نقاش حول مشكلة الحرارة والتخلص منها ... الرجاء المشاركة للإستفادة

**jasim** · 03-05-2005, 15:17

مشكورين على هاذا الموضوع الجيد

**الســـاهــــر** · 14-05-2005, 23:47

السلام عليكم
طبعاً هاذي أول مشاركه لي أنا في الموقع والسراحه الموضوع لفت انتباهي الاحض أنكم تتكلمون عن المراوح ودرجه الحراره حراره الكمبيوتر طبعاً حالتكم حاله مع الغبار ماتدرون وش تختارون من كيسات ومراوح السراحه ريحو نفسكم من المراوح والكيسات وخذلوكم كمبروسر طبعا ًبتقولون هذا الآدمي يخرف
طيب أنا طالب في الكلية التقنية بالدمام تخصصي هندسه تبريد وتكييف ......... وبتقولون وبعدين المهم أنا مفصل دوره تجميد بنفسي للكمبيوتر خليت كرت الشاشة والمعالج سالب أربعين يعني لو بتسوي أنواع الأوفر كلوك في الجهاز لاتخاف عليه طبعاً في سؤال يدور في أذهانكم بكم مسويه وشلون سواه طبعاً السعر كامل 1700 ريال سعودي و القطع منها مجمعها ومنها مفصلها في المخرطة والي هيه قاعدة المعالج وكرت الشاشة وطبعاً ريحت نفسي من أصوات المراوح وأصلاً مافي مروحة في هذه الدنيا متطلع صوت بس تتراوح أصواتها من العالي إلى الواطي وطبعاً ألفكره هاذي جايبها من الانترنت بس عندهم قيمتها ثلاث آلاف ريال من غير التوصيل من أمريكا ومن دون ضمان أما أنا أي قطعه تخرب أقدر أشتريها من أي محل مكيفات في المملكة أما في الموقع ماتقدر تحصلها قطعها في السعودية لأنها مسويتها بمواصفات مختلفة تخليك تشتريها مرا ثانيه من عندهم
وريحو نفسكم من المراوح لأن فكرتها قديمه وقليله النفع في الأجهزه القويه والي مسوين فيها اوفر كلوك لان الي توها تنزل الأسواق تطلع حراره كبيره جداً نضراً لسرعتها وقوتها في انجاز المهام

**الســـاهــــر** · 15-05-2005, 00:56

عندي لكم بس ملاحظه بسيطه الي هيه انكم تقولون أن المراوح الي عندكم تعطي المعالج 24 او34 درجه حراره مئويه طبعاً كلامكم صحيح بس حطيتم أكبر غلطه في المنتدي وراح تخلون كل من يقرا مواظيعكم تخلونه يشتري المراوح نفس الي عندكم اول شي قبل ماتحطون مواظيعكم عن درجه الحراره أول شي تحطونه درجه الحراره المحيطيه للجهاز لان هيه الي ترفع او تنزل من درجه الحراره المعالج أو كرت الشاشه والشي الثاني درجه أنحراف زاويه الريش الى فى المراوح وعدد الريش والشي الثالث عدد دورات المروحه في الدقيقه والي هيه RPM نعطيكم مثال نفرض أن درجه الحراره المحيطيه للجهاز38 درجه مئويه وسرعه المروحه RPM 4000ونوع القاعده من نحاس راح تكون درجه حراره المعالج تقريباً 30 درجه مئويه
والمثال الثاني راح نفرظه نفس المثال الأول بس درجه الحراره المحيطيه للجهاز 28 درجه مئويه يعني راح تكون درجه حراره المعلج 21 درجه مئويه
لاحظتم الاختلاف في درجه حراره المعالج يعني حطو درجه الحراره المحيطيه لأجهزتكم الي هيه تعتبر درجه حراره الغرفه والسلام عليكم

**الســـاهــــر** · 15-05-2005, 01:30

نصيحه لجميع أعضاء المنتدى قبل شراء تبريد المعالج بالماء لأنه مافي فرق كبير بينه وبين تبريد المعالج بالمراوح لأنها تعتمد على درجه حراره الغرفه الا اذا تحب تخلي مظهر جهازك مطور هذا شي ثاني