>>> كرسى الأعتراف <<<

[شلاع العتر]

العزيز على قلوبنا الاستاذ شلاع لم يصلنا رد منه حتى الان

أعتذر منكم فلم ادخل الا الان ....

على كل يسعدني جدا تواصلنا معا وتبادل الحديث ولكن لي عليكم شرطٌ واحد زغنن ... وأتمنى أن تحققوه لي ...

الخلف قبلي ... .:D

[MF88]

من عنيا الاتنين و الاستاذ الخلف رجل طيب و كريم

لن يرفض الدعوه . فقط سأحضره بعد ان نطحن كول مان :D

[MF88]

بسم الله الرحمن الرحيم

يمر الوقت سريعاً و قد وصلنا لحلقتنا الخامسه من كرسى الاعتراف او كنبه الاعتراف كما يحب ان يسميها

الاعضاء :D

موعدنا مع ملك التعديل على الكيسات و الصناديق

الرجل الذى جمع صور اجهزه اعضاء عرب هاردوير فى موضوع واحد :ah4:

دايما كووول حتى الآن " لكن لا نضمن هل سيذوب بعد الجلوس ام لا :D "

طبعا عرفتم من هو ؟؟؟؟

Coolman4now



طبعا يفضل اللغه العربيه فى التقديم لكن اسمحولى اخرج عن هذا السياق لثوانى لأوضح اشياء ستعجب

كول مان كثيراً

--------------------------------

1- مش مهم مين اللى يقعد , المهم نسلخه بالأسئله

2- ويلٌ لمن سيتم اختياره

3-- أنا برشح جوهرى المجوهر

- عايز أحرجة بعدة أسئلة محرجة جدا عن الأشراف.

- بعضها سةف يمتنع عن أجابتها حتى. ((( واخد بالك يا جوهرى ؟؟ هاااااه ؟؟ سامعنى هناك ؟؟ :D )))

دى كانت مقتطفات بسيطه من كلام العضو كول مان

اناجى اهدى النفوس بس :ah5::ah5:

ياللا اهجمو عليه :D:D:ah26::ah50::ah2:
:ah3:

[Coolman4now]

- واضح أنك بتهدى النفوس جدا جدا :D

- أنا هقعد على الكرسى أوك ، بس غالبا هتبقى الردود فى وقت الغذاء أو بالليل ، وأذا كان فيه نصيب ممكن ادخل مرة فى النص كمان.

- أبدأوا بالهجوم.

[MF88]

انا كل الاعضاء متقصدتهاش فى الاسئله

بس معاك يا حبى . هكسر القاعده دى :D

--------------------------------------------------------

1- اسم سعادتك بالكامل

2- سنك كام سنه " العمر يعنى مش تقوللى عد اسنانك :D "

3- لو بتعمل ايه هو العمل ؟؟

4- امتى عملت مودينج على اول كيسه فحياتك ؟؟

5- ايه اكتر شىء تكرهه فى هالكى ؟ " مش بقولك هكسر القاعده :D " دنا هنطلق عليك :D

6- هل حسدت هالكى على الكارت التوكسيك ؟ ام اكتفيت بالقرر ؟؟؟؟

البقيه تأتى :D:D:D

[amoor89]

انا كل الاعضاء متقصدتهاش فى الاسئله

بس معاك يا حبى . هكسر القاعده دى :D

--------------------------------------------------------

1- اسم سعادتك بالكامل

2- سنك كام سنه " العمر يعنى مش تقوللى عد اسنانك :D "

3- لو بتعمل ايه هو العمل ؟؟

4- امتى عملت مودينج على اول كيسه فحياتك ؟؟

5- ايه اكتر شىء تكرهه فى هالكى ؟ " مش بقولك هكسر القاعده :D " دنا هنطلق عليك :D

6- هل حسدت هالكى على الكارت التوكسيك ؟ ام اكتفيت بالقرر ؟؟؟؟

البقيه تأتى :D:D:D

ده حضرتك كده بتهدى النفوس فعلا :D
ربنا معاك يا استاذ فادى
شكلهم كده هيطحنوك فعلا سورى فى اللفظ:D
ومتابع ان شاء الله للحلقة كاملة
تحياتى

[BlacK ShaDoW]

انا ارشح كروس فاير BlacK ShaDoW

اتمني انه يقد علي الكرس وياويله مني :ah51:

أحم أحم !! عايز تعرف إيه تاني إن شاء الله .. انت تقريبا عارف الماضي و الحاضر كله :p

بس يلا جات في كووللمان و اتمنى مترسيش عليا خالص :p

coolman4now

إيه سر الأسم ؟ هل هو الكولمان (الذي يحفظ برودة المياه) ؟

إمتى ابتدت معرفتك بالكمبيوطر ؟

هواياتك كانت إيه عندما كنت صغنون :D ؟ هل مازلت تمارسها حتى الآن ؟

little coolman4now كان شقى ؟ هل في مواقف طريفة عملتها و انت صغير قبل كدة ؟

إيه سخف مقلب اتعمل فيك ؟ و كان إيه موقفك من اللي عملهولك ؟

إيه أسخف مقلب عملته ؟ و كان إيه موقف اللي أتعمل فيه ؟

أفلامك المفضلة ؟

ألعابك المفضلة ؟

موسيقاك المفضلة ؟

مجموعك كام في الثانوية العامة ؟

هل كنت راضي بيه ؟

[MF88]

ابشرك يا بلاك شادو ان امنيتك دى مش هتحقق

هتقعد يعنى هتقعد :D

و ايه i'm leaving اللى فى التوقيع دى ؟؟؟؟

[Coolman4now]

1- اسم سعادتك بالكامل

- فادى حفوظ جرجس فرح خليل ، كفاية كدة ولا أقولك تانى ؟؟؟

- حتى لو طلبت أنا نفسى معرفش أكتر من كدة. :D

- والأدهى كمان ، معتقدش أنى والدى كمان يعرف أكتر من كدة. :D

2- سنك كام سنه " العمر يعنى مش تقوللى عد اسنانك :D "

- أتممت 23 سنة فى شهر أكتوبر الماضى.

- ياااااااه دة أنا قديم أوى. :D

3- لو بتعمل ايه هو العمل ؟؟

- سؤال محرج ليك أنت : ليه انت شاكك أنى بعمل من الأصل ؟؟؟ :D

- أعمل أخصائى بصريات وأعمل فى تركيب البصريات والعدسات بأنوعها المختلفة ، وحاليا ماسك الفرع اللى أنا شغال فيه ، والحمدلله.

4- امتى عملت مودينج على اول كيسه فحياتك ؟؟

- أول مودينج عملته فى حياتى مكانش مودينج بمعنى الكلمة ، كان عمرى وقتها 16 سنة ، وكانت مروحة الباورصبلاى قررت أنها مش شغالة إلى أشعار أخر. :D

- فكيت الباورصبلاى ، ونظرت بداخله ، وطبعا كنت فاكر انى هشوف حاجات مرعبة ، لأنها كانت أول مرة أفك باورصبلا فى حياتى.

- بالفعل وجدت شيئ مرعب ، وهو صرصار !!! وكان لايزال حيا ، وتقريبا كان متعود على الصعق الكهربائى, :D

- المهم ، تم طرد الصرصار من مكانه ، وخلعت المروحة من مكانها ، وأكتشفت انها ملحومة فى البوردة ، فققصت السلكين من المنتصف ، وقصصت سلكى المروحة الجديدة ولحمتهم ، وكانت المفاجأة فى النهاية أن المروحة الجديدة أعرض قليلا من القديمة.

- وهنا كان او مود فى حياتى ، قمت بقص حوالى سم من عرض أطار المروحة :D وطبعا كان بدائيا جدا باستخدام سكين والبوتوجاز :D

- لما ركبت كنت فرحان جدا جدا بنفسى.

5- ايه اكتر شىء تكرهه فى هالكى ؟ " مش بقولك هكسر القاعده :D " دنا هنطلق عليك :D

- أكسر يا سيد ، إن شاء الله تكسر القاعدة والسقف والحيطان نفسها.

- أكتر شئ بكرهه فى هالكى هو :

.
.
.

لما بيسرح فى الخيال ، ويقع يقول هركب تبريد كذا وهجيب تسع فيجات وسبع بورد أعمل سلسل أى وأتنين وأربعين قيقا رامات. :D

- طبعا لو بطلنا نحلم نموت ، والحلم واجب ، ولكن بحساب ، بدل مانحلم عالى جدا ، وتتحطم احلامنا برضة جامد جدا بمقدار علوها.

- ما طار طير وأرتفع .... الأ مثلما طار وقع.

- أحب الشخص اللى بيحلم حلم يقدر أنه يحققه ، طبعا هيدخل واحد يقوللى ماهو حلم ، هرد عليه وأقوله : أحلم على قدك تتهنى ، بدل ماتحلم أكبر من مقدرتك وخيالك وترجع تتحسر على شئ لم يكن ليك من الأصل!

6- هل حسدت هالكى على الكارت التوكسيك ؟ ام اكتفيت بالقرر ؟؟؟؟

- لما هالكى قال هجيب المسمم ، طبعا قلت من ضمن الأحلام أياها ، او على الأقل خطة ممكن تتغير بسرعة تانى يوم ، ولكنى فوجئت به بيخطى الموضوع فعلا وباع الفيجا الـ HD5670 اللى كانت معاه وأضاف عليها وأشتراها.

- قعدت كل يوم ، يابنى عايزين شوية بنشات للكارت ، مفيش ، فأخذت كرته ، وكان الموضع اللى معظمنا عارفه.

- بصراحة أنا لا أحب الحسد ، وعمرى ماحاولت أفكر انى احسد حد الأ بغرص الهزار.

- مرة كنت واقف مع صديق عزيز ليا وعدت سيارة Mercedes S500 من أمامنا وكلنت جدية وقتها ، فمن باب الهزار صديقى بيقوللى بص الراجل ، قلتله الله يسهلله ، ياعم روح وأنا مش هقر. :D

- كله بنيه صافية ومقصدش أحسده فعلا.

- ربنا يباركلك يا هالك فى الكارت وتتهنى بيه يارب.

[BlacK ShaDoW]

ابشرك يا بلاك شادو ان امنيتك دى مش هتحقق

هتقعد يعنى هتقعد :D

و ايه i'm leaving اللى فى التوقيع دى ؟؟؟؟

عادي, مش مقلق أوي .. اصلي بيني و بينك قعدت قبل كدة في منتدى تاني :D

التوقيع ماشي .. مش بأيدي أعمل حاجة :ah50:

أصلي مش لاقي حاجة أحطها حاليا فقلت أهبّل شوية :D

[محمد الجوهري]

مين ؟ ...... الغالى على قلبى
و الله منوّر الكرسى ...

أحيانا كثيره بحس ان فيه بينى و بينك صفه مشتركه
بس الصفه دى دايما عامله لى مشاكل فى البيت هنا ... و بيتهمونى إنى مش " واعى "
الصفه هى الجدعنه " مفيش لفظ يعبر عنها أكثر من كده "
مره لقيتك كاتب لواحد : أنا عندى أفلام HD كثير لما تنزل إسكندريه تعالى و خد اللى انت عاوزه
مره تانيه كان واحد عنده مشكله كتبت له : لو ما عرفتش تحلها ابعت لى على الخاص و انا اديلك رقم موبايلى و احلها معاك واحده واحده
مره كمان حصلت معايا قلت لى : ابعت لى الفلوس و انا اشترى لك الموبايل و اشحنهولك .....

أكيد فيه أكثر من كده بكثير

أنا مش هأسألك ليه بتعمل كده ... لان الأولى إنى أسأل نفسى
بس هأسالك : إلى أى مدى انت على استعداد تساعد الغير ؟
و هل سبب لك ذلك مشاكل من أى نوع ؟
أقصد مشاكل فى البيت , و مشاكل مع من تساعدهم أنفسهم , فكما تعلم , ليس كل الناس ملائكه ...
ما أكثر موقف طريف حدث معك و له علاقه بالموضوع ده

جاوب باستفاضه على ما أرجع لك
و الحمد لله ان الكرسى لبس فيك |إنت .... ربنا يحفظنا منه و من شره :D

آه نسيت .... فين التقييم اللى عليك من الصبح ؟ :p:D

[Coolman4now]

إيه سر الأسم ؟ هل هو الكولمان (الذي يحفظ برودة المياه) ؟

- حاولت كذا مرة أرفع قضية على شركة Coleman بس معرفتش ، لأنى كل المحاميين اللى رحتلهم فهمونى ببساطة : أنت بتحلم !!! :D

- قصة الأسم بسيطة جدا ، ليا شلة مقربة من أصدقائى ، منهم من أيام الصبا ، كنا قاعديين فى مرة لا أتذكرها بالضبط ، ولكنها من سنين عديدة ، وحصل موقف ينرفز جدا ، كل أصحابى أتنرفزوا جدا ، وانا أتمييز بالهدوء الشديد فى كل المواقف ، سواء صعبة او سهلة أو مزعجة.

- تمييزى بالهدوء دة ، خلى أصحابى أطلقوا عليا " الشاب الكول " اللى مش بيتعصب ، فطبعا الأسم أصبح ليا دايما أوى زى مايقال " طلع عليا " وأصبحوا بينادونى بيه طوال الوقت.

- الـ Suffix بتاع 4now فى النهاية دى أضافة منى ، لأن ده طول مره الأسم الحركى ليا ، وكنت ناوى أغيره وهذا يفسر 4now ولكنه حتى الأن لا أستطيع الخلاص منه. :D

إمتى ابتدت معرفتك بالكمبيوطر ؟

- معرفتى بالكامابايوطر ، كان وأنا عندى 14 سنة ، كان لدى أبن عمى الأكبر منى بسنة كمبيوتر ، وكنت بروح ألعب عليه SKY ROADS وحاجات جامدة أيام العز.

- أستمر الزن على رأس الوالد - أطال الله عمره - حتى أستجاب فى النهاية وقاللى بالحرف الواحد " هنجيب الكمبيوتر وهتقعد عليه ساعة واحدة فى اليوم ، وفى الأجازات فقط " وطبعا من ساعتها وأنا بقعد عليه طوال اليوم.

- طبعا لما بقعد عليه بيفطس. :D

هواياتك كانت إيه عندما كنت صغنون :D ؟ هل مازلت تمارسها حتى الآن ؟

- كان لدى هواية غريبة ، وهى عمل قلاع من الكارتون والورق ، وأتفق لى الوالد مع البازار البعيد عننا بأربع شوارع على ان أأخذ من العلب الفارغة من الحلوى.

- كنت أجلس بالساعات أقص وألزق والعب فيهم ، ولكن الهواية دى " رات لحالها " زى مابيقولوا.

- موقف طريف حصل ليا مرة : بعد ماخدت العلب من الراجل ، وكان بيضعهم لى فى كيس كبير ، وروحت على البيت ، وبطلع علبة من الكيس لأدمرها كالعادة :D فوجدتها ثقيلة نوعا ما ، بفتحا لأجد المفاجأة !! العلبة مليئة حتى أخرها !!! :D ذهبت للراجل وقلتله " ياعمو أنت نسيت تفضىالعلبة قبل متديهالى " قاللى ورينى كدة ، وفعلا زى ماقلتله راح مفضى نصفها عنده وقاللى : النصف الباقى ليك.

- طبعا العلبة أتصادرت من قبل الوالدة علشان أسنانى وكنت باخد اتني كل يوم.

- فتخيل لما نصف علبة كنت تقعد فيها شهر !!! ماأسعد أيام الطفولة وكم أفتقدها.

little coolman4now كان شقى ؟ هل في مواقف طريفة عملتها و انت صغير قبل كدة ؟

- نوعا ما كنت شقى ، مرة ذهبنا للبحر ، ولدى أختى أصغر من بعاميين.

- حفرت لها حفرة كبيرة جدا ، وأقنعتها بالنزول فيها ، وأخذت أرم عليها حتى تبقى رأسها فقط!!! :D

- وتركتها ورحلت !!!! وكانت الحفرة بعيدة عن مكان جلوسنا قليلا ، وعندما شعر والدى بالقلق ، تم ضربى علقة ساخنة حتى اعترفت بمكان أختى ، وذهب والد لينقذها. :D:D

- دة موقف عمرى ما بنساه أبدا مع أن ذاكرتى تعبانة جدا.

إيه سخف مقلب اتعمل فيك ؟ و كان إيه موقفك من اللي عملهولك ؟

- صدقنى المقالب السخيفة اللى أتعملت فيا كتير جدا وصعب أقول واحد بس منهم ، بأختصار كلهم أسخف من بعضهم. :D

- المقالب السخيفة جدا أسميها " خوازيق القدر " وكنت كتبت عنها مقالة فى مرة على البلوج الخاص بى.

أضغط هنا

إيه أسخف مقلب عملته ؟ و كان إيه موقف اللي أتعمل فيه ؟

- أتعمل معايا حركة غلسة كدة من واحد صديقى ، كنت عند بيته بالعربية ، ونزلى وأيامها كان ، كتفى اليمين شبة مخلوع ، المهم هو عارف كدة كويس ، ونزل ركب جنبى وأول ما شافنى راح بوم ضاربنى فى كتفى اليمين وقاللى انت لسه بتدلع!!!

- المهم طبعا أنا هادئ جدا ومرديتش فى ساعتها ، تركته ينزل وركب ، وبعدها بنصف ساعة وقفت فى نص المكان اللى كنا رايحين له ، وقلتله أنا أفتكرت أنزل علشان رايح مشوار مهم ومش هينفع تييجى معايا !

- قاللى طيب أنت ماشى طوالى كدة ؟؟ قلتله لأ ، هلف وأرجع تانى ، أوا ما نزل من العربية قلتله ، أنا ماشى طوالى وأقابلك فى المكان اللى كنا رايحينه ، أنا مفيش ورايا مشوار ولا حاجة ، وطرت بالعربية ، طبعا قابلنى هناك بعد ما أتنطط فى المواصلات ساعة :D وكان مبسوط أوى :D قلتله علشان بعد كدة متبقاش غلس.

- أتق شر الحليم أذا غضب.

أفلامك المفضلة ؟

ألعابك المفضلة ؟

موسيقاك المفضلة ؟

- الأسئلة دى صعب أى حد يرد عليها ، الأ أذا كان أطلاعه قليل.

- عموما أنا أحب أفلام ال Thrill ولا تخلط بينها وبين الرعب ، أرجوك فالرعب حاليا عبارة عن تقطيع ودماء فقط.

- أجب جدا الأفلام الكوميدى.

- أعشق الـ Stand-up Comedy جدا وأتابع المؤديين بشغف.

- من ضمن الألعاب الحديثة اللى أعجبت بيها جدا ، كانت كرايسس ، وأتخنقت جدا لما التكملة التانية كانت قصيرة أقصد هنا WarHEAD وبأنتظار Crysis 2 إن شاء الله.

- أنا أعشق السيمفونيات والموسيقى المرتبة والموزعة جيدا ، وأعشق الميتال جدا جدا ، وأعشق التراش ، وأعشق بعضا من ال Country وليس كله ، كنت أعشق البوب وأنا لدى 19 سنة ، حاليا لا أعشقه جدا ، أعشق الموسيقى فقط ، والأغانى الـ Instrumental وخصوصا لما تكون أغنية عادية وينزل منها نسخة Instrumental أعشقها حتى النخاع.

- موضوع كذا المفضل وكذا المفضل ، صعب جدا الجابة عليه ، أتمنى تكون أجابتى شبة جيدة.

مجموعك كام في الثانوية العامة ؟

- مجموعى فى ثانية ثانوى كان 95% وقبل أن تقول الله ينور.

- مجموعى فى السنتين أصبح 87% !!!! وذلك بسبب أنحدارى بشدة فى ثالثة ثانوى

- طبعا المجموع دة محدش يقدر يرضى عنه ، ولكنى أؤمن بمبدأ النصيب ، الحمدلله على كل شئ.

- دخلت أداب ، وتخصصت فى قسم الجغرافيا ، وبالتحديد فى المساحة ، وحاليا تخصصى مهندس مساحى ، والحمدلله على كل شئ.

[MF88]

كول مان

انت بتقول هالكى باع الفيجا 5670 ؟؟؟؟؟؟ وللا 4670 ؟؟؟؟؟ ؟؟؟؟

[Coolman4now]

مين ؟ ...... الغالى على قلبى
و الله منوّر الكرسى ...

- الكرسى منور بالناس الحلوة اللى بتسال ، بجد.

بس هأسالك : إلى أى مدى انت على استعداد تساعد الغير ؟

- طول ما مواعيدى الضيقة تسمح ، أنا مش بقول لأ.

- أنا بحب أساعد الغير ، وخصوصا لو لقيته مش فاهم ، ولو راح بره هيتضحك عليه وممكن يستغلوه.

- مشكلتى الوحيدة فى أن مواعيدى سيئة للغاية لظروف العمل.

و هل سبب لك ذلك مشاكل من أى نوع ؟

- ههههههههه كتير جدا ، أبسط مثال لما يكلمنى واحد معرفهوش أصلا ، ويقوللى جمعلى جهاز ، بنزل معاه وبنركبه وأتطمن انه أشتغل وبسيبه وأمشى.

- طبعا الكل بيتسال بخبث شديد : قبضت كام يا معلم ؟؟؟!! :D

- اللى ميعرفهوش بقى أنى بصرف ثمن البنزين من جيبى الخاص وطبعا قلة أدب منى أنى أحاسب عليه غيرى ، أو أنى أفكر فى كدة أصلا.

أقصد مشاكل فى البيت , و مشاكل مع من تساعدهم أنفسهم , فكما تعلم , ليس كل الناس ملائكه ...

- أكتر موقف عملى مشاكل وضايقنى ، هو أنى مرة جمعت لجهاز لواحد لايعلم شئ عن الكمبيوتر ، وحطيت له ويندوز.

- بعدها بأسبوع لقيته بيتصل بيا وبيقوللى الجهاز مش شغال ، من الكلام فهمت أن الويندوز وقع ، قلتله من عنيا أجيلك أشوفه ، بس المشكلة أن اليوم الأربعاء صعب جدا أجيلك ، علشان الشغل ، ممكن يوم الأحد علشان يوم أجازتى.

- يرد المحترم جدا ويقوللى " هو أنا هستنى سيادتك لما تجيلى يوم الأحد " !!!!!

- قمة فى الذوق طبعا ، وساعتها رديت عليه : لو سمحت متكلمنيش تانى على الموبايل نهائيا لأنى مش هرد عليك ، طالما حضرتك بتتكلم بالأسلوب ده.

- أنا خدمتك ومش مشتنى منك حاجة ، وبرضة هخدمك تانى وأجى أحطلك ويندوز ، بس عايزك تستنانى أربع أيام لحد ماظروفى تسمح !!!

- الموضوع دة بيفكرنى برسالة كانت متداولة قديما أيام مجد النوكيا 3310 القديم.

" قليل الأصل لاتعاتبه ولا تلومه ... ده زى البقعة لا بيطلع بأريل ولا بأومو" :D

ما أكثر موقف طريف حدث معك و له علاقه بالموضوع ده

- اطرف موقف ، لما جمعت لراجل جهاز محترم جدا جدا ، كلفه حوالى 9000 جنية تقريبا ، لقيت الراجل مطلعلى 500 جنية وقاللى : أتفضل !!

- بقوله أيه ده ؟؟؟ قاللى : حقك ! قلتله أنا جاى علشان أخدم واحد صاحبى ( كان الرجل دة قريبه ) مش علشان أخد فلوس.

- الراجل قعد يقوللى ، لأ ، أزاى وحق ومش حق ، المهم أنتهى الموضوع على وعد منى أن الراجل يعزمنا على الغذاء. :D

آه نسيت .... فين التقييم اللى عليك من الصبح ؟ :p:D

- السيد سمعة متربص لك ، بأنتظاره أن ينام ولك منى أحسن تقييم. :ah4:

[Coolman4now]

كول مان

انت بتقول هالكى باع الفيجا 5670 ؟؟؟؟؟؟ وللا 4670 ؟؟؟؟؟ ؟؟؟؟

- لأ كانت Sapphire HD5670 بالتحديد.