عايز لاب توب بطارية عمرها طويل و بتقعد ساعات كتير

**ryko** · 11-04-2013, 07:57

السلام عليكم

لو سمحتم عايز أشترى لاب توب بطارية عمرها طويل و بتقعد ساعات كتير

و البطارية لما تكون بتقعد كم ساعة تكون كويسة؟

وياترى اختيارى للاب امكانياته عالية زى مثلا كارت شاشة خارجى و شاشة كبيرة وكدة بيأثر من عمره أو من عمر البطارية؟

ياريت تفيدونى لانى محتار وبقول ماانا لو اشتريت لاب ب 4000 جنيه وكارت شاشة خارجى عالى زى مثلا لينوفو زد580 بيقوله بيسخن كتير واسمع ان البطارية حيكون عمرها قصير بسبب كارت الشاشة و كبر حجم الشاشة ومشعارف الكلام دة صح ولا غلط

وياترى لو اشتريت لاب ينفع ابئا اعدل على امكانياته بالتحديث زى البى سى وكدة ولا بيكون فيه مشاكل؟

**arsenal_henry** · 11-04-2013, 12:45

البطارية الجديدة مع الاستعمال الخفيف ممكن تشتغل اكتر من 4 ساعات مع استخدام الـpower saver وتقليل اضاءة الشاشة وغيره .. اما لو العاب وجرافيكس عالي ممكن توصل ساعة او اقل .. ولا يفضل انك تستخدم الجهاز العاب تقيلة على البطارية لانه بيقلل عمرها الافتراضي جداً ومدة عملها ..
وبالنسبة للابات، فاستخدامك للاب وحفاظك على البطارية هو اللي بيحدد هتعيش معاك قد ايه وتستمر في الشغل متواصل قد ايه ..
في موضوع مثبت فيه نصائح عن الحفاظ على البطارية هنا في القسم ..
تحياتي ..

**Ḿǿĥâmeḋ Ấḅḑ Ệlậẑiz** · 11-04-2013, 18:05

تمام زى ما قال لك اخى arsenal henary بالظبط
و اللاب لا يمكن التعديل فيه غير الرامات و الهارد انما البروسيسور و كارت الشاشة لا يمكن تعديلهم

**Unknown_Dragon** · 12-04-2013, 16:28

الصراحة اول مرة اسمع حد يقول لينوفو بيسخن يا باشا لينوفو من احسن اللابات بالنسبة لدرجة الحرارة و مش هتلاقى احسن منه فى درجة الحرارة + انه جميل جدا فى الخامة و القطع بتاعته نضيفة و بيستحمل الشغل و شكله جميل جدا وكل الناس بتشكر فيه ليا واحد صاحبى بيقعد يرفع ملفات على النت و بيشغل اللاب بتاعه اللى هو لينوفو و بيقولى ولا بيبقى فيه اى سخونية و قالى الجهاز تحفة و اكثر من رائع + انا قريت تقارير بالهبل انجليزى وعربى فى اكبر مواقع مهتمة بالابات وكله بيقول لينوفو احسن لاب فى السوق يا ريس دول لما بيجوا يقارنوا الماك Mac بتاع أبل بيختاروا لينوفو او سامسونج او سونى علشان تبقى المقارنة فى نفس المستوى وما ادراك ما هو Mac

**arsenal_henry** · 12-04-2013, 17:13

المشاركة الأصلية كتبت بواسطة yahia_yousof

الصراحة اول مرة اسمع حد يقول لينوفو بيسخن يا باشا لينوفو من احسن اللابات بالنسبة لدرجة الحرارة و مش هتلاقى احسن منه فى درجة الحرارة + انه جميل جدا فى الخامة و القطع بتاعته نضيفة و بيستحمل الشغل و شكله جميل جدا وكل الناس بتشكر فيه ليا واحد صاحبى بيقعد يرفع ملفات على النت و بيشغل اللاب بتاعه اللى هو لينوفو و بيقولى ولا بيبقى فيه اى سخونية و قالى الجهاز تحفة و اكثر من رائع + انا قريت تقارير بالهبل انجليزى وعربى فى اكبر مواقع مهتمة بالابات وكله بيقول لينوفو احسن لاب فى السوق يا ريس دول لما بيجوا يقارنوا الماك Mac بتاع أبل بيختاروا لينوفو او سامسونج او سونى علشان تبقى المقارنة فى نفس المستوى وما ادراك ما هو Mac

طبيعي الجهاز بيسخن مع الالعاب التقيلة بس وفي حدود المسموح، و في الاستخدام المعتاد طبعاً مفيش سخونية والمروحة هادية جداً ..

**Temsu** · 13-04-2013, 06:45

تريد لابتوب يمكن العمل لمدة طويلة بالبطارية تكون بخيارين ..
-البحث عن لابتوب بمعالج ذات الاستهلاك المنخفض من انتل Core I ULV أو أتوم و AMD APU C-series , E-series ,A10-ULV. وطبعا يكون أداء المعالجة منخفضة عن المعالجات الحالية.
- شراء أي لابتوب مع شراء بطارية ذات سعة عالية . 8-خلايا أو 12-خلية. عقبته تحتاج لوقت أبر لاتمام الشحن.