هذه حاله لصديق اعرضها امامكم لعل فيها ما يفيد..

صاحبي كان جهازه دائماً يعلق بعد حوالي نصف ساعه من التشغيل..جرب كل الحلول ولم تنفع..اخذه لمحلات التصليح اكثر من مره ودائماً كانوا يقولوا انه جهاز سليم وما فيه شي ..
الأخ ضربت اعصابه خصوصاً ان جهازه جديد وما لحق يتهنى فيه..وطبعاً الجهاز ما عليه ضمان لأنه هو اللي مجمعنه ..
سهرنا عليه ليلة الأربعاء وفكيناه قطعه قطعه..
وبعد حوسه اكتشفنا ان الكميه الكبيره من المعجون اللي حطاها صاحبي تسربت مع الضغط والحراره الى ابر المعالج وصار عامل توصيل بين الأبر وكل ما تزيد الحراره تزيد معاها قابلية التوصيل..
المهم
نظفنا الأبر بفرشاة اسنان...
ركبنا المعالج..
حطينا طبقه رقيقه من المعجون على سطح المعالج..
ركبنا كل شي وشغلنا الجهاز وتفاجأنا ان المشكله انتهت نهائياً..
صاحبي كان خايف ان كمية المعجون القليله يمكن تسبب ارتفاع درجت الحراره بس ما حصل هذا الشي..

الفائده الثانيه من عدم الأكثار من المعجون ان لما نخلع المبدد ما ينخلع معاه المعالج وربما يتلف كما يحصل في حالة كمية المعجون الكبيره....

بس
وسلامتكم