ربنا يسامحك يا أحمد زكى بدر
"صراخ" و"إغماءات" و"سيارات إسعاف" أمام لجان الثانوية العامة بسبب صعوبة امتحان "الإنجليزية".. والطلاب يصفونه بـ "المجزرة".. و"التعليم" تُعِّد لجنة "عاجلة" لتقييم لمستوى الأسئلة
الإثنين، 14 يونيو 2010 - 13:47
https://www.youm7.com/images/NewsPic...0101414594.jpg أحد الآباء يصرخ وهو يحتضن ابنته
كتب حاتم سالم
https://www.youm7.com/images/graphics/lg-addthis-en.gif https://www.youm7.com/images/graphics/igoogle.gif
خاض طلاب المرحلة الأولى من الثانوية العامة، وعددهم 400 ألف طالب اليوم، الاثنين، امتحانا فى مادة اللغة الإنجليزية وصفوه بـ "التعجيزى"، فبمجرد انتهاء الوقت المحدد للامتحان بدأ الطلاب والطالبات فى الصراخ والبكاء والعويل أمام اللجان التى شهدت بعضها إغماءات وانهيارات استلزمت تواجد سيارات الإسعاف أمامها، مثلما حدث فى لجنة "المنيرة الإعدادية بنين" المجاورة لوزارة التربية والتعليم التى يؤدى فيها طالبات مدرسة "السنية الثانوية بنات" امتحاناتهن.
وصف الطلاب والطالبات الامتحان بأنه تعجيزى وغير مباشر وغير متوقع، ولا يمكن لأى طالب حله كاملا حتى المتفوقين، وأكدوا أن أسئلة "القصة" و"الاختيار من متعدد" و"الترجمة إلى الإنجليزية" و"القطعة" كانت الأصعب فى الورقة الامتحانية، لأنها احتوت على جزئيات لم يدرسوها أما باقى الأسئلة فلم تخل من تعقيدات، وأضافوا أنهم بدءوا فى الإجابة عن الأسئلة بعد مرور 30 دقيقة على الأقل بسبب اكتشافهم صعوبة 80 % من الورقة الامتحانية.
وسيطرت حالة من الغضب الشديد على أولياء الأمور المتواجدين أمام لجنة "المنيرة الإعدادية بنين"، وانهار بعضهم بسبب رؤيتهم لأبنائهم، وهم يبكون من شدة صعوبة الامتحان، ودعا أولياء الأمور على الدكتور أحمد زكى بدر، وزير التربية والتعليم، ووصفوا ما حدث بـ "المجزرة"، وأكدوا أن "بدر" بتغييره لمستوى الورقة الامتحانية، وفق رأيهم، سيتسبب فى ضياع مستقبل الطلاب، وقالت ولية أمر "حرام على الوزير اللى بيعمله فى ولادنا.. يا ريت يحل الامتحان بنفسه قبل ما الطلبة تحله"، قال ولى أمر الوزير: "منك لله يا زكى يا بدر .. دى مش وزارة الداخلية عشان يعمل فى الطلاب كده".
فيما أفاد عدد من الممتحنات من مدرسة السنية الثانوية بنات بأن زميلة لهن أصيبت بإغماءة مع بدء الامتحان، وأضفن أن سيارة إسعاف وصلت إلى اللجنة لنقلها إلى إحدى المستشفيات، فيما أوضح عدد من معلمى الإنجليزية أن الامتحان ملىء بالجزئيات الغامضة وغير المباشرة، وأكدن أن الزمن المحدد لحل الأسئلة لا يتناسب مع مستوى الورقة الامتحانية.
من جهته صرح مصدر مسئول بوزارة التربية والتعليم بأن المركز القومى للامتحانات والتقويم التربوى، التابع للوزارة، أعد لجنة من خبرائه لتقييم مستوى امتحان اللغة الإنجليزية بشكل عاجل وفورى، لبيان مدى صحة شكاوى الطلاب من الورقة الامتحانية.
....................
اليوم السابع
.................
تعليق :
ابوك بوظ البلد و ربنا ريحنا منه ( ذكى بدر ) و كان ديكتاتور مفترى
تيجى انتا كمان تقضى على اولادنا و اخوتنا و تنقم منهم
و عاملى فيها مصلح
اتشطر على المدرسين و بلاش تتشطر على الطلاب
هنلاقيها منك و لا من ابوك و لا من الحكومة
ربنا يسامحك
رد: ربنا يسامحك يا أحمد زكى بدر
مهزلة كل عام.
طلبة فاشلون يصرخون عقب الاختبارات لأنهم لن يحصلوا على الدرجات النهائية. والإعلام يضخم المسألة.
هل يجب أن يحصل جميع الطلبة على 100% من الدرجات؟
كل المجتمع لازم يكون دكاترة؟
في رأيي أن السؤال الذي يجيب عليه 2% فقط من الطلبة ضروري جدا. ولا حاجة لإعادة توزيع الدرجات ولا للمساخر التي تحدث كل عام بسبب اختبارات الثانوية العامة.
رد: ربنا يسامحك يا أحمد زكى بدر
اخويا كان فى 3 ثاناوى السنه اللى فاتت ...........وكل امتحان يقولو الامتحان صعب وبتاع ...وهو يقول الامتحان مفيهوش اى حاجه....
والحمد لله جاب 98.8......يعنى كل ده كلام فاضى والامتحان عادى وزى الفل واللى بيسوطوا وبيعيطوا دول الفاشلين.......وبعدين مدام الامتحان على جميع الطلاب يبقى هو ده العدل..........
رد: ربنا يسامحك يا أحمد زكى بدر
اقتباس:
المشاركة الأصلية كتبت بواسطة Alaa.Ismael
مهزلة كل عام.
طلبة فاشلون يصرخون عقب الاختبارات لأنهم لن يحصلوا على الدرجات النهائية. والإعلام يضخم المسألة.
هل يجب أن يحصل جميع الطلبة على 100% من الدرجات؟
كل المجتمع لازم يكون دكاترة؟
في رأيي أن السؤال الذي يجيب عليه 2% فقط من الطلبة ضروري جدا. ولا حاجة لإعادة توزيع الدرجات ولا للمساخر التي تحدث كل عام بسبب اختبارات الثانوية العامة.
اخى
الصعوبة وارده جدا
و لكن التعجيز حرام
اتذكر و انا فى الثانوية العامه
جات على سنتنا و الامتحانات اتغيرت و جات من النظام القديم
و ضعنا
و اللى كان شاطر جدا و كان ممكن يجيب طب و هوا مرتاح
دخل علوم و تربية
فيه فرق بين الصعوبة
و التعجيز
رد: ربنا يسامحك يا أحمد زكى بدر
^^^^^
الأستاذ اللى بيقول تعجيز !!! انت فى الثانويه العامه ؟؟؟؟ شوفت الإمتحان اصلاً ؟؟؟؟
قمت بالإطلاع على ورقه الأسئله ؟؟؟؟ وللا مع الناس و خلاص ؟؟؟؟
فى السنه بتاعتى كان امتحانات الفيزياء و الرياضه يقال عليها مجازر و فى السنه دى كان مجموعى 99.8%
يعنى اعلى من تانيه ثانوه بـ 9.1%
ياريت لو حد يقدر يضع صوره الإمتحان عشان نحكم . ولو إن اللى حصل حصل و كل مجتهد هياخد على قد إجتهاده
رد: ربنا يسامحك يا أحمد زكى بدر
اقتباس:
المشاركة الأصلية كتبت بواسطة MF88
^^^^^
الأستاذ اللى بيقول تعجيز !!! انت فى الثانويه العامه ؟؟؟؟ شوفت الإمتحان اصلاً ؟؟؟؟
قمت بالإطلاع على ورقه الأسئله ؟؟؟؟ وللا مع الناس و خلاص ؟؟؟؟
فى السنه بتاعتى كان امتحانات الفيزياء و الرياضه يقال عليها مجازر و فى السنه دى كان مجموعى 99.8%
يعنى اعلى من تانيه ثانوه بـ 9.1%
ياريت لو حد يقدر يضع صوره الإمتحان عشان نحكم . ولو إن اللى حصل حصل و كل مجتهد هياخد على قد إجتهاده
لم ارى الامتحان
و لكنى رايت ردود الفعل
و انا اصلا مخلص كليه
اخويا هوا اللى فى الثانوى
و الحمد لله حل كويس
بس يقول صعب
و انا بجد خايف عليه
.................
الواقع الذى رايته فى سنتى
كان واقع مؤلم جدا
و كان على الجميع و ليس انا فقط
رد: ربنا يسامحك يا أحمد زكى بدر
إن شاء الله يجيب مجموع ممتاز يدخله المجال اللى يحب يعمل فيه
كل الكليات بقت واحد
هندسه زى تجاره زى سباكه
المهم هو بيحب و بيفهم فأيه
رد: ربنا يسامحك يا أحمد زكى بدر
ان الله لا يضيع أجر من أحسن عملا
رد: ربنا يسامحك يا أحمد زكى بدر
علي فكره الإمتحان فعلاً صعب جداً و في اجزاء في الcomprehension معرفتش احلها مع إن مستوايا في الانجليزي كويس جداً
و إمتحان العربي أنا امتحنته شخصيا و فعلاً كان طويل
ده غير إن اللجان قمه في القذاره و المراقب الي كان سافل و قليل الادب
رد: ربنا يسامحك يا أحمد زكى بدر
يا جماعه رد فعل خلاص خدنا عليه وللاسف اتعودنا علي السهل
و في جمله مشهوره
اللي حصل حصل لواحد او اتنين ولا لكله ؟
سهل يبقي علي كله صعب يبقي علي كله
يا ناصحين الامتحان لما يجي سهل و انت تحل كويس طيب ما هو اللي مذاكر افضل منك هيحل بردو افضل منك
هي هي
بل بالعكس كل ما الامتحانات جت صعبه كل ما الفروقات بين اللي يستاهل و اللي ما يستهلش هيبان ( االي فاهم هو بيذاكر ايه و بيعمل ايه من اللي بيقص و يلزق وخلاص )
بصراحه انا مع صعوبه الامتحانات
+ كنا عمالين نتريق المجاميع في العالي و مش عارف ايه والتعليم بايظ
و لما يجي واحد يحاول يضبطها و يصلح الاخطاء نشتمه و ندعي عليه
هو ايه اللي احنا عايزينه بالضبط ؟ :confused:
ايه اللي يعجبنا طيب ؟ :confused:
بالتوفيق احمد زكي بدر
رد: ربنا يسامحك يا أحمد زكى بدر
اقتباس:
المشاركة الأصلية كتبت بواسطة 'aMido
علي فكره الإمتحان فعلاً صعب جداً و في اجزاء في الcomprehension معرفتش احلها مع إن مستوايا في الانجليزي كويس جداً
ما تزعلش مني بس
لو ما حدش حلها زيك يبقي انت تمام و هتجيب مجموع بالنسبه للاخرين لو غيرك حلها يبقي انت كان عندك عجز في الجزئيه دي
و إمتحان العربي أنا امتحنته شخصيا و فعلاً كان طويل
ده هيبين اللي مذاكر كويس من اللي
ازاي
اللي مذاكر مش محتاج وقت يفكر كتير هيكتب علي طول
بالطريقه دي اللي مذاكر هيقطع شوط اكبر+الاخطاء هيبقي في بقي فروقات في المجاميع + هتنزل عن المعتاد و تبقي في المستوي الطبيعي
ازاي يبقي في 100% واكثر ايه انسان كامل ؟!
ده غير إن اللجان قمه في القذاره و المراقب الي كان سافل و قليل الادب
دي حاجه تانيه خالص اعمل شكوي انت واللي معاك في اللجنه و اعتقد ان الوزير مش بيسكت علي اي صغيره الحق يقال
و عموما بالتوفيق يا شباب باذن الله سواء بمجموع او من غير
ما حدش عارف الخير فين
رد: ربنا يسامحك يا أحمد زكى بدر
بصوا يا جماعه
زكى بدر من احسن الورزاء اللى الواحد حبهم
علشان هوا بينزل الشارع و يشوف الناس
بس هوا لسه ما حلش المشكله برضه
سفالة معلمين
و تاخير و ضرب
و امتحانت غريبه بعض الشى
يعنى الكلام اللى سمعناه عن التغيير لسه ما تمش برضه
اتمنى ان احنا ما نخدش زمبه فى الوزير
زى ما اخدت زمبة قبل كده فى عميد كليتى و رفض مشروعى :mad:
رد: ربنا يسامحك يا أحمد زكى بدر
اعتقد فرصه ذكى بدر الكبرى ستكون فى التنسيق
يعنى حرام اما تيكون واحد باقيله 1 من ميه ( من ميه على الهندسه ) و ما يدخلش و يدخل تربية او تجاره
رد: ربنا يسامحك يا أحمد زكى بدر
اقتباس:
المشاركة الأصلية كتبت بواسطة 'aMido
علي فكره الإمتحان فعلاً صعب جداً و في اجزاء في الcomprehension معرفتش احلها مع إن مستوايا في الانجليزي كويس جداً
و إمتحان العربي أنا امتحنته شخصيا و فعلاً كان طويل
ده غير إن اللجان قمه في القذاره و المراقب الي كان سافل و قليل الادب
انا لو مكانك كنت ضربته باللى فى رجليا
و كنت وديته فى داهية
زكى بدر ما بيرحمش
رد: ربنا يسامحك يا أحمد زكى بدر
اقتباس:
المشاركة الأصلية كتبت بواسطة ghosteid95
بصوا يا جماعه
زكى بدر من احسن الورزاء اللى الواحد حبهم
علشان هوا بينزل الشارع و يشوف الناس
بس هوا لسه ما حلش المشكله برضه
سفالة معلمين
و تاخير و ضرب
و امتحانت غريبه بعض الشى
يعنى الكلام اللى سمعناه عن التغيير لسه ما تمش برضه
اتمنى ان احنا ما نخدش زمبه فى الوزير
زى ما اخدت زمبة قبل كده فى عميد كليتى و رفض مشروعى :mad:
انت بتتكلم عن منظومه كانت فاسده بالكامل
انا اهلي في المجال ده في الاداره علي الاخص
و باسمع بلاوي
و بصراحه معلمهم الادب و مخليهم واقفين علي رجل زي ما بيقولوا و عمال يكشف في بلاوي و يطير في ناس و كمان كبار مش اي هبل و منظره و السلام
و الكلام ده مش جديد هو كان كده في عين شمس
امال عين شمس كانت واخده سمعه بقوتها ليه مش من فراغ
بس زي ما بيقولوا بردو ايد لوحدها ما تسقفش
دا راجل واحد