which two address can be assigned to a host with a subnet mask 255.255.254.0 ?
a)113.10.4.0
b) 186.54.3.0
c) 175.33.3.255
d) 26.35.2.255
e) 17.35.36.0
بسم الله والحمد لله والصلاة والسلام علي رسول الله وآله وصحبه وإخوانه ومن والاه...آمين:
بص يا أخي بارك الله فيك هنا الsubnet mask كام؟
255.255.254.0 تمام يعني الفاكتور بتاعنا 2 تمام؟ تمام
يعني الفاكتور لما نحب نضيفة نضيفه علي اي اوكتات التالت ولا الرابع؟ التالت علشان الاوكتات ده مش 255 ده اقل من 255 يعني بمعني اخر انا بحب اسميه اوكتات مشترك تمام؟ تمام
يعني مثلا الشبكات هنا تمشي ازاي؟
192.168.10.0
192.168.11.0
ديه كدا شبكة تمام؟ طيب فين اسم الشبكة وفين البرودكاست
طبعاً اسم الشبكة اول اسم خالص اللي هو ايه؟ 192.168.10.0 طيب وفي البرودكاست يبقي البرودكاست اخر حاجة اللي هوه 192.16.11.255 تمام؟ تمام
يبقي اللي في النص بين 192.168.10.0 وبين 192.168.11.255 كل ده ينفع ياخده الهوست صح؟ مش ملاحظ حاجة
ان اسم الشبكة بيبقي زوجي بس ايه اللي زوجي ده الأوكتات التالت اللي هوه مشترك صح؟ طيب يبقي اي اوكتات مشترك زوجي واخره صفر ده بيبقي اسم الشبكة تمام؟ طيب نستبعد ايه من هنا إن شاء الله؟ a,e صح علشان هما اسماء شبكات مينفعش الهوست ياخدهم
طيب ايه البرودكاست؟ مش ملاحظ حاجة تانية ان البروكاست اللي هوه اخر اسم في الشبكة بيبقي رقم فردي واخره 255
وخلي بالك مش اي رقم زوجي يبقي اسم الشبكة ولا اي رقم فردي يبقي البرودكاست احنا هنا عندنا حالة بتقول ان الفاكتور بتاعنا 2 وبالتالي معندناش غير حالتين حالة زوجي وهي اسم الشبكة زوجي وبعده صفر والبرودكاست اللي هوه اخر رقم في الفاكتور وهوه طبعاً لازم يبقي فردي علشان احنا عندنا رقمين بس واخره 255
نرجع للبرودكاست يبقي هوه إن شاء الله رقم فردي واخره 255
طيب ايه البرودكاست هنا؟ c علشان هوه رقم فردي وأخره 255 يعني ده برودكاست
طيب ايه الهوستات اللي هنا؟
مفيش غير b,d
b علشان هوه رقم في النص بين 186.54.2.0و 186.54.3.255 طيب ليه علشان لما توصل للرقم 186.54.2.255 لازم تنقل علي الرقم اللي بعده في الفاكتور اللي هوه 3 صح؟ واول رقم 186.54.3.0 صح؟ وده ينفع ياخده الهوست ونفس الكلام للإجابة d ده رقم يقع بين 26.35.2.0و 26.35.3.255 اللي هما علي الترتيب اسم الشبكة والبرودكاست
وصلي الله وسلم وبارك علي المصطفي وآله وصحبه وإخوانه أجمعين.
المفضلات