ما الفرق بين المشتت المائي والهوائي للمعالج

[mr salahaldin]

السلام عليكم
الاخوه الكرام
ما هو الفرق بين المشتت المائي والهوائي وما فائده الاثنين بمعني مروحه المعالج العاديه بتبرد كويس فما هو تأثير المشتتان وطبعا المائي غالي قوي فايه الحكايه دي

[mr salahaldin@]

ها يا اخونا مفيش إفاده

[هادي الحياة]

وعليكم السلام, حبيبنا التبريد المائي هو موجه لهواة كسر السرعة العالي
اما كسر السرعة البسيط فالتبريد الهوائي اكثر من كافي.

الشيء الثاني هو ان بعض الاشخاص يشتري تبريد احترافي
للمحافظة على المعالج اكبر قدر ممكن
خصوصاً اذا كان يضغط المعالج سواء بالبرامج او الالعاب.

بالتوفيق لك حبيبنا

[Ahmed Elbrbry]

اخى الكريم اهلا بك
المشتت الاحترافى عموما سواء هوائى او مائى
مهم جدا فى عملية كسر السرعة بسبب زيادة الفولت و بالتالى ترتفع الحرارة بشكل جنونى
لذلك يستلزم مشتت احترافى
و ما يميز المشتت الاحترافى عن المشتت الافتراضى المرفق مع المعالج
ان المشتت الاحترافى له قدرة عالية فى تبديد الحرارة الناتجة من المعالج
اما الفرق بين المشتت الهوائى و المائى
ان المشتت المائى يعتمد على التبريد بالسائل
و يمر السائل بين الرادياتير و تقوم المراوح بتبريد السائل داخل الرادتياتير ثم تقوم المضخة بنقل السائل الى البلوك المثبت على المعالج و يقوم بتبريد المعالج و سحب الحرارة الى السائل ثم الى الرادياتير مرة اخرى
اما المشتت الهوائى يعتمد على ضخ الهواء مباشرة الى زعانف معدنية تقوم بدورها بتشتيت الحرارة المنقولة من انابيب معدنية واصلة الى البلوك المثبت على المعالج

[mahmoud_a1]

السؤال المهم هل بالفعل المشتت المائى لها دور فى البلاد الحاره ام لا و هل السائل الموجود من خواصه انه سائل بطبيعته بارد او يكتسب البروده بسرعه ام يوجد انواع لهذه السوائل

شكرا"

[Ahmed Elbrbry]

السؤال المهم هل بالفعل المشتت المائى لها دور فى البلاد الحاره ام لا و هل السائل الموجود من خواصه انه سائل بطبيعته بارد او يكتسب البروده بسرعه ام يوجد انواع لهذه السوائل

شكرا"

المشتت المائى غير جيد فى الاماكن الحارة نظرا لتأثر السائل بدرجة حرارة الجو او الغرفة كما يسمونها
اما فى حالة وجود جهاز تكييف فى الغرفة المشتت يعطى افضل اداء له
و عموما لا يجب ان تتعدى درجة حرارة الغرفة 25 درجة باى حال من الاحوال

[mr salahaldin]

يعني انا ممكن اشتري مشتت هوائي كحفاظ على المعالج وطبعا نظرا للحراره العالية عندنا يبقى مينفعش المائي معايه علشان السائل هيسخن يبقى المشتت الهوائي حل كويس

[mr salahaldin]

هااااااااااااااااام جدا جدا جدا ياريت حد يرد عليه

هل المشتت المائي يساعد على تبريد اللوحه الام المكان اسفل المعالج عن اسم الشركة المنتجة مثلا وهل كل المشتتات بتبرد ام مشتت معين كما بالصوره ده

[المتمرد11]

السلام عليكم
يقوم مشتت المعالج بتبريد المعالج فقط عن طريق التبادل الحرارى
اما ما يساعد على تبريد اللوحه الام هو التبريد العام للكيسه وما بها من مراوح
وتوجدها بمكان به تهويه جيده

[mr salahaldin]

يعني انا ممكن اشتري مشتت هوائي كحفاظ على المعالج وطبعا نظرا للحراره العالية عندنا يبقى مينفعش المائي معايه علشان السائل هيسخن يبقى المشتت الهوائي حل كويس

[Ahmed Elbrbry]

يعني انا ممكن اشتري مشتت هوائي كحفاظ على المعالج وطبعا نظرا للحراره العالية عندنا يبقى مينفعش المائي معايه علشان السائل هيسخن يبقى المشتت الهوائي حل كويس

و ممكن تذكر لنا نوع المعالج و اللوحة
و الميزانية المقترحة لشراء المشتت
و ننصحك بالمشتت المناسب لك

[mr salahaldin]

إتفضل يا فندم

Gigabyte GA-P75-D3 - LGA1155 Intel B75 Chipset ATX Motherboard DDR3 SATA 6Gbs USB3.0 PCIE3.0 CrossFireX 7.1CH HD Audio Gigab

INTEL Core i5 3570K Box LGA1155


انا مستحيل يا مهندس اكسر السرعة والكلام ده بس كل الموضوع انا المشتت قيم جدا وغير كده افضل من المراوح الرخمه دي يعني تأمين للبروسيسور وكمان آمان وحاجه للمستقبل انا بصراحه عايز اجيب اغلى مشتت للمستقبل يعني هو ده

Noctua NH-D14 SE2011 140mm and 120mm SSO CPU

لكن انا بصراحه كان نفسي اجيب المشتت المائي ده

Corsair Hydro Series H80i (CWCH80

لكن الاخوه هنا خوفوني منه لانه عايز غرفه تكون درجه حراراتها منخفضه ودي مش عندي

[Ahmed Elbrbry]

انت اصلا مش محتاج مشتت لان اللوحة لا تدعم الكسر
و فر المبلغ و اى مشتت راح يكفى المعالج
و مشتت cooler master hyper tx3 كافى جدا جدا

[mr salahaldin]

انت اصلا مش محتاج مشتت لان اللوحة لا تدعم الكسر
و فر المبلغ و اى مشتت راح يكفى المعالج
و مشتت cooler master hyper tx3 كافى جدا جدا

يا مهندس ما انا قولت لحضرتك اني مش ناوي اكسر لو هجيب المشتت للاستفاده من قدرته على التبريد ومن ثم المحافظه على المعالج واعتقد كمان ان المشتت عمره طويل هيكون احسن من المروحه العاديه إيه رأي حضرتك ومشكوووووووووور جدا

[mido salah]

يا برنس مفيش داعي لمشتت غالي زي دا بما انك مش هتكسر السرعة .
فا يكفيك مشتت

cooler master hyper tx3 زي ما قال الاخ احمد
واللوحة بتاعتك لا تتدعم الكسر
يبقي مفيش داعي انك ترمي فلوسك علي الارض
والخيار راجع ليك طبعاً