رد: >>> كرسى الأعتراف <<< ادخل و شارك !!!
اقتباس:
المشاركة الأصلية كتبت بواسطة Planet Hemp
مش عارف حاسس انى شفتك قبل كدة يمكن فى الكلية او حاجة زى كدة
بس بالمرة بقى
انت ساكن فين فى اسكندرية
يا هلا بالزماااايل . انا ساكن فى كليوباترا حمامات
بتعرف تعوم ولا اية النظام
لو الاجابه هتخليك تعرفنى فأيوه انا بعرف اعوم :D
مين الدكتور دة اللى ظلمك اوعى تقلى مشالى
الدكتور سيد النجار . مشالى بيزعق كتير لكن طيب
شايف ان الهندسة تستاهل ولا كلية رخمة وبتقول ياريتنى ما دخلت هندسة من اصلة (لو قلتها تبقى عملت زى بعد ماخلصت الهندسة قلت ياريتنى ما دخلتها من اصلة كلية فاشلة)
الهندسه كليه زى اى اى اى كليه عاااااااااااادى جدا جدا كله بيتساوى فى الاخر و كليه رخمه جدا كمان
لكن انا دخلتها عشان بحب الرياضه جدا و الرسم موهبتى و الفيزيا و الكيميا كل الحاجات دى بحبها
لكن ككليه " عادى جدا "
بتفكر فى السفر وانك تهج وتسيب البلد ولا اية
و مين مبيفكرش يسيب البلد . على الاقل عشان الواحد يلاقى حاجه يعيش منها
لكن لو لقيت نفس مرتب بره باخده هنا 100000 جنيه مثلا طبعا مش هسافر
مفيش حد بيحب الغربه و للأسف البلاد بتعاملك على انك غريب ما عدا مصر بتعامل القرب زى الغرب بالضبط
حط صوره و ليك و انا هعرفك لو شفتك لأنى مبنساش اى حد قابلته
رد: >>> كرسى الأعتراف <<< ادخل و شارك !!!
أنا عايز أعرف أنت بتتحفظ وتجاوب علي أقتباااااس لييييييييييييييه؟؟؟؟؟؟؟؟؟
رد: >>> كرسى الأعتراف <<< ادخل و شارك !!!
اقتباس:
المشاركة الأصلية كتبت بواسطة event88
أنا عايز أعرف أنت بتتحفظ وتجاوب علي أقتباااااس لييييييييييييييه؟؟؟؟؟؟؟؟؟
ايه ؟؟؟ مش فاهم :D معلش فهمنى
رد: >>> كرسى الأعتراف <<< ادخل و شارك !!!
اقتباس:
المشاركة الأصلية كتبت بواسطة Extreme2
والله ووقعت يا حودة , راجعلك :D
يا هلا بيك يا حبيب قلبى يا نواف :D
هو ليه كل واحد يقول راجعلك و ميسألش من اول مره ؟؟؟
انت بتحضرو نفسكم فين قبل ما تيجو :o:o:o
رد: >>> كرسى الأعتراف <<< ادخل و شارك !!!
اقتباس:
المشاركة الأصلية كتبت بواسطة BionicMan
انت اللى جبته لنفسك :D:D
و لااااااااااااااازم تجااااااااااوب
رد: >>> كرسى الأعتراف <<< ادخل و شارك !!!
اقتباس:
المشاركة الأصلية كتبت بواسطة MF88
ايه ؟؟؟ مش فاهم :D معلش فهمنى
أنت بتكتب الإجابات بتاعتك علي إقتباس لييييييه
كدا فهمت ولا لسا :D:D:D:D:D
رد: >>> كرسى الأعتراف <<< ادخل و شارك !!!
و ده شىء وحش ؟؟؟؟
السؤال و تحتيه الاجابه
وللا ايه ؟
رد: >>> كرسى الأعتراف <<< ادخل و شارك !!!
أنا اللي مش فاهم ليه أنت صعبتها كدا يا حودة :(
رد: >>> كرسى الأعتراف <<< ادخل و شارك !!!
ايش البروسسر القادم ليك ؟
رد: >>> كرسى الأعتراف <<< ادخل و شارك !!!
كور i5 750 ان شاء الله يا هو يا الـ i7 930 واحد من السبعه دول
رد: >>> كرسى الأعتراف <<< ادخل و شارك !!!
^^
انت لحقت ترجع من المقابله ؟ :eek:
ولا انت مروحتش ؟
رد: >>> كرسى الأعتراف <<< ادخل و شارك !!!
مش هأسأل
بقى أغيب يوم عن المنتدى أرجع ألاقيكم سائلين الراجل كل الأسئله دى ؟
ما حدش حتى فكر يسيب لى 30 , 30.5 سؤال
محمـــــــــود
فيه بعض جمل من كلامك انا عاوز آخدها فى ملف تكست عندى
و أسميها " إقتباسات : محمود فوزى " :ah7:
كلامك جميل و ردودك فاقت كل توقعاتى
بجد إنت عقليتك جامده ما شاء الله
عموما خد دول :
1- ذكرت ان والدك - رحمه الله عليه - توفى منذ 13 عام ... هل كان لهذا الامر أثر فى تكوين شخصيتك ؟
سواء بالسلب أو بالإيجاب ؟
2- فى الوقت الراهن ... هل لك صديق مٌقرب ؟ , ام أنهم كلهم زملاء ( زى حالاتى ) ؟
3- هل حاولت العمل بجانب الدراسه من قبل ؟ إذا كانت الإجابه بنعم فأذكر لنا التجربه ؟
4- ماهى الخطه المحدده بعد إنتهاء الدراسه على خير ؟
5- فى أى فرقه أنت فى كليه الهندسه ؟
6- أين صليت الجمعه اليوم ؟ و ما كان موضوع الخطبه ؟
7- متى أحسست بالوحده و القهر ؟
8- ما الموقف الذى تيقنت من خلاله أن فضل الله عليك عظيما ؟
9- هل ستشترى السماعه الكرييتف ( خصوصا لو قلت لك أنى إشتريتها بالأمس
و بعد التجربه أقول لك أنها : رهيبه و تستحق ثمنها من ناحيه جوده الصوت و ال Bass
و لكنى لم أعتد عليها بعد , فأقوم كل 10 دقائق بخلعها لتهويه الأذن " ؟
10- ما مواصفات فتاه أحلامك ؟
11- هل قابلت فى فتره من الماضى أو الآن من هى مطابقه أو قريبه لتلك المواصفات ؟
12- من أكثر من تتضايق منهم من المشرفين ؟
13- رشح لى 5 أفلام من أفضل ما تم صنعه فى 2009-2010 حتى أقوم بتحميلهم ؟
14- ما رأيك فى الشباب الناشئين فى المنتدى ( سن 11-18 ) ؟ :rolleyes:
15- أفضل موضوع قرأته اليوم ؟
16- مفيش أخبار عن الجماعه اللى فى القاهره ؟
17- أى نقطه من الماضى تود الرجوع إليها ؟
18- هل تقرأ الصحف اليوميه ؟ أو حتى الأعداد الأسبوعيه للصحف اليوميه ؟
19- ما المقال الذى تنتظره و تحرص على قراءته ؟
20- فودافون , موبينيل , ولا إتصالات ؟
21- ذكرت ان هناك موقف خاص حدث لك و أفقدك الثقه فى الناس ....
لمَ لم تستخدمه بشكل عكسى , لمَ أحسست بالضعف للدرجه التى
أحسست فيها أن الناس كلهم متشابهون ؟
22- " الأقارب عقارب " , إلى أى مدى يؤمن محمود فوزى بتلك المقوله ؟
23- أى متصفح تستخدم ؟
24- هل تسير فى يومك على روتين و نظام محدد , ولا بالبركه ؟
25- هل تحاول دوما التخلص من العيوب فى نفسك أم تكتفى بوعيك بتلك العيوب وتحاول تداركها فحسب ؟
26- إذا كانت الإجابه بنعم , ما العيب الذى تعكف حاليا على التخلص منه ؟
27- هل أنت عصبى ؟ و فى أى موقف تكون فى شده العصبيه ؟
28- متى تتوقع أن يتم غلق الموضوع ؟!
29- هل مللت من الأسئله ؟
30- متى ستقوم من على الكرسى ؟
( الغرض من السؤال هو تحديد ما إذا كنت ساضع القائمه المضاعفه من الأسئله أم لا :eek::D )
سلام واجب : السلام عليكم ستيج بك , مساك الله بكل خير , رحت اللقاء ولا لا ؟
رد: >>> كرسى الأعتراف <<< ادخل و شارك !!!
^^
-عامل ايه يا عم جوهرى وفينك يعنى مختفى من زمان :)
-للأسف مروحتش عشان كان فى فرح واحد صاحبى فى اسكندريه وزفيته بعربيتى فكان لازم اكون هناك من بدرى
عقبال اما نفرح بيك كده وازفك بعربيتى انت كمان :)
-الجماعه دلوقتى فى سوق العصر :)
رد: >>> كرسى الأعتراف <<< ادخل و شارك !!!
اقتباس:
المشاركة الأصلية كتبت بواسطة محمد الجوهرى
مش هأسأل
بقى أغيب يوم عن المنتدى أرجع ألاقيكم سائلين الراجل كل الأسئله دى ؟
ما حدش حتى فكر يسيب لى 30 , 30.5 سؤال
شوفت استاذ محمد :( مرحمونيش :D بس من هذا المكان احب اقولها انى مش هرحم اى حد يقعد هنا
هعرفه كويس و اخليه يندم " بايونيك مان " ابن عم حضرتك سألته سؤال واحد من ساعتها مجاش:D
محمـــــــــود
فيه بعض جمل من كلامك انا عاوز آخدها فى ملف تكست عندى
و أسميها " إقتباسات : محمود فوزى " :ah7:
كلامك جميل و ردودك فاقت كل توقعاتى
بجد إنت عقليتك جامده ما شاء الله
الله يخليك استاذ محمد ده شرف ليا :) . اخجلتم تواضعنا والله
عموما خد دول :
1- ذكرت ان والدك - رحمه الله عليه - توفى منذ 13 عام ... هل كان لهذا الامر أثر فى تكوين شخصيتك ؟
سواء بالسلب أو بالإيجاب ؟
كان ليه اكثر من اثر منهم السلبى و الايجابى
ايجابى زى الرجوله بدرى و تحمل المسؤليه نوعاً ما
سلبى زى فقدان السند و الضهر و فقدان مشاعر انك تبقى صديق لوالدك حتى ولو لساعه
كان نفسى اعرف تفكيره و اتعلم منه حاجات كتير خصوصا ان كل الناس لما كبرت قالت انه كان
على خلق و دين و اخلاق و تفانى كبير فى العمل . كان عندى 8 سنين وقتها
فملحقتش غير ايام اللعب و الهزار و بعتبرها اجمل سنين حياتى رغم ان الكل بيتهمنى انى مش فاكرها
و ان كان عندى 3 سنين و ازاى افضل فاكر . لكن كنت بتحداهم و بفكرهم كانو لابسين ايه فى اليوم ده
و الجمل اللى قالوها . الحمد لله ذاكرتى قويه جداً
2- فى الوقت الراهن ... هل لك صديق مٌقرب ؟ , ام أنهم كلهم زملاء ( زى حالاتى ) ؟
اعتقد ان الصديق الحقيق اصبح عمله نادره الوجود . و انا معروف عنى حسن اختيار اصدقائى
لكن حاليا عاكف عن مصادقه الناس لأن لقيت مفيش خير بييجى من وراهم تقريبا او على الاقل
مش بيكفوك شرهم . فالزماله شىء جميل حالياً . اضحك و هزر و روق فى الكليه و سلام عليكم و عليكم
السلام . و لا تمتد العلاقه الى خارج الكليه اللا فى اضيق الحدود . اما بالنسبه للى علاقتى تمتد معهم
خارج الكليه فهم زملائى فى الدروس الدينيه . دايما الواحد المتدين الخير فيه ليوم القيامه
تشعر بساعده و اطمئنان بمجرد القرب و الحديث معهم حديث خالى من السباب و الشتائم و كله
حسنات و معلومات و فوائد " قاعده ميتشبعش منها بجد "
3- هل حاولت العمل بجانب الدراسه من قبل ؟ إذا كانت الإجابه بنعم فأذكر لنا التجربه ؟
بصراحه حضرتك جيت على حاجه شاغله تفكيرى جداً . انا بمعنى اصح هتجنن و اشتغل
بس للأسف ليا شروط فى الشغل اللى عايزه
ان يكون عدد ساعات قليل نسبيا
مفيش اى اى اى اى اهانه شخصيه الاقيها بسببه
تكون شغلانه محترمه و شريفه
مرتبها لا يقل عن 500 جنيه
طبعا بالشروط دى عمرى مهلاقى اى شغل . لكن نفسى بجد اشتغل لأنى من الناس مدمنه الادخار
و الاستفاده القصوى بالفلوس . مش اول ما يبقى معايا فلوس بصرفها . بتفضل معايا وقت طويل جدا
مش بخل والله . لكن لو كل يوم فضلت اشترى حاجه بـ 5 جنيه ملهاش لازمه بعد 10 ايام تفاجأ ان فيه 50 جنيه
راحت فحاجات تافهه . ياريتها اتصرفت فى فايده . فى حين ان فيه انسان مسلم او عربى نام و مكنش معاه
حق الدواء . او كان نفسه يأكل اولاده و مكنش معاه و نام وهو بيبكى من تقصيره .اى حد مبذر او مسرف
يفتكر الامثله دى لازم تعلمه انه يمسك ايده . انا والله العظيم مش بحسد اى شخص بالمنتدى نهائى
لكن ساعات بشوف اعضاء مش معروفين او معروفين فقط غير كارت شاشه عالى 5850 عشان مش عاجبه
و يبيعه بعد يومين عشان يجيب الـ 5870 مع ان الجميع قاله مفيش فرق . عارف لو باعه و جاب الـ 5970
اوك مفيش مشاكل لكن يبيعه عشان يجيب الكارت اللى بعده فقط ؟؟؟ قول خسر 300 جنيه
لو كان حطهم فى بناء مسجد كان فضل ياخد بيهم حسنات الى يوم القيامه تخيل بقى ؟؟؟؟
كل واحد بيحسبها من المنظور الخاص بيه . و عشان الناس تتوحد نظرتها ربنا شرّع الاسلام
مش هدخل فتفاصيل كتير لكن ربنا سبحانه و تعالى جعل المبذرين اخوان للشياطين لأنك و بطريقه صريحه
حرقت 300 جنيه فى الارض و حرمت نفسك متعمد من ثوابهم بالضبط زى ما الشيطان حرم نفسه من الجنه
متعمّد . انا مش بقول انه كان لازم يحطهم فى الخير . لكن لو كان ادخرهم و جاب بيهم حتى كارت صوت كويس
هو كان محتاجه . اعتقد كان افضل من تغيير كارت لكارت اخر و الاتنين نفس الفئه . فياريت الناس تتقى الله
فى اموالها لأنها هتسئل عليها
4- ماهى الخطه المحدده بعد إنتهاء الدراسه على خير ؟
الرزق بإيد الله وحده . لكن الخطه بعد الدراسه هى الخطه العاديه " البحث عن العمل الحلال " او فرصه
للسفر الى الخارج . و ايضا الاسراع فى الزواج من اجل العفه و كمان عشان عايز ابقى انا و ابنى اصدقاء
مش ابقى انا 50 سنه وهو 10 سنين . افهمو ازاى ده و يفهمنى ازاى ؟
كل الآباء و الامهات بيقولو ان ولادهم بيرددو كلمه انتو من زمن و احنا من زمن تانى
و للأسف العباره دى صحيحه 100% و اللى بيظهرها انها خطأ هو ان الاب و الام ليهم رصيد خبره فقط
فى الحياه و على اساسه بيعالجو بيه الامور او بيتوقعو القادم بطريقه اقرب للصواب
لكن فى الحقيقه كل جيل بيحل المشكله بطريقته هو . مع ان الحلين صح . لكن الاباء و الامهات مش بيقتنعو
بالضبط زى مدير فى شركه و لقى موظف بيغيب . فيه اكتر من حل عشان تمنع الغياب ده
واحد يقولك انا اديله تحذير شفهى
واحد يقترح انه يديله علاوه مثلا
وواحد عنده حكمه اكتر يروح يزوره فى البيت و يشوف مشكلته
وواحد عنده بعد نظر اكتر و يحاول يحببه فى الشغل بأنه يجددله المكتب و يوفر للموظفين وجبات كويسه
و يخليهم يشاركو برأيهم فى العمليه الاداريه
لو قولت للأول " اللى اصدر قرار بالتحذير الشفهى " لو قولتله ادى للموظف علاوه هيقول عليك متواطىء معاه
ولو قولته وفرلهم وجبات هيقول انت اكيد مجنون
مع ان الحل الاخير اكثر حكمه
وهو ده اللى بيحصل دلوقتى بين الابن و الاب . و بالتالى بتحصل فجوه اسريه
الابن يكبر دماغه من اهله و يتجه للبنات اللى من سنه عشان تفكيرهم واحد او يروح لأصدقاء ياعالم كويسين
وللا لا . و يفقد الثقه فى رأى اهله اللى كل ما يفتحو بقهم هيتوقع خروج الكلام الانتيكه اللى عفى عليه الزمن
5- فى أى فرقه أنت فى كليه الهندسه ؟
الفرقه الثالثه مدنى
6- أين صليت الجمعه اليوم ؟ و ما كان موضوع الخطبه ؟
صليت الجمعه بالمسجد المجاور للبيت و اسمه مسجد التوحيد و كان موضوع الخطبه عن سيدنا عمر بن الخطاب
من صفاته انه : اسود بحمره . عظيم الطول , قوى البنيه . كان اذا احب ان ينزل من حصانه فقط يقف
و يكمل الحصان مسيره من بين ارجل سيدنا عمر . كان اذا ركب عمر حصانه فإن ظهر الحصان يتقوس
من وزن و قوه سيدنا عمر بن الخطاب . و سمّى الفاروق لأنه فرق بين الحق و الباطل عندما اسلم
لما سأل الرسول عليه الصلاه و السلام " السنا على الحق ؟ " قرد الرسول عليه الصلاه و السلام " بلى "
" اليسو على الباطل ؟ " ( بلى ) افإن مت الان فلى الجنه ؟؟؟ ( نعم ) فأخذ سريه من السلمين
بإتجاه الكعبه و كان يسمع لأرجلهم دبيب من قوه الارتطام بالارض حتى ذهبو و أدّو الصلاه امام الكعبه
و انهال عليهم المشركين ضرباً فأخذو يضربون عمر وهو يصارعهم يوماً كاملا حتى اخذ سيد من اسيادهم
و أوقعه على الارض ووضع رجله عند رقبته و قال إن لم تنصرفو قتلته فانصرفو عنه
((( ده جزء من الخطبه و جزء من معلوماتى الخاصه )))
7- متى أحسست بالوحده و القهر ؟
احسست بالوحده و العام الماضى . لما اتظلمت بدون وجه حق من الدكتور بالكليه و كان قرار كافى بتغيير
مصيرى تماماً
8- ما الموقف الذى تيقنت من خلاله أن فضل الله عليك عظيما ؟
كان ذلك اول امبارح . عندما عرفت نتيجتى و انى لست بفاشل كما قال لى و جبت 4 امتياز و مادتين جيد
بفضل الله
9- هل ستشترى السماعه الكرييتف ( خصوصا لو قلت لك أنى إشتريتها بالأمس
و بعد التجربه أقول لك أنها : رهيبه و تستحق ثمنها من ناحيه جوده الصوت و ال Bass
و لكنى لم أعتد عليها بعد , فأقوم كل 10 دقائق بخلعها لتهويه الأذن " ؟
فى الحقيقه هى الآن البديل لى . لأنى سأشترى قريبا السماعه
Logitech G35 SURROUND 7.1 من موقع امازون ان شاء الله و ثمنها 830 جنيه . طبعا هتقول السعر ده
فى سماعه هيدفون و عمال تدى محاضرات عن التبذير ؟
اقول لحضرتك انى ممكن اجيب بنفس الثمن السماعات العاديه T6200 و معاها الكارت X-FI Xtreme Gamer
و بنفس الثمن لكن مش هقدر اعللى الصوت و استمتع بالنظام عشان والدتى و عشان الجيران
يعنى رميت فلوسى على الارض . عوضاً عن ذلك هجيب السماعات دى و هعللى الصوت براحتى جدا
و اسمع صوت محيطى على 7 قنوات و نقى 100% لأن الهيدفون بيكون فيها كارت صوت مدمج خاص بيها
يعنى لا تحتاج لكارت احترافى نهائياً لأنها تعمل بوصله الـ USB
لكن لو ربنا مأكرمنيش بالفلوس . هجيب السماعات اللى حضرتك جبتها و اجيب الكارت الجيمر من استاذ طارق
ان شاء الله
و بالمناسبه اتمنى و بشده من حضرتك . عمل ريفيو بسيط عن الهيدفون لأن فيه ناس كتير سألو عنها
و بالمره نشوفها و نعرف امكانياتها من خلال الصور و متحكم الصوت بها و كده
و اكون شاكر جدا لحضرتك :)
10- ما مواصفات فتاه أحلامك ؟
ان تكون متدينه اكثر من كثيــــر من البنات . عندها خلفيه اسلاميه قويه جدا و لا يهزها عن دينها شىء
مهما كانت المُغريات
تكون على قدر مناسب من الجمال
كما قال الرسول الكريم : اذا نظرت اليها سرّتك و اذا غبت حفظتك
تكون حييه أى على قدر عالى من الحياء
متعلمه بالقدر الكافى اللى يضمن لى انها تتفهم ما اقوله لها او ما اتحدث معها فيه وما يمكنها انها تساعدنى
و توسع مداركى عند حل مشكله
و متعلمه بالقدر اللى يكفيها لتتفوق فى متابعه تعليم اولادنا " بالطبع مش هتكرها تعلمهم لوحدها . لازم اشاركها
فى كل شىء ان شاء الله قدر المستطاع "
تكون ذات نسب شريف : اقصد الشريف انهم ناس محترمه و مش شرط اغنياء . حتى لو والدها عامل لجمع
القمامه . هذا لا يعيبه طالما هو على وعى بما يفعله و متدين و مثل الشروط السابقه
مواصفات جسديه
1- تكون اقصر منى شويه بالطبع
2- متكونش نحيــــــفه اوى لأنى للأسف بشعر بالأشمئزاز من الرفع الزائد عن حده
بس كده :)
11- هل قابلت فى فتره من الماضى أو الآن من هى مطابقه أو قريبه لتلك المواصفات ؟
نعم قابلت من هى صوره طبق الاصل من هذه المواصفات . لكنى لست بموقف يسمحلى بالزواج او حتى
انى المح بهذا لها
12- من أكثر من تتضايق منهم من المشرفين ؟
هقول لحضرتك حاجه لازم الكل يعيها . كلمه مشرف او حتى اى منصب يتعلق بالسلطه هو فى واقع الامر
شىء ليس بميزه . لأن اللى الناس المفروض تكون فاهماه اننا انتخبنا الرئيس و الوزراء عشان يخدمو مصالح
الشعب . لما حضرتك انت و اسرتك تختار شخص و ليكن ولدك . و تقول انت مسؤل عن عمل الطعام اليوم
هل معنى ذلك انك تخاف منه ؟ او تستجلب الواساطات عشان تتحدث اليه ؟ وللا حقك انك تملى عليه
شروطك فى الطعام لأنه قبل الاختيار و هذه مسؤليته ؟؟؟
للأسف الناس فاهمه العكس . او الحكومه قدرت تنسى الناس المفهوم ده عشان تعرف تستعبدها
فى جمله الناس بتسمعها كتيــــــر اوى فى الافلام الاجنبيه و محدش بيفكر فيها
لما يضربو حد من الناس او البوليس يعامل حد وحش و بيجرجروع ناحيه العربيه يقولهم
this is americaaaaaaaa يعنى دى امريكااااا اللى ماشيه بالديمقراطيه و اللى كل حاجه فيها بحريه
ازاى تجرجرونى كده . حتى الحرامى هناك عارف ان ليه حق اصيل على البوليس و الحكومه
لكن هنا عملناهم بشوات و مسحو بينا الارض
للاسف استاذ محمد الناس هنا شخصيتها ضعيفه و ضعف شخصيتها هو اللى وصلنا لكده
لما كانت الناس عنده رجوله و شخصيه . طردو الملك من على كرسيه .
نفس الكلام يسرى على المشرفين . كلهم هنا اخوتى و احبائى و لن اشعر بالخوف او الحرج من احد منهم
طالما انى على الحق . لكن لو على باطل لن اناقش و لن اجادل بل اعتذر امام المنتدى بروح رياضيه
13- رشح لى 5 أفلام من أفضل ما تم صنعه فى 2009-2010 حتى أقوم بتحميلهم ؟
حضرتك جيت لمدمن افلام لكن هارده صغير :D 80 جيجا هيموتونى
1- transformers بجزئيه الاول و الثانى
2- the dark knight
و فيه افلام تانيه كتير كتبتها كلها فى رد واحد و هيعجبو حضرتك ان شاء الله . لكن لا تتنازل عن الـ FULL HD
لأنه معيار المتعه و الجوده للمشاهده . انا جبت اصحابى النهارده اللى بياخدو معايا الدرس الدينى
لانهم كانو عايزين يشوفو اى فيلم بتقنيه الـ HD و فرجتهم على فيلم 2012
و كانو منبهرين جدا لكن كان ينقصنى سماعات كويسه بس برضو مش هجيب غير الهيدفون
لو حضرتك ليك فى المسلسلات الاجنبيه انصحك و بشده تتفرج على مسلسل اسمه
FlashForward بمعنى لمحه من المستقبل . المسلسل جميل جدا جدا جدا جدا
و كان عندى كامل 720p لكن اضطريت امسحه كله ما عدا اخر حلقه عشان كانو عايزين يلعبو
pro evolution soccer على الشاشه الـ 24 اللى عندى . فمسحتهم عشان احط اللعبه من على اللاب بتاع
صاحبى :(
14- ما رأيك فى الشباب الناشئين فى المنتدى ( سن 11-18 ) ؟ :rolleyes:
الشباب الناشئين عاملين زى الكوره الضاغطه . كل ما تزيد المغريات كل ما يزيد العناد و التوجه للأسلام
و التدين بفضل الله . فيه منهم اللى بينزلق لكن اؤكدلك ان هم دول القله
لكن لو استثمرو وقتهم الضايع فحاجات مفيده والله هيفرق بشده فى بقيه حياتهم
و نصيحه اهم شىء فى السن ده هو الرياضه . خصوصا لو رياضه تستنفذ طاقه الجسم بصوره سليمه
زى التنس الارضى او الجرى مش زى الجيم
لأن الطاقات الكامنه دى لو طولت فى الجسم الشاب بيتجه اتجاهات تانيه خاااااالص لتفريغ الطاقه دى
و من شب على شىء شاب عليه
15- أفضل موضوع قرأته اليوم ؟
لم اقرأ اليوم اللا سوره القمر فى المسجد فى الدرس . و تناقشنا حول الخواطر فيها
على فكره القاعده كلها شباب فى شباب مش درس دينى بحت . يعنى بنقعد نتكلم فى اخر اخبار
حياتنا و بعدها كل واحد بيقرا من المصحف 10 ايات كل واحد ورا التانى و بنصحح لبعض التشكيل او التجويد
و بعدها بنتناقش فى ايه اكتر ايه عندك تعليق عليها او عارف معلومه عنها و ايه اكتر ايه شدتك و اتأثرت بيها
و فيه كتاب عن سيره الرسول بنختار واحد يقرأ فيه شويه و بنسلم على بعض و نروح قبل العصر بنص ساعه كده
16- مفيش أخبار عن الجماعه اللى فى القاهره ؟
معرفش بصراحه : كان نفسى اروح معاهم لكن والدتى مسافره لأن جدى تعبان شويه و مقدرش اسيب اختى
لوحدها فى المنزل و كده
17- أى نقطه من الماضى تود الرجوع إليها ؟
لا اود الرجوع الى الماضى مهما كان . لسببين
الاول انى كنت اتمنى من و انا صغير ان امتلك حكمه رجل عنده 60 عام امتلكها و انا بهذا العمر
الثانى وهو ان كل شىء لا يسرى فى الدنيا اللا بقدر الله . فإذا تمنيت انه لو عاد بى الزمن لكن فعلت كذا
فهذا اعتراض صريح على ما قدره الله لى . الصحابى الجليل سعد بن ابى وقّاص كان مستجاب الدعوه
كان مستجاب الدعوه بحيث انه اذا دعى الدعوه بفضل الله تجاب فى حينها . عندما كان شيخاً كبيرا
ذهب بصره . فأتاه رجل و قال له ادع لى ان يهدى الله لى زوجتى فأنا تسىء معاملتى
فما ذهب الرجل اللا و قد وجد امرأته و كأنها شخصاً اخر . مطيعه و حنونه
فذهب له الرجل مره ثانيه و قال ادعو لى بالمال فتحقق له ذلك
فذهب له الثالثه و قال يا سعد انك اعمى الا تدعو الله ان يرد اليك بصرك ؟؟؟؟
فرد سعد بن ابى وقّاص رضى الله عنه و قال (( ان قدر الله افضل عندى من ان يُرد الى بصرى ))
18- هل تقرأ الصحف اليوميه ؟ أو حتى الأعداد الأسبوعيه للصحف اليوميه ؟
اكره القراءه فى اخبار الكره و الاخبار المكذوبه . لذلك اكتفى بالعاشره مساءا او 90 دقيقه
19- ما المقال الذى تنتظره و تحرص على قراءته ؟
لا يوجد . لكن كان هناك موضوع فى منتدى الدى فى دى اسمه قطائف من حياه الرسول صلى الله عليه وسلم
كان موضوع فى منتهى الروعه و حفظته كاملا عندى و سأكتبه بالمنتدى العام غداً ان شاء الله
20- فودافون , موبينيل , ولا إتصالات ؟
عندى خط موبينيل مبستعملوش و شغال حاليا على خط اتصالات
21- ذكرت ان هناك موقف خاص حدث لك و أفقدك الثقه فى الناس ....
لمَ لم تستخدمه بشكل عكسى , لمَ أحسست بالضعف للدرجه التى
أحسست فيها أن الناس كلهم متشابهون ؟
لما تكون طول عمرك الاول على مدرستك و الاول فى الجامعه و الدكتور يخليك ترسب عشان مزاجه كده
و الكل يتهمك بالغباء و الجهل و يجعلك سخريه فى الرايحه و الجايه حتى اقرب الأقربين لم اسلم منهم
كيف اثق بعد ذلك ؟
لما الاب يموت و لا تجد الأعمام لا يسألون و لا حتى يعرفون اذا كنا نجحنا ام رسبنا ثم بعد ذلك يتصلون
و يحاسبوك على تقصيرك معهم مع انك يتيم و تحتاج لسؤال
انا لست من النوع اللى يصدر احكام فى التو واللحظه . لكن هى تظهر على مر السنين و تصبح
جليّه بحيث لا يمكن نكرانها
22- " الأقارب عقارب " , إلى أى مدى يؤمن محمود فوزى بتلك المقوله ؟
راجع الرد السابق للأسف :)
23- أى متصفح تستخدم ؟
عندما يكون الانترنت بطىء استخدم متصفح جوجل
اذا اردت ان استمتح بتجربه تصفح سريعه مع الدعم الكامل استخدم الفايرفوكس
اكره الاكسبلورر على طول الخط
24- هل تسير فى يومك على روتين و نظام محدد , ولا بالبركه ؟
الاله هى ما تسير على روتين . و نحن بشر
25- هل تحاول دوما التخلص من العيوب فى نفسك أم تكتفى بوعيك بتلك العيوب وتحاول تداركها فحسب ؟
دائما ما احاسب نفسى على العيوب و الموقف اللى يحدث و اخطأ فيه لا اكرره عاده و من اكبر اخطائى
انى انفعلت بشده وقت صدور الفيرمى و شعرت انى خسرت بسبب ذلك حب و احترام بعض الاعضاء
لكنى اعمل جاهدا على تصحيح ذلك الخطأ و بالبلدى كده تولع الكروت على اللى بيعملوها و لا ان الواحد
يخسر ناس محترمه
26- إذا كانت الإجابه بنعم , ما العيب الذى تعكف حاليا على التخلص منه ؟
حاليا عايز ابطل الطيبه الزايده . مش الهبل . لكن انا مبعرفش ازعل من حد
لما بزعل بفضل افكر للشخص فى اى موقف عمله يكون حلو عشان اسمحه بيه
لدرجه انى ساعات بنسى انى كنت زعلان و بنسى الموقف
و ده صور للناس انى عبيط او مليش كرامه . لكن هى دنيا واحده و الكل هيعيشها مره واحده
فمش مستاهله كمان نكون عداوات عشان حاجه بنمر بيها مرور الكرام
27- هل أنت عصبى ؟ و فى أى موقف تكون فى شده العصبيه ؟
لا مش عصبى ولو بتعصب بكظم الغبظ بكل قوه و الحمد لله
بصل لشده العصبيه لما اشوف نكران الجميل او الجحود و بصل لقمه البغض لما بشوف الكذب او الخيانه
28- متى تتوقع أن يتم غلق الموضوع ؟!
اذا خرج عن مساره فسأكون اول من يطلب بغلقه . لكن الاستاذ رامى وعدنى بأن اى مشاركه مخالفه
ارسل له الرابط و سيتصرف بحزم . ولو تم غلق الموضوع فقد تقربت من اعضاء كالجواهر و سعدت بقربهم
مثل حضرتك و الاستاذ نواف و استاذ محمد هالكى و شيخنا الكريم الاستاذ مبارك و الأستاذ فادى
و المشرف الكريم استاذ رامى .
29- هل مللت من الأسئله ؟
بالعكس لا امل ابدا من الصحبه الصالحه :)
30- متى ستقوم من على الكرسى ؟
( الغرض من السؤال هو تحديد ما إذا كنت ساضع القائمه المضاعفه من الأسئله أم لا :eek::D )
اذا كان ذلك فأنا مشيت من زمان :D:D:D:D:D ضع ما تشاء استاذ محمد
كما قلت اكبر اسباب حبى للمنتدى انه اكبر منتدى جمع اعاظم القوم من البلاد العربيه
سلام واجب : السلام عليكم ستيج بك , مساك الله بكل خير , رحت اللقاء ولا لا ؟
فى انتظار القائمه المضاعفه :ah26:
رد: >>> كرسى الأعتراف <<< ادخل و شارك !!!
اقتباس:
" بايونيك مان " ابن عم حضرتك سألته سؤال واحد من ساعتها مجاش:D
لا والله مهربتش ولا حاجة بس حصلت ظروف منعتني اني ادخل المنتدي بأنتظام
اقتباس:
انت اللى جبته لنفسك :D:D
و لااااااااااااااازم تجااااااااااوب
هو فعلا انا الي جبته لنفسي :(
بس لو جاوبت علي السؤال ده مش هقعد علي الكرسي :D
يا اما امتنع عن الاجابة واقعد علي الكرسي :p
شوفلك حل من الخمسة
