Hulkyfied Unboxing :D

**HuLkY** · 21-03-2011, 19:21

سلام عليكم يا شباب

هى جت متأخرة بس والله بسبب الظروف اللى فى البلد , الجهاز عمره من عمر الثورة تقريبا , ال Unboxing متقسم لمجموعات , تابعونا :D

اسم ال Rig ككل

سهل جدا معرفة السبب :D :D :D

ملاحظات على الجهاز ككل

- أخطأت فى بعض المكونات! مفيش احسن من الاعتراف :D , بس عامة انا راضى تماما الحمد لله عن المكونات , كان فى راسى مكونات تانية بس التكلفة كانت اعلى بمراحل :err:

- وقت الشراء كان فى اوبشنز كتير جدا وخيارات متعددة , احسنهم انى مجبتش ال P67 لأنه مشكلتها كانت فعلا حتكون عويصة لو جبت الموبو من برة مصر! نتوكل على الله ونشوف المكونات سوا :D

- المراجعة مقسمة على اجزاء , لو تحبوا تتابعوا كل ما عليكم بس هو الاشتراك فى الموضوع وجارى تجديده

CPU + RAM
Cables

**HuLkY** · 21-03-2011, 19:42

اول قطعتين سويا فى المجموعة هى المعالج المركزى والرام

المعالج كان Intel Core i7 875K , اخترت منصة P55 لأنها ممتازة جدا فى كل اللى متطلباتى تستلزمه , كسر , اداء , والمعالج يعتبر قمة ال P55 كقوة واداء ولا يفرق فى اى شئ عن اخوه 870 الا معامل الضرب المفتوح , نشوف الصور

نيجي للرام , فى الحقيقة كان فى اوبشنز كتير جدا , وقع اختيارى على باتريوت Patriot , بتقدم اداء كويس جدا , مواصفات قوية جدا شبه ال Corsair Dominator GT مع فارق سعر رهيب , اشتريت 2 كييت , كل كييت 2*2 , نشوف

حصل موقف سخيف , فى كييت جه منه Stick بايظ , قمت رجعته تانى ومستنى يرجع , التكلفة فى الجمارك من مصر لأمريكا لا شئ , من جوة امريكا لا شئ , التكلفةوهى راجعة لا تتعدى ال 50 جنيه عشان وزنها باوند بس :D , خلاف ذلك , كله تمام

الكسر وخلافه كان صعب شوية عشان كنت متعود على AMD ولكن بشوية بحث هنا وهنا وصلت لنتائج مرضية جدا , المعالج اتكسر ل 4.3GHz بس قفلت ال HT عشان الحرارة والرامات على 2350MHz CL9-11-9-27 V1.65 , كل شئ تمام , بس مشكلتى فى التبريد وبعد عناء بحث وشتيمة اكلتها :D فى المنتديات الاجنبية لأنى مشترى K CPU + Air Cooling , شئ مماثل لازم له تبريد سائل عشان تعصره صح , فى الخطة القادمة بعون الله

**ahmedphenom** · 21-03-2011, 20:09

لا ينقص الا ssD

**HuLkY** · 21-03-2011, 20:20

كانت فرصة انى اشترى مجموعة كابلات NZXT Sleeved عشان الشكل الداخلى للكييسة , HAF X , فاشتريت مجموعة كاملة وكان عليها تخفيض 25% فى حالة طلب المجموعة كاملة :D , تم شراء الاتى
كابل امتداد 24 بن للموبو , 2 كابل امتداد 8 بن للموبو , كابل امتداد من 4 بن مولكس ل 4 بن مولكس , كابل امتداد 4 بن من باور ساتا ل 4 بن مولكس , كابل امتداد لل Front Panal , 4 كابلات امتداد 6 بن مولكس للفيجات , كابل 2 متر للاضائة, نشوف شكلهم سوا وكل صورة حنشوف تحت منها كود الكابل من على موقع امازون بحيث اللى عايز يطلب يعرف هو مقبل على ايه , فضلت اجيب اللون الاسود.

العلبة كانت مغلقة بوحشية! مكنش فى اى حل الا حل الانسانى البدائى فى فتحها! :D

قطع تثبيت الكابل نفسه فى الكييسة من الداخل , مستخدمتهاش وفضلت ال Ties

شكل الاضاءة ككل؟!

Teaser :D

**محمد الجوهري** · 21-03-2011, 20:29

ما شاء الله .. الله أكبر .. لا قوة إلا بالله

أنا شايف في الصورة الأخيرة 3-Way SLI .. ولا التالت ده كارت فيزيكس؟

شغل على مية بيضا

**power.7** · 21-03-2011, 20:36

ماشاء الله عليك يا محمد
ابداع بحق

تم التقييم

**eslamhamdy** · 21-03-2011, 20:40

ما شاء الله تبارك الله
ان شاء الله تتهمنى بيه و تاخد خيره و يكفيك شره

**DaRk L0rD** · 21-03-2011, 20:41

ماشية معاك ياسيدي ربنا يباركلك فية يا محمد

انظر لوحة التحكم :D

**Black-Edition** · 21-03-2011, 20:41

الف الف مبروك يا محمد

جهازك ماشاء الله ممتاز بس ناقص حاجة واحدة بس

انى العب عليه :D

**Bulldozer FX** · 21-03-2011, 20:47

ابداع رائع جدا اخى محمد بحق تستحق التجميعة لقب العملاق الاخضر :D

كان الامر اعتقد سيبدو اكثر روعة اذا كانت الكيسة HAF-X Nvidia Edition :D

ولكن بسم الله ماشاء الله شئ رائع اخى محمد ومبارك لك وفى انتظار باقى المراجعة وبالتوفيق اخى والى الامام دائما

اعذرنى اخى الفضل لا استطيع تقييمك الان نظرا لانه يجب على تقييم اخرين قبل ذلك :o

**HuLkY** · 21-03-2011, 20:53

ثالث قطعة معنا , الماوس , فعلا تحفة , صاحب الاقتراح فى الماوس mramzi وفعلا انا سعيد انى سمعت كلامه :D , الماوس هو

Cyborg R.A.T 7

ال Unboxing خاصته طويل شوية على مشاركتين , نتابع واوعوا حد يتوه :D , يا مسهل

الماوس قوى جدا وطلع Hard Steel المادة المصنوع منها , وزنه قوى فعلا ومريح جدا خاصة انه حجم ايدي كبير فعلا , المشاركة الثادمة فيها كل قوة الماوس , تابعونا

**HuLkY** · 21-03-2011, 20:54

مؤخرة الماوس عبارة عن مفك سداسى الجوانب , سهل الفك والتركيب

أول تعديل ممكن انه باستخدام المفك من الممكن التحكم فى طول الجزء الايسر من الكف الايمن للأمام او للخلف على حسب طول اصابعك من بدايتها فى كف الانسان عموما.

الصورة السابقة فيها توضيح لثانى تعديل , الجزء الايسر من الممكن تحريكه للخارج وللداخل على حسب المسافة ما بين اصابع يديك!

واضحة اكتر هنا

ثالث تعديل ممكن انك ممكن تفك الجزء الايمن لليد اليمنى من الماوس تماما واستبدالها بما هو مريح ومناسب من قطع الغيار.

رايع تعديل انه ممكن فك ظهر الماوس نفسه واطالته لو طول كف ايديك كبير ومحتاج تحتوى الماوس كله تحت ايديك , الصور القادمة توضح النقطة دى بكل قوة.

التعديل الخامس : أوزان الماوس نفسه , ملاحظة هامة انه من الممكن حفظ الاوزان فى حزانة وتركيب صمام الامان مخادع شوية لحفظ الاوزان فى مكانها.

تركيب خاطئ للصمام

التركيب الصحيح

مع كل ما سبق من فك وتركيب , أصبح فى قطع كثيرة جدا للاختيار من بينها

استقر اختيارى على القطع الاتية

أخر شكل للماوس مناسب لشخصى

نظرة اخيرة على الازرار على الماوس ككل

ال Scroll فى أخر صورة سابقة هو للصفحة بالعرض , وما قبلها الزر فى المنتصف للتحكم فى ال DpI خاصة الماوس من بين 4 سرعات.

أخر شكل للماوس فى كف اخوكم :D