أتيت بها من هنا
https://gleescape.com/posts/554
وللأسف الملف الذى قمت بتنزيله لم أستطع استخراج أية معلومات منه
زي ما قال الاخ محمد يجب ان نعرف رقم الرووم فاذا كانت منتهية ب jp فهي تدعم العربية
sent from my samsung galaxy S3 mini
أتيت بها من هنا
https://gleescape.com/posts/554
وللأسف الملف الذى قمت بتنزيله لم أستطع استخراج أية معلومات منه
ليس لك إلا المجازفة طالما أن الإصدار الحالي لا يدعم العربية فلن تخسر شيء (على مسئوليتك)
و لكن أغلب ظني و لست متأكد أن أغلب الرومات تحتوي على دعم دولي للغات
ولك الإختيار
طيب يا شباب.. دلوقت فيه تقدم مش بطال أبدا حصل
اللى عملته انى دخلت على الصفحة الآتية اللى كنت دخلتها زمان، أو دخلت صفحة فيها نفس التعليمات ونفس ملف السيستم اللى فيه أندرويد أيس كريم ساندويتش اللى كنت نزلته ع التاب زمان وبعدين شلته ورجت تانى للجينجر بريد
https://www.dominantwire.com/2012/09...l#.Ux2qLoWWN9A
حصل حوار على الخاص بينى وبين العضو الفاضل linux.egypt بخصوص الموضوع، واقترح عليا صفحة فيها شوية رومات للتاب بتاعى، وجربت الكلام اللى وارد فيها بس للأسف البرنامج اللى بيعمل الـImage على كارت الذاكرة ما كانش بيعملها صح على الكارت، أو ملف الإيمدج نفسه كان معيوب.. الله أعلم، بس محاولة الترقية أو إعادة تنصيب النظام فشلت، وكان كارت الميمورى بلاقيه فى الويندوز فاضى تماما ومحتاج فورمات، رغم ان البرنامج بيقول انه تم وضع الإيمدج على الكارت، ولما كنت باحط الكارت فى التاب، التاب ما كانش بيشتغل أصلا! الله أعلم المشكلة فين تحديدا..
المهم يعنى قلت اجرب انى انزل أندرويد 4 اللى كنت نزلته زمان وبعدين شلته وبنفس الطريقة اللى عملتها قبل كدا: أجيب الملف المضغوط بتاع السيستم واسميه Update واحطه على كارت الذاكرة واشغل الجهاز فى نظام الترقية.. لقيت السيستم الجديد نزل عادى جدا وبقى معايا أندرويد 4 :D
المهم يعنى ماحدش يستغرب من كل العك اللى كنت باعكه فى التاب زمان، لإنى افتكرت انا ليه اتخنقت من الأندرويد 4 (قصدى النسخة اللى نزلت دى) عشان كانت تقيلة شوية، ده غير انه كان بيدينى رسالة Error Message أول ما باشغل الجهاز.. بس لقيته بيدعم اللغة العربية.. ومن هنا انا خلاص قررت انى مش هالعب فى التاب تانى واسيبه زى ما هو وخلاص
بس ياريت يا جماعة وعارف انى باتقل عليكم
عاوز نصايح بخصوص السيستم الجديد.. بمعنى ازاى اخليه خفيف وازاى اشيل رسالة الخطإ وبتاع.. هو سؤال عام جدا انا عارف.. بس دى بيانات النظام وعاوز رأيكم فى المسألة عموما
Android version
4.0.4
Kernel version
3.0.8-00013
g7d23fe7-dirty-
user@ubuntool #53
جدير بالذكر ان السيستم بيدعم لغة عربية وكده المشكلة الأصلية اتحلت.. بس مخاوفى دلوقت من عدم استقرار النظام وكده.. عموما عاوز تعليقاتكم ع الموضوع عموما وأى نصايح ينفع توجهوهالى
ومتشكر جدا
ألف شكر على المعلومة يا صديقى.. خاصة أن الجهاز ليس به إلا 512 ميجابايت فقط من الذاكرة
سأعمل على تنزيل البرنامج وتنصيبه وأبلغك بالنتائج إن شاء الله
المفضلات