احداث يوم 10 - 2 - هنا تكتب الأخبار...

**Mr.pOPo** · 10-02-2011, 23:15

هذا الشخص مريض نفسيا!!!!!!! :eek:

ياااااااااااااارب ارحمنا - فى انتظار بيان الجيش رقم 2

**one-zero** · 10-02-2011, 23:15

مظاهرة الغد بدأت من اليوم

**a.ewais** · 10-02-2011, 23:16

عليا الطلاج ده راجل جزمة وابن جزمة...:D

تلخيص الخطاب..
بعض بلا بلا بلا..
هو كده اصبح منصب شرفى....مالوش الا 3 سلطات..تعديل الدستور..وحل المجلسين..وتعديل الوزراء...
عمر سليمان بقى هو الرئيس بكامل السلطات الا التلات حاجات دول...لاول مرة من 30 سنة هنجرب رئيس تانى...يا رب يكون كويس..

المادة اللى اتلغت دى..اعتقد والله اعلم ان ده قانون الطوارئ..
مادة(179): تعمل الدولة علي حماية الأمن والنظام العام في مواجهة أخطار الإرهاب‏,‏ وينظم القانون أحكاما خاصة بإجراءات الاستدلال والتحقيق التي تقتضيها ضرورة مواجهة هذه الأخطار ‏,‏ وبحيث لا يحول الإجراء المنصوص عليه فى كل من الفقرة الأولى من المادة 41 والمادة 44 والفقرة الثانية من المادة 45 من الدستور دون تلك المواجهه ، وذلك كله تحت رقابة القضاء، ولرئيس الجمهورية أن يحيل أية جريمة من جرائم الإرهاب إلي أية جهة قضاء منصوص عليها في الدستور أو القانون‏.

بس كدا....

**HuLkY** · 10-02-2011, 23:17

الشباب فى بحري فى الاسكندرية الان , للأسف التعبير بشكل خاطئ تماما بسباب مقذع جدا , لكن الناس فى حالة ثورة! والله اخاف رجال الشرطة البرئ منهم يذهب فى الأرجل! مذبحة! الناس تصرخ فى التلفاز! هل يحكم شعب أخر؟!

**one-zero** · 10-02-2011, 23:18

حسبنا الله ونعم الوكيل
عايز يخرب البلد
هل لازم يسحل حتى يفهم

**The Mysterious** · 10-02-2011, 23:19

اعتقد أنّ الخطاب مسجّل

...
تعليقي...
هذا الرجل مستفز للغاية فهو يصّم آذانه عن مطلب هذه الجموع الغفيرة ويتحدّاهم بكل وقاحة، الحمدلله أنّه تكلّم عن الشهداء في خطابه هذا بعد أن قام بإغقالهم في خطابيه السابقين.
يحاول كسب الوقت بكلامه عن التعديلات الدستوريّة والمراوغة في الكلام عن الغاء المادّة رقم 179 تمهيداً لإيقاف العمل بقانون الطوارئ الذي سيبقى قائماً
تحدّث عن التدخل الخارجي بشكلٍ سفيه ومضحك للغاية وكأنّه لن يستجيب لها تحقيقاً لمصلحة قوميّة عليا
سخّف من هذه الجموع وقال عنّها أنّهم "البعض" من أبناء وطنه الذين هم براءٌ منه
لا يريد التخلي عن السلطة وعبّر عن رغبته الصريحة مجدّداً في الموت على أرض مصر وبالتالي فهو لم ولن يرحل
يفخر بنفسه في كل خطاب ويتكلّم عن انجازاته وتضحياته العظيمة

**Coolman4now** · 10-02-2011, 23:19

- صراحة ، لو مكانش طلع وقال البيان الخايب دة كان هيبقى أفضل بكتييير جدا.

- على القل مكانتش الناس هتهييج أكتر.

- غباء مابعده غباء ، الثورة اصلا كانت هتقل جامد لولا العند والغباء ، ربنا يرحمنا من النتايج بكرة.

**a.ewais** · 10-02-2011, 23:22

ربنا يستر بكرة......ويا رب الجيش يعمل انقلاب...:rolleyes:..او الناس ربنا يهديها وترضى بكده...انا عن نفسى مش شايف اى مانع من كده...التعديلات كلها تمت....وقانون الطوارئ اتلغى..مبارك بقى منصب شرفى...
دى وجهة نظرى...ماحدش يشتم..وبلاش ضرب عالقفا...:D

**mostafa4515** · 10-02-2011, 23:23

بيان للسيد نائب الرئيس بعد قليل
على التلفزيون الحصرى

**mohamedelm** · 10-02-2011, 23:23

عمر سليمان سيتكلم بعدقليل

الله اعلم ايه اللى هيحصل

**S@M** · 10-02-2011, 23:23

هناك بيان للنائب

عمر سليمان بعد قليل على الاولى

تابعوة

===========================================

**Ёŋģ. Ḿ σ ś Ť ά ƒ ά** · 10-02-2011, 23:24

استنوا استنوا ... لما نشوف المليـــح التاااااااااني

عم سليمان هيطلع يقوله كلمتين هو كمان ,, يلااااا هي جت عليه , مهي خااابت بااااه

حسبي الله ونعم الوكيل

**Mr.pOPo** · 10-02-2011, 23:25

الخطاب بالفعل مسجل - فى الخطابين السابقين كان هناك كلمة مباشر مكان كلمة "المصرية" بالنسبة للقناة المصرية. خطاب اليوم كان مسجل و لم يكتب تحت كلمة "المصرية" إلا "رئاسة الجمهورية القاهرة"

**Mostafa Gomaa** · 10-02-2011, 23:25

طلعت بالبيان ليه من أصله يا حسنى؟؟؟؟؟؟؟
طلعت تهزأ نفسك و تهيج الناس؟؟؟؟

ده مقصوده ده طلع يتحدى أمريكا ويتحدى الشعب ويتحدى الجيش خلاص هو وصل لمرحلة فرعون وعايز يقول أنا ربكم الأعلى

ده لولا الحرج كان قالها عالنية أنا قاعد والراجل يمشينى