حمد وثناء ...... شكر وتقدير ..... وعرفان بالجميل
السلام عليكم ورحمة الله وبركاته
الحمد الله أولا وآخرا له الحمد علي نعمه التي لاتحصى
بتوفيق الله .... نجحت في شهادة CCNA يوم 1-4-2009 بعد تعب وجهد طويل وتوفيق من الله أولا وآخرا
وهنا فعلا أريد أن اسجل شكر وتقدير من باب قول النبي صلي الله عليه وسلم في الحديث الذي رواه النعمان بن بشير "من لم يشكر القليل لم يشكر الكثير ، و من لم يشكر الناس ، لم يشكر الله ، و التحدث بنعمة الله شكر ، وتركها كفر ، و الجماعة رحمة ، و الفرقة عذاب" حسنه الألباني
فبداية أشكر هذا المنتدي الرائع المبارك بإذن الله تعالى وأشكر كل القائمين عليه ومن عاون على تطويره
وأخص بالشكر :
أولا أستاذي ومعلمي الفاضل لومارك زاده الله علما وتوفيقا ورشادا وأدبا علي هذه الدروس الرائعة في برنامج Dynamips وخصوصا أول حلقه التي سمعتها أكثر من مرة فكانت والله تزيد من عزيمتي وشعرت من كلامه بمدي حمله لهم إخوانه الطلاب وحبه في رفع مستوي إخوانه وجهده المبارك في هذا الباب وأشكره أيضا علي أدبه وأخلاقه الجميله ... نحسبه كذلك ولا نزكي علي الله أحدا
ثانيا أستاذي وأخي الحبيب محمد سمير - معلشي بس أنا فعلا شعرت اننا أصحاب دا إذا سمحت لي - علي سلسلة الدروس الجميلة في شرحه CCNA التي فعلا عشت معها وشدني أيضا لهذه الدروس سلاسة وجمال الأسلوب وتعليقاته الجميلة وكانت بفضل الله عونا كبيرا لي علي المضي قدما في المنهج واستفدت كثيرا من حلقات Lab فجزاك الله عني خيرا..... نحسبه كذلك ولا نزكي علي الله أحدا
وثالثا أشكر استاذنا الفاضل محمد عزت فقد إستفدت منه كثيرا ايضا في باقي المنهج بعد جزءالمهندس محمد سمير ربنا يعينه ويكمل هذا الشرح الفريد
وأخيرا أشكر كل إخواني الذين لم اتشرف بسماع دروسهم ولكن يبدو من تعليقات الأعضاء مدى جمال وقوة هذه الحلقات
وهذه من أوائل مشاركاتي في المنتدي وكنت قد أمسكت عن المشاركة حتى أجتاز الإختبار وأكون علي الأقل بمستوى أقل عضو حتى يحق لي ان اتكلم في هذا المنتدى المحترم
وأشد علي أيدي إخواني المشرفين بالإرتقاء بمستوى هذا المنتدي أكثر وأكثر فهو فعلا حبة مباركة تحتاج إلي تعهد ورعايه وربنا يوفق الجميع لكل خير ونجاح
وعقبال كل اللي لسه مدخلوش الإمتحان ربنا يكرمهم ويفرحونا كده
في منتدانا الجميل ده
صحيح أحب أنبه الناس اللي داخله الإمتحان وهيه بتحجز في عرض cisco منزلاه وهو comeback2009 للي لم يوفق من أول مرة ممكن فرصة اعاده مجانيه وهو بيحجز علي موقع www.vue.com في حاجة اسمها Promotion Code يدخل فيها comeback2009 وان شاء الله محدش يحتاجها أصلا ويكرم الجميع من أول مرة الموضوع مجود بتفصي أكثر علي المنتدي
وربنا مع الجميع شدو حيلكم ياشباب علي فكره شعور النجاح جميل جدا ربنا يكرمكم ان شاء الله وتفرحونا هنا في المنتدى يلا انا مستنيكم ونكون كده كلنا CCIE بركة مجهود الموقع دا اللي والله الواحد بيدعيلو من كل قلبه ولكل العاملين عليه حاجه فعلا تشرف
وأنا تحت أمر اي حد محتاج مني مساعدة ولو اني مينفعش أتكلم في وجود الناس المحترمة دي
أسير خلف ركاب النجب ذا عرج ....... مؤملا كشف ما لا قيت من عوج
فإن لحقت بهم من بعد ما سبقوا ....... فكم لرب الورى في ذاك من فرج
و إن بقيت بظهر الأرض منقطعا .......فما على أعرج في ذاك من حرج
رد: حمد وثناء ...... شكر وتقدير
مبروك أخي الكريم أدعو لي...
أريد أن أسألك سؤال طبعاً لاتفهم سؤالي بأنني أستهين بالمهندس محمد سمير لا والله ولكن فقط حتى لا أتشعب في الدروس
هل دروس المهندس محمد سمير تشمل كل الماده لأنني مبتديء وماذا تنصحني أن أقرأ مع مادة استاذنا الكبير محمد سمير
فلقد وصلت password recovery
أدعو لي باجتياز الامتحان
رد: حمد وثناء ...... شكر وتقدير
الف مبروك اخى الكريم واتمنى من الله التقدم لنا جميعا وكل العرب والمسلمين
وقول للاخ اللى بيسأل على الفيدوهات لازم تشاهد كل الشروحات لان كل واحد له اسلوب مختلف ومع اختلاف الاساليب تأكد انك انت الفائز فى جمع معلومات كثيرة من كل محاضر
رد: حمد وثناء ...... شكر وتقدير
مبرووووووك وربنا يوفقك كمان
رد: حمد وثناء ...... شكر وتقدير
ألف مبرووووووك و عقبال CCNP
رد: حمد وثناء ...... شكر وتقدير
الف مبروك يا أخى
ربنا يكرمك بسغل محترم بهذه الشهاده
زادك الله من علمه
وعقبالى وعقبال كل اللى بيدرسها
ادعيلى الله يباركلك انى اكمل الكورس ده على خير
رد: حمد وثناء ...... شكر وتقدير
الله يبارك فيكم يا جماعة وألف شكر وعقبال كل الناس اللي لسه مدخلتش ........ وانا كان نفس أكتب الموضوع في جزء التبريكات بس لقيته مغلق ...... وربنا يوفق الجميع
رد: حمد وثناء ...... شكر وتقدير
انا بعتلك رسالة على الخاص... ارجو الرد
رد: حمد وثناء ...... شكر وتقدير
1000 مبروك يا اخي و بالتوفيق في القادم .
رد: حمد وثناء ...... شكر وتقدير
ممكن حضرتك تقولنا امتحنت فين ودفعت كام
ايه اللى عملتوا بالظبط عشان تمتحن
وياريت عنوان المركز اللى امتحنت فيه ازاى اوصله
عشان انا بره القاهره
وربنا يوفقك
رد: حمد وثناء ...... شكر وتقدير
ألف شكر للجميع
بالنسبة لموضوع إمتحنت فين أنا من المنصورة وامتحنت في مركز YAT أمام مستشفى الجامعة
موضوع دفعت كام انا دفعت من خلال واحد صاحبي كان معاه Voucher ودي بيبقى ليها تخفيض فكان سعر الإمتحان 850 جنيه مصري وأظن من غير Voucher بتكون جوالي 1000 جنيه مصري هي أصلا 123 جنيه استرليني
بص في موقع www.vue.com مكن تدخل تسجل فيه ومن خلاله تعرف أقرب مكان ممكن تمتحن فيه والمواعيد المتاحة
ولو في أي استفسار انا تحت أمر الجميع وربنا معاكم ويوفق الجميع
رد: حمد وثناء ...... شكر وتقدير
يا جماعة صحيح أحب أنبه الناس اللي داخله الإمتحان وهيه بتحجز في عرض cisco منزلاه وهو comeback2009 للي لم يوفق من أول مرة ممكن فرصة اعاده مجانيه وهو بيحجز علي موقع www.vue.com في حاجة اسمها Promotion Code يدخل فيها comeback2009 وان شاء الله محدش يحتاجها أصلا ويكرم الجميع من أول مرة الموضوع مجود بتفصي أكثر علي المنتدي
https://www.arabhardware.net/forum/s...d.php?t=113244
www.vue.com/cisco/comeback2009/
وربنا مع الجميع شدو حيلكم ياشباب علي فكره شعور النجاح جميل جدا ربنا يكرمكم ان شاء الله وتفرحونا هنا في المنتدى يلا انا مستنيكم ونكون كده كلنا CCIE بركة مجهود الموقع دا اللي والله الواحد بيدعيلو من كل قلبه ولكل العاملين عليه حاجه فعلا تشرف
أسير خلف ركاب النجب ذا عرج ....... مؤملا كشف ما لا قيت من عوج
فإن لحقت بهم من بعد ما سبقوا ....... فكم لرب الورى في ذاك من فرج
و إن بقيت بظهر الأرض منقطعا .......فما على أعرج في ذاك من حرج
رد: حمد وثناء ...... شكر وتقدير
جزاك الله خيرا يا اخى الفاضل
رد: حمد وثناء ...... شكر وتقدير
الف مبرووووووووووك أخي الكريم و بالتوفيق و التقدم دائما
رد: حمد وثناء ...... شكر وتقدير
الف مبروك اخى فى الله وربنا يوفقك ديما
ممكن بس تقولنا انتا ذاكرت من ايه بالضبط يعنى شوفت انى شروحات وبترتيب ايه واخت كورس بره ولا لاء
ومدى معرفة بقسم الشبكات يعنى ليك خبرة سابقة
يعنى من الاخر قصة نجاحك فى CCNA
وربنا يوفقك وتوصل لكتر من كده باذن الله
طول ما فى بجد ناس كويسه زى الى معانا فى المنتدى باذن الله هنتقدم وهيبقى للعرب شأن فى الستقبل القريب
باذن الله