انا فتحت الاربع انويه و عايز رأيكم فى درجة الحراره
الاخوه الكرام
انا عندى بروسيسور phenom 2 X2 555 مفتوح الاربع انويه و شغلت برنامج prime لمدة نصف ساعه على البروسيسور قبل فتح الانويه و بعد فتح الانويه و ده كان يوم الخميس النهارده الساعه 6 صباحا ( عشان درجة حرارة الجو فى القاهره كانت 39 درجه يوم الاربعاء و الخميس ) . مرفق مع الموضوع صوره قبل فتح الانويه و صوره بعد فتح الانويه و ده زى ماقولت بالضغط 30 دقيقه ببرنامج prime و بالمشتت الاصلى .
كل اللى انا عايزه تطمنونى على درجة حرارة البروسيسور و هل هى معقوله عشان مش حاعرف اشترى مشتت محترف دلوقتى عشان حاتضر اشترى كيسه احترافيه و كده التكلفه حاتكون عاليه عليا دلوقتى و كمان تضمنونى هل كده يعتبر البروسيسور بتاعى يعمل باستقرار تام مع فتح الانويه ؟
شكرا جزيلا
رد: انا فتحت الاربع انويه و عايز رأيكم فى درجة الحراره
اخي مع الضغط بالبرايم الحراره مش واضحه اقصد مش ظاهره
ولكن بالصوره الاولى الحراره جيده جدا
رد: انا فتحت الاربع انويه و عايز رأيكم فى درجة الحراره
درجات الحرارة كويسة جدا يا اخى العزيز ...................................ولكن انتظر راى الخبراء
رد: انا فتحت الاربع انويه و عايز رأيكم فى درجة الحراره
درجة الحراره عاليه و خطيره لا يجب ان تتجاوز 62 درجه لسطع المعالج انا أجلت فتح الانويه حتى اشترى مشتت احترافى
رد: انا فتحت الاربع انويه و عايز رأيكم فى درجة الحراره
يا جماعه انتو شفتو الحراره بالضغط ازاي؟:)
رد: انا فتحت الاربع انويه و عايز رأيكم فى درجة الحراره
فى برنامج hardware montiore
هناك كلمة على الشمال اسمها tmpin 0 هى دة درجة حرارة سطح المعالج
رد: انا فتحت الاربع انويه و عايز رأيكم فى درجة الحراره
اقتباس:
المشاركة الأصلية كتبت بواسطة MR.RED-MIST
درجة الحراره عاليه و خطيره لا يجب ان تتجاوز 62 درجه لسطع المعالج انا أجلت فتح الانويه حتى اشترى مشتت احترافى
شكرا على كل الردرد بس بالنسبه لدرجة الحراره لا تتجاوز 62 درجه ممكن مراجعه او موقع لو سمحت
رد: انا فتحت الاربع انويه و عايز رأيكم فى درجة الحراره
اقتباس:
المشاركة الأصلية كتبت بواسطة amrmovie
شكرا على كل الردرد بس بالنسبه لدرجة الحراره لا تتجاوز 62 درجه ممكن مراجعه او موقع لو سمحت
ياباشا درجة الحرارة 62 بس دة درجة حرارة السطح بتاع المعالج انما درجات الحرارة بتاعة الانوية هتلاقىها ازيد من السطح بحوالى 10 درجات فا دة معناة انة درجة حرارة الانوية تقريبا 72 درجة وانت كدة تعتبر داخل على مرحلة الخطر
انا كنت رديت على حضرتك وقلت ان دة حرارة كويسة بس انا فاتت عليا قصة الانوية وحرارتها
رد: انا فتحت الاربع انويه و عايز رأيكم فى درجة الحراره
شكرا يا باشا و فى انتظار رد باقى الاعضاء
رد: انا فتحت الاربع انويه و عايز رأيكم فى درجة الحراره
مبروك فتح الأنويه يا عمرو
:)
عند فتح الأنويه لا يمكن قياس درجات حراراتها و لكن يمكن قياس درجة حرارة سطح المعالج ككل
بالنسبه للحراره , يجب ألا تتجاوز 62 لسطح المعالج
أو 79 للأنوية ( في حالة فتحها ) أو 99 ( في حالة غلقها )
(درجات الحراره الخاصه بالأنويه غير أكيده )
بالنسبه للحراره قبل فتح الأنويه فهي جيده و مقبوله
لكن بعد فتح الأنويه إرتفع الحراره بشكل خطير و أنصحك أن تعاود إغلاق الأنويه المفتوحه لحين شراء مشتت إحترافي
عموما يمكنك كذلك شراء المشتت Hyper 212 Plus و سعره من 180 ~ 200 جنيه
و هو مشتت ممتاز
بالتوفيق
:)
رد: انا فتحت الاربع انويه و عايز رأيكم فى درجة الحراره
اقتباس:
المشاركة الأصلية كتبت بواسطة amrmovie
شكرا على كل الردرد بس بالنسبه لدرجة الحراره لا تتجاوز 62 درجه ممكن مراجعه او موقع لو سمحت
اخى انا لدى معالج يماثل معالجك و تم نصيحتى فى المنتدى هنا بهذا الكلام من عضو موثوق جداً فى كلامه وهو
Extreme2
رد: انا فتحت الاربع انويه و عايز رأيكم فى درجة الحراره
جزاكم الله كل خير و ان شاء الله حابقى اجيب مشتت بس هل كده الاربع انويه تعتبر شغاله معايا باستقرار تام ؟ و ليا استفسار كمان دلوقتى سعر المشتت 180 جنيه فهل اضمنلى انى اوفر الفرق ده و اشترى x4 من غير مشتت ولا حتى لو اشتريت x4 حاتضر اشترى مشتت ؟
رد: انا فتحت الاربع انويه و عايز رأيكم فى درجة الحراره
المشتت بيكون لازم مع معالجات AMD لأنه بيفيد بكسر السرعه لكن X4 بالمشتت الاصلى و مع عدم كسر السرعه الا بحالات طفيفه او انعدام كسر السرعه يعمل المشتت الاصلى جيداً
رد: انا فتحت الاربع انويه و عايز رأيكم فى درجة الحراره
اقتباس:
المشاركة الأصلية كتبت بواسطة amrmovie
جزاكم الله كل خير و ان شاء الله حابقى اجيب مشتت بس هل كده الاربع انويه تعتبر شغاله معايا باستقرار تام ؟ و ليا استفسار كمان دلوقتى سعر المشتت 180 جنيه فهل اضمنلى انى اوفر الفرق ده و اشترى x4 من غير مشتت ولا حتى لو اشتريت x4 حاتضر اشترى مشتت ؟
اولأ ازيك يا عمرو و اتمنى ان تكون فى احسن حال
الفكرة دية مش جيدة لأنك لو وفرت ثمن المشتت و جبت PHENOM II X4 955 OR 965
هتبقا محتاج مشتت احترافى لأن حرارتهم بتبقا عالية واللى ممكن يشتغلوا منغير مشتت من ال PHENOM II
هما PHENOM II X4 925 AND 945
نصيحة منى هات مشتت احترافى و البروسيسور اللى عندك يساوى ال PHENOM II X4 955
الفرق كلة 100 MHZ بس بين اللى عندك و ال PHENOM II X4 955
رد: انا فتحت الاربع انويه و عايز رأيكم فى درجة الحراره
ازيك يا هشام و الله واحشنى . و الله انا فكرت انى اشترى المشتت Cooler Master Hyper 212 Plus بس مشكلته انه شكله فى الفيديوهات و الصور كبير الحجم و انا الكيسه بتاعتى جامبو اللى سعرها 150 جنيه . هى اه تجاريه بس حجمها اكبر شويه من الكيسات اللى ب 100 جنيه فمش عارف المشتت ده حايركب عليها ولا لا . فياريت لو اى حد يعرف مشتت يدينى نفس الاداء بس يكون حجمه اصغر و يكون فى حدود 200 جنيه