دليل مبسط لشراء الهيدفون المناسبة
بسم الله الرحمن الرحيم
أولا: توضيح بسيط لمفهوم خاطيء منتشر عندنا في مصر و الشرق الأوسط و هو "الهيدفون ال5.1 أو ال7.1 أحسن بمراحل من أي هيدفون عادية 2.1"
نظرة بسيطة علي أي منتدي غربي مهتم بالصوتيات تخبرك أن هذا المفهوم خاطيء تماما. لا أحد يمتلك هيدفون 5.1 ألا لو كان مهتم بألعاب الFPS و سوف نأتي لهذا لاحقا, فالهيدفون ال5.1 تعامل نفس معاملة الماوس الgaming بالضبط.
في كل الهيدفونات الأتية (و هي تشكيلة من أجود الهيدفونات المتفق علي جودتها في العالم) ستجد أنها قناتين فقط أو 2.1, لعدة أسباب:
1-الصوت المحيطي:
أي هيدفون عادية ممكن تشغل فيها الصوت المحيطي, أما عن طريق تفعيل الCMSS3D في كروت Creative أو الDolby Headphone في كروت Asus.
و النتيجة واحدة عن تجربة و لكن الهيدفون ال5.1 هنا تتميز بشيء مهم في ألعاب الFPS.
التحديد..
يمكنك تحديد اتجاه الطلقة و مصردها و سماع خطوات عدوك بكل دقة.
أي هيدفون عادية يمكنها عمل ذلك لكن بكفائة أقل و بتفاصيل أقل.
2-الأذن:
أذنك البشرية الطبيعية تستطيع التفريق بين الصوت القادم من الأمام أو من الخلف, لكن الأمر يزداد تعقيدا مع الهيدفونات ال5.1 و خاصة ال7.1 لأن أذنك لن تستطيع تحديد مصدر الصوت من أي سماعة نظرا لقرب المسافة.
و في النهاية يبقي أحساس عام بمصدر الصوت.
التحديد يحتاج الي مسافات كبيرة بين السماعات مثل الأنظمة الصوتية ال5.1 أو ال7.1 لتستطيع الأذن تمييز مصدر الصوت.
3-الجودة:
قارن بين هيدفون 2.1 ب100 دولار و أخري 5.1 ب 100 دولار أيضا.
أيهما أعلي جودة في الصوت و التصنيع؟
الهيدفون ال2.1 تصل تكلفة السماعة الواحدة الي 50 دولار.
بينما في حالة الهيدفون ال5.1 تصل تكلفة السماعة الواحدة الي 5-10 دولار.
أذن أيهما أعلي جودة؟
-------------------------------------------------------------
الأن نأتي لمرحلة أختيار الهيدفون طبقا لأستخدامك و ميزانيتك:
1-أقل من 20 دولار:
لدينا اختيار واحد فقط و هو الوحيد الذي وصل مصر و أعجب كل من استخدمه رغم قلة جودته مقارنة بالموديلات الأعلي.
Koss KSC75 و تكلفتها تصل الي 13-15 دولار.
هيدفون Clip-On ممتازة بهذا السعر و تعتبر من أنجازات Koss, صوت محترم و لكن ليس عاليا بما يكفي, مناسبة لسمع الموسيقي الهادئة و الكلاسيكية.
----------------------------------------------------------------------------------------
2-من 20 الي 70 دولار:
نبدأ الفئة المتوسطة التي تناسب معظمنا مع هذه الهيدفون
1-Shure SRH-440
65 دولار, جيدة جدا, قابلة للطي مما يتيح لك استخدامها في السفر, كبيرة بعض الشيء لكن مريحة.
2-Sony MDR-V6
65 دولار, ملكة هذا النطاق السعري منذ الثمانينات, Bass عالي و واضح, وضوح التفاصيل ممتاز, عازلة بعض الشيء, سلك ملتف مما يقصره و يمنع التعثر فيه و Jack مطلي بالنيكل.
ينصح بشراؤها في هذه الفئة.
3-JVC HA-RX700
35 دولار, تعتبر من الهيدفونات التي تحقق توازن الصوت (لا علو مفاجيء أو انخفاض مفاجيء), كبيرة و لا توفر العزل المرغوب فيه, Bass به رنين بعض الشيء لكن مقابل هذا السعر وضوح التفاصيل و جودة الصوت رائعة.
4-Grado SR60i
69 دولار, ليست من الهيدفونات العازلة (بمعني أن ما ستسمعه سيسمعه من حولك), صوتيات ممتازة, تناسب سماع الجيتار و الRock, ينقصها الBass بعض الشيء.
-----------------------------------------------------------------------------------------------------------------------------
3- من 70 الي 150 دولار:
الفئة المتوسطة العليا, سعر معقول و أداء مقابل سعر. هنا يظهر الفارق بين الشركات المختلفة واضحا.
1-Audio Technica M50
من 100 الي 120 دولار, عزل ممتاز, قابلة للطي, صوت رائع و Bass يستحق السماع.
2-Audio Technica ATH-AD700
88 دولار, ممتازة للألعاب و الأفلام, تتمتع بمدي صوت واسع, Bass ليس عاليا و لكنه مناسب, مريحة و كبيرة للغاية.
3-Sennheiser HD580
150 دولار, صوت جيد للغاية مع Bass قوي, ليست مريحة و تضغط علي الأذن.
-------------------------------------------------------------------------------------------------------------------------
4- من 150 الي 250 دولار:
من هنا نبدأ دخول الفئة العالية التي ينصح بها للaudiophiles
1- Denon AH-D2000
من 220-230 دولار, Bass رائع, قمة الراحة في هذه الفئة, غير عازلة, جيدة للغاية مع الTrance و الMetal مع علو الصوت.
2-Beyerdynamic DT770/80 ohm
150 دولار, من أروع الهيدفونات في الBass, صوت فوق الممتاز و توزيع خيالي, جيدة جدا للألعاب و الأفلام.
--------------------------------------------------------------------------------------------------------------------
5- من 250 الي 500 دولار:
الفئة الأعلي في الهيدفون حيث يصير الصوت متعة و يقارن بأعلي الأنظمة الصوتية التي تتعدي تكلفتها أضعاف هذا الثمن
1-AKG K701
250 دولار, وضوح تفاصيل مذهل مع توزيع صوتي لا يقارن, شكل رائع, Bass لا يرتقي للمستوي المطلوب.
2-Beyerdynamic DT880/600 ohm
290 دولار, عامة أي شيء من صناعة Beyerdynamic هو روعة في الصوت و لكن هذه الهيدفون بالذات هي الجواد الرابح لهذه الشركة, أقرب ما يكون للصوت الطبيعي, وضوح تفاصيل رائع و توزيع صوتي دقيق للغاية, مناسبة للألعاب خاصة الFPS
3-Sennheiser HD650/300 ohm
من 350-400 دولار, من أعلي الفئات المنتجة من قبل الشركة الرائدة في مجال الصوتيات Sennheiser, غير منتشرة, صوت أقل من المتوقع بالنسبة لسعرها, رائعة للألعاب, Bass قوي و واضح, غير عازلة.
---------------------------------------------------------------------------------------------
6- أعلي من 500 دولار:
فئات خاصة للمحترفين و مهندسي الصوتيات
----------------------------------------------------------------------------------------------------------
في النهاية أهم شيء هو تحديد ميزانيتك, حاول سماع أكثر قدر ممكن من الهيدفونات في أي مكان قريب منك (في مصر لا أمل:D)
ما يناسب ذوقك قد لا يناسب الأخرين لذا تعتبر الصوتيات من التجارب الشخصية, لا توجد هيدفون مثالية أو تصلح لكل شيء.
ما أراه كثيرا و أفكر فيه هو هيدفون 5.1 للgaming فقط (و أرشح الRoccat Kove لما لها من سمعة جيدة بالخارج علي عكس العديد من الهيدفونات ال5.1) + هيدفون من الفئة المتوسطة للأغراض الأخري كسماع الموسيقي و مشاهدة الأفلام.
نصيحة أخيرة: كارت الصوت لا غني عنه لأي من هذه الهيدفونات, لو وجدت Asus Xonar فاشتريه و تجنب تعريفات Creative التي لا لزوم لها, لو لم تجد غير الCreatice فاشتري الX-Fi و لا شيء أقل.
أعرف أن معظم أن لم يكن كل ما ذكرت هنا لا يباع بأي من الدول العريبة, هذا موضوع كتبه أخونا العزيز محمد نان عن الشراء من الخارج و قد أفادني جدا.
رد: دليل مبسط لشراء الهيدفون المناسبة
هل كروت auzentech
جيدة في التعريفات لان الكثير من الالعاب تدعم تقنيات X-FI
,auzentech
x-fi FORTE
يدعم X-FI
رد: دليل مبسط لشراء الهيدفون المناسبة
انت عارف انا استخسر ادفع اكتر من 50 جنية فى اى سماعة .
والهيد فون اية الفرق الى ام 20 جنية الى مصر كلها عندها وام 150 ج
لان بعيد عنك مصر المحروسة مليانة من الحجات دى وانا مليش خبرة خالص
رد: دليل مبسط لشراء الهيدفون المناسبة
تعريفاتها أحسن من Creative بمراحل
كارت الForte ممتاز و بيستخدم PCI-E بس سعره غالي شوية
150 دولار من موقع Auzentech
رد: دليل مبسط لشراء الهيدفون المناسبة
موضوع رائع يا سمير ، بس أعتقد ممكن الواحد يستغنى عن كرت الصوت بUSB Headphone زى Razer Megalodon مثلا :)
رد: دليل مبسط لشراء الهيدفون المناسبة
اقتباس:
والهيد فون اية الفرق الى ام 20 جنية الى مصر كلها عندها وام 150 ج
صوابعك مش زي بعضها, فيه حاجات شبه نضيفة بس سعرها ميشجعش
-----------------------------------------
ربنا يخليك يا عبد الله
الفكرة أن عمر ما الUSB Headphone حيبقي صوتها زي أي حاجة من الفئة المتوسطة مثلا
لأن الأتنين بنفس السعر تقريبا لكن الRazer هيدفون 7.1, يعني طبيعي أنه حيبقي جودة السماعات أقل و بالتالي جودة الصوت أقل
و لأن كرت الصوت دايما بيبقي فيه options و effects اكتر من اللي موجود في الهيدفون الUSB
رد: دليل مبسط لشراء الهيدفون المناسبة
إيه الموضوع الرهيب ده يا دوك :)
فينك من زمان يا راجل :)
السؤال الهام حالياً: أيّ من هذه السماعات متوفر في جمهورية مصر العربية ؟ :D
رد: دليل مبسط لشراء الهيدفون المناسبة
ربنا يخليك يا جوهري, و الله ردك أحلي من أي تقييم:)
اقتباس:
السؤال الهام حالياً: أيّ من هذه السماعات متوفر في جمهورية مصر العربية ؟ :D
:D
ده لو ربعهم متوفر, البلد كلها حتبقي audiophiles يا راجل
رد: دليل مبسط لشراء الهيدفون المناسبة
فتحت نفسى لسماعات الواحد هيموت ويشوفها هنا
شكرا على الموضوع الرائع
رد: دليل مبسط لشراء الهيدفون المناسبة
موضوع شيق وبارك الله فيك
ويارب السوق المصرى تتوفر فيه الحاجات الهاى لان سوقنا تعبان جدا
وسكرا
رد: دليل مبسط لشراء الهيدفون المناسبة
اعرف انه ب 150$
وال ASUS
اغلى منه ب 50$
ولكن ما الافضل
رد: دليل مبسط لشراء الهيدفون المناسبة
موضوع أكثر من رائع يا باشا :ah7:
وياسلام بقى لو تعمللنا موضوع عن الIEMs
والله تبقى راجل 100 100
على الاقل نحس ان في اهتمام بيها في منتدى عربي
وأكيد في هنا audiophiles كتير مش انا بس ;)
رد: دليل مبسط لشراء الهيدفون المناسبة
اعترض على مثل هذه المواضيع
فهي تصيب قلبي بالحرقة و تجعل الدمعة تغرر في عيني
طبعا لا يوجد لدينا فكرة الشحن من الخارج لأننا "Out Of The Coverage Area"
برأيك ما هي السماعة التي تحقق أفضل "أداء مقابل السعر" ولا يهمني ادائها في الألعاب كثيرا
هناك نوعية رخيصة من سماعات الWireless عندنا في الأسواق أفكر بشرائها حاليا لحين توفر شيء محترم فما رأيك بمثل هذه السماعات
طبعا التقييم أمر واجب
رد: دليل مبسط لشراء الهيدفون المناسبة
اقتباس:
فتحت نفسى لسماعات الواحد هيموت ويشوفها هنا
و الله الواحد نفسه مفتوحة جاهزة, بس أشك بشدة أنك ممكن تشوف Beyerdynamic مثلا في مصر:D
اقتباس:
ويارب السوق المصرى تتوفر فيه الحاجات الهاى لان سوقنا تعبان جدا
الحاجة الوحيدة اللي ليها علاقة بالصوت عندنا هما كارتين: الCreative X-Fi Titanium و الElite Pro عشان فيهم شريحة الX-Fi
فيما عدا كده الباقي كله ما يستاهلش يتبص ليه.
اقتباس:
اعرف انه ب 150$
وال ASUS
اغلى منه ب 50$
ولكن ما الافضل
الأرخص
العديد من الناس يشتكون من تعريفات asus الغير مستقرة و مشاكل في أستخدام الequalizer
Auzen لديها نفس عتاد أسوس تقريبا لكن بتعريفات أفضل
و فرق الصوت بينهم ليس كبيرا, حتي الHeadphone Amp لن تستخدمه
اقتباس:
وياسلام بقى لو تعمللنا موضوع عن الIEMs
والله تبقى راجل 100 100
على الاقل نحس ان في اهتمام بيها في منتدى عربي
وأكيد في هنا audiophiles كتير مش انا بس ;)
أن شاء الله في القريب العاجل و لو أن خبرتي بيها أقل نوعا ما.
فيه عروض كويسة دلوقتي من Amazon علي IEMs , ممكن تعجبك حاجة منهم.
الاهتمام موجود بس الأنشغال برضو قاتل
خلي بالك أن الهواية ديه مكلفة جدا , دايما بيتقال لأي حد داخل جديد في منتدي صوتي "أسف بشأن محفظتك":D
-----------------------------------------------------------------------------------------------------
اقتباس:
اعترض على مثل هذه المواضيع
فهي تصيب قلبي بالحرقة و تجعل الدمعة تغرر في عيني
مش لوحدك أخي خير الدين
و سلامتك:)
اقتباس:
طبعا لا يوجد لدينا فكرة الشحن من الخارج لأننا "Out Of The Coverage Area"
برأيك ما هي السماعة التي تحقق أفضل "أداء مقابل السعر" ولا يهمني ادائها في الألعاب كثيرا
هناك نوعية رخيصة من سماعات الWireless عندنا في الأسواق أفكر بشرائها حاليا لحين توفر شيء محترم فما رأيك بمثل هذه السماعات
لو أي شركة شحن عندكم ممكن يبقي فيها International Shipping زي أرامكس عندنا مثلا (يعمل لك عنوان في أمريكا يتشحن الطلب عليه و هو يستلمه من هناك و يسلمه لحد عندك)
نصيحة وفر فلوس الWireless , أكثر من 99% من السماعات ديه لا تستاهل سعرها أطلاقا
علي حسب اهتمامك في الصوت:
SONY MDR V-6 : لكل شيء عامة لكنها تتألق في الموسيقي ذات الBass العالي
AD700 : للألعاب خاصة لما تتمتع به من دقة صوتية في ألعاب الFPS و مريحة جدا
HD555 : للأفلام خاصة لما تتمتع به من توزيع صوتي رائع و Bass جيد (أن شاء الله أنوي عليها قريبا)
الهيدفون الSONY عازلة للصوتClosed حتي لا يسمع من حولك
الAD700 و الHD555 ليست عازلة Open و بالتالي قد يسمعون جزء بسيط مما تسمع
دائما السماعات الOpen أفضل من الClosed بمراحل, لأن صوتها يماثل الصوت الحقيقي و بسبب تأثير صدي الصوت Resonance في رأسك مع الClosed
أتمني أن أكون قد أفدتك
رد: دليل مبسط لشراء الهيدفون المناسبة
هل موجود منه فى مصر ؟
هأسالك سؤال بسيط للغايه , ما هى أى موديل من اللى حضرتك كاتبهم موجود فى مصر عادا أرخص واحده اللى انت كاتبتها فى الأول ؟
و ما هى أفضل الكروت الصوتيه فى رينج كارت الجيمر