هو فعلاً التوشيبا بيدعم لغاية 16 جيجا رامات و أنا بعتبره الاستثناء اللى فيهم ، لأن معظم اللابات ( فى حدود الميزانية دى و اللى أنا شوفتها ) بتدعم لغاية 8 جيجا فقط .. و عموماً هى ميزة و لكن حالياً مش مطلوب أكتر من 8 جيجا ( على الأقل فى الوقت الحالى ) .
أنا و الله هشترى التوشيبا - إن شاء الله - بكرة ، و ترتيبى الشخصى : توشيبا - لينوفو - ديل ، و اللينوفو عليه طلب فى الفترة الأخيرة سواء فئة المعالج i3 أو i5 أو حتى i7 ، و ده ظاهر فى المراجعات هنا على المنتدى و على المنتديات و المواقع الأخرى .
أنا شايف إن توشيبا شركة أعرق و التقفيل أفضل و بيتحمل ، و فيه ناس هتقولك توشيبا بقى تقفيله زبالة و اللى بيجى مصر تعبان ، و لكن لو هنتكلم على الوارد لمصر فتوشيبا أنضف من HP و ديل ، و بعدين هو فيه حاجة بتورد لمصر عدلة أصلاً ؟
خلاص هتوكل على الله تعالى و أشترى توشيبا بضمان العربى و أنا و حظى بقى ( طالما أخذت بالأسباب و اخترت شركة كويسة :D )
ممكن تشترى لاب بـ 6000 ج و يغلبك و يطلع عنيك ، و ممكن تشترى واحد بـ 3000 و يعيش معاك و يريحك فترة من الزمن و كمان الميزانية هى اللى بتحدد برضه .
اللاب التوشيبا فيه كاميرا ويب حسب موقع توشيبا ( و أنا أصلاً مش بهتم بيها و لكن موجودة فى كل اللابات تقريباً )
اللاب الفرى دوس مش بييجى معاه لا تعريفات و لا ويندوز و لا حاجة ، البائع فى المحل بيسطبلك ويندوز و التعريفات و أثناء التسطيب بيقسم الهارد طبعاً .
فيه ناس بتشترى اللاب من غير ما تخلى البائع يلعب فيه و هما يقسموا الهارد و يسطبوا الويندوز و التعريفات كلها فى البيت ، و لكن بسبب مشاكل التعريفات اللى بتقابل اللابات يُفضل إن البائع يعمل الكلام ده علشان تضمن إن التعريفات كلها شغالة بدون مشاكل ، و بعدين ابقى خد نسخة على اللاب من التعريفات ( و التعريفات بتبقى موجودة على موقع الشركة المصنعة لللاب ممكن تنزلها بنفسك ) .
لما تشترى اللاب إن شاء الله إقرأ دليل الاستخدام و شوف التعليمات بخصوص البطارية بنفسك ده أفضل حل ، لأن الشركة المصنعة أدرى بالموضوع ده أكيد .
الكرتونة بيكون فيها : الشاحن + البطارية + دليل الاستخدام + اللاب توب نفسه .
وقت الشراء تتأكد إن الكرتونة مبرشمة كويس و لم تفتح قبل ذلك ، تبص على اللاب نفسه من جميع الزوايا هل فيه خدوش ، تجريح ، المسامير متآكلة ( نتيجة الفك و التركيب ) و لا سليمة ، هل الشاشة فيها خدش أو تجريح .
و قبل كل ده تختار المكان الثقة اللى هتشترى منه ، يفضل من المحلات الكبيرة اللى فى مولات الكمبيوتر ، أو من المحلات الأخرى فى الخارج المشهورة .
المفضلات