رد: ارجو الحل من خبراء فى الهرد وير اليدوى
1. لو أوضحت لنا ما تقصده بعبارة (كونفرتر USB)؟ هل هو بطاقة مهايئة USB-PCI، أم هو مهايئي صغير PS/2-USB لكل من لوحة المفاتيح والفأرة؟ لوكان المقصود بطاقة مثبتة الى اللوحة الأم... فتأكد من تثبيت أحدث تعريف لها بشكل صحيح. أما المهايئات الصغيرة
2. تأكد من تفعيل خيارات دعم USB عامة وللوحة المفاتيح والفأرة خاصةً في برنامج إعداد البيوس.
النديم
رد: مشاكل في لوحة مفاتيح USB
اخى النديم الاخ محمد يقصد اكيد مهيأ صغير و ده منتشر عندنا فى مصر اوى
اخى العزيز محمد حاول تغير الكيبورد نفسها و تشوف ايه الاخبار
رد: مشاكل في لوحة مفاتيح USB
اخى depoo
انا حاولت تغيير الكيبورد لحد مزهقت ومش عارف اعملة اية
اخى النديم اللى انا بكلمك علية دة كونفرتر من مخرج واحد USB يديلك مخرج للفأرة والكيبورد مع بعض فى USB واحد لو الاماكن بتاعتهم فى الكمبيوتر باظت بس مش عارف الموضوع قافش معايا لية
ياريت اللى عندو حل يقولى
وشكر خاص الى depoo وياريت لو عندك حل تقولى علشان دة جهاز زبون مش عارف اعمل ايو وشكلى وحش
رد: مشاكل في لوحة مفاتيح USB
اذا تأكدنا تماما من سلامة الماوسات والكيبوردات .......وقم بنظافة مخرج الماوس والكيبورد بفرشة واسبراى تنظيف 90 N مثلا وجربنا نشغل الجهاز فقط بالبورده والمعالج وكارت الشاشة والرامات وفصل أى مكونات اخرى تماما وخاصة لو كانت من خلف الكيسة ...... وتجربة الدخول على شاشة البيوس setup او التشغيل من الدوس بالكيبورد مثلا ......وبعد كده توصيل السيدروم فقط والعمل مع اسطوانة مثل هيرن وخاصة البرامج التى تحتاج الكيبورد والماوس مثل بارتشن ماجيك .. ثم فصل السيدروم وتوصيل الهارد فقط والتجربة ....الخ وعمل Clear CMOS قبل ده كله - واستبدال كابلات الهارد والسيدروم بكابلات جديده موثوق فيها ... الكابلات دى نفسها ممكن تخلى الجهاز يعلق ماوس أو كيبورد
-----------------
اذا اطمنينا لكل ماسبق وبقى الحال على ماهو عليه فننتقل لما يلى :
1- عطل مخرج الماوس او الكيبورد ينحصر فى امرين ........ اذا كان العطل فى مخرج واحد فقط اى عطل مخرج الكيبورد فقط او الماوس وحده فابحث عن مقاومات رباعية امام مخرج الماوس والكيبورد وتكون لها اربع اطراف وبجوارها حرف R وطبعا مكتوب عليها رقم ييتم وكذلك اذا وجد مكثف بجوار المخرج نفسه ويكون بجواره حرف Cوطبعا شكله معروف وله حجم وفولت للتغيير على اساسه ....... وللتأكد قم بالقياس بالافوميتر قبل التغيير ....... اذا كانوا سلام اى المقاومات أو المكثف ان وجد غير بلجة الماوس والكيبورد نفسه- اقصد بالعطل هنا الايعمل تماما أو يعمل مع تهنيج وتعليق
-----------------------
أما لو كان مخرج الكيبورد والماوس لايعملان تماما عندئذ نقوم بتغيير بلجة الماوس والكيبورد نفسها لانهم مرتبطين ببعض ...... ويمكن استبدالها من بورده تقطيع او شرائها من شارع التحرير
-------------------------------------------
.....اذا كل ده ماحلش المشكله يبقى شكنا بيروح لأيسهاية ITE فى مكانها الشائع دائما على يسار البورده
-------------------------------
رد: مشاكل في لوحة مفاتيح USB
والله الواحد مش عارف يقولك اية يا الصورة الرمزية dishna66
بصراحة كفيت ووفية انا غيرت مكن الكيبورد والموس فى البردة يعنى غيرت ال ps2 كلة وريحة دماغى وطلع العيب منة
مشكورين للجميع الذين شاركونى المشكة وتم الحل الحمد لله
محمد الهرماوى
رد: مشاكل في لوحة مفاتيح USB
مبروك حل المشكلة اخ محمد و اسف على عدم التفاعل معاك و لكن الاخ dishna66 قام بالواجب و زيادة
و انا نفسى ماكنتش هعرف اقولك على الحلول دى
على فكرة الاخ dishna66 من غيره كنا هنلوس فى المشاكل بجد ربنا يحميه
خبرة كبيرة
رد: مشاكل في لوحة مفاتيح USB
عزيزى depoo صدقنى الأمر غير كده خالص إحنا كلنا مانقدرش نستغنى عن بعض ....لإن مفيش حد يعرف كل حاجه ومفيش حد مايعرفش حاجه ........ ومشاركاتنا بتبقى عامله زى فريق كرة قدم ...... ده ممكن يرفع الكوره لقدام وده ممكن يشوت وده ممكن تطلع منه أوت وده ممكن يمرر الكوره وده ممكن يلعبها برأسه وده ممكن يدافع وده وده ممكن يهاجم وده بيتابع ........ وأى حد فينا ممكن تيجى عنده الكورة ويجيب جول فى النهايه ..... والجول ده احنا كلنا اللى شاركنا فيه لأنه كل واحد عمل اللى عليه ومابخلش بأى مجهود ........ فهمتنى
--------------------------
الشكر الحقيقى ل Ma7amed لأن أولا طرح مشكله وثانيا لانه تابع معانا وثالثا لانه قالنا الحل ........ يبقى كده على الأقل عرف مشكله محدده فى ظروف محدده بحل محدد ........ لما تواجهنا بعد كده ..... على طول ح نفتكر مشكلة Ma7amed وحلها ونحطه فى أجندة الحلول ......... يبقى كده وفرنا وقت ومجهود وتجارب
-------------------
توماس اديسون عمل 300 تجربة قبل مايخترع لنا حجر البطارية الصغير ....... فالمساعد بتاعه قاله ..احنا عملنا 300 تجربة فاشله ماوصلتناش لحاجه ....... فتوماس اديسون قاله ..بالعكس احنا استفدنا من التجارب الفاشلة دى .... على الأقل عرفنا أن فيه 300 تجربة لاتؤدى لنتيجة وبالتالى مش ح نكررها تانى
------------------
مع خالص تحياتى للجميع
رد: مشاكل في لوحة مفاتيح USB
انا مقدر تواضعك اخى الكريم و لكن حتى فى كرة القدم يوجد لاعبين مميزين و اخرين موهوبين
فانا حبيت اشكر حضرتك على المجهود المبذول و اعطاءك و لو جزء بسيط من حقك
و طبعا نشكر الاخ محمد لأنه ضاف لرصيدنا مشكلة و حلها و وفر علينا الوقت فى حال قابلتنا مشكلة مشابهة
فى النهاية طبعا اشكر منتدى عرب هاردوير لأنه اتاحلى فرصة التعرف على شخصيات جميلة و متميزة زى حضرتك يا استاذ dishna66