نعم جربت أخي و لم يتغير شيء و اليوم جربت أمسح تعريفات كارت الشاشة عملت له uninstall و حملته من msi live و للأسف لم يتغير شيءالمشاركة الأصلية كتبت بواسطة hitman-dz
على فكره انت لما قولت ان المشكله بتحصل وقت الميوزيك بس او تشغيل الافلام والصوت بيخرج من السماعه " صوت التجميد " افتكرت انها حصلت لي من فتره قريبه بعد الانتقال لويندوز 10 بالضبط
جربت اكتر من تعريف وجربت تعريف ويندوز 8.1 ولكن بلا امل
فجاه اثناء تشغيل الصوت يتجمد لثانيه او اتنين وبعد ذلك يعود لطبيعيته مره تانيه " مش عارف السبب ايه " اكيد السبب عدم توافق تعريفات الويندوز الجديد مع الهاردوير بشكل نموذجي
لكن لاحظت انها اختفت من فتره " ايضا مش فاكر هل اختفت لاني حملت الاصدارات الاحدث من برامج الصوت والكودك ولا ايه "
مشكلة عدم توافق التعريفات مشكله كريهه لانك مش قادر تلاقي حل بسهوله او حتى تعرف العيب من اي قطعه بالضبط
حاول تجرب كارت شاشه خارجي بخلاف كارت انتل وشوف كده ربما تعريف كارت انتل مش مستقر مع بعض الاجهزه والمشكله دي حصلت قبل كده كتير جدا
نعم جربت أخي و لم يتغير شيء و اليوم جربت أمسح تعريفات كارت الشاشة عملت له uninstall و حملته من msi live و للأسف لم يتغير شيء
هي ملهاش وقت والله يا أخي في أي وقت لما أكون مشغل حاجة أو بعمل حاجة بس قصدي إنها بتبان مع الصوت يعني الحاجة اللي مشغلها مطلعة صوت بيبان صوت الزن مع التهنيج علي عكس إنه لو هنج مش بيطلع صوت طالما مش مشغل فيلم او اغنية او حاجة
انا حملت أحدث إصدارات لكل التعريفات و جربت ويندوز 8.1 كمان
بس بالنسبة للكارت فأنا معنديش مقدرة أشتري كارت شاشة حالياً صعب جداً خصوصاً تمن الجهاز داخل في 11200 و صرفت عليه فوق الميزانية اللي كانت معايا بسبب مشاكل حصلت من المحل قبل ما يبدلوه و يقتنعوا ان الغلط منهم
فمن رأي حضرتك أعمل إيه ؟
فى حل تانى ممكن تنزل عليه نظام تشغيل اخر غير الويندوز مثل اللينكس وتشوف هل هيكون فى نفس المشكله ولا لا ؟
تعرف تنزل لينكس عليه ؟
أيوة أنا عندي جهاز تاني مشغله مع ده و عليه kali linux نظام أساسي مش وهمي هجرب أشغله بالهارد ده و أفك ال SSD لأني كمان عندي شك بسيط في ال SSD بس شكي الأكبر في البوردة و هشوف النتيجة
تمام اوى شغل عليه كالى لينكس عادى وجرب الاستخدام العادى وشوف النتجية وقولنا وليس اختبار الاختراق والاختراق ....
السلام عليكم
بعد تجربة الجهاز بإستخدام كالي لينكس لم يحدث أي فريز و لا أي صوت للزن حتي الأن تم إستخدامه حوالي 6 ساعات و ما زلت مستمر حتي الغد بسبب عدم وجود وقت محدد لحدوث ال freeze
و
باقي تجربة إستخدام الهارد ssd بنسخة ويندوز 7 و بدون تعريفات حتي أقطع الشك باليقين و أتأكد من أن المشكلة من تعريفات البوردة بعد التأكد من عدم حدوث أي مشاكل بكالي لينكس
تمام اوى مبرووك مقدماً كده فى تقدم
لو حدث المشكله التجميد نزل على SSD كالى لينكس ولقيته اشتغل كويس يبقى المشكله عندك من نسخه الويندوز ووقتها بما انك بتحب ويندوز 7 هديلك ملف تورينت بها النسخ البيور
وسريع فى التحميل
التعديل الأخير تم بواسطة البعد الخامس ; 13-09-2016 الساعة 21:44
شكراً جزيلاً أخي أنا مش بحب ويندوز 7 و لا حاجة بس في الغالب هيكون دعم البوردة لل 7 أكثر من دعمها ل10 علي حسب ما شفت في البيوس و في مواقع أجنبية
فقلت أجربه
السلام عليكم
حالياً أنا مشغل ال SSD و فاتح باب الكيسة من ناحية البوردة من عند ظهرها و مشغله بدون HDD و لم يحدث أي مشاكل أو تهنيج إطلاقاً و جربته قبل كده بدون HDD و لكن كانت تحدث المشكلة و تتكرر و لم أقم وقتها بفتح باب الجهاز و حالياً أنا مشغله بنفس نسخة ال10 القديمة و التعريفات و شغال حوالي 6 ساعات لم يحدث شيء و لسة مش متأكد بنسبة 100% لأن ملهاش وقت محدد فمستني وقت أكتر أجرب و أشوف
و لسة معرفتش إيه السبب الأساسي في المشكلة
جاري التجربة
وعليكم السلام ورحمه الله وبركاته
مبرووووووووووووووووووووووووووووووووووووووووووووووو ووووووووووووووك
طيب جرب تقفل الباب وترك معاه الهارد بس بعد يومين عشان تتأكد ان كل شىء كويس
لما تجرب قفل الكيسه تبقى لوحدها وجرب الجهاز كام ساعه ووقتها اضف الهارد وجرب برضه
زي ما استاذي Phemenon ذكر المشكلة الاساسية بتكون في التعريفات او البرامج المستخدمة
اولا حضرتك يا ريت تتأكدلي من اصدار ويندوز 10 الذي تمتلكه عن طريق الضغط على windows + r وتكتب winver وتضغط انتر ان كان الاصدار 10240 او 1511 برجاء تحميل هذه النسخة من هنا (اصلية ومن سيرفرات مايكروسوفت الرسمية)
https://arabhardware.net/forum/showthread.php?t=430219
وبعد ذلك قم بتصطيب تعريفاتك الاصلية
تعريف الصوت
تعريف الشبكة
تعريف USB 3.0
تعريف الشيبسيت
تعريف كارت الشاشة
تعريف INTEL MANAGEMENT
تعريف Intel Serial IO
وبعد تصطيبها قم بتطبيق هذا الشرح
https://arabhardware.net/forum/showthread.php?t=451339
ويجب ايضا التأكد من تفعيل النت فرام ورك وتصطيب مكتبة VC++ والدايركت اكس وهتلاقيهم موجودين هنا
https://arabhardware.net/forum/showthread.php?t=450906
والماذربورد الخاصة بك تتوافق بشكل كامل مع ويندوز 10 بدون اي مشاكل وفي النهاية بعد تنفيذ كل هذا قم باستخدام تلك الاداة لفحص وتظبيط تعريفات جهازك لتحميلها من هنا
اللهم اغفر لسيد سعيد جنيدي ذنوبه وتجاوز عن سيّئاته و ارحمه برحمتك الواسعة
برجاء الدعاء لاستاذي / سيد سعيد جنيدي بالرحمة والمغفرة
الله يبارك فيك أخي و شكراً جزيلاً لك لأنك أوحيت لي بتشغيل لينكس علي الجهاز و بشكل غير مباشر كنت السبب في إني أسيب باب الجهاز مفتوح و المشكلة تتحل
أنا دلوقتي جربته علي SSD أكثر من 9 ساعات لم يحدث أي مشكلة إطلاقاً و حالياً مشغله مع ال HDD و سايب باب الجهاز مفتوح و منتظر النتيجة
نسختي 1607 محملها من موقع مايكروسوفت الرسمي و متفعلة تلقائي عن طريق المازر بورد
و عامل لها أبديت من النسخة نفسها و بالإضافة لأني بعدها حملت App مايكروسوفت الخاص بالأبديت و رقيت الفيرجن لأحدث إصدار
بالنسبة للتعريفات فجربت سطبتها من الإسطوانة و المشكلة كانت بتحصل، فحملتها كاملة من موقع Msi من هنا
https://www.msi.com/Motherboard/supp...n-driver&Win10 64
بالإضافة إلي أني قمت بتحديث البيوس لأحدث إصدار و كانت المشكلة مستمرة
يعنى باب الكيسه من ناحيه البورده هو سبب التهنيج؟
ضوابط المشاركة
المفضلات