>>> كرسى الأعتراف <<<

[ahmedphenom]

هل يفيدك الحاسوب فعلا في في مجال دراستك وكيف تستفيد منه

لماذا اخترت كلية الطب وهل انت مقتنع باختيارك

كيف كنت تذاكر في الثانوية

بالنسبة لصورتك اتوقع انك رجل طويل القامة لست سميننا ترتدي نظارات

[HuLkY]

مش ممكن , أكيد بحلم :D


1 - رأيك فى سياسة المنتدى الحالية؟ بطيئة؟ سريعة فى القرارات؟

2 - هل من الممكن عمل اى تجديد ما تفكر فيه بشكل جذرى حيحل مشكلة ما بس لو تم تطبيقه بسرعة؟ ايه هو وايه المشكلة؟

3 - كمشرف ,هل فى مرة استخدمت صلاحياتك فى شئ ما مش صح! :D

4 - كيفية قضاء يومك؟ من الاستيقاظ حتى الوصول لمرحلة Battery Low

5 - اخر مرة نزلت الاسكندرية؟ ايه انطباعك

6 - هل فى عضو ما يلاحقك بأسئلة مكررة غبية! ايه شعورك وهو مصر على سؤال ما انت جاوبته تكرارا ومرارا مع العلم انك ممكن توقفه

7 - احسن مرة وانت بتوقف عضو قلت فى سرك Justice got Served

8 - هل فى مرة حسيت انك ظلمت عضو ما؟.

9 - هل فى مرة شاهدت تقرير فيك؟ كانت ايه الملابسات؟

10 - نصيحة سريعة جدا لكل شاب مقبل على اول موبايل محترم له , ايه هى؟

11 - روشتة سريعة , احسن موابيل فى الفئات الاتية
1000 جنيه فاقل
1500 جنيه فاقل
2000 جنيه فاقل
2500 جنيه فاقل
3000 جنيه فاقل

12 - ما هى الرياضات المفضلة لك؟

13 - ما رايك فى شباب اليوم؟ نتكلم بصراحة , ضحايا ؟ مجرمين؟ خليط؟ ايه رايك

14 - مشكلة الانتماء , ايه رايك فيها

15 - نازل الانتخابات ؟ "حترشح حد اقصد؟" :D

16 - نفسك تشوف مين من الاعضاء , سمى لى 15 عضو نفسك تجتمع بيهم وجها لوجه

17 - ايه اول علاقة لك بعالم المحمول؟

18 - ايه رايك فى شخصية طرزان؟ رمز استعمارى لبيض البشرة على الافارقة؟ ام مغامرة حلوة؟ ام مزيج من كل ما سبق؟

19 - موبايلك القادم هو؟

20 - اكتر موقف محرج تعرضت له فى المواصلات العامة؟

21 - اكثر المواد الصوتية المحببة لك , مش مشكلة ما طبيعتها , ما هى؟

22 - بم انك طبيب , ما كان شعورك حينما دخلت المشرحة اول مرة وامامك جسد انسان فارغ الروح , قلت ايه فى رارة نفسك؟

23 - قلب الانسان من الداخل , هل رايته؟ لو اه اول ما شرحته , كان ايه شعورك؟ نفس الكلام للمخ صحيح

24 - هل فى مرة حصل موقف مرعب او طريف فى المشرحة؟ يا ريت تحكى

25 - ما هى امكانية ان يضرب دولة مثل مصر وباء مثل الايبولا مثلا؟ كبيرة؟ صغيرة؟

26 - تفتكر حنوصل لسؤال رقم كام؟ :D

[nero&dante]

خلاص هالكي وصل يا رجالة
بانتظار تخفيض عدد الاسئلة للبدا في المحاكمة:ah32:
عفوا قصدي الاسئلة اللطيفة:D

[Dr Mohammad]

:eek::eek::eek:
أنا اللى جبته لنفسى :D

دكتور محمد حبيبى من ايام الجيزه

ما هو باين :D
انت اللى حبيبى من أيام حرب اليمن :D

1*/ هل دراسته الجامعيه جت بالطب من محض إرادتك ؟

نعم بمحض إرادتى و حقيقة أعشق الطب
الحقيقة لو حكيتلك عن عائلتى هتفتكر إن الموضوع كان غصب عنى , فالوالد طبيب و نصف إخوتى اطباء و النصف الآخر متزوج من اطباء و نصف العائلة من أعمام و أولاد عمات أطباء (ما شاء الله) :D
طبعا مادام الوضع كدة طبيعى إن الوالد يفرض عليا الطب , لكن فى الحقيقة هو لم يكن محتاج يفرضو عليا لأنى فعلا من صغرى باحب الكلية دى

2*/ هل تقابلك عواقب ما نسمع عنها فى كليات الطب مع التشريح وخصوصاً ( التشريح البشرى )

التشريح كان فى سنة اولى و ثانية
و لسة هنقابله فى الجراحة فى سنة سادسة
و الحقيقة هو مادة جميلة جدا فى الاستماع لشرحها و بشعة جدا فى مذاكرتها :D
و امتحان العملى بتاعها محتاج أطباء من المريخ :D
بس ياريت توضحلى أكتر إيه العواقب اللى تقصدها , اصلهم كتير

3*/ هل بالفعل عدد الطلاب فى غرفة التشريع ما يقارب الـ 200 الى 250 فى المحاضة الواحده

للاسف حاليا الوضع ساء جدا
و العدد بيبقى اكتر من كدة و لكن فى محاضرات النظرى
أما العملى فبنبقى فى حدود 30-50 و ده برضه كتير جدا
والدى كان بيقولى إنهم زمان كانو بيدرسو 5-10 على الجثة الواحدة

4*/ بعد ان واكبت اخر واحدث التقنيات هل فكرت ( ايه الكليه اللى الواحد دخلها دى كنت دخلت هندسه إليكترونيات ) ام لم تعر انتباهك لدراسه هذه الاجهزه المتناهيه فى الصغر وتحوى امكانيات قد تتغلب على الحاسوب الشخصى فى بعض الاحيان ؟

حقيقة انا لم افكر فى هذا
لأنى باحب المجال الطبى جدا + إنه فتح لى افق لمجالات تانية مبهرة جدا
و مع ذلك دراسة الإلكترونيات جالت بخاطرى فعلا , و فكرت إنى أدرسها و لكن بجانب الطب

5*/ لماذا دراستك بالطب وليس غيره ؟

و أنا طفل : عايز ابقى دكتور زى بابا
و أنا فى الثانوية العامة : عايز أدخل كلية قمة
و أنا فى الكلية : أنا اعشق هذا المجال , و يبهرنى ما أتعلمه كل ثانية (باستثناء بعض المواد اللى مالهاش لازمة)
و يبهرنى أكثر الجسم البشرى الذى لا يزال يخفى الكثير و الكثير و الكثير
و صدقنى لا شئ أروع من أن تقف أما شئ مبهورا و لا تملك سوى أن تقول " سبحان الله "
و الدراسة فتحت لى مجالا واسعا جدا لأتأمل فى إبداع الخالق - عز و جل - , و لأشعر بمعاناة الناس , كما زاد اهتمامى بالإعجاز العلمى فى القرآن الكريم و السنة النبوية الشريفة .

6*/ ما هى كل انواع الهواتف النقاله التى امتلكتها فى الاعوام الخمس الماضيه ؟

أول هاتف امتلكته

NOKIA 3510i


ثم

NOKIA 3660


ثم

NOKIA N70


ثم

i-mate JAM Black - Super JAM
Windows Mobile


ثم

E-TEN M600 plus
Windows Mobile


و حاليا

iPhone 3G


و

Glofish X900
Windows Mobile


و

SAMSUNG S8003 Jet



قولو ما شاء الله :D

7*/ هو شخصيه حصرتك دايما بتفرض على الواحد انه يكتب بالفصحى فى كل المواضيع حتى الفرفشه مش كدا ولا انا بخترف ؟؟؟؟

أبدا و الله
كل ما فى الأمر أن طابع عرب هاردوير يناسبه أكثر الفصحى
و أرى أن أجمل سمة فى عرب هاردوير هى اللغة العربية الفصحى
و النقاش التقنى باللغة العربية الفصحى له رونق جذاب جدا
و انا أتفق معاك إنه لا مانع من العامية قليلا فى المواضيع الفكاهية , بس كل واحد لازم يلتزم بالفصحى لعى قد ما يقدر عشان يبقى قدوة لغيره

دول اللى جوم فى بالى وانا ذهنى شارد

أمال لو مركز كنت عملت فينا إيه ؟ :D:D

هاحضرلك حبه اسئله على متجاوب على دول

الرحمة الرحمة
إهئ إهئ

عارف يا محمود لو اخد تقرير بمشاركه سيئه هاوريك لما اجى اسكندريه الشهر الجاى

حبيبى و الله
بالغيظة فى محمود :D :p:p

1-هل أنت بدين فعلاّ و لديك زيادة في الوزن (مثلي ) كما أتخيّل؟

:eek:
تمام , صحيح
عرفت منين ؟ :eek:
انت ما شاء الله مالكش حل
و لو فاكر انا كنت قلت لك و انت جالس مكانى على الكنبة :D انك عندك قدرة ممتازة على تحليل الشخصية
بس ما توصلش لكدة , إنك تعرف شكلى كمان , ما شاء الله
طيب ممكن سؤال ليك (بعد إذن محمود) : ما تخيلك لشكلى ؟

2-سؤال يسأل كثير لطلّاب الطّبّ، ما هي الاستراتيجيّات التي اتّبعتها في قهر الثّانويّة العامّة ؟

بتفكرنى ليه ؟
انا كنت ما صدقت نسيت :ah38:

االإجابة : المذاكرة + الانقطاع النسبى عن العالم الخارجى(أكثر شئ أكرهه جدا) + دعاء الوالدين
و الأهم من هذا كله هو الاستعانة بالله تعالى + تحسين علاقتى بالله - سبحانه و تعالى -

3-ما سبب اختيارك لهاتفك الحاليّ عن غيره؟..

ال iPhone : يستحق التجربة
ال Windows Mobile : النظام ده واخد حتة من قلبى :D , و لن استغنى عنه إن شاء الله

4-كيف كانت ردّة فعلك أوّل مرّة رأيت فيها جثّة؟

يبدو إن التشريح سمعته جية جدا عند الجميع :D
الحقيقة أن رد فعلى لم يكن قوى على الإطلاق
بل بالعكس
و لكن هذا لا يعنى أنى قاسى القلب أو ما شابه
أبدا و الله
كل ما فى الأمر انى كنت متعود و مستعد نسبيا
فالعظام مثلا كنت متعود على رؤيتها بسبب دراسة إخوتى الكبار للطب كما ذكرت
أما الجثث فكنا ندرس عليها و هى مقطعة الى اجزاء , أى الرأس وحدها و الصدر وحده و الأطراف وحدها و هكذا :D
و هذه الطريقة أنسب للدراسة فى وجود عدد كبير من الطلاب

و بصراحة تقدر تقول إن طلبة طب لديهم ألفة مع هذه الاشياء :D

أما الذى ينتج عنه رد فعل قوى نسبيا لدى هو مشاهدة العمليات الجراحية
أنا طبعا حتى الآن لم أعمل بيدى شيئا جراحى و أكتفى بالمشاهدة , و لكنى قريبا سأضطر للمشاركة بنفسى إن شاء الله

5-ما هي أكلتك المفضّلة في مصر، و في السّعوديّة، و ما هي المفضّلة بين الأكلتين؟

فى مصر : المحشى :D
فى السعودية : الكبسة :D

و المحشى أفضله أكثر :ah7:

[Dr Mohammad]

هل يفيدك الحاسوب فعلا في في مجال دراستك وكيف تستفيد منه

نعم يفيدنى
مثلا فى :
الكتب الاكترونية
الصور و الفديوهات و هى اساس مذاكرة العملى
العروض التقديمية و ال Data Show فى برنامج التعليم الذاتى Self Learning فى بعض المواد
و غيرها الكثير

لماذا اخترت كلية الطب وهل انت مقتنع باختيارك

راجع مشاركتى السابقة أخى الفاضل
و الحمد لله أنا مقتنع باختيارى

كيف كنت تذاكر في الثانوية

الدروس الجديدة اذكرها أول باول , و كل مدة أحاول مراجعة ما سبق
و أهم شئ متابعة مدرس المادة و آداء كل ما يطلبه من مذاكرة و امتحانات دورية لمراجعة ما سبق
و لا ننسى دائما الاستعانة بالله - سبحانه و تعالى - , فهو المعين

بالنسبة لصورتك اتوقع انك رجل طويل القامة لست سميننا ترتدي نظارات

حقيقة أنا طويل القامة و لكنى سمين و لا ارتدى نظارات

شكرا على الأسئلة أخى

مش ممكن , أكيد بحلم

و أنا فى كابوس :D
أمزح طبعا
أهلا بك هالكى باشا , نورتنى و الله
مكانش فيه داعى أبدا تتعب نفسك :D

1 - رأيك فى سياسة المنتدى الحالية؟ بطيئة؟ سريعة فى القرارات؟

بالنسبة للأمور الطارئة اجد الاستجابة سريعة ما شاء الله
و لكن مجملا هناك بطء فى اتخاذ القرارات الكبيرة و ربما يعود ذلك إلى أن أغلب تلك القرارات قرارات كبيرة و تحتاج نقاش
عموما اسأل الله أن يوفق أهل المنتدى جميعا لما فيه الخير

2 - هل من الممكن عمل اى تجديد ما تفكر فيه بشكل جذرى حيحل مشكلة ما بس لو تم تطبيقه بسرعة؟ ايه هو وايه المشكلة؟

نعم يمكن عمل الكثير
و بالفعل هناك أمور كثيرة كانت فى بالى و سبقنى إليها بعض الإخوة المشرفين جزاهم الله خيرا , و يجرى حاليا نقاش بشأنها فى القسم الإدارى
و للاسف لا استطيع أن اذكرها حاليا حتى يتم الاتفاق بشأنها و تخرج إلى النور

3 - كمشرف ,هل فى مرة استخدمت صلاحياتك فى شئ ما مش صح!

لا , الحمد لله

4 - كيفية قضاء يومك؟ من الاستيقاظ حتى الوصول لمرحلة Battery Low

يومى يشمل الكثير و لكن لا يوجد نمط او ترتيب معين , فهذا يختلف من يوم لآخر , مثلا :
الانترنت
مقابلة اصدقائى
حضور بعض الدروس الدينية
لعب ال Play Station
بعض الألش :D:D :D
قراءة قصص قصيرة
اللف فى الاسواق و زيارة بعض شركات الكمبيوتر و محلات الموبايلات
تناول الطعام داخل و خارج المنزل :D
بعض السفر و زيارة الاقارب و حاجات تانية كتير على حسب

5 - اخر مرة نزلت الاسكندرية؟ ايه انطباعك

فى شهر فبراير الماضى تقريبا
و هى بلد جميلة و أهلها زى العسل

6 - هل فى عضو ما يلاحقك بأسئلة مكررة غبية! ايه شعورك وهو مصر على سؤال ما انت جاوبته تكرارا ومرارا مع العلم انك ممكن توقفه

ليس عضو محدد و لكن ذلك يتكرر كثيرا
و ينتابنى شعور بالغيظ
و لكن ارجع اقول برضه بعض الرأفة و اللين , لأن مفيش حد فينا اتولد عالم , و كلنا هنفضل نتعلم لغاية ما نموت

7 - احسن مرة وانت بتوقف عضو قلت فى سرك Justice got Served

حدث هذا آخر مرة أوقفت عضوا
و لن استطيع أن أذكر اسم العضو هكذا على العام , ممكن على الخاص :D

8 - هل فى مرة حسيت انك ظلمت عضو ما؟.

مرة واحدة , و لم يكن ظلما , و لكن ممكن تقول مبالغة فى رد الفعل
و تم عكس المخالفة و الاعتذار للعضو

9 - هل فى مرة شاهدت تقرير فيك؟ كانت ايه الملابسات؟

نعم اذكر أن هذا حدث من قبل ,و لكن لا أتذكر الموضوع جيدا
لكن اذكر إنه كان هناك موضوع معين و كان فى عضو تقدر تسميه محامى السلطة , و قال كلام غير معقول و غير مطاق بالمرة فى الموضوع
و تناقشت معه و انتهى النقاش بأن سبنى و دعا على , على الرغم من أنى لم أخطئ فى حقه , و كان كلامه هو المستفز جدا و حتى أن كل من اخى الشيخ مبارك و أخى الفجر القادم و أخى ياسر رمزى و غيرهم احتكو به فى الموضوع نتيجة ردوده المستفزة
بس الحمد لله لم أرد عليه و تركت التصرف للشيخ مبارك - جزاه الله خيرا -

10 - نصيحة سريعة جدا لكل شاب مقبل على اول موبايل محترم له , ايه هى؟

1- اسأل نفسك : ماذا تريد من الموبايل ؟
2- لا تستعجل ابدا فى شراء الموبايل .
و أنا فى الخدمة

11 - روشتة سريعة , احسن موابيل فى الفئات الاتية
1000 جنيه فاقل
1500 جنيه فاقل
2000 جنيه فاقل
2500 جنيه فاقل
3000 جنيه فاقل

هذا يختلف على حسب أى نظام تشغيل تقصد
عموما سأتكلم عن نظام سمبيان فقط , لأنه الأكثر استخداما , كما أن الويندوز موبايل و الأندرويد و الآى فون لهم فئات سعرية مختلفة

1000 جنيه فاقل : NOKIA E63 (ممكن يزيد فى السعر قليلا)
1500 جنيه فاقل : NOKIA 5800 + Samsung B7300 OmniaLITE
السامسونج المذكور هو ويندوز موبايل , لكن سعره يعتبر ممتاز جدا بالنسبة لمواصفاته كويندوز موبايل , لذا ذكرته
2000 جنيه فاقل : هناك عدة أجهزة فى هذه الفئة و لكن من سيدفع 2000 أنصحه أن يزيد قليلا و يشترى من الفئة التالية
2500 جنيه فاقل : NOKIA X6 + NOKIA N86 + NOKIA N97 MINI
3000 جنيه فاقل : Samsung i8910 Omnia HD

اجهزة سيمبيان تنزل اسعارها سريعا لذا لا أنصح بشرائها حتى تستقر

أكرر ثانية : هذه التقسيمات لمحبى اجهزة نوكيا , أما باقى انظمة التشغيل فلها كلام آخر

12 - ما هى الرياضات المفضلة لك؟

المشاهدة : الكرة + المصارعة الحرة
اللعب : حاليا لا امارس رياضة , لكنى كنت العب ألعاب الدفاع عن النفس + السباحة , و لكنى لم اكمل
بالإضافة إلى تمارين الجيم العامة
و ألعب الكرة طبعا , و لكنى تعرضت لإصابة فى اربطة الكاحل العام الماضى , و نصحنى الدكتور بعدم لعب الكرة حتى أنقص وزنى حتى لا أتعرض للإصابة مرة أخرى

13 - ما رايك فى شباب اليوم؟ نتكلم بصراحة , ضحايا ؟ مجرمين؟ خليط؟ ايه رايك

خليط
الحقيقة حال معظمهم يرثى له , و من فى هذه الحالة عدة أصناف , منها :
1- شاب نشيط و مجتهد و ذو طموح , و لكنه الظروف طبعا لا تساعده .
2- شاب محبط و يائس و ساقط فى براثن الاستسلام و هو كان يوما ما من الفئة الأولى .
3- شاب عابث فاسد , بلا هدف أو لا غاية , و ظاهريا قد يبدو سعيدا و لكنه فى الداخل لابد ان يكون مكتئبا او شاعرا بالضيق , و طبعا يحاول ان يعالج الضيق بمعصية يظن أنها فرصة أخرى للخلاص من ضيق سببه معصية سابقة , و اقول له : أخى بتعالج إيه بإيه ؟ , و بتهرب من إيه لإيه ؟ , الطريق للسعادة واضح و معروف , و صدقنى لو التمست الطريق إلى الله لأعانك الله و لملأتك السعادة و الهناء .

14 - مشكلة الانتماء , ايه رايك فيها

تقصد ضعف الانتماء ؟
مشكلة حقيقة بدأت تطفو على السطح
و أظن أنها ليست من فراغ
ضعف الانتماء قد يكون مقابل و نتيجة لاجهاض الطموح و كبت الأحلام و الامتهان
و طبعا أنا لا ابرر لضعيف الانتماء , فهاذ غير مقبول , و لكن مجرد تحليل للسبب

15 - نازل الانتخابات ؟ "حترشح حد اقصد؟"

للأسف مش هابقى موجود فى مصر وقت الانتخابات , هابقى فى السعودية إن شاء الله
و لو كنت موجودا سأنتخب بإذن الله .

16 - نفسك تشوف مين من الاعضاء , سمى لى 15 عضو نفسك تجتمع بيهم وجها لوجه

هم أكثر من 15 عضو
مثلا :
الشيخ مبارك
الفجر القادم
شلاع العتر
محمد الجوهرى
ramy64
NAZOOR
Amarantine
KH@LIL
zwawy
HAMEEDO
MF88
HULKY
mramzi
Coolman4now
woboo
alayoubi
Solid-Snake
KOZMOS
Doctor X
Mezoxin
VancouverEG

و غيرهم الكثير الكثير و لكن هذه الاسماء التى تحضرنى حاليا

17 - ايه اول علاقة لك بعالم المحمول؟

إذا كنت تقصد الكمبيوتر المحمول LapTop فالبداية كانت مع جهاز DELL
أما إذا كنت تقصد الهواتف المحمولة فمع الجهاز الإيريكسون العملاق إياه (الشبشب) أعزكم الله , و كان جهاز أخى + ال 3310 و كان جهاز أبى

18 - ايه رايك فى شخصية طرزان؟ رمز استعمارى لبيض البشرة على الافارقة؟ ام مغامرة حلوة؟ ام مزيج من كل ما سبق؟

المعروف عن القصة أنها رمز للعنصرية و استعمار البيض للزنوج
و صراحة أنا لا أرى فيها الكثير من المتعة
أنا أحب الفانتازيا , و لكن المقبول منها أو المقبول نسبيا على الاقل

19 - موبايلك القادم هو؟

لم استقر بعد على موديل محدد لأنى أصلا لم أنوى شراء موبايل حاليا
و لكن فى الغالب سيكون إما أندرويد أو ويندوز موبايل جديد إن شاء الله

20 - اكتر موقف محرج تعرضت له فى المواصلات العامة؟

احتككت مضطرا مع سائق غير محترم
و لكن المحرج بحق أن تكتشف أنك نسيت محفظتك فى البيت :D , و لكنى الحمد لله لم أتعرض لهذا :D

21 - اكثر المواد الصوتية المحببة لك , مش مشكلة ما طبيعتها , ما هى؟

بعض التلاوات القرآنية و الأناشيد بصوت الشيخ مشارى راشد
رائعة بحق , و بعضها مقرب جدا جدا جدا إلى قلبى

22 - بم انك طبيب , ما كان شعورك حينما دخلت المشرحة اول مرة وامامك جسد انسان فارغ الروح , قلت ايه فى رارة نفسك؟

قلت يا فكيك :D:D
راجع ردى السابق على أخى رامى
الحمد لله كنت متمالك نفسى , و ترحمت على المتوفى
و حقيقة أول مرة أرى جسد فارغ الروح كان قبل دخولى الكلية , كان احد أقربائى - رحمة الله عليه - , و أثر ذلك فى نفسي كثيرا .

23 - قلب الانسان من الداخل , هل رايته؟ لو اه اول ما شرحته , كان ايه شعورك؟ نفس الكلام للمخ صحيح

نعم رايت كلاهما كثيرا , لكن لا نشرحهم بأنفسنا , لكن نفحصهم بأيدينا و ندرس تفاصيلهم و نمتحن عليهم .
القلب يشعرك بعظمة الخالق فعلا و يجعلك تتعجب كيف يمكن لعضو صغير هكذا أن يحرك جسدا بهذا الحجم الكبير , سبحان الله .
و الأكثر تاثيرا هو قلب المدخن , بشع المنظر , و الله لو رآه مدخن عاقل لما جرؤ على لمس سيجارة .
أما المخ , فحكايته حكاية , معجزة فى حد ذاته , و اقدر اقولك إنه أكثر عضو نجهل عنه , و لا نعلم عنه إلا القليل , و بعض العلماء قالو أننا لا نستخدم أكثر من 40 فى المائة من قدرات العقل اليبشرى .
هناك مناطق بالكامل لا نعلم شيئا عن وظيفتها .
و طريقة توزيع الوظائف و تنسيقها داخل مناطق المخ , و نظام التوصيل الفائق الإبهار , شئ مبهر و معجز جدا جدا جدا جدا جدا جدا جدا .

24 - هل فى مرة حصل موقف مرعب او طريف فى المشرحة؟ يا ريت تحكى

بل مواقف طريفة
فقبل ايام الامتحانات تكون هناك زحمة غير عادية فى المشرحة , زى ما يكون سوق سمك :D
و طبعا الزحام لا يسمح لك بالمذاكرة جيدا
و تضطر للمزاحمة لكى تصل إلى الدولاب الذى به الأعضاء التى تريد مذاكرتها و كأنك فى أتوبيس فيه 7980 نفر :D
و طبعا بعض الأعضاء تكون فى الأرفف السفلية و تضطر لتنحنى لتراها , فترتطم بزميلة , و تخيل مدى الإحراج , و للأسف ده ممكن يتكرر كذة مرة فى اليوم , و احنا مضطرين ندخل وسط الزحمة و إلا مش هنعرف نذاكر للامتحان
و مرة حصل موقف بس كان فى متحف الطب الشرعى و ليس فى متحف التشريح :
كان فى زحمة جامدة جدا على الدولاب و كان آخر دولاب فاضل و اخلص , و كان فى طلاب رخمة جدا و بقالهم مدة طويلة و مش راضيين يسمحو لحد يدخل , و الحمد لله ما كانش فى بنات وقتها , قلت ما بدهاش
فقمت جايب كرسى خشب من الموجودين فى المتحف , و الكراسى دى عالية شوية , فقمت واقف عليه و قلت "انا بقالى ساعة و لسة مانزلتش البحر" , و قمت ناطط من على الكرسى أمام الدولاب , و تخيل ما حصل بعدها :D:D

25 - ما هى امكانية ان يضرب دولة مثل مصر وباء مثل الايبولا مثلا؟ كبيرة؟ صغيرة؟

اسمح لى اراجع و ارد عليك , أصل الكلام ده بقاله مدة :D

26 - تفتكر حنوصل لسؤال رقم كام؟

لغاية ما افطس منكم :D:D:D

[nero&dante]

لغاية ما افطس منكم :D:D:D

لا بعيد الشر عليك
اذا مليت خبر محمود هو بوصي على كمية مشروبات فرش:D لعيونك

هل قمت يوما بزيارة طبيب ما (بعيد الشر عليك وعلينا وعلى الاعضاء .....الخ) ولم يعجبك
او هل تقوم بتقييم الطبيب الذي تزوره باعتبارك انت طبيب مثله

[Dr Mohammad]

لا بعيد الشر عليك
اذا مليت خبر محمود هو بوصي على كمية مشروبات فرش لعيونك

ربنا يكرمك
شفت يا عم , محمود بك مطنشنى ازاى ؟ و مفيش حتى كوباية مية .

هل قمت يوما بزيارة طبيب ما (بعيد الشر عليك وعلينا وعلى الاعضاء .....الخ) ولم يعجبك
او هل تقوم بتقييم الطبيب الذي تزوره باعتبارك انت طبيب مثله

نعم , حصل
و فعلا أحاول أن أقييمه كذلك , و لكن من الجانب الإنسانى أو الجانب الغير طبى (المعاملة - اللين - ... و هكذا)
فأنا لازلت طالب و معلوماتى الطبيبة لازالت قاصرة طبعا

[EL-MARIACHY]

معلش سؤال بسيط ما هى : مشكلة الانتماء؟ اللى حضراتكم بتتكلموا عنها؟

[Dr Mohammad]

معلش سؤال بسيط ما هى : مشكلة الانتماء؟ اللى حضراتكم بتتكلموا عنها؟

نقصد ضعف و قلة الانتماء للأمة و الوطن

[mohamed790gx]

اعذرني يا دكتور محمد حبيت امسي بس

الشباب شكلهم مقطعينك :D الله يعينك:ah38:

وحبيت ابدي اعجابي بردودك الرائعه

لكن عايز منك نصايح تساعدني عشان داخل علي تانيه ثانوي وهبدأ دروس السبت الي جاي :mad:

ايه افضل طريقه انظم بيها يومي وشايف اني المفروض انقطع عن المنتدي والكمبيوتر حتي في فتره الأجازه ولا رأي حضرتك ايه

وموضوع ممارسه رياضه اثناء الدراسه انت شايف انها ممكنه في ظل كميه الدروس ديه :mad:

اسف كلامي متشائم بس دعواتك معانا

[Dr Mohammad]

اعذرني يا دكتور محمد حبيت امسي بس

أهلا بيك حبيب قلبى

الشباب شكلهم مقطعينك الله يعينك

اللى عملناه فى الناس بط بط طلع علينا وز وز :D:D

وحبيت ابدي اعجابي بردودك الرائعه

ده بس من زوقك

لكن عايز منك نصايح تساعدني عشان داخل علي تانيه ثانوي وهبدأ دروس السبت الي جاي

ربنا يوفقك و يكرمك بأعلى مجموع إن شاء الله , و يرزقك الكلية اللى تتمناها
أولا : أهم شئ على الإطلاق , هو تقوية علاقتك بربنا - سبحانه و تعالى - , هو المعين و هو الرازق , و فى وقت الضيق و لما تتخنق , هو وحده هيفرج كربك و و طول ما انت مع الله , لن تقلق من شئ ابدا , فحافظ دائما على صلاة الجماعة و على قراءة القرآن يوميا و لو حتى صفحة واحدة , الخمس صلوات مش هياخدو 30 دقائق فى اليوم كله , و لو قريت صفحة قرآن مش هتاخد 5-10 دقائق ز
ثانيا : بر الوالدين , و الدعاء , الدعاء ده سلاح جبار و نتائجه مذهلة , ادعى دائما و كتير , و وصى والديك يدعو لك .
ثالثا : المتابعة أول بأول فى المذاكرة , يعنى اللى تاخده فى الحصة تذاكره على طول و اوعى تأجل مذاكرة حاجة عشان ماتتراكمش عليك و و مذاكرة حصة بحصة سهلة و الحصة بتبقى سهلة جدا . كم صفحة بس .
رابعا : اوعى تهمل القديم , يعنى حاول دائما تراجعه , و أغلب المدرسين بيعملو امتحانات دورية على جزء من اللى فات , دى فرصة ممتازة انك تراجع حاجة قديمة , و عموما لو عرفت كل يوم جمعة تراجع حاجة الأسبوع كلها تبقى تمام و زى الفل إن شاء الله .
خامسا : اسمع دايما كلام المدرسين , و اللى يقولو عليه نفذو , ذاكر دى يبقى تذاكرها , امتحن ده يبقى تمتحنه .
سادسا : الموضوع سهل جدا و بسيط إن شاء الله , و الثانوية العامة على فكرة اسهل من الكلية بكثير , هى مشكلتها بس فى العامل النفسى و التوتر , و ده سهل نتغلب عليه زى ما قلتلك بالقرب من الله و بر الوالدين , دول هيقضو على أى توتر و قلق , و ساعتها هتبقى مرتاح جدا فى الثانوية العامة , و مش هتحس بيها إن شاء الله .

و دايما توكل على الله و أحسن الظن بالله , و صدقنى ربنا هيكرمك جدا جدا .

ايه افضل طريقه انظم بيها يومي

من وجهة نظرى : أفضل طريقة إنك تبتدى يومك الفجر , يعنى تنام بدرى و تصحى الفجر , و بعد ما تصلى الفجر , تبتدى مذاكرة , المذاكرة فى الوقت ده ممتازة جدا و بتجيب نتايج هايلة إن شاء الله , و ده لأن الوقت ده (اللى هو بعد الفجر) فيه بركة كبيرة جدا , بالإضافة إلى إن طبيا و علميا التركيز بيبقى عالى جدا فى الوقت ده و نسبة هرمون الكورتيزون بتبقى عالية فى الدم فى الوقت ده , و بالتالى آداءك فيه هيبقى ممتاز بإذن الله .

وشايف اني المفروض انقطع عن المنتدي والكمبيوتر حتي في فتره الأجازه ولا رأي حضرتك ايه

المفروض الكمبيوتر يبقى يوم الخميس بالليل بس
لكن لو مش هتقدر تحكم نفسك و هتقعد عليه فى أوقات تانية (و ده اللى بيحصل غالبا) يبقى أحسن حاجة تشيل الجهاز نهائيا و تفصل النت لغاية ما الصيف ييجى
معليش استحمل شوية , دول كلهم كام شهر فى السنة و بعد كدة هترتاح حياتك كلها إن شاء الله

وموضوع ممارسه رياضه اثناء الدراسه انت شايف انها ممكنه في ظل كميه الدروس ديه

طبعا ممكنة إن شاء الله
مثلا :
العب ماتش كورة مع اصحابك كل يوم خميس
و خلي الموضوع ده ثابت كل خميس , بس ما يزيدش عن وقت معين (ساعتين مثلا كل خميس) + ما تلعبش غير فى اليوم ده بس
خميس يعنى خميس بس

اسف كلامي متشائم بس دعواتك معانا

مفيش أى داعى للتشاؤم ابدا
خلى عند ثقة فى ربنا , و استعن بالله , و صدقنى ربنا هيكرمك إن شاء الله , و الموضوع سهل و الله

ربنا يكرمك و يوفقك و ييسر لك أمرك و يرزقك مرادك

[mohamed790gx]

مش عارف اقولك ايه بصراحه بعد الرد ده

حضرتك كلامك كله ريحني اوي وملئ بالنصائح العمليه مبتفكرش تبقي دكتور نفساني :D

اخيرا وليس اخيرا حكايه كمبيوتر يوم الخميس بليل ديه شامله الشهر ونص بتوع الاجازه +المدارس ولا المدارس بس :D

يعني بيتهيألي هيبقي عندي فراغ كبير كل يوم في الفتره الصباحيه من 9-4 مثلا ولا حضرتك رأيك ايه

شكلي هشيله خالص وامري لله:ah8::D

[omaar97]

يلا يا هالكي اضرب لا رحمة :D
لا تخاف مجهزين الأدوية والمشروبات وكل شيء تحتاجه :D
بس ما شاء الله الدكتور محمد متحمل يلا كمان 24 سؤال عشان يصيروا 50 :D
الله يعينك يا دكتور محمد انت في كرسي العذاب

[Orphan Naremo]

حبيبى يا دكتور محمد بأمانه
هاروح دوره الـ PES2010 اركز شويه هناك واجى اكتبلك بتاع 75 75.5 سؤال
سلامى موقتاً للجميه واللى هايروح يلعب هاقطعكم هناك

[ahmedphenom]

ما رايك في التعليم في السعودية عامة والمدارس العالمية بشكل خاص