مراجعه شخصيه للبطاقه Sapphire Readon HD5770 Vapor-X

[2X2]

مبروك اخي نتائج رائعة وخاصة علي شاشة 37 انش:ah7:
وشكرا علي التقرير الرائع

[Doctor Medo]

الف مبروك يا ميدو مراجعه جميله و اسلوب عرض مميز

متنساش بقي تسجل في سافاير عشان تاخد الالعاب الهديه باذن الله

[vmidov]

@ Mr.pOPo
البطاقه ممتازه فعلا بل وأعتقد إنها أفضل ما يحقق معادله السعر والاداء
ولاشكر على واجب يا باشا

@mado123
مادو عامل أيه يا مان
الله يبارك فيك والكارت فعلا ممتاز وفاق توقعى صراحه

@ MF88
الله يبارك فيك يا محمود باشا

و كنت هتشوف نتائج افضل مع I5 كمان لكن كده تماااااااااام جدا

:mad::mad::mad: ماشى يا حوده هعديهالك المره دى :D

@ XMasterrrr
الله يبارك فيك يا أبوحميد بس حرام عليك لما تستنى كل ده وبعد كل ده تجيب 5770 فين جهاز يا مان ؟ الاجازه جت أهى

@ BlacK ShaDoW
حبيبى أيه أخبارك
الله يبارك فيك متفكرنيش بال7300 بس عشان الكلمه دى خد عندك الصوره دى



وأعتبر السلام وصل

@ jOoLiAnOo
منور يا جوليانو
الله يبارك فيك يا كبير وعقبالك وبلاش أستاذ دى

@ EL-MARIACHY
ربنا يكرمك ياباشا انا لا محترف ولا حاجه هاوى بس لكن كله توفيق من عند الله
هو فعلا أختيرا ممتاز لكن أكيد 5850 افضل مبروك عليك وربنا يباركلك فيه وصراحه بفكر جديا فى 5770 Lucid Hydra :ah51: بس هو وظروفه بقى
الحمد لله أخيرا بعد صبر طويل وجه الكارت
الشاشه كنت جايبها من حوالى 5 شهور بسعر 6250 جنيه من عبد العزيز أخبارها ممتازه على فكره انا مبستخدمهاش فى العادى بس عشان الاختبارات شغلت الجهاز عليها بالنسبه للضمان مش فاكر حاجه عنه لأنى مبهتمش بيه صراحه
وميهمكش من التقييم كفايه ردك وبلاش حضرتك دى ياريت

@buzz_medical
الله يبارك فيك أخى وشكرا لمرورك

@emoom
الله يبارك فيك يا إمام الباور ممتاز كشغل لكن فى كسر السرعه مبيسدش بالتالى مفيش OC :rolleyes:

@semsem7777
الله يبارك فيك صلاح باشا
الرسومات بأكسيل الاول كنت بستخدم 2003 لكن لقيت إن 2007 بيدى أشكل أفضل فأتجهت له لكن حقيقى غبى وصعب فى إستخدامه

@BionicMan
الله يبارك فيك يا أبو حميد وحمد لله على سلامتك ومش مهم التقييم يا كبير المهم أنه عجبك :ah7: عقبال منشوفك الاول بال5970 وبعدين أبقى أشوف أعمل أيه :D

@محمد الجوهرى
حبيب هارتى كبير كفر الشيخ أخبارك أيه ومبقتش بتسأل ليه يا مان أنت مش خلصت إمتحاناتك ؟ وفين الزياره اللى وعدتنى بيها
بإذن الله ربنا يكرم بس وهتشوف اللى أحسن من 5770CF بس هى تتسهل
نزلت التعريف وسطبته بعدين مسحته تانى عشان لازم أكمل التقرير ب10.5 بس هجربه قريبا بإذن الله

@Cobra007
الله يبارك فيك يا عزيزى ولا شكر على واجب ده حق عرب هاردويير وأعضائه لما أستفدته منهم

@ TEch Zone
بارك الله فيك أخى الفاضل وشكرا على التقييم وإن كان يكفينى مرورك

@I-IEMA
الله يبارك فيك ياهيما أكيد قريبك ده حكيم :D وشكرا على التقييم
بالنسبه للألعاب للأسف من كترهم مش عارف ألعب أيه فحاليا بلعب PES 2010 :D:D
هى صدمه حقيقى بس مش لاقى وقت للعب التانيه لكن يكفى إنى كل ما أفضى مفيش لعبه تقف قدامى

@ د . جليبيب الانصاري
شكرا لمرورك عزيزى أما بالنسبه للنسب فده شئ بيرجع للأكسيل هو اللى غير النسب تلقائى لما أديته الارقام الجديده وللأسف معنديش فكره عن تعديلها
وبالنسبه لطلبك يا باشا أنت تأمر جربت فعلا ومفيش أى أختلاف للعين المجرده لكن إن دققت كويس فى صوره هتلاقى إن على الدقه الاقل الخطوط بارزه أكثر من 1920*1080

@Dante007
شكرا لك أخى الفاضل على مرورك

@ mohamed790gx
الله يبارك فيك يا أبوحميد وعقبالك فى 5850 ولا حاجه أعلى . أيه أخبار النتيجه ؟

@S@M
منور يا صام وشكرا على التقييم

@ahmed260
هذا هو التطابق يا عزيزى :D على فكره انا أصلا كنت هجيب XFX بس فضلت أضيف الفرق وأحصل على تبريد أفضل وخصوصا أننا فى مصر

@Salah Mgs
نورت الموضوع أخى العزيز وأكيد تجربه رائعه مع Eyefinity وأتمنى أن تشاركنا بها
وشكرا على التقييم

@masklove
الله يعزك يا ماسك لوف
وبإذن الله ربنا يكرمك بGTX 470 على الاقل بس يكون سعره فى حدود المعقول :D

@2X2
شكرا عزيزى على مرورك
وأدائه أزهلنى حقيقه مع شاشه بذلك الحجم ولكنه يؤكد إنه فعلا العملاق الصغير

@ Doctor X
أبو الدكتره شكرا يا باشا على الطراء الجميل منك وإن كان بالطبع مواضيعك افضل :ah7: يا ملك الرسميات :D
ومنتظر ردك على الرساله

[LoAy FaYeZ]

مبرووك ييا ميدو

وعقبال الرامات

بس سؤال كده على الماشي , أيه رأيك في تبريد الكرت , لأني مش مستريحله , بيفكرني بمشتت أنتل الفاشل





بس , بردوا الـ i7 , i5 أفضل :D , فاكر ....

[kaboni]

نفس نتيجة درجات الحرارة عندي على الكارت 5770 xfx وسرعة المرحوه 35 وليست 40 اذن اين فرق التبريد في كروت Vapor-X ....

..

[Radeon]

الف مبروك عليك البطاقة اخي وهي صفقة ممتازة اداءا وسعرا
وتقرير ممتاز ومتعوب عليه.
بس عندي ملاحظة صغيرة انت تمتلك بطاقة 5770 وهي تأتي ب 800 مضلل بس في برنامج GPU-Z تظهر فقط 720 مضلل.
فيجب التأكد من البطاقة لان بطاقات 5770 الدفعة الأولى الخاصة ب vapor-x كانت بها بعض المشاكل بالبيوس حيث يسمح
بتفعيل 720 مضلل فقط من اصل 800. لهذا اذا كنت تستخدم نسخة قديمة من برنامج GPU-Z فحمل أخر اصدار وشوف النتائج
ان لم يتغير شئ فأعتقد انك لازم ترجع البطاقة للمحل او تستبدل البيوس ببيوس شركة أخرى.
تقبل خالص تحياتي.

[vmidov]

@LoAy FaYeZ
يا هلا يا هلا أيه الاخبار يا لؤى باشا
الله يبارك فيك وعقبال ماتغير ال250 بGTX480 فى معلوماتك الشخصيه
فين ياعم التقرير بتاع الكارت ولا مكنش ليك الكارت ده؟

الرامات أولى ولا الباور

التبريد ممتاز صراحه يكفى شغله فى أيام الحر القاتل فى الايام الماضيه على مصر وملوش أى علاقه بمشتت إنتل الفاشل ولا بشركه فاشله زى إنتل :p:D

بس , بردوا الـ i7 , i5 أفضل :D , فاكر ....

أنت تانى , هو انا أقدر أنسى برده :mad: بس عشان خاطر الكارت هعيدهالك :D وخليك مع الشركه الفاشله دى :p

@kaboni
ياعزيزى
1- مش المهم درجه حراره الكارت أثناء الخمول المهم أثناء الضغط
وبالمناسبه أول ماجبت الكارت كانت درجه الحراره أثناء الخمول فى حدود 36-37 درجه فقط لكن حاليا زادت شويه
2- ظروف وطبيعه المكان والمناخ ودرجه الحراره الخارجيه وتبريد الكيسه كل دى عوامل بتفرق فى درجات الحراره
يعنى حاجه مش ثابته
3- دى درجه حراره الكارت بتاعى أثناء الخمول ونزلت سرعه المروحه لغايه 25% البرنامج مدنيش فرصه أقلل أكتر من كده ولم تتعدى 42 درجه



@Radeon

شكرا جدا جدا أخى العزيز على الملاحظه القويه ولم أكن لأنتبه لها لولا تنبيهك أنت والاخ العزيز diablo man
وجارى حاليا حل المشكله بإذن الله وتم تقييم مشاركتك

[dune2000]

تقرير ممتاز وجهد يستحق كل تقدير

انا كان معايا XFX 5770 وكان بيجيب ارقام اعلى ودرجات حرارة اقل وتفسيرى لذلك

1- بخصوص الاداء: ال XFX كان 800 مظللة فى حين اللى عندك 720 فقط
2- بخصوص درجة الحرارة : دة يرجع ان الجو دلوقتى احر بكتير من الوقت اللى كان معايا الكارت فية


تم التقييم

[LoAy FaYeZ]

@LoAy FaYeZ
يا هلا يا هلا أيه الاخبار يا لؤى باشا
الله يبارك فيك وعقبال ماتغير ال250 بGTX480 فى معلوماتك الشخصيه
فين ياعم التقرير بتاع الكارت ولا مكنش ليك الكارت ده؟

الرامات أولى ولا الباور

التبريد ممتاز صراحه يكفى شغله فى أيام الحر القاتل فى الايام الماضيه على مصر وملوش أى علاقه بمشتت إنتل الفاشل ولا بشركه فاشله زى إنتل :p:D


أنت تانى , هو انا أقدر أنسى برده :mad: بس عشان خاطر الكارت هعيدهالك :D وخليك مع الشركه الفاشله دى :p

الكرت كان شركة :D

كان لواحد من حبايبنا , وكان المفروض يقعد معاي أسبوع علشان أعمل مراجعة , لكن الوضع أتغير و ملحقتش أتهنى بيه غير ساعتان فقط :mad: , ونص الوقت ضاع في فك الكيس و الكيبل مانجمنت و......:ah34:


و فعلا البور أولى , و أضمن , لكن ما تجبش حاجة أقل من 750W علشان المستقبل :ah38:

وبصراحة كده طمنتني , لأني كنت خايف من تبريد الكرت , لكن أنا متردد , لأن حتى الآن الـ GTS250 كافي جدا بالنسبة لي على 1400x1050 , لكن ممكن أنقل الـ 5770 + GTS250 PPU , وممكن أستنى شوية ونشوف HD6xxx و ممكن GTX5xx :ah34:

دوختك معاي :D

بالتوفيق و مبروووك على الكرت :cool:

[alayoubi]

شكرا عالتقرير ,, ومبروك البطاقة الجديدة ..

هل يوجد فرق بالأداء وعدد الفريمات بين شاشتين مختلفين بالحجم ومتشابهين بدقة العرض ؟؟

[Temple]

الف شكر عالمجهود والراجعه تامنسقه والمرتبه

لكن

لماذا الإرتفاع في درجات الحراره ؟
انا عندي 5870 vapor-x crossfire ودرجات الحراره في حاله الخمول لا تعدي 32 وعند الضغط لا تزيد عن الـ60
المروحه عالـauto
ومع كسر السرعه لا تعدي 65
مع العلم انه درجه حراره الغرفه 28

[vmidov]

شكرا عالتقرير ,, ومبروك البطاقة الجديدة ..

هل يوجد فرق بالأداء وعدد الفريمات بين شاشتين مختلفين بالحجم ومتشابهين بدقة العرض ؟؟

الله يبارك فيك أخ أيوبى

عمليا لم أجرب هذا بنفسى لذا لا أستطيع تأكيده
لكن نظريا ومنطقيا
فيجب أن يتواجد إختلاف بين الشاشتين فبفرض أن هناك شاشتين واحده 32 بوصه والاخرى 24 والاثنين يعملان على دقه 1080*1920 تعتقد أنهم متشابهين ولكن
الشاشه 32 بوصه تحتوى فرضا على 40000 بكسل ولكن الشاشه ال24 بالتأكيد لن تزيد مثلا عن 15000
كل هذا ليس كلام علمى 100% ولكن تمثيل لتوضيح المعنى

وبالتالى لا يمكن أن يكون رسم صوره على 40000 بكسل بنفس سرعه رسمها على 15000 بكسل فقط
ولا أيه؟

الكرت كان شركة :D
كان لواحد من حبايبنا , وكان المفروض يقعد معاي أسبوع علشان أعمل مراجعة , لكن الوضع أتغير و ملحقتش أتهنى بيه غير ساعتان فقط :mad: , ونص الوقت ضاع في فك الكيس و الكيبل مانجمنت و......:ah34:


و فعلا البور أولى , و أضمن , لكن ما تجبش حاجة أقل من 750W علشان المستقبل :ah38:

وبصراحة كده طمنتني , لأني كنت خايف من تبريد الكرت , لكن أنا متردد , لأن حتى الآن الـ GTS250 كافي جدا بالنسبة لي على 1400x1050 , لكن ممكن أنقل الـ 5770 + GTS250 PPU , وممكن أستنى شوية ونشوف HD6xxx و ممكن GTX5xx :ah34:

دوختك معاي :D

بالتوفيق و مبروووك على الكرت :cool:

يلا عقبال ما تجيب واحد ليك بإذن الله وساعتها تعمل المراجعه اللى بتتكلم عنها

صراحه أنت كلامك زى الفل انا فعلا عايز أجيب أـعلى حاجه اقدر عليها بس شطحت بخيالى إلى 1000W أو أعلى بس قول يارب

GTS250 ممتاز ومكدبش عليك كنت بفكر فيه بس قلت الواحد يتلدع مره واحده + الفرق بينهم محترم فى الاداء زى ما هو محترم فى الفلوس
بس لو ناوى على 5770 يبقى أستنى لما تجيب Power Color 5770 Lucid Hydra لما تركبه مه 250 هيدى اداء أعلى من أنه يكون مجرد كارت PPU وفى نفس الوقت هيعالج Physx ويبقى كسبت من كل النواحى

ولا دخت ولا حاجه أنت تأمر
وعقبال ما نباركلك

تقرير ممتاز وجهد يستحق كل تقدير

انا كان معايا XFX 5770 وكان بيجيب ارقام اعلى ودرجات حرارة اقل وتفسيرى لذلك

1- بخصوص الاداء: ال XFX كان 800 مظللة فى حين اللى عندك 720 فقط
2- بخصوص درجة الحرارة : دة يرجع ان الجو دلوقتى احر بكتير من الوقت اللى كان معايا الكارت فية


تم التقييم

شكرا لك عزيزى على التشجيع
فعلا أعتقد أن هى دى الاسباب خصوصا بعد تفعيل ال800 وحده الاداء زاد بشكل ملحوظ على الاقل فى برنامج 3D Mark Vantage زاد حوالى 400 نقطه
وشكرا على التقييم يا عزيزى

الف شكر عالمجهود والراجعه تامنسقه والمرتبه

لكن

لماذا الإرتفاع في درجات الحراره ؟
انا عندي 5870 vapor-x crossfire ودرجات الحراره في حاله الخمول لا تعدي 32 وعند الضغط لا تزيد عن الـ60
المروحه عالـauto
ومع كسر السرعه لا تعدي 65
مع العلم انه درجه حراره الغرفه 28

العفو أخى
الارتفاع فى الحراره أعتقد سببه هو أن الغرفه لديك 28 درجه فى حين أن أثناء الاختبار أعتقد إنها لم تكن تقل عن 30 درجه لدى + تبريد وسعه الكيسه فلدى كيسه شبه تجاريه وبحجم صغير لا يسمح بتهويه جيده لكل القطع

وشكرا لمرورك