مشكلة بخصوص حسابى بشركة ابل لمن يستطيع مساعدتى

[حاتم عفيفى]

السلام عليكم ورحمة الله وبركاته
ملخص المشكلة انى كنت حاطت بيانات الفيزا انترنت كارت وسافرت للسعودية والفيزا خلصت فدوست بالخطا على برنامج قيمته حوالى 4دولار لقيت الموقع بيحمله مع انى متعود ان الموقع اى موقع لازم يبعت رسالة تاكيدية تانية ويطلب منى اعادة ادخال الباص ورد قبل عملية الشراء بس المرة دى دخل اوتوماتيك على الشراء وبدا التحميل انا رحت مكنسل العملية بسرعة قبل ما تتم وبعت رسالة للدعم مفادها انى اشتريته بالخطا علشان يرجعوا الفلوس المشكلة دلوقتى ان كل لما اجى احدث اى حاجة او انزل برنامج مجانى بيقولى ادخل حسابك واول لما ادخل القاه مطلع لى بيانات الفيزا بتاعتى وبيقولى ادخل الكود السرى ليها وهيا اصلا مش معايا جربت بتاعة واحد صاحبى رفضها فايه انسب وسيلة انى اخرج من الورطة دى برامج كتيرة مش عارف احدثها بسبب المشكلة دى حاولت اكنسل اصلا خيار الفيزا بس مش لاقيه كل الى موجود عندى تلات خيارات بين انواع مختلفة من الفيزا ارجو سرعة الافادة وجزاكم الله كل الخير

[MOHAMED FAROOQ]

وعليكم السلام ورحمه الله وبركاته
أخى الغالى حاتم
توجد طريقة وهى تغيير المعرف (الإيميل) في متجر التطبيقات دون أن تفقد التطبيقات التي قمت بتحميلها سابقاً

لكن أولا قم بإنشاء إيميل جديد

ثم إتبع هذه الخطوات

[حاتم عفيفى]

هوا مش التطبيقات مرهونة بالايميل الى انا ربطته بالفيزا كارد ولا انا فاهم غلط ياريت النقطة دى لانى شارى تطبيقات غالية اوى من المتجر وشكرا على سرعة الرد وهل ممكن بعد ما اعمل كده ارجع الايميل القديم تانى بعد ما اختار none من القائمة ويمشى الحال ولا هاتتكرر المشكلة لو دخلت تانى الميل القديم

[MOHAMED FAROOQ]

لا أخى الغالى
التطبيقات مرهونه بحسابك بدليل أنه
لا يمكن تثبيتهم على جهاز أخر إلا على جهاز يحمل حسابك


هل ممكن بعد ما اعمل كده ارجع الايميل القديم تانى بعد ما اختار none من القائمة ويمشى الحال ولا هاتتكرر المشكلة لو دخلت تانى الميل القديم

نعم يمكنك إسترجاع الإيميل القديم مره أخرى بنفس الطريقه
ولكن إختيار none مع وجود فيزا سابقا
لم أجرب ذلك من قبل :D


وهذا مصدر أخر يؤكد كلامى https://www.apple-wd.com/2012/04/how...your-apple-id/

[حاتم عفيفى]

السلام عليكم ورحمة الله وبركاته اخى الكريم لقد قمت بعمل ما طلبته ولكن من خلال الاستور فى الايباد واكدت الايميل الجديد ودخلت بيه بس نفس المشكلة موجودة ونفس رقم الفيزا ظهر كانى كل الى عملته ان. غيرت الميل فين. المشكلة يا ريت اقدر اوصل لحل

[lampino]

شرح وافى ومميز جدا اخى محمد فاروق

[lampino]

فى طريقة ممكن تحللك مشكلتك

اولا : هتدخل على setting
2. itunes&app store
3.هتلاقى ايميلك مكوتوب فوق تضغط عليه هتطلعلك قايمة تختار منها view apple id
4.هيطلب منك كلمة سر حسابك تدخله
5.هتلاقى كلمة payment information اضغط عليها
6.ومن الخيارات الموجودة اسفل payment type اختار none

وستحل المشكلة ان شاء الله

[حاتم عفيفى]

فى طريقة ممكن تحللك مشكلتكاولا : هتدخل على setting2. itunes&app store3.هتلاقى ايميلك مكوتوب فوق تضغط عليه هتطلعلك قايمة تختار منها view apple id4.هيطلب منك كلمة سر حسابك تدخله5.هتلاقى كلمة payment information اضغط عليها6.ومن الخيارات الموجودة اسفل payment type اختار noneوستحل المشكلة ان شاء الله

المشكلة اصلا ان الى بيدخل الفيزا كخيار للدفع بتختفى من عنده كلمة non خالص ومش بيبقى خيار متاح للاسف مافيش اى حل غير يا اما اى دى جديد خالص او استخراج فيزا جديدة تكون شغالة اى حاجة غير كده مش هاتحل تضيع وقت عموما شكرا لمحاولتكم

[lampino]

طيب ممكن تجرب تعمل ريستور للموبايل اكيد هتتحل

بس اتاكد انك مسحت الايميل من على الموبايل تمام قبل الريستور

[حاتم عفيفى]

عملت ريستور بالكامل الايباد وللأسف بمجرد دخولى لحساب بيقولى عندك مشكلة فى طريقة الدفع وبيوجهنى للفيزا على طول مشكلة بجد قصة ان الواحد يحذف الفيزا دى

[MOHAMED FAROOQ]

أخى الغالى

لقد بحثت لك فى الإنترنت عن حل لمشكلتك ولكن للأسف رأيت الكثيرون يشتكون وعالقون فى هذه المشكله
وأيضا موقع أبل لم يذكر حل أخر لهذه المشكله بخلاف هذا الحل :
وهو نفس الحل الذى قمت بشرحه لك فى أول مشاركه

تغيير معلومات الدفع الخاصة بك باستخدام الكمبيوتر
فتح اي تيونز.
اختيار المتجر > تسجيل الدخول .
إدخال معرف أبل ( الإيميل ) وكلمة المرور وانقر فوق تسجيل الدخول.
اختيار المتجر > عرض الحساب .
إدخال كلمة السر حسابك وانقر فوق عرض الحساب.
من صفحة أبل معلومات الحساب، انقر فوق تحرير على يمين الدفع نوع.
ملاحظة : يمكنك العثور على وسائل الدفع التي تيونز يقبل في قسم نوع الدفع. إذا كنت لا ترغب في طريقة الدفع في حسابك، حدد none في المقطع نوع الدفع.

وعند تطبيق هذا الشرح لايظهر لهم خيار ( none ) . ( يبدو أن أبل قامت بحذف هذا الخيار وخصوصا لمن قام بالتسجيل باستخدام فيزا )
وفى النهايه يضطرون إلى إنشاء حساب جديد ويتركون القديم

ولكن قام شخص بالتغلب على هذه المشكله
وذكر هذه الطريقه :

بحثت في النت عن الطريقه فلم اجدها معظم الناس تقوم بانشاء حساب مجاني جديد وخلصنا لكن ماعجبني الوضع اريد تحويل حساب الابل ستور من الفيزا او المدفوع الي مجاني
وقد وجدت حيله جميله وضبط الوضع وتم تحويل الحساب بنجاح
اولا : الدخول من الايتونز على نفس الحساب
ثانيا: edit email
نغير اي حرف من الايميل
مثلا لو ايميلك tam_1123@hotmail.com
غير في الايميل اي حرف مثلا tam_1123s@hotmail.com
ثم حفظ او التالي
ثم قم بفتح حساب جديد واجعل ايميلك القديم هو نفسه الجديد ولكن مجاني وذلك باختيار اي برنامج مجاني ثم create new account
ثم نختار non
ثم التالي وتعبي بياناتك وتم بحمد الله

المصدر

فقم بتجربه هذه الطريقه ربما يحالفك الحظ مثله وتكون صحيحه وأتمنى لك ذلك