[التحديث الثاني]: فرصة من ميكروسوفت للحصول على نسخة أصلية لويندوز 10
التحديث الثاني والأخير:
السلام عليكم
شباب بخصوص موضوع ال Preview ده,
قعدت أقرأ فيه وطلعت بخلاصة صغيرة
مفادها الآتي:
أن أي حد شغّال على Windows 10 Preview هيجي له أكيد Windows 10 الإصدار النهائي,
وهيبقى شغّال زي الفل مش ناقص أي حاجة,
الإشكال:
هل هيبقى Genuine؟
- ده اللي ميكروسوفت حذفته من مدونتها, وده بيعني أن على أسوء الفروض
هتتم ترقيتك لويندوز 10 شغّال وكلّه تمام بس مش هيجي لك تحديثات مستقبلاً
(وده على أسوء الفروض)
في حين أن كان فيه كلام ثاني محترم على الإنترنت لمحللين
أن Microsoft هتكافئ فعلاً الناس المختبرين للنسخة ال Preview بنسخة Genuine كاملة بالتحديثات بكل حاجة.
أمال ليه حذفت الجملة التوضيحية من مدونتها؟!!!!!
-علشان (طبقاً لكلام المحللين) ميكروسوفت متخسرش فلوس الشركات ومجال ال Business
وعلشان يبقى في يديها أنها تخلّي الشركات الكبيرة والمؤسسات يشتروا Windows 10 مش يخدوه ببلاش.
وده اللي يهم ميكروسوفت قوي.
وطبقاً لوجهة النظر المحترمة دي: أن ميكروسوفت مش ممكن هترقي مستخدمي Preview
لنسخة مكرّكة مثلاً , مش ممكن (طبقاً لوجهة النظر دي)
وده بصراحة اللي أنا أميل له,
أن ميكروسوفت عايز تكافئ المختبرين الحقيقيين, مش كل من هب ودب من الشركات والمؤسسات الربحية
الخلاصة النهائية:
أنا لو كنت مكانك وشغّال بنسخة مكرّكة, لكنت فرمت الجهاز ونزّلت النسخة ال Preview
(بتكلّم بأمانة)
وأنا وحظّي, جت لي Genuine خير وبركة ومبروك عليا.
(وده اللي أنا متوقعه فعلاً)
جت Upgrade عادي بدون تحديثات برضوا يبقى كسبت ويندوز 10 شغّال زي الفل مفيهوش أي مشاكل بس بدون تحديثات مستقبلية
(بس أنا مستبعد ده تماماً)
وغالباً غالباً إن شاء الله الناس كلها هيجي لها Geniune كامل إن شاء الله.
التحديث الثاني والأخير انتهى
================
التحديث الأوّل: بعد أقل من 19 ساعة من كتابتي للموضوع,
مايكروسوفت تتراجع عن وعد منح نسخة ويندوز 10 مفعلة مجانا للمختبرين
الخبر لسه نازل مبقالوش بضع ساعات على الإنترنت وده الرابط:
https://aitnews.com/2015/06/22/%d9%8...1%d9%8a%d9%86/
مصادر أجنبية:
Microsoft U-turns on 'free' Windows 10 upgrade promise for ALL previewers
Microsoft stealthily backs away from free Windows 10 promise
إقتباس من البوابة العربية للأخبار التقنية:
"وقامت مايكروسوفت بحذف جملة “وستبقى النسخة مفعلة” في تحديث للتدوينة التي كتبها جابرئيل أويل، مدير عام الهندسة في فريق تطوير أنظمة التشغيل بالشركة.
وألحقت ملاحظة بالتدوينة، عقب تحديثها، قال أويل فيها “من المهم معرفة أن فقط الأشخاص الذين يعملون حاليا على نسخة أصلية من ويندوز 7 أو ويندوز 8.1 سيستطيعون التحديث إلى ويندوز 10 كجزء من عرض التحديث المجاني”.
ويزيد التحديث الجديد للتدوينة غموض موقف المشتركين في برنامج “ويندوز إنسايدر”، ممن هم لا يملكوا نسخة أصلية سابقة لنظام ويندوز، من التحديث المجاني إلى النسخة النهائية من نظام ويندوز 10 حين طرحها يوم التاسع والعشرين من يوليو القادم. "
المشكلة أن فيه تضارب في التصريحات!!!
جابريل أويل كان أكّد سابقاً على تويتر أن التفعيل هيبقى دائم.
وده رابط المشاركة:
https://twitter.com/GabeAul/status/612674365436526592
مش عارف هل كده هم تراجعوا عن قرارهم فعلاً,
أو أن فيه لبس ما في التحديث الجديد؟!
عموماً طبقاً للوضع القائم والتعديل الأخير في تصريح ميكروسوفت,
أن الموضوع فِركش وأنهم تراجعوا عن قرارهم ومفيش ترقية للنسخة الأصلية الكاملة.
فأنصح أن الناس تنتظر قبل عمل أي شئ حتى يتم التأكيد هتتم الترقية ولّا لأ.
ولو فيه أي جديد هذكر هنا إن شاء الله......
==========================تعديل:
الموضوع الأصلي:
السلام عليكم
لكل واحد مكرّك الويندوز بتاعه أياً كان إصداره
ميكروسوفت أعلنت عن فرصة مجانية رسمية مباشرة "مفيهاش أي خطوات" للحصول على
نسخة Genuine من Windows 10 بدون أي مقابل.
إزاي؟
ميكروسوفت أوّل إمبارح عملت تصريح رسمي هنا
قررت فيه أن كل مستخدمي النسخة التجريبية Preview من ويندوز 10
هيتم ترقيتهم إلي المُنتج الحقيقي بكامل دعمه بعد الإنتهاء من فترة الإختبار
والنسخة اللي هيحصل عليها هتكون كاملة بدعمها الطبيعي مفيهاش أي حاجة ناقصة خالص!
كل اللي عليك عَمَلُه أنك هتعمل أكونت على Windows Insider Program
وده رسمي من ميكروسوفت من هنا:
https://insider.windows.com/
هتعمل الأكونت من (Get Started)
(تعمل Sign in بحساب Microsoft/Hotmail/Outlook بتاعك)
بعد ما عملت الأكونت, نزّل نسخة التجريبية Windows 10 Preview
ملف ISO من الموقع الرسمي من هنا:
https://windows.microsoft.com/en-us/windows/preview-iso
(اختار X64 - x32 حسب جهازك)
بس,
وأحرق ال ISO على أسطوانة (DVD) أو فلاشة
وفرمت وصطب.
بس كده !!!
طبعاً النسخة اللي أنت نزلتها دي تجريبية دلوقتي,
بس على يوم 29 يوليو (موعد الإصدار الرسمي)
هتلاقيها اتحولت Automatic بقت النسخة الكاملة
ومبروك عليك النسخة ال Genuine من Windows 10
ولا كراكات بقى ولا شاشة زرقاء ولا مشاكل.
(أنا عندي النسخة الأصلية من Windows 8 بقلها معايا سنتين والأداء ممتاز جداً الحمد لله )
الخبر ده طبعاً مكسّر الدنيا على المواقع والمنتديات الأجنبية
لأن ميكروسوفت أول مرّة تعمل حاجة زي كده في تاريخ الشركة.
ولو حد مش عاجبه طريقة شرحي أو مش مصدّق كلامي لأي سبب
فده الخبر على "البوابة العربية للأخبار التقنية" متكلمين برضوا على الموضوع هناك:
مايكروسوفت تتيح لمجربي ويندوز 10 الحصول على نسخته النهائية مجاناً
وعلى بوابة عرب هاردوير:
ويندوز 10 مجاناً لمشتركي برنامج Insiders
وموقع The Verge للي عايز مصدر أجنبي:
Microsoft is giving away Windows 10 to anyone who tests it
وكل رمضان وأنتوا بخير
مُلاحظة صغيرة بديهية: الأكونت اللي هتعمل بيه Sign in في الويندوز بعد ما تصطبه
يكون نفس الأكونت بتاعك الل أنت عملته في Windows Insider Program
طبعاً هي حاجة بديهية, بس وجب التنويه برضوا!
رد مع اقتباس
المفضلات