المشاركة الأصلية كتبت بواسطة dune2000
للحق انا كنت بتفرج على مشاركتكم ومحبتش اعلق علشان مزعلش حد ولا اجى على حق لان فى الاول وفى الاخر انتم افضل من اى كارت شاشة موجود
يعنى جوكر عمل موضوع كان هيكون ردى علية سلبى لكن انا بحب العضو (جوكر) فتجنبت انى ارد فى الموضوع
وهكذا ليك يامينا تجنبت الرد اكثر من مرة حتى الان فى عدة مواضيع علشان اتجنب نزاع محتم لانى بصراحة حسيت ان الموضوع اكبر من اننا بنقيم كارت انا فى ردود بعض الاخوة الاعضاء ان الفيرمى دة حاجة من اتنين:
1- انة حاجة كدة زى جوز الام
2- بدعة من عدو للدود
وفى وقت تانى حسيت ان كم من الاعضاء يسلكون سلوك عميل لشركة المنافس
وطبعا الرد على كل دة كان هيبقى بنفس الاسلوب اللى بيسلكوا بية المجموعة دية وبكدة هخسرهم مرتاح فتجنبت الرد
ردى هيقتصر على رأى الشخصى فى الجيل ككل:
ناتج لتأجيل كثير من شركة تنفيديا فمن الواضح انها قابلت اكثر من مشكلة لتخرج لنا ببنية جديدة بهذا الشكل الجميل والمقبول والقابل للتحسين
الناس اللى قالت كان بعد انتظار شهور كان المفروض يجى الفيرمى افضل من كدة اداء لم. يكن سبب التاخير هو ان شركة انفيديا تعد كارت خارق الاداء يضرب كل المقاييس ودة كان واضح من التعليقات الاولية ليها من حيث اداء المجموعة الاولى من الجيل الجديد
ناتج عن التاخير والمشاكل التى واجهت شركة انفيديا كان من المتوقع صدور كارت يكاد ينافس الجيل الجديد لشركة المنافس وبسعر خيالى ناتج عن التقنية الجديدة وعلى الاقل اعلى من سعر ال 295 لانة افضل منة فى اغلب المقارنات وافضلة منة فى التقنيات
لكن ماحدث عكس ذلك تماما الكروت ارى انها باسعار مميزة جدا جدا وعن قريب ستتحرك بصدور كروت خاصة للشركات
من حيث درجة الحرارة وسحب الباور
درجة الحرارة لا اعرف سبب كل هذا التعليق على انة وصل ل 92 درجة طيب لية مكنش التعليق دة موجود فى كارت ال 5870 انا كنت بشغل المروحة على 100% وكان فى للعبة F.E.A.R 2 بيوصل ل 98 وياجماعة متخيلتش لو تركت المروحة تلقائى كان وصل لكام درجة .. ونفس الكلام لكارت زى ال 4870 وال 4850 مسمعناش التعليقات دية خالص على درجات حرارتهم
طيب من حيث الحجم لية محدش قال كلمة حق فى انة مش هيدفع الواحد انة يتكلف بتغيير الكيسة كلها بسبب حجمة الغير مبرر كما حدث ب ال 5870 ؟!
طبعا لما اللاقى مجموعة من الاعضاء المحترمين اللى كان الواحد متوقع تحليل منهم اكثر افادة واكبر من الكلام اللى اتقال منهم وناتج عن خبرتهم الكبيرة بيتكلموا بالشكل دة وكأن الفيرمى كما ذكرت بالاعلى يبقى طبعا مينفعش ارد (مصدوم)
اهمية الجيل الجديد ككروت داعمة للDX11 لم تاتى مع الفيرمى وما قبل ذلك كان ملوش للزمة:
استاذ مينا انت ذكرت اكتر من مرة ان الاخوة اللى بيقللوا من ال DX11 دة هيتغير بعد صدور الفيرمى
الحقيقة ان ال DX11 لايزال حتى الان مجرد تحسينات بالظل وترصيع ارى انة كان موجود من قبل بصورة ملحوظة( مالتنانين من زمان فى الالعاب طلعلها بروز والسلالم متدرجة لكن اسلوب تطبيق هذا اختلف لكن كان موجود)
لكن قبل صدور الفيرمى مباشرة صدر Open-GL4 وكمان اعلان عن مجموعة برامج ستعتمد على ال Open-CL واعتقد البنية الجديدة للفيرمى تعمل افضل بكثير جدا من الجيل السابق لشركة انفيديا
ملخص القول:
قامت انفيديا بعمل اكثر من رائع كان ينقصة الكمال ودة مش هيحصل الا فى عيون العشاق (بمعنى ان مفيش شركة هتقدم منتج كامل او اى كائن يقدر يقدم الكمال - دة بيحصل بشكل وهمى فى عيون العشاق كعشاق شركة ATI لما يشوفوا ان ATI قدمت منتج كامل لاينافس واى عدو تبقى العبر فى اللى بيقدمة) للاسف احنا فى زمن الناس بتعشق الجماد
اتوقع التالى:
1- تحسين بشكل ملحوظ فى الكروت القادمة ناتج عن البذرة اللى قدمتها النفيديا
2- وجود كروت كالعادة بتبريد اكثر تميزا
3- تقارير محايدة مفيدة جدا تستحق كل التقييم من اعضاء معرفتهم تحتم عليهم يتجنبوا كل السلبيات اللى ذكرتها بالاعلى
المفضلات