أفضل الحواسيب النقالة الموجودة في السوق المصري سعراً و أداء

[Mezoxin]

^^^^
صيانه زي إيه ؟ عامة دلوقتي ال ASUS عنده توكيلين و معروف إن عنده أقل نسبة اعطال , بالاضافه إنه باقي الاجهزه ضمانها سنه واحده فقط , فـال ASUS بالنسبه لك الصفقه الرابحه من جميع النواحي

[e777ng]

اخر المستجدات بقائمة أفضل الاجهزه سعرا وأداء

HP

DV6-3170

Core i7 720qm / 4GB /500GB/ATi HD5650 /15.6 inch

سعره 6500 جنيه مصري

Acer

Aspire 5741G

Core i3 330m 2.13GHz / 3GB /320GB /ATi HD5470 /15.6 inch

سعره 3200 جنيه مصري

Sony

VPC EA36FA

14"/Core i5 560m 2.66GHz /4GB /500GB /ATi HD5650

سعره 6400 جنيه مصري

VPC EA26FA

Core i3 350m 2.26GHz /ATi HD5650 /4GB /500GB / 15.5inch

DELL

Dell Inspiron 5010
Core i5 460m 2.53GHz /4GB/15.6inch / 500GB / ATi HD4650

سعره 4600 جنيه مصري

Toshiba

L655
core i5 450m 2.4GHz /3GB /500GB/Ati HD5650/15.6inch

5200 EGP

Lenovo

ideapad Y560
Core i7 720QM /4GB/640GB/ATi HD5730/15.6inch

سعره 6400 جنيه مصري

ASUS

K52J

core i3 350m / 3GB /500GB/ATi HD5470 /15.6 inch

سعره 3400 جنيه مصري

كنت عايز اسأل عن الجهازين
VPC EA26FA

Core i3 350m 2.26GHz /ATi HD5650 /4GB /500GB / 15.5inch

DELL

Dell Inspiron 5010
Core i5 460m 2.53GHz /4GB/15.6inch / 500GB / ATi HD4650

سعره 4600 جنيه مصري
منين اجيبهم بالسعر دا .. اسم المحل
ولو عملنا مقارنة بينهم هل أفضل الفرق فى كارت الشاشة ولا الفرق فى البروسيسور
هل اللابات السونى بتستحمل كويس .. لأنى اتحرك وساسفر بيه كتير .. ولا اشترى ديل ؟
( يعنى اللابات السونى عملى أكتر وبتشتحمل ولا الديل )
وهل لو اشتريت الديل ممكن ألعاب تطلب ديركت إكس 11 أو شيدر 5 عشان تشتغل ولا صعب ؟؟

بالنسبة للاب


K52J

core i3 350m / 3GB /500GB/ATi HD5470 /15.6 inch

سعره 3400 جنيه مصري
هل هوا عملى وكويس وبيستحمل
ولا مش بيستحمل وليه مشاكل

عذرا على الإطالة

[mon4012]

سؤال مهم
ما هى صنع اجهزة اللابات اللى فى مصر ؟؟؟ هل هى صنع صينى و لا ايه ؟؟

[ant_gamal]

^^^^
صيانه زي إيه ؟ عامة دلوقتي ال ASUS عنده توكيلين و معروف إن عنده أقل نسبة اعطال , بالاضافه إنه باقي الاجهزه ضمانها سنه واحده فقط , فـال ASUS بالنسبه لك الصفقه الرابحه من جميع النواحي

اقصد الصيانه بعد الضمان ما يخلص ياعني بعد السنتين

يقال ان لو حصل مشكله بعد الضمان بيكون صعب صيانته لعدم توافر قطع الغيار

[Mezoxin]

K52J

core i3 350m / 3GB /500GB/ATi HD5470 /15.6 inch

سعره 3400 جنيه مصري
هل هوا عملى وكويس وبيستحمل
ولا مش بيستحمل وليه مشاكل

عذرا على الإطالة

الديل مش حتلاقيه بالمواصفات دي دلوقتي

الجهاز ال ASUS ممتاز و اعتقد شكرت فيه في اكثر من مره

@mon4012

99% من الأجهزة بالعالم كلها تصنيع صيني

@ant_gamal

الكلام ده عام جدا و مش صحيح في رأيي , أنت في المقام الأول تدور علي الاعتماديه و ال ASUS من ناحية الاعتماديه افضل في رأيي

[mohamedreda11]

ياريت تقولي رايك فى الجهاز ده
وهل هو فعلا لا يصلح للالعاب التقيلة لاني معرفش اي حاجة فى كروت شاشة ولا اعرف الفرق حتى بين انتل من نيفديا:D
الكارت بتاعه 1GB ATI Mobility RadeonHD 5470
فبس سؤال واحد نتاسب للالعاب الثقيلة ولا لاء بعد ما اشتريته لصاحبي الصراحة عيني حتطلع عليه بسبب الرام بالذات:p
وياريت تفهمني ع السريع كده حوار الكروت دي لان مش فاهم اي حاجة فيها وانا عموما خبرتي محدودة فى الهاردوير لكن فى كروت الشاشة منعدمة بس بعد ما قريت المجلة فهمت حاجة مش متاكد صح ولا غلط
كارت الشاشة حسب المجلة لايكون اقل من ATi HD4650 فهل الكارت معتمد على الرقم ده بمعني الرقم هو مثلا الموديل وكل مايزيد يبقى ده كارت اقوى؟
ولو لاء والجهاز مش مناسب للالعاب التقيلة والثري دي
فياريت ترشحلي لاب بمواصفات عالية لتشغيل الالعاب ولالثري دي بمعنى اخر لاب لمستخدم من الشريحة الثالثة لكن التمن لايتعدى ال 5000
واهم حاجة انه اللاب يدعم الثري دي بمعنى سواء كان افلام او العاب او صور

[mohamedreda11]

وحاجة كمان معلش يعني ايه Mobility Radeon حسب المجلة الكارت المذكور مكنش مكتوب عليه كده

[mido hamdy]

انا هاشترى لابتوب بأذن الله اليومين دول ومحتار بين : ASUS x42j OR ASUS K52J

[Mezoxin]

@ mohamedreda11

الجهاز غير مناسب للالعاب الثقيله عشان كارت الشاشه متوسط , عندك ال توشيبا بالمجله بسعر 5200 افضل بكثير , mobility radeon هي اسم كروت الشاشة للحاسب المحمول المقدمه من ATi

@midohamdy

الموضوع يعتمد علي تفضيلك الشخصي أنا عن نفسي بفضل حجم ال 14inch

[mohamedreda11]

تقصد ال L655 طب هل هو مناسب للثري دي واقصد بشكل عام العاب افلام صور وضمانه قد ايه بصراحة عمري انا جربت غير اسوس ولكن لضيق الميزانية معي حاليا ايسر وكنت افضل لو لقيت حاجة بمواصفاتي اسوس لان الحمد الله الميزانية حاليا جيدة وقد تصل ل 5500 وع العموم مش حشتري ف=قبل ما المعالجات الجديدة تنزل علشان تكون القديمة رخصت وبالمناسبة النظارة الثري دي تمنها كام وبلاقيها فين بسمع انها غالية وانا مش قصدي ع الورق قصدي ع التانية زي اللي بتيجي مع تلفزيون ال جي

[Mezoxin]

موضوع ال 3D في الالعاب انساه تماما في الجهاز المحمول عمر ما الأداء حيكون مناسب , بالاضافه ان ال 3d للالعاب محتاج شاشات معينه و بيبقه معها نظارتها الخاصه و ال transmiter الخاص بها و تلك الموديلات غير موجوده بمصر للاسف

[mohamedreda11]

طب وبالنسبة للافلام في الثري دي موجود في مصر؟
انا فى اجهزة اسوس على امازون لقتها روعة الثري دي بتاعها ممتاز تمنها بالمصري ميجبش ال 6000 اتمنى فعلا اجهزة زي دي تكن موجوة
وبالنسبة للتوشيبا L655 هل هو مناسب للعمل لفترات طويلة وبطاريته متخنش؟ وافضل لو تجبلي مراجعة ليه

[mohamedreda11]

انا لقيته ب5000 بس فى ايجيبت لابتوب وكده افضل لاني ناوي اعلى الرام للماكس لما اطلبه وكده حوفر
https://egyptlaptop.com/toshiba-sate...ion=discussion
بس عايز اعرف الفيجا قري ولا بلت ان علشان اقدر احدثه بعدين وكمان لما ازود الرام من 3 ل 8 حيتكلف فرق كام؟

[IslamIBrahem]

يا جماعه انا عاوز اجيب لاب i7core
بس مش ناوى اجدد الا بعد فتره طويله جدا يعنى عاوز جهاز يستحمل
اجيب macbook pro i7core
????
ولا sony vaio
??
انهى واحد الاحسن فى رايكم من ناحيه الاستحمال
ولو فى نوع احسن ياريت تقولولى

[mem08]

اولا : شكراا على الموضوع الرائع ده بس معلش عايز اسئل عن حاجة

ثانيا : ايه افضل لاب توب حاليا فى مصر من حيث الجودة وقلة المشاكل يكون امكانياته مناسبة للالعاب من 4000 الى 5500 جنيه

ثالثا :
Toshiba Satellite L655-149 كويس بالنسبة لسعره والالعاب وبالنسبة للمشاكل هل له مشاكل عديدة وانا قريت ان فيه مشكلة صوت هل هى كبيرة ام غير مؤثرة

رابعا : معلش هتعبك معايا ايه الفرق بين هذه الاجهزة رغم انها نفس الامكانيات

Toshiba Satellite L655-14D
Toshiba Satellite L655-149
Toshiba Satellite L655-14F

وايهما افضل

خامسا : هل 330 Gt اقوى من ATI 5650 ام العكس وشكراا جزيلا