تعديل على مشتت thermaltake frio وتقليل الحرارة والصوت

الموضوع كما بالعنوان هو التعديل على مشتت frio
لقد لاحظت ارتفاع درجة الحرارة الى حد ما
و كمان صوت المراوح مزعج جدا وكلكم تعلمون
فقد قررت رفع كفاءة التبريد وايضا تقليل الصوت
الموضوع عبارة عن مرحلتين
المرحلة الاولى وهى خاصة بقاعدة المشتت
المرحلة الثانية و هى خاصة بالمروحة
نبدا على بركة الله
المرحلة الاولى
قررت ان اعيد تركيب المشتت و وضع المعجون من جديد لانى رأيت ان درجة الحرارة مرتفعة نسبيا
و المصادفة هى انى بعد ما فكيت المشتت وجدت المعجون سميك فى مناطق ومناطق اخرى ضعيف
و ضعت مسطرة حادة على قاعدة المشتت واكتشفت ان قاعدة المشتت غير مستوية
فقررت ان اعمل بها اصلاحات

المواد المستخدمة
1 - لوح زجاج
2- سنفرة دوكو بمقاسات 400 و 600 و 800 و 1000 و 2000 و 2500

اولا نقوم بلصق السنفرة على لوح الزجاج لانه اكثر شئ مستوى كما بالصورة

https://i51.tinypic.com/1iny54.jpg
مع وضع قليل من الماء ونقوم بمسك المشتت من فوق القاعدة ونبدأ التحريك فى اتجاه طولى

https://i55.tinypic.com/20ppvgi.jpg
و ديه صورة للقاعدة قبل العملية

https://i52.tinypic.com/2yx121k.jpg
و هنا بعد الانتهاء من اول مرحلة بعد استخدام سنفرة 400 ونلاحظ ازالة طبقة النيكل من منطقة المنتصف فقط وده دليل على عدم استواء القاعدة

https://i54.tinypic.com/ngbmus.jpg
و نستمر فى العمل وكل ربع ساعة نغير مقاس السنفرة
و هنا بعد العمل بسنفرة 600

https://i56.tinypic.com/t4xoqf.jpg
و هنا بعد المقاس 800

https://i54.tinypic.com/2ccxop4.jpg
و هنا بعد السنفرة 1000

https://i55.tinypic.com/n5rivt.jpg
و هنا بعد السنفرة 2000

https://i56.tinypic.com/33bzs61.jpg
و هذه هى النهاية بعد العمل بسنفرة 2500 مع وضع نقطة من زيت الطعام على السنفرة اثناء العمل

https://i51.tinypic.com/jregc3.jpg

و كدة انتهينا من المرحلة الاولى

اما المرحلة الثانية فهى عبار عن تغيير مراوح المشتت من مروحة بسرعة ثابتة او بمتحكم سرعة يدوى الى مروحة بمتحكم سرعة اُلى اى 4 pin
تم التجربة على مروحة واحدة وهى cooler master Excalibur اللى كانت موجودة فى السوق المصرى

https://i51.tinypic.com/290wn03.jpg
وديه صورة المشتت بالمروحة الجديدة

https://i54.tinypic.com/11t3035.jpg

و ديه درجات الحرارة قبل التعديل مع كسر السرعة الى 4 جيجا

https://i56.tinypic.com/2n9yoi1.jpg

و ديه درجات الحرارة بعد التعديل مع نفس الاعدادات

https://i54.tinypic.com/2rejpg7.png

النتيجة النهائية

درجة الحرارة قلت 6 درجات
اما الصوت فقد انخفض كثيرا لان المروحة لا تعمل بكامل طاقتها ال عند الضغط
سوف اقوم بتكرار التجربة مع تركيب مروحتين من نوع افضل

اتمنى ان تكون الفكرة لاقت اعجابكم و تكون فيها فائدة للجميع ان شاء الله

بعتذر عن جودة الصور لانها بكاميرا الموبايل

عمل رائع بسم الله ماشاء الله والنتيجة ممتازة .
شاهدت أيضا فيدوهات لسقل سطح المعالج وجعله كسطح المشتت لديك حاليا , لكن ذلك يلغي ضمانه ويحتاج لحذر شديد .

شغل ممتاز .. احيك عزيزي علي الفكرة

اقتباس:

---

المشاركة الأصلية كتبت بواسطة Extreme2

عمل رائع بسم الله ماشاء الله والنتيجة ممتازة .
شاهدت أيضا فيدوهات لسقل سطح المعالج وجعله كسطح المشتت لديك حاليا , لكن ذلك يلغي ضمانه ويحتاج لحذر شديد .

---

اظن ايضاً ان رامي Dantee007 شرح الطريقة هنا

شكرا اكستريم ان شاء الله هعمل المعالج
شكرا كربون انا شفت فعلا شرح قبل كدة بس انا اضفت فكرة المروحة للتخلص من الازعاج

ماشاء الله عليك :)، أحييك وأحييك جدّاً على هذه التجربة الناجحة، تقييم لك ولتجربتك المميّزة.

شكرا لمرورك الكريم وتقييمك للموضوع

والله فكرة رائعة و الأروع الابتكار في ادوات تنفيذ التجربة فالمواد المستخدمة غير مكلفة بالمرة
لكن عندي سؤال أود أن أطرحه
لدي المشتت Zalman CNPS10X Performa وأود ان اقوم بهذه العملية المبتكرة هل هذه العملية ستزيد من اداء المشتت أم لآ :confused:

لقد قمت بالعملية على المشتت لدي https://www.thermaltake.com/products...?id=C_00000691
و لاحظت تحسن بمقدار 2 الى 4 درجات
وهذا فقط بعشر ليرات سورية
شكراً على الموضوع القيم

تجربة مذهلة ... لاول وهلة قلت ده بيعمل ايه :D
بس بعد ما شفت سطح المشتت بعد سنفرة 2500 ! ماشاء الله :ah3:

التجربة رائعة ومميزة حقا وتستحق تقييما

تجربه رائعه جدا اشكرك عليها لقد فعلتها بنفسي وكانت ممتعه جدا ودخلت في طور المغامره ;) اتبعتها بسنفره بسيطه لمعالجي:ah1: ولقد نجحت التجربه لكلا المشتت والمعالج بتخفيض 4 درجات عن الاول

والان عندي درجات الحراره بالخمول كما سأضعها لك https://img13.imageshack.us/img13/8855/unledvc.jpg

وبالضغط لاتتجاوز ال61 مع العلم ان المعالج مكسور السرعه الى 4.35 بفولت 1.36 24\7

https://img715.imageshack.us/img715/729/undi.jpg
Uploaded with ImageShack.us

التجربة غير مكلفة بالمرة
فقط 20 جنيه مصرى او 3.5 دولار
و سوف يتم اضافة تجربة جديدة بتركيب مروحتين مع موصل مذدوج للمراوح 4 بن
مع مراوح بسرعات اعلى

تجربه ممتازه
ولكني فعلا إستغربت من تصنيع قاعدة المشتت
لأن هكذا عدم تساوي في القاعده يعتبر سوء تصنيع كبير جدا

لكن فعلا تجربه روعه
ولك مني أحلى تقييم

اغلب المشتتات لا تكون مستوية القاعدة
و انصح كل من يشترى مشتت ان يأخذ معه شئ حاد ومستو ويقوم باختبار قاعدة المشتت

تجربه ممتازه , تم ;) لك و للموضوع

افكر فى شراءه , مع شراء مروحتين aerocool shark بيتهيقلى ايه رأيك

الف شكر اخى العزيز
على التجربة
==
بس سؤال اخى ما دخل تسوية القاعدة للمشتت
بالصوت المزعج للمراوح الذى مع المشتت
هل لما قمت بتسوية القاعدة لة
هل هذا قلل من ضوضاء المرواح
===
وانا اشاهد انك قمت بتغير المراوح
يبقى تسوية القاعدة ليس لها دخل فى ضوضاء المشتت
ولكن لتحسين اداء التبريد
على العموم لك جزيل الشكر اخى العزيز

اقتباس:

---

المشاركة الأصلية كتبت بواسطة ZEX

تجربه ممتازه , تم ;) لك و للموضوع

افكر فى شراءه , مع شراء مروحتين aerocool shark بيتهيقلى ايه رأيك

---

اعتقد ان النوع ده من المراوح بموصل 3 بن مش 4 بن و تبقى المروحة اللى جاية مع المشتت افضل
اذا كنت تريد تغيير المراوح فكر فى مراوح بموصل 4 بن حتى تستفيد من خاصية smart fan اللى بتتحكم فى سرعة المروحة تلقائيا مع الحرارة

اقتباس:

---

المشاركة الأصلية كتبت بواسطة ayoub_bob

الف شكر اخى العزيز
على التجربة
==
بس سؤال اخى ما دخل تسوية القاعدة للمشتت
بالصوت المزعج للمراوح الذى مع المشتت
هل لما قمت بتسوية القاعدة لة
هل هذا قلل من ضوضاء المرواح
===
وانا اشاهد انك قمت بتغير المراوح
يبقى تسوية القاعدة ليس لها دخل فى ضوضاء المشتت
ولكن لتحسين اداء التبريد
على العموم لك جزيل الشكر اخى العزيز

---

لك كل الاحترام اخى
و انا هرد على سؤالك
الموضوع كان على مرحلتين مرحلة lapping او تنعيم قاعدة المشتت وديه كانت فايدتها ان الحرارة قلت بمقدار 5 درجات تقريبا و ده ملوش دعوة بالصوت

الجزء الثانى وهو تغيير المراوح هو اللى كان متعلق بالصوت
حيث تم تركيب مروحة بموصل 4 بن ليتم التحكم فى السرعة تلقائيا
وبالتالى المروحة مش هتشتغل باعلى سرعتها الا فى حالة الضغط و ارتفاع الحرارة لدرجة كبيرة
و تنخفض سرعتها فى حالة عدم الضغط وهنا صوتها مش هيبقى عالى الا فى حالة الضغط بس
اما الرموحة اللى بتيجى مع المعالج بتشتغل بسرعة واحدة و بنضطر نفتح الكيسة نزود او نخفض سرعة المروحة كل شوية و بتبقى المروحة صوتها على باستمرار

تسلم اخى الكريم
على الايضاح
ولك كل الشكر
بس بينى وبينك صوت مروحة مشتت V8
بصراحة لا تسمع صوت او ازعاج خالص

و انا بوعدك بمفجأة للمشتت frio غير مكلفة
انا بعمل على الموضوع حاليا وعندما انتهى سوف اطرحه فى المنتدى ليستفيد منه باقى الاعضاء

طب فى نظرك ايه افضل مراوح تنفع للمشتت تقدم على الاقل نفس الاداء مع صوت اقل , لأنى شايف ان aerocool shark افضل ما فى السوق

اقتباس:

---

المشاركة الأصلية كتبت بواسطة ZEX

طب فى نظرك ايه افضل مراوح تنفع للمشتت تقدم على الاقل نفس الاداء مع صوت اقل , لأنى شايف ان aerocool shark افضل ما فى السوق

---

اعتقد يا عزيزي ان اقرب معادله لذلك الصوت و الاداء حيكون في مرامح كولر ماستر Excalibur
اللي بتتباع اعتقد ب 100 جنيه على العموم انا موجودين عندي 2 2SickleFlow 120 2000 RPM Blue من زمان ولسه ما جربتهمش + ان ايضا عندي المروحه الاصليه بتاعت الكولر ماستر V8 اللي ب 4 بن بس المشكله محتاج شوية وقت لعمل كل هذه التجارب

المهم اننا نحاول اختيار اعلى CFM مقابل اقل عدد لفات RPM تلافيا للازعاج

كما قال الاخ mahdi611
و انا بستخدم مروحة كولر ماستر excalibur لانها اللى موجودة فى مصر بموصل 4 بن
و ان شاء الله قريب هجيب مروحتين من نوع افضل بموصل مذدوج 4 بن
و هنشوف النتائج

اقتباس:

---

المشاركة الأصلية كتبت بواسطة Ahmed_elbrbry

كما قال الاخ mahdi611
و انا بستخدم مروحة كولر ماستر excalibur لانها اللى موجودة فى مصر بموصل 4 بن
و ان شاء الله قريب هجيب مروحتين من نوع افضل بموصل مذدوج 4 بن
و هنشوف النتائج

---

منتظر تجربتك على أحر من الجمر

اقتباس:

---

المشاركة الأصلية كتبت بواسطة ZEX

منتظر تجربتك على أحر من الجمر

---

و انا ميخلصنيش يا باشا انك تنتظر كتير
ان شاء الله انا طلبت المراوح من بره
اول ما توصل هنضع التجربة ان شاء الله

على فكرة انا لفيت على الصنفرة دى لحد ما لغيت الفكرة خالص
اخر حاجة موجودة هنا هى ال 1000

انت كنت قولت ان الصنفرة انت جايبها من شركة كيماويات البناء الحديث
هى ملهاش فروع تانية !!

انت فى انهى منطقة يعنى القاهرة والا الاسكندرية

ايه الاخبار , انا اشتريت المشتت و هخلص ان شاء الله الامتحانات و هبدأ اظبط المشتت صنفره
المراوح الى كنت قولت عاليها نوعها ايه , عشان ناوى اشترى حجات من الخارج و اجيبها بالمره

^^
هيه مشكلة الصنفرة موجودة بكل مشتتات thermaltake frio ولا ايه ؟؟

انا معرفش , هو المشتت عندى محتاج صنفره و لا لأ :confused:
اعرف ازاى

حط مسطرة عالمشتت مثل ما ذكر الأخ صاحب الموضوع وشوف هل حفة المسطرة ملامسة لقاعدة المشتت من أولها لآخرها ولا لأ.

اقتباس:

---

المشاركة الأصلية كتبت بواسطة ZEX

ايه الاخبار , انا اشتريت المشتت و هخلص ان شاء الله الامتحانات و هبدأ اظبط المشتت صنفره


المراوح الى كنت قولت عاليها نوعها ايه , عشان ناوى اشترى حجات من الخارج و اجيبها بالمره

---

اذا كان المشتت محتاج لعملية lapping قم بالعملية
لا تقم بالعملية الا اذا قمت باختبار الاستواء لقاعدة المشتت
و ذلك باستخدام مسطرة - سلاح القطر - شفرة الحلاقة ( موس )
و قم بوضعه على قاعدة المشتت
اذا ان التلامس بين الاداة المستخدمة وقاعدة المشتت فى كل المناطق يبقى مش محتاج lapping
اما لو رايت تلامس تام فى جزء وجزء اخر غير متلامس اذا انت محتاج لهذه العملية

و بالنسبة للمراوح

لو هتجيب من الخارج
ارشحلك هذه المروحة cooler master xtraflo

https://www.coolermaster.com/upload/....jpg?879144280


لو هتجيب اثنين هات معاهم Y splitter

https://www.frostytech.com/ArticleIm...GelidCable.jpg

و عمل موفق ان شاء الله

اقتباس:

---

المشاركة الأصلية كتبت بواسطة alayoubi

^^
هيه مشكلة الصنفرة موجودة بكل مشتتات thermaltake frio ولا ايه ؟؟

---

انا لما اشتريت المشتت
وجدت نسبة نعومة القاعدة قليلة جدا

انظر حضرتك لهذه الصورة ستجد خطوط دائرية ناتجة من الالة المستخدمة فى قطع المعدن

https://www.xbitlabs.com/images/cool...io_q_small.jpg

ما رأيك فى تلك المراوح

https://www.newegg.com/Product/Produ...82E16835233084
https://www.newegg.com/Product/Produ...82E16835185060

المراوح اللى جاية مع المشتت افضل منها

الهدف من تغيير المروحة

ليس لقوة المروحة ( مراوح المشتت ممتازة من ناحية القوة )
لكن الهدف كان لتقليل الصوت
يعنى اجيب مروحة PWM يعنى PIN 4 وبذلك لا تعمل المروحة بكامل قوتها الا اثناء الضغط الكامل
و تقل سرعتها عند الخمول
يعنى صوتها هيكون قليل بنسبة 75 % من مدة تشغيل الجهاز
لذلك اذا كنت تريد تغيير المراوح عليك بمراوح PWM

شكرااا على المعلومات يا احمد باشا

اقتباس:

---

المشاركة الأصلية كتبت بواسطة ZEX

شكرااا على المعلومات يا احمد باشا

---

ربنا يكرمك