هل يمكن بأي حال من الأحوال أن أقوم بتغيير قناة الرسيفر عن طريق الـTV Card ??

السلام عليكم ورحمة الله وبركاته...أما بعد

أخواني الكرام...حياكم الله
أنا عندي استفسار أو فكرة..لو تحصل راح تكون معجزة...
وأنا ودي اسال عن امكانية حدوثها...والفكرة كالتالي:


أنا شريت قبل مدة TV Card هو:
MSI releases TV@nywhere tuner card
https://www.earthv.com/images/060603_msi_tvanywhere.jpg
وبالفعل كرت جبار بكل ماتحويه الكلمة من معنى انصح به كل واحد يفكر يشتري كرت تلفزيون!!
طبعا عمل الكرت هو التسجيل من التلفزيون او الرسيفر او الفيديو...الخ!
راجع الرابط التالي:
https://www.earthv.com/articles.asp?ArticleID=1461
وأنا اللي ابغاه هو:


أنا غالبا ما اترك الرسيفر شغال واروح واترك الكمبيوتر يسجل من التلفزيون عن طريق الكرت!
لكن افرض اني ابغى اسجل من قناتين...يعني من الساعة 4 الى 5 من القناة رقم 1...
ومن الساعة 7 الى 9 يسجل من القناة 7...
أنا اللي ابغاه هو طريقة تغيير القناة عن طريق الكرت..."طبعا قناة الرسيفر"
هل هذا ممكن؟
أنا موجود عندي كتيب بتاع الكرت...يقول لي تقدر ولكن ذكر حسب الدولة او شي زي كذا (مااااااني متاكد)
حتى انه في البرنامج المرفق مع الكرت اللي استخدمه للتسجيل...يوجد خيار تغيير القناة!!!

والغريب والعجيب أنه يوجد طبعا طريقة اني اجعل الكرت يسجل في اوقات معينة...صح؟
عندما اذهب لخبار التسجيل في اوقات معينة...يقول لي اي منفذ راح تسجل منه؟ (حيث يوجد ثلاث منافذ في الكرت)
اذا اخترت منفذ S-Video خلاص يمشي عادي اكمل متى ابغى اسجل...
اذا اخترت منفذ (ناسي اسم المنفذ ولكن المنفذ هذا هو بتاع الالوان الاصفر والاحمر والابيض) يمشي عادي ويطلب من وقت التسجيل...
أماااااااااااا اذا اخترت التسجيل عن طريق المنفذ (TV) تنفتح لي خانة بالاسفل يقول لي اختر القناة اللي تبغى تسجل منها!!!!!!!!!!!!
انا هذا اللي ابغاه كيف اقدر احدد القناة اللي ابغى اسجل منها...
بمعنى اصح كيف استطيع استخدام منفذ TV???


علما انه يوجد في اعدادات البرنامج خيار البحث عن القنوات (Search Channel)...
ولكن انا ماني عارف كيف اركب اسلاك التوصيل او الاسلاك الخاصة بهذا المنفذ...
فودنا نقولون لنا الطريقة اذا امكن...


واعذرونا على تطويل الموضوع ولكن كان ودي اشرح المشكلة شرح تفصيلي...
شاكرا لكم تعاونكم
أخوكم طالب الخبرة

وعليكم السلام ورحمه الله وبركاته


(Search Channel)... يبحث عن القنوات الي على الاريل او الشبكه .


انت قاعد تسجل عن طريق TV IN .

والخيار الي يقولك تحديد القناه انت بعد ما تشبكها بلأريل وتبحث بتطلعلك قنوات تحدد الي راح تسجل منها .


----------------------------------

عندي سؤال / بغيت اشتري كرت فيه In , Out اقدر اسجل منه وشلون التسجيل بيطلع ok
مثلاً كرت Msi FX5200 TV In-Out 128 MB


وبالتوفيق......

السلام عليكم ورحمة الله وبركاته..أما بعد

حياك الله أخوي Fx7....
أخوي الكريم يعني مافيه اي طريقة استطيع ان اغير فيها قنوات الرسيفر في اوقات محددة؟؟
طيب هل تعرف اي ريموت خاص يقوم بتغيير القنوات في اوقات معينة؟؟

أما بالنسبة للـMsi FX5200 TV In-Out 128 MB...
أنا في الحقيقة ماجربت الكرت ولا اعلم عنه شيء..
ولكن ودي اقول لك شي استفدته من خلال المدة اللي متواجد فيها في هذا المنتدى...
وهو اذا تبغى تحول اللي تسجله لفيديو سيدي راح يطلع التسجيل كويس غالبا..
لأن التسجيل للفيديو سيدي (MPEG - 1) يستخدم الدقة 240×320 كاقصى حد!!
وهذي اغلب الكروت ان لم يكن جميعها يعمل بهذي الجودة واعلى...
اما بالنسبة لجودة التسجيل حيث تتحرك بسلاسة وغيرها...فهذا يعتمد على كرت الشاشة...وانت راح تشتري كرت شاشة قوي مرفق معاه التسجيل من التلفزيون...يعني راح يطلع التسجيل اخر حلاوة...

وعلى فكرة يالغالي بالله كم سعر الكرت Msi FX5200 TV In-Out 128 MB؟؟

شاكرا لك تعاونك يالغالي
أخوك طالب الخبرة

انا كنت اتسأل اذا كان بيسجل بتنيه ديفكس Divx


وسعر الكرت 550 ريال سعودي

السلام عليكم ورحمة الله وبركاته...أما بعد

حياك الله أخوي Fx7...
أخوي الكريم انا ما عندي خخلفية عن الكرت...
ولكن ممكن تبحث على النت وتلقى معلومات ممكن تفيدك...
أما بالنسبة لتقنية Divx..انا ما ادي اذا يقدر يسجل بهذي الجودة ولا لا!!
علما ان الكرت بتاعي يسجل بجودة الدي في دي!!!

أخوك طالب الخبرة

السلام عليكم

الاخ طالب الخبرة

بودي ان شاء الله ان اشتري كارت التلفزيون نفسها التي عندك, واتسال هل الصورة واضحة , عند العرض ؟ وعند التسجيل؟؟؟ هل ممكن ربط دجتال معه ؟ وهل جربته وكيف الصورة من الدجتال عند العرض والتسجيل؟؟

اكون شاكرا لو تكرمت بالايضاح

جزاكم الله الخير

السلام عليكم ورحمة الله بركاته...أما بعد

حياك الله أخوي الكريمdata...ايش الاخبار؟؟
أخوي الكريم مهما مدحت هذا الكرت ماراح اوفيه حقه!!
أنا زمان قبل ما اشتريه كنت احاول اسال مثل اسالتك يالغالي وكنت انتظر جواب من اللي سبق واستخدموا الكرت..ولكن (وللاسف) لم ار اي واحد سبق وجرب الكرت ابدا!!
فجازفت وشريت الكرت...
وكان الكرت هذا معجزة...جبار بعمنى الكلمة...قوي في تسجيل الصورة والصوت لابعد الحدود...
علما انه يوجد به 3 منافذ ممكن تدخل منها الصورة ومنفذ للصوت...
أما بالنسبة للجودة...أنا متعود اسجل من الرسيفر عندي (علما ان الكرت هذا هو كرت تلفزيون..يعني ماتقدر توصل من الدش توصله للكمبيوتر...لازم يكون فيه سيرفر للربط بين الدش والكمبيوتر)
يعني تقدر تسجل من الرسيفر او الفيديو او المسجل او اي شي!!!
وأنا حاليا اسجل بأسسوا جودة موجودة بالكرت...طيب برأيكك ماهي أسوا جودة؟؟؟
أسوا جودة في الكرت واللي اسجل فيها هي جودة VCD!!!!!!!!!!!!
يعني تعرف افلام الفيديو سيدي؟؟؟ هذا الكرت ادنى جودة به هو التسجيل بجودة الفيديو سيدي!!!
حتى انه يستطيع التسجيل بجودة الدي في دي!!!

لماذا اسجل بجودة الفيديو سيدي؟؟
لأنه انا عندي كرت شاشة سيء جدا!!!
فاذا سجلت بجودة عالية راح تحس الصورةماهي سلسة!!!
فجربت التسجيل بالفيديو سيدي والجودة اخر حلاوة...
الصورة سلسة مثل التلفزيون تمااااااما...
والجودة مرة حلوة يعني تقريبا مثل التلفزيون...
اقصد تقريبا مثل التلفزيون يعني مثلا لو عندك فيلم دي في دي وفيديو سيدي..ايش الفرق؟؟
راح يكون فيه اختلاف!!!
لكن التسجيل مع هذا الكرت بجودة الفيديو سيدي تطلع مثل التلفزيون!!!

والحجم الناتج يكون مناسب جدا!!!
حيث معروف ان التسجيل بجودة الدي في دي الساعة تاخذ 3 جيجا تقريبا (لاحظ جيجا)
أما بالنسبة للتسجيل فيديو سيدي مع هذا الكرت فالساعة تاخذ 600 ميجا فقط!!!
انا عندي هارد ديسك شاريه مخصوص لهذا الكرت حجمه 80 جيجا...
اقدر اسجل عليه مدة 133 ساعة من التلفزيون!!!!!!!

طبعا هذا كله مع ان الكرت عندي بتاع الشاشة سيء لابعد الحدود...يعني جاي مع جهاز قديييييم سرعة 500 ايام زمان!!
انا اطور جهازي من فترة لاخرى...ولكن لم اهتم لكرت الشاشة...وباقي عندي الكرت بتاع اول جهاز شريته...
ومع كذا!! الكرت يسجل بصورة اااخر حلاوة...

أنصحك به يالغالي وبكل واحد وده يشتري كرت تلفزيون!!!

وأنا مالقيته الا في محل واحد في الرياض...
وهو محل اكسترا...موجود بسعر 357 ريال سعودي!!
علما ان اخر زيارة لي لمحل كسترا لم اجد الكرت...يمكن لاني لم ابحث جيدا!!

ومعليش طولنا في الموضوع..
وحنا في الخدمة
أخوك طالب الخبرة

على فكرة أخوي data...
أنت حاط في توقيعك صورة للماذربورد بتاعتك..صح؟
بالله ودي اسال وش مواصفاتها لأنه شكلها قوية بس ماقدر اقرا كل اللي مكتوبة على العلبة اللي في الصورة بتوقيعك!!!
وكم سعرها تقريبا ...
أخوك طالب الخبرة

السلام عليكم

اخي طالب الخبرة العزيز

جزاك الله الخير وبارك فيك على الرد الجميل والشرح الوافي الكافي , لكن شئ انا لم افهمه بعد وهو الدش ,ماذا تعني به وكذلك رسيفر؟؟؟؟ اعذرني اخي لان الالفاظ العامية تختلف عدنا من عندكم,,, انا الذي اريده ان اسجل بعض البرامج من القنوات الفضائية بمعنى اني استخدم الدجتال لاستقبال القنوات الفضائية,فهل الدش هي الدجتال ؟؟ام الرسيفر هي الدجتال؟؟ لانه التلفزيون عدنا لايوجد فيها برامج مفيدة.وبمعنى هل انت تسجل من التلفزيون ام من القنوات الفضائية عبر الدجتال ؟؟

فهل استطيع ان اسجل من الدجتال؟؟؟؟

اما بالنسبة للوحة الام التي عندي وكما في الصورة فهي حقا ممتازة وميزاتها جدا رائعة ومنها:::
تدعم معالجات amd athlon xp لحد 3200+ وناقل امامي 400 ,,, يوجد فيها تقنية الساتا والرايد ويوجد فيها مخارج الفاير وار وusb 2.0 كما انها تدعم agp 8x بالاضافة الى تقنية الصوت dolby
وتقنية dual ram .
وفيها ميزة التحديث التلقائي بواسطة الانترنيت للبيوس وللدريفرات الخاصة بلوحة الام واشياء اخرى اذا اردت ان اشرحها لك اخي الفاضل .

سعلرها حوالي الان 140 دولار ,لكنها تسوى .

وبالنسبة لسعر كارت التلفزيون الماستر فحوالي 63 دولار.


جزاكم الله الخير

السلام عليكم ورحمة الله وبركاته...أما بعد

حياك الله اخوي الكريم data...ايش الاخبار؟؟
أخوي الكريم...اعذرني اذا تكلمت بالفاظ عامية..ولكن هذا معناها المتعارف عليه عندنا في السعودية!!
على العموم سوف احاول اشرح لك المقصود...
المقصود بالـ"الدش"..هو الطبق الفضائي الذي يوضع اعلى المنزل او اعلى البناية...
المقصود بالـ"رسيفر" هو الجهاز اللي يعرض لك القنوات الفضائي بعد توصيل بالطبق الفضائي...
يعني انت اللي داخل البيت عندك راح يكون الرسيفر..."واظن انه هو الديجيتال عندكم"..

اما شغلة التسجيل هذي ولا ابسط!!
انت الحين لو ودك تسجل برنامج من البرامج اللي تعرض على القنوات الفضائية...
وودك تسجله على الفيديو العادي..وش تسوي؟؟
تروح توصل الاسلاك الموجودة خلف الديجيتال والتي تكون غالبا ثلاثة الوان (اصفر وابيض وحمر)...وتوصلها الى الفيديو العادي...حيث تستطيع التسجيل عليه!!!

الكمبيوتر نفس السالفة ونفس الفكرة..يوجد فتحتا في الكرت لكي تقوم بتوصيل الاسلاك من الديجيتال او الفيديو او التلفزيون نفسه او كاميرا وغيرها...وتوصلها للكمبيوتر (للكرت) بشكل بسيط وسلس...
وتطلع لك الصورة على الجهاز او البرنامج...تستطيع مشاهدة البرنامج على الجهاز وتسجيله ايضا بكل بساطة وبجودة عالية...

وماشاء الله الكرت عندك جبار بتاع الشاشة...فان شاء الله حتى اعلى جودات التسجيل ماراح تصعب ابدا على الكرت بتاعك!!!

واي استفسار او نقص في الشرح انا حاضر..
وحنا في الخدمة
أخوك طالب الخبرة

السلام عليكم

اخي الفاضل طالب الخبرة

بارك الله فيك وجزاك الله عني الخير ,الحمدلله الان اطمأننت انه استطيع ان اسجل من الدجتال او الرسيفر بواسطة الكارت وباذن الله تعالى ساقوم بشرائه قريبا وعندهال ساعطيك الخبر .

شكرا لك على التواصل وعلى المساعدة

والسلام عليكم

مايل للوحه الي عندك محتار بينها وبين
GA-7n400 pro
وكرت التلفزيون اوصل سلك الدش مباشره ولا لازم رسبفر
وممكن استقبل انترنت ولا كروت خاصه لازم
وشكرا
بــــــــــــــــــــــــــــــــــــــــــاي

السلام عليكم ورحمة الله وبركاته..أما بعد

أهلين أخوي data...ايش الاخبار؟؟
أخوي الكريم بالتوفيق ان شاء الله وانا مستعد لاي سؤال بخصوص الكرت انا حاضر...

أخوي الكريم madman...حياك الله
أخوي تستطيع التسجيل عن طريق الرسيفر او الفيديو او التلفزيون او الكاميرا..الخ!
لايمكنك استخدام الكرتMSI releases TV@nywhere tuner card بتوصيله عن طريق الدش مباشرة!!! لا بد من وجود رسيفر لذلك!!!
أما الانترنت لا لا تستطيع بهذا الكرت!!

وحنا في الخدمة
أخوكم طالب الخبرة

بالنسبه للكرت فهو موجود عندنا بالخبر بسعر 230 ريال

السلام عليكم
زباين هذا الكرت كثروا في المنتدى
الحمد لله اشتريته اليوم , أخذته بما يقارب 200 ريال واصدارة Master كمان
بس تعرف , انت عــــــــــز الطلب جزاك الله خير على هذا الشرح
بس وأنا اخوك للآن ما ركبته ولا داري ايش بسوي فيه , ياليت أعرف أي منفذ في الرسيفر أستخدم لأنه في منافذ كثيرة
ولاحظت الرسيفر مافيه منفذ S video , طيب ما ننفع نشبك الكرت مع التلفزيون ؟ والتلفزين طبعا مشبوك مع الرسيفر