المساعده في زياده الـRAM

[MohamedYousri]

السلام عليكم جميعا

مواصفات الجهاز كالتالي:

Intel Core I5 4460 Haswell 3.2GHz 6M Cache
GIGABYTE GA-Z97-D3H
Kingston HyperX Fury 1x8GB DDR3 1866MHz CL10 1.5V
ZOTAC GeForce GTX 950 AMP! Edition 2GB
SAMSUNG MZHPU128HCGM 128GB M.2+Seagate ST3000DM001 3TB 64MB Cache
SeaSonic S12II Bronze 620W
Cooler Master HAF 912 Compact

من الاول و انا عندي النيه اني ازود الـRAM لـ16 جيجا

بدور حاليا علي الـRAM زي اللي راكبه مش لاقيها و لما بلاقيها سعرها ف العالي اوي و واضح اننا داخلين علي ايام الهاردوير فيها هيقل و سعره يزيد بشكل ملحوظ علشان ازمة الدولار طبعا وسعره اللي كل يوم بيزيد

بفكر اني اجيب طقم علي بعضه يكون 2x8GB و ابيع اللي معايا دي

تنصحوني اجيب ايه يكون ف المعقول برضه و سعره مش غالي اوي ...

شكرا جزيلا ...

[MohamedYousri]

و مين افضل اجيب 2*8 ولا 4*4 ؟!

[phenomenon]

احنا داخلين على ايام اصعب من انك تضغط على نفسك فى ترقيه الهاردوير
احنا داخلين على ايام هتحتاج فيها ترقيه الهاردوير ... والسوفت وير ايضا اصبح اهم
بلايين الدولارات دلوقتى العنكبوت غطاها بسبب عدم وجود حل لقرصنه DENUVO
6 شهور عدوا على اول لعبه دينوفوا بدون حل

هتعمل ايه لو زى دلوقتى السنه الجايه كنت قاعد على جهاز تمنه 20.000 الف جنيه بسى قاعد مستنى كراك FIFA 16 لسى
ترقيه الهاردوير حاليا من احل الالعاب !!! It doesn`t make any sense longer
الحسبه لازم تتغير تماما

[MohamedYousri]

الترقيه بالنسبالي مش من اجل الالعاب بنسبه 100% ,,, استخدامي للجهاز ف الالعاب مش كبير اوي و حاليا مثلا ما بلعبش غير Heroes Of The Storm

الترقيه علشان انا ببقي عايز يبقي عندي هاردوير يكفيني كذا سنه قدام ,,, ابنيه مره و احده و ما ادورش علي ترقيه لفتره طويله خصوصا اني متعقد من انتهاء الاجيال زي انتهاء الـDDR2 و ظهور الـDDR3 و ما بقتش عارف ازود الرامات ف الجهاز القديم عن 4 جيجا ( مجرد مثال ) ف علشان كده اللي اعرف أأمن نفسي فيه من دلوقتي بعمله

[phenomenon]

مفيش مشكله - تفكير سليم - بس بردو وبعدين ؟؟؟؟؟؟؟ وبعد ما تجيب 16GB or 32GB
اذا كنت شايل هم المستقبل بدون هاردوير فلازم تشيل همه بدون سوفت وير
اذا ما كنتش هتستفاد بيهم فى الالعاب مستقبليا وانت مالكشى متطلبات تانيه اتقل هتعمل بيهم ايه ؟

انا عندى جهاز محطوط فيه رامه 2GB من سنه 2004 - شغال كل انواع الشغل اللى ممكن تخيلها ما عدا حاجه واحده ( اعمال - العاب تقيله )
لازم تتاكد من هنا ورايح انك هتقدر تستفاد بمواصفات جهازك اللى انت بتشتريها - ترقيه الجهاز من اجل الالعاب فى دول كثيره اصبحت Pointless FACT
عموما انا مش ضد ترقيتك للجهاز طبعا بس بقولك خد بالك فى
HITMAN + DEUS EX Human Revolution + Mirror Edge Catalyst + NFS + ROTT + Mass Effect Andromeda + Robinson The Journey
Far Cry Primal + Unravel + Just Cause 3 + FIFA 16 + No man`s Sky + BF5 +...... هيحتاجوا ترقيه لو حبيت تلعبهم والعدد بيزيد بسرعه كبيره

[MohamedYousri]

فاتح جوجل كروم حوالي 20 Tab
Media Player Classic
VLC مشغل عليه IPTV
Outlook علشان الـMail بتاع الشغل

[phenomenon]

طالما فى سبب واقعى لاحتياجك انا مش ممانع - انا حتى مش ممانع لو مفيش سبب - دى حريه شخصيه ( من حكم فى ماله ما ظلم )
لكن انا كنت بلفت انتباهكك فقط للامر لو مش واخد بالك - او مجرد دردشه فى صميم مشكله تانيه

[MohamedYousri]

فاهم وجهه نظرك طبعا و خصوصا ان اغلب اللي بيبني جهاز قوي بيبقي عايزه للالعاب اللي واضح انها داخله ف سكه مسدودة و متفق مع كلامك تماما

لكن نمط الالعاب اللي بحب العبه ف الاغلب هي الالعاب الاونلاين و بالتالي دي في منها مدفوع و في منها مجاني ف الواحد بيجرب الاول و يشوف اللي يناسبه و يلعبه ....

هو لو عايز الحق بتاع ربنا الصح اننا ندفع تمن الحاجه اللي بنستمتع بيها لكن القدرات الماديه لا تسمح بكده ف مضطرين اننا نستني الكراك او اي وسيله تانيه اننا نستمتع بالالعاب اللي بنحبها بس هنعمل ايه ... المصالح بتتقابل و الشركات تدفع فلوس لفرق كراكات الالعاب قصاد ان الدنيا تهدي شويه و الله اعلم بأيه اللي بيدور ف الخفاء ....

[Yasser]

السلام عليكم جميعا

مواصفات الجهاز كالتالي:

Intel Core I5 4460 Haswell 3.2GHz 6M Cache
GIGABYTE GA-Z97-D3H
Kingston HyperX Fury 1x8GB DDR3 1866MHz CL10 1.5V
ZOTAC GeForce GTX 950 AMP! Edition 2GB
SAMSUNG MZHPU128HCGM 128GB M.2+Seagate ST3000DM001 3TB 64MB Cache
SeaSonic S12II Bronze 620W
Cooler Master HAF 912 Compact

من الاول و انا عندي النيه اني ازود الـRAM لـ16 جيجا

بدور حاليا علي الـRAM زي اللي راكبه مش لاقيها و لما بلاقيها سعرها ف العالي اوي و واضح اننا داخلين علي ايام الهاردوير فيها هيقل و سعره يزيد بشكل ملحوظ علشان ازمة الدولار طبعا وسعره اللي كل يوم بيزيد

بفكر اني اجيب طقم علي بعضه يكون 2x8GB و ابيع اللي معايا دي

تنصحوني اجيب ايه يكون ف المعقول برضه و سعره مش غالي اوي ...

شكرا جزيلا ...

ليك رساله على الخاص!

[SemsemBanhawy]

استاذ محمد صديقي
نصيحة مني لو هتغير حاجة في جهازك للترقية فا حط عينك علي برسيسور + كارت شاشة

[MohamedYousri]

تسلم يا باشا علي نصيحتك

واحده واحده :D :D الجهاز اصلا فلوسه لسه ما بردتش هههههههههههههه :D :D :D

[SemsemBanhawy]

يامسهل الحال يارب :D
علي العموم لو ناوي ان شاء الله أي رامتين 4x4 هيكون أفضل
اهم حاجة يبقو كيت واحد تجيبهم بقا Hyper X , Gskill Ares , Corsair Vengeance
مش هتفرق كتير