ورينا شاشتك وجهازك Show Your LCD(s) Setup
- شباب المنتدى الغاليين ، تحية ليكم
- على غرار المنتدى الصعب [H] هتلاقوا فيه موضوع بنفس الأسم ، غرض الموضوع أن كل عضو يبين شكل ال Setup بتاعه والشاشات ( لأصحاب الميزانيات أياها :D ) أو الشاشة الواحدة ( أصحاب الميزانيات العادية ) والموضوع هناك وصل ل 780 صفحة وأكثر فى وقتنا الحالى.
- عايزين نبدأ موضوع على نفس الغرار دة ، يبقى اكبر موضوع عربى ان شاء الله فيه صور لأجهزة الأعضاء.
- خلى بالكم أنا مقصدش صور للجهاز من الداخل لأن فيه فى المنتدى هنا موضوع للصور دى بالفعل ، أنا أقصد صورة خارجية للجهاز و الشاشة والملحقات ألخ ألخ.
- عايزين كل واحد يرفع صورتين أو ثلاثة للجهاز لديه ، فربما يستفيد أحد مننا من الموضوع أو يسأل على قطعة معينة ، أو يسأل عن شئ معين شافه فى الصورة ، ومن ضمن أهداف الموضوع أنه يقرب الأعضاء من بعض أكتر و أكتر بأذن الله.
- طبعا مش هنقول قواعد ( لأن فيه ناس بتحب تكسر القواعد :D ) أحنا هنقول أرشادات عامة ، وهى أن اللى يصور صورة ياريت يصغرها ، محدش بيصور بكاميرا 5 ميجا بكسل يسيبلى الصورة زى ماهى ، لأ صغرها وبعدين أرفعها عشان متبوظسش شكل الموضوع.
- برضة لما ييجى عضو يقتبس من عضو تانى ياريت يشيل الصورة من الأقتباس ويسيب الكلام بس ، عشان باقى المشاركات متتوهش وتضيع فى الزحمة وتبوظ شكل الموضوع.
- نبتدى على بركة الله ، هرفع صور لجهازى واللى عايز يسأل عن أى شئ أنا موجود هرد عليه بأذن ربنا.
https://www.fileden.com/files/2009/1...de.Coolman.jpg
https://www.fileden.com/files/2009/1...de.Coolman.jpg
- أى سؤال عن أى شئ أنا موجود.
- على فكرة أخر صورة الرف أنا سانده على Vodafone USB Stick بعد ما أحلته للتقاعد بسبب أرتفاع تكلفة الخدمة ، وهى دى أخرته أصبح " مسند للرف " :D:D
رد: ورينا شاشتك وجهازك Show Your LCD(s) Setup
أكسف أحط ال Setto :D ... أستني عليا لما أجيب ال HAF ;)
رد: ورينا شاشتك وجهازك Show Your LCD(s) Setup
- عادى حط السيتو مع الشاشة وباقى الجهاز ولما تجيب الهاف ( أو الفل :D ) أبقى حط صورة تانية تعتبر Update لجهازك.
رد: ورينا شاشتك وجهازك Show Your LCD(s) Setup
فكرة ممتاز يا كوول :D
هل بإمكانك الإنتظار حتى طلوع النهار ؟
لان الدنيا ليل و الفلاش مطلع الصور وحشة و برضو لما بقيد النور وحشة :ah38:
و لكن ما هذا العدد المهول من الدي في ديز يا كوول ؟ :D
رد: ورينا شاشتك وجهازك Show Your LCD(s) Setup
- أنا مصبرتش وصورت فى الظلام الحالك ، الصور اللى فوق بال N82 بصراحة معتقدش فيه موبايل خمسة ميجابكسل تانى بيطلع صور زيه.
- بلاش أصورلك باقى الدى فى ديهات عشان ميجيلكش صدمة :D دول دى فى ديهات الألعاب فقط.
- مستنيك بكرة تحط الصور أن شاء الله ، وأبقى أعزم كل اللى فى المنتدى يحطوا صورهم هما كمان.
رد: ورينا شاشتك وجهازك Show Your LCD(s) Setup
فكرة رائعة اخ كوول مان ، وما شاء الله عليك مرتب جدا :)
ان شاء الله راح اضيف صور بعد شويت ترتيبات بس ممكن الشغلة تطول :D
رد: ورينا شاشتك وجهازك Show Your LCD(s) Setup
- أشكرك أدفيل على الطراء وعلى التقييم.
- الحقيقة الفكرة جات فى دماغى من أسبوع لما كنت بنضف الغرفة ( على غير العادة :D ) فقلت أعمل موضوع بيها.
- المكان جنب بعضه فى الصور السابقة لمن يعتقد أنهم مكانين منفصلين.
https://www.fileden.com/files/2009/1...ll.Coolman.jpg
رد: ورينا شاشتك وجهازك Show Your LCD(s) Setup
:D
اسف جودة الصورة مش تمام
:o
رد: ورينا شاشتك وجهازك Show Your LCD(s) Setup
موضوع جميل جدا و انا حرفع صوري بكره باذن الله بعد ما ارتب الدنيا شويه كده !!
رد: ورينا شاشتك وجهازك Show Your LCD(s) Setup
شكل مكتبك تحفه ... ما شاء الله
ان شاء الله بكره اضع الصور ...
رد: ورينا شاشتك وجهازك Show Your LCD(s) Setup
- كروس فاير : الصورة على الأقل بتتشاف ، بس زى ما نصحت محمد نان قبل كدة ، ثبت أيديك كويس جدا فى التصوير ، زود الأضاءة على قد ماتقدر.
- تانى حاجة : هو الكيس أتسرق منك ولا أيه ؟؟؟ :p
- بلوتونيوم : مستنيك بكرة أن شاء الله.
- بيدو : ربنا يكرمك ومستنيك بكرة أوعى تنسى.
- سؤال محرج لجميع الشباب : أشمعنى بكرة ؟؟؟؟؟؟؟ :D
رد: ورينا شاشتك وجهازك Show Your LCD(s) Setup
اقتباس:
- كروس فاير : الصورة على الأقل بتتشاف ، بس زى ما نصحت محمد نان قبل كدة ، ثبت أيديك كويس جدا فى التصوير ، زود الأضاءة على قد ماتقدر.
كدة اعلى اضائة عندي :o
اقتباس:
- تانى حاجة : هو الكيس أتسرق منك ولا أيه ؟؟؟ :p
لا محطوط جنب المكتب و معرفتش اطلعه في الصورة :rolleyes:
عالعمدو هعدل البوست بكرة و هحط صور زيادة
اقتباس:
- سؤال محرج لجميع الشباب : أشمعنى بكرة ؟؟؟؟؟؟؟ :D
علشان احنا بالليل و الناس مكسلة ترتب الحاجة :D
رد: ورينا شاشتك وجهازك Show Your LCD(s) Setup
طب والي ماعندوش ديسك توب وباع الدنيا كلها :D
ينفع يحط الابتوب بتاعه :D
رد: ورينا شاشتك وجهازك Show Your LCD(s) Setup
فعلا ... انا كنت متابع جدااا للموضاعات اياها فى المنتديات الاجنبية :D
يلا ايااااااااااااااام :p
وبكرة ان شاء الله هبقى احط صورة عامة للجهاز
والسبب هو : انى هستلف موبايل من صاحبى عشان اصوره ان شاء الله N95
لعدم وجود كاميرا :o
شكرااااا استاذ كول مااااان... وجهاز حضرتك ماشاء الله ممتاز
تم التقييم :)
رد: ورينا شاشتك وجهازك Show Your LCD(s) Setup
معلش هوا أيه المنتدى الصعب ده + يا ريت كل و احد يعمل مفتاح للخريطة عشان نعرف أيه اللى فى الصورة