdl او quest
ال dell عامة أفضل منه وطالما مفيش فرق كبير في الإمكانيات يبقي ال Dell أفضل زائد ان الديل أفضل في سعر البيع في المستعمل
Tornado معظم الأجهزه عالية الأداء بطارياتها آخرها ساعه و نص
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
ASUS K61IC-A1 16-Inch Black
ممكن اعرف اللب ده رايكم فيه ايه؟ كمتخصصين ؟ وشكرااا لاني ناوي علي شراءه.:)
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
أنصحك تجيب ديل بإذن الله لأنه أفضل
و أنصحك تجيب
dell inspiron 1545 core 2 due
أو
dell inspiron 1564
الاجهزة المعاد تصنيعها بيبقى فى الغالب مكتوب عليها refurbished بس ممكن تكون مكتوبة بخط ضغير على الجنب مثلا
و أحسن لك تجيب الجهاز من مكان محترم أو من التوكيل أريح
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
اقتباس:
المشاركة الأصلية كتبت بواسطة Dr Mohammad
أنصحك تجيب ديل بإذن الله لأنه أفضل
و أنصحك تجيب
dell inspiron 1545 core 2 due
أو
dell inspiron 1564
الاجهزة المعاد تصنيعها بيبقى فى الغالب مكتوب عليها refurbished بس ممكن تكون مكتوبة بخط ضغير على الجنب مثلا
و أحسن لك تجيب الجهاز من مكان محترم أو من التوكيل أريح
شكرا علي الرد السريع بس الجهاز بتاعي بكام في مصر علشان انا مش متاكد من سعره.
و الجهازين بتوع حضرتك بكام؟وشكراا:)
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
جزاكم الله خيرا والله على المعلومات القيمه و ربنا يجزيكم خيرا ان شاء الله ... انا زى ما كنت قلت لحضرتكم ان انا فعلا بفضل ال DELL و بالمناسبه انا كنت محتاج اعرف عن DELL Inspiron 1564 انا سمعت ان الجهاز ده محترم اوى بس كنت محتاج اعرف ايه البرسسور بتاعه ؟ لان البرسسور بتاعه حاجه اسمها Intel Core i3 و كمان الرامات 2GB DDR3 اكون جزيل الشكر لو فهمت منكو مواصفاته ؟!
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
ال 1564 معالجه من فئة ال core Ix و الفئة دي احدث انتاجات انتل
و سعره في حدود 3600 جنيه
و ال 1545 سعره في حدود 3400-3500 جنيه لو كان بكارت شاشة مدمج
و 3900-4250 لو كان بكارت شاشة ATI منفصل
"هذه المشاركة بواسطة الهاتف الجوال"
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
السلام عليكم ورحمة لله وبركاته
مارايكم الجهاز ده
Dell vostro1015
pro:2.2 core2due 2m
4GRAM
HD:500
VIGA:512 ATI
السعر:4600
وهل اجهازة دل ظهرت فيها مشاكل ادت لانخافض سعره علما بأن نفس المواصفات كومبك زياده 1000 فى السعر
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
شكرا جزيلا يا استاذ محمد والله انا مش عارف من غير معلوماتكم كنت علمت ايه !
بس كنت عايز اسال عن موضوع الضمان ... هل BDL احسن ولا Quest بالنسبه للاجهزه ال DELL ?!
وشكرا مقدمـــــــــــــــــــــــا
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
ضمان الانسبايرون أفضل من الفوسترو
بس و الله مش فاكر هو أنهى واحد فيهم
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
بصراحه موضوع محترم ربنا يجزيك كل خير انا طلعت من الموضوع ده بان ان شاء الله هشترى الديل انسبايرون 1545ان شاء الله بكره وادعولى ربنا يكرمنى فيه وميكنش فى اى مشاكل " وشكراا لصاحب الموضوع وكل الناس الجميله الى نورت الموضوع بكلمها الجميل .
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
من حلاوه الموضوع نسيت انا كنت عايز اقول ايه .
المهم دلوقتى انا عندى كام استفسار بسيط؟
-الاب توب بيجى معاه اسطوانه تعريف المزربورد وجميع الكروت زى الكمبيوتر العادى يعنى ولا ايه ؟
- وفرضا انه مش معاه اسطوانه اصليه " فما العمل هل سوف استطيع تصطيب اى نظام تشغيل اكس بى مثلا برجاء التوضيح .
- وممكن توضيح موضوع الريكفرى
وشكرااا واسف على الاطاله .
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
بص ياباشا نصيحة هات ال 1546 أحسن لأن المعالج بتاعه أقوى و فيه منه موديل بكارت شاشة انتل و موديل بكارت منفصل
و بالنسبة للتعريفات فعلى حسب
فى شركات بتنزلها على اسطوانة و فى شركات بتطبق نظام الريكفرى و هو انك بتعمل نسخة كاملة من النظام على مجموعة اسطوانات و لما النظام يقع ترجع تستخدم الاسطوانات دى فيرجع النظام زى ماكان و على فكرة أغلب التعريفات بتيقى موجودة على النت
و على فكرة ويندوز 7 ما بيحتاجش تعريفات فى الغالب
و ماتنساش صلاة الاستخارة قبل ما تشترى الجهاز
رد: أفضل الحواسيب النقالة الموجودة في السوق المصري سعرا و أداء لشهر ديسمبر 2009
مشكور يا شباب علي كلامكم الجميل :)
أنا رايي مش حتفرق 1545 من 1564 , لإن في الحالتين سواء core2duo أو core i 3 الاثنين زي مابيقولوا overkill لاستخدامك , يعني مكفيين وزيادة , لإن جهاز زي ده حتجيبه للنت و ال office وال حاجات دي , فرأيي لو الفرق كبير مابينهم في السعر اشتري الارخص و خلاص