تقريري عن النظام الجديد MAZOORI X-900 (NANSIN X-999)

بسم الله الرحمن الرحيم

بدات الحكاية بعودتي من المصيف من 3 اسابيع و بشغل الكمبيوتر بس مالقتش صوت طلع الصب بايز
ف وديته يتصلح طلع ان فيه اي سي باظ و طول ال 3 اسابيع مش لاقي ال اي سي ده خالص طبعا عشان الصب مكنش من مصر - الله يرحمه كان سوني اكسبلود بس يلا مش مهم

طبعا فضلت فترة اشوف هنا انظمة صوت و لكن سعرها مبالغ فيها يعني انا احط 1500 جنيه في كارت شاشة يشتغل كروس فاير ماشي بس محطهاش في سماعات تاني زي ما حصل مع السوني ف قلت اجيب حاجة مستريحة
رحت لصديقي مهندس محمد صاحب شركة PURE في المنصورة قلتله ع اللي حصل ف قلي طيب انت عاوز حاجة حاجة في حدود كام - قلتله 200 او 300 قالي اللي موجود دلوقتي احسن حاجة المازوري 4.1 3500 وات قلتله بس بيقوله في منه مضروب و كده قالي لاء ماهو بيبقى ليه مواصفات بيبقى معاه ضمان سنتين و العلبة عليها اسم ياسر عزت
قلتله ماشي اجيلك بكره اشيله
رحت تاني يوم لكن للاسف مالقتوش- اتباع- قاللي انت الحمد لله انك ماشترتوش انبارح قلتله ليه
فاللي لسه مكلمني و قتلولي ان مازوري نزلت صب حكاااااااااية 2.1 و اشد ز انقى من ال 4.1 و قلتوله اديييني هو فين ؟ قاللي انا طلبت منهم 2 واحد ليك و واحد ليا و ههيجو ع السبت ف الشحن
المهم حصل تاخير في الشحن و الصب خرج من الشركة السبت و وصل الاتنين انبارح و انا طبعا كنت في انتظاره عشان اشوف اللي بيشكروا فيه ده المهم اشتريته ب 250 جنيه طبعا ليا انا بس انما هو ب 265 جنيه
المهم روحت البيت عشان اجربه براحتي و هسيب الصور تتكلم بقى

https://farm5.static.flickr.com/4123...fed6d3f0_b.jpg

https://farm5.static.flickr.com/4100...81e28b10_b.jpg

https://farm5.static.flickr.com/4143...04d60d7c_b.jpg

https://farm5.static.flickr.com/4118...570bb24c_b.jpg

https://farm5.static.flickr.com/4079...2725e9cb_b.jpghttps://farm5.static.flickr.com/4143...d8eec8d1_b.jpg

https://farm5.static.flickr.com/4073...8ffbf7da_b.jpg

الصوت ماشاء الله كويس جداااا و فعلا احسن من ال 4.1 و تقريبا ده عشان فرق الاوم بين الاتنين ال 2.1 5000وات 4 اوم في الصب و 4 اوم في كل سماعة - انما ال4.1 4اوم في الصب و 8 اوم في 4 سماعات
و دي المكانيات ب التفصيل
ده ال 4.1 3500 وات
RMS: 20W + 10W X 4
OHM: 4ohm + 8ohm X 4
Size of Woofer: 5.25"
Size of Satellite: 3"
Frequency of Subwoofer: 20Hz-200Hz
Frequency of Satellite: 150Hz-20KHz
Warranty 24 Month
و دي امكانيات ال 2.1 5000 وات
Wooden case for subwoofer
Control panel: volume +/-, bass, tone adjustment
Power output: 30/10W x 2rms
S/N: ≥75dB
Frequency response: 45Hz to 20kHz
Distortion: ≤0.2%
Impedance: 4/4Ω x 2
Separation: ≥65dB
Speaker unit:
<ul>Subwoofer: 5.25-inch, 4Ω
Satellite: 2.75-inch x 2, 4Ω
</ul>Products size:
<ul>Subwoofer: 245 x 260 x 252mm
Satellite: 315 x 140 x 140mm
Size of color box: 384 x 288 x 425mm
Carton size: 595 x 400 x 448mm/2 sets


</ul> و ده الموقع بتاع الصب اللي طبعا هو ف الاساس من شركة NANSIN و انا بصراحة اتفاجأت من الموضوع ده لان العلبة الخارجية مكتوب عليها على الصب MAZOORI و الصب الفعلي مكتوب عليه NANSIN
https://lanxinchina.manufacturer.glo...ia-Speaker.htm

https://www.nansin.com.cn/en2008/productview.asp?id=871

ف عملت بحث ع الاسم و طلعت شركة كبيرة اوي بتعمل سماعات كتيييرة في الصين و اتاكدوا من الموقع
ف قولولي رايكم ايه في الموضوع ده و هل ده ممكن يلغي الضمان ولا ايه ؟؟ حتى شهادة الضمان مش عليها الموديل ده من ضمن موديلات المازوري ف انا مش عارف اخليه ولا ارجعه ولا ايه
بس بصراحة الصب جامد جداااا و احسن بكتير فعلا من السوني اكسبلود اللي كان عندي و هيصعب عليا ارجعه

و ده فيديو صغير انا عملته بس طبعا الصوت مش نقي قوي بسبب الموبايل لكن طبعا ده مش صوت الصب الطبيعي انا بفرجكم عليه بس

https://www.facebook.com/video/video...=1483508764338

كان معكم
م. علاء عزيزه

اقتباس:

---

الصوت ماشاء الله كويس جداااا و فعلا احسن من ال 4.1 و تقريبا ده عشان فرق الاوم بين الاتنين ال 2.1 5000وات

---

الـ 5000 واط هى القدره الكليه للطقم كاملاً بالواط

القدره غير المقاومه . و المقاومه ليست معيار فى الأنظمه الصوتيه بشكل عام

بالنسبه لطقم حضرتك ( الف مبروك بالمناسبه :) )

فـ 5000 واط يعتبر رقم خيالى و غير حقيقى

فهناك انظمه 500 واط تهز العماره بحالها

و افضل نظام مسرح منزلى تقارب قدرته الـ 3000 واط ليغطى مساحه مربعه من 100 الى 150 متر مربع

و تلك الأنظمه يتعدى سعرها الـ 10 الآف دولار

لذلك من المستحيل ان تكون قدره ذلك النظام بهذا الرقم

ممكن تكون 100 واط على اقصى تقدير :)


ستجد الصوت ممتاز معك لا تقلق . ستحتاج ان يكون الرقم كبيراً فقط فى حالات معينه لن اتطرق اليها الآن

فعلا الصب مستحيل يكون 5000W اعتقد ده موديل الصب

اصل عندى بردو صب مازورى من 3 سنين بردو مكتوب عليه ارقام عجيبة

عموما الصب فعلا لو مش مضروب هيكون كويس

انا الصب الى معايا مشاء الله وحش

انا مهندس اتصالات حضرتك و عارف الفرق بين القدرة و المقاومة
انما بالنسبة لل 5000 وات ف انا ذكرتها بس كذكر لنوعية الموديل اللي نازل من الشركة و طبعا انا مقولتش
انه هو احسن عشان الوات انا قلت بسبب المقاومة
https://upload.wikimedia.org/math/7/...1e5122d9ab.png


https://upload.wikimedia.org/math/6/...2b8419718a.pngزي ما حضرتك شايف اول معادلة بتقول ان القدرة بتزيد كل ما بيزيد الامبيرو المعادلة التانية كل ما المقاومة بتقل كل ما الامبير بيزيد وبالتالي زيادة القدرة لان الجهد الكهربي ثابتفعشان كده المقاومة ليها دور كبير في القدرة الصوتية اللي خارجة من السماعات بالكامل

انا مشككتش فى معرفه حضرتك :) و انا كمان مهندس برضو و احنا زمايل

كل اللى بقوله ان صعب يكون قدره السماعات دى 5000 واط و إللا كان وصل تمنها فوق الـ 100 الف جنيه

و قولت برضو ان الشائع بين المشترين هو البحث عن القدره الواطّيه للنظام ولا ينتبه أحد للمقاومه


لو حسيت انى زودت عن ده قوللى و انا احذف الزياده من الرد الأصلى :)

معاك حق هي مستحيل تكون 5000 وات اخرها 80 90 كقيمة فعلية يعني
و للاسف الناس بيتخدعوا بالرقم و خلاص و بيمشوا ورا الواط اللي مكتوب
انا بس ذكرت القيمة دي عشان احدد الموديل بتاع الصب

تشرفت بمعرفتك يا باشمهندس

على فكره يا جماعه الصب ده صوته حكايه نقى جدا بس طبعا مش 5000 واط

و انا اتشرفت بحضرتك اكتر :) و الف مبروك على حضرتك الصب الجديد

محدش رد عليا اسيب السماعات ولا ارجعها عشان الضمان
هي على الكرتونة لزقة الضمان و الشهادة موجودة بس موجود عليها كل انواع السماعات المازوري ما عدا الصب ده
و كمان حكاية الاسم اللي ع الصب دي مقلقاني

بس ك اداء هو ممتاز

اعمل ايه ؟

ايه رأيكم اخواني في صب ALTEC Lansing 151i لأني مستعجل ...
وكمان صب .. Logitech Z-4 2.1
والصبات دي موجودة في مصر ...

السلام عليكم و رحمة الله ...
كنت عايز اعرف رأيك يا استاذ sknol فى اداء الصب هل صوته فعلاً أحسن من مازورى 4.1 ...
ﻷنى بصراحة على وشك الشراء و كنت قررت خلاص انى اشترى 4.1 ... فياريت تقولى ادائه ايه يعنى فى فرق ملموس فعلاً و لا عادى (فى حالة لو لسه مرجعتوش ) ...
وجزاك الله خيراً

مراجعه جميله

هل موجود منها فى السخاوى او سوق العصر

RMS: 20W + 10W X 4 ديه قوة الصب الفعلية يعني قوة الصب 20 وات و كل سماعة 10 بس أنا حاسس إن الست فلسماعة ديه هيخروش بعد سنة و كمان صوت السب مش هيبقى balanced مع السماعات عشان كده أنا قبل لما اشتري أي سمعة ببص على ال frequency و هي السمعة بتجيب رنات أو نغمات من النعم حتى صوت الزلزال والانسان يقدر يسمع مابين 20 و 20 الف كيلو هرتز فـ كل ماالرقم الصغير مايقل معنا كده إن الصب هتجيب موجة قوية والأهم هو كام وات بس rms و ده بيبقى مكتوب في بيانات أي سماعة و ده هو القدرة الفعلية .

أرجو إني أكون افدت حضرتكم  

بسم الله ما شاء الله

معانا مهندسين ربنا يبارك فيهم

لازم نستفيد منهم

لو سمحتم بقى عندى شوية أسألة توضيحية :D

1- أيه علاقة المقاومة (الأوم)

يعنى الأفضل قيمتها تكون عالية ولا منخفضة ؟


2- ياريت توضحوا بردو ال Frequency response

أيه عمله والأفضل ليه قيمة عالية ولا منخفضة ؟

ومعلش آخر سؤال

3- أيه هو ال dB

أنا شوفت ليه S/N و Separation

و برضوا عملهم أيه وأيه القيمة الأفضل ليهم

ورأيكم فى مقارنة كروكى كدة لو عندنا صبين

30w/10w*2 = total 50w

أو

20w/10w*4 = total 60w

يترى أيه الأفضل ؟ (مع العلم أن مضخم الصوت الأول أقوى ؟)

معلش بقى أنا عارف أن ردى على الموضوع بعد زمن طويييل

فى أنتظار أجاباتكم

شكرا مقدما

أخوكم محمد