أسعار و اخبار الموبايلات في السوق المصريه

[Maloush7al]

موضوع جامد جدا يا دكتور وفعلا الموبايل عاوز بحث وتمحيص فبل الشراء زي الكمبيوتر بالضبط

رأيي فموضوع الموبايلات انها دلوقت بقت كذا جهاز ف بعض...فلو كل وظيفة شغالة بكفائة 70% يبقى كويس قوي وأكيد لو عاوز كفائة أعلى وقريبة من 100% بالنسبالك ممكن تجيب الجهاز منفصل بدل ما تدفع مبالغ فلكية ف موبايل

مثلا...أغلب الموبايلات دلوقت بتشغل الموسيقى ولكن لغاية دلوقت مش لاقى موبايل ممكن اتحكم ف ال playlist كويس وأختار بسهوله أو من الاخر مافيش موبايل عجبنى - حتى باستخدام البرامج,,التحكم مش تمام قوي -

فمعادلة السعر قصاد المواصفات المطلوبة هى الأساس

وشايف ان النوكيا ف وسط عالم الsmart phone وكمان منافسة كبيرة قدامها من كذا شركة بقت مش زي زمان
والناس بقت عاوزة الأحسن

رأيي ان افضل مواصفات ف موبايل ( جاك 3.5 مم - شاشة تاتش - ذاكرة كبيرة - شاشة كبيرة واضحة - شكل كويس ) ولا يمكن يكون السيستم جافا بالنسبالي موجودة ف موبايلات HTC ,,, بصراحة ما أظنش هادفع أكتر من 2500 ف موبايل نوكيا لأن التغيير مش كبير

طولت عليكم بس حبيت اشارك أفكاري معاكم

[memoreturn]

بجد موضوع جااااااامد كان نفس من زامان فيه انه نتناقش في الموبايلات زي الكمبيوتر بالظبط وكل واحد يقول رايه وتجربته مع موبايله وتجارب اصحابه او معارفه مع انواع الموبايلات المختلفة ونحاول نساعد بعض بحيث اننا نجاوب عن استفسارات الاعضاء ونحاول نوصله لقرار الصح

انا عن نفسي بقي عامل ميزانية تقريبا من اول الفين للالفين ونص جنيه لموبايل انا كنت بفكر في nokia n79 بس لقيت في موبايلات زي 6220 نفس امكانياته مع اختلافات بسيطة مثلا جاك الصوت في 6220 2.5 ملم وفي ان 79 3.5 وفي الان 79 فيها خاصية الواي فاي وخاصية تشغيل اغنية من مثلا علي تردد معين علي الراديو وتسمعها منه وكمان بيجي معه ميموري 4 جيجا والسعر الان 79 ب 2100 وال 6220 ب 1600 من فوادافون او موبايل شوب لانه هما اللي محتكرينه دلوقتي مش موجود في اي توكيل تاني

انما باقي الحاجات هي هي تقريبا فصرفت نظرا عنه مؤقتا

فحاليا لقيت في موبايلات سامسونج زي ال s8003 , s8300 بس لقيتكم هنا بتشكروا فيهم بس قلقتوني من حوار انه نظامه جافا وانه عقيم في التغير من شكل وبرامج وكده


انا بفكر في موبايل تاتش كنوع من التغير لاني كل موبايلاتي اللي جبتها كانت عادية keypad ويكون فيه واي فاي وكاميرا من 5 ميجا بيكسل ونظيفة وتصويرها حلو كصور وكفيديو وسريع في التعامل وسوفته سهل وبيسمح بالتغير اني انزل ليه برامج وthemes وصوته يكون عالي ونقي ويكون جاك السماعات بتاعته 3.5 مم اه ويسمح انه يشيل كارت ميموري كبير ويكون مرفق بيه واحد من 2 جيجا لما فوق

تقريبا دي كل طلباتي لموبايل اللي عايزه منتظر مقترحاتكم بخصوص موديلات الموبايل المتاحة او المتوافقة مع طلباتي دي

اه انا ليا سؤال هو التاتش عملي ويستحمل ولا عايز تعامل من نوع خاص لانه اكيد شاشته هتبقي حساسة فممكن اي خدش او وقعه بالسلامة كده الموبايل ولا ايه منتظر ردكم

[wella1000]

الموضوع جميل الصراحة وليك تقييم
الف شكر ليك وإن شاء الله الشرق هنا واكون معاكم علطول
أنا معاية omina HD ومين قال بس إنه be-2500 حزعل منه قوي
ده أنا كنت جايبه من NewEgg بي 4000 جينه
حرام يعني :D

[Doctor Medo]

انا بفكر في موبايل تاتش كنوع من التغير لاني كل موبايلاتي اللي جبتها كانت عادية keypad ويكون فيه واي فاي وكاميرا من 5 ميجا بيكسل ونظيفة وتصويرها حلو كصور وكفيديو وسريع في التعامل وسوفته سهل وبيسمح بالتغير اني انزل ليه برامج وthemes وصوته يكون عالي ونقي ويكون جاك السماعات بتاعته 3.5 مم اه ويسمح انه يشيل كارت ميموري كبير ويكون مرفق بيه واحد من 2 جيجا لما فوق

تقريبا دي كل طلباتي لموبايل اللي عايزه منتظر مقترحاتكم بخصوص موديلات الموبايل المتاحة او المتوافقة مع طلباتي دي

اه انا ليا سؤال هو التاتش عملي ويستحمل ولا عايز تعامل من نوع خاص لانه اكيد شاشته هتبقي حساسة فممكن اي خدش او وقعه بالسلامة كده الموبايل ولا ايه منتظر ردكم

لو عاوز موبيل في رينج الميزانيه بتاعتك يبقي ال 5800 مع العلم انه فيه كل متطلباتك ما عدا الكاميرا هي 3.2 بي لكن صورتها كويسه لو ممكن تزود 400 جنيه يبقي تجيب n97 mini ب 2900 و ده فيه كل متطلباتك و زياده كمان

[Doctor Medo]

الموضوع جميل الصراحة وليك تقييم
الف شكر ليك وإن شاء الله الشرق هنا واكون معاكم علطول
أنا معاية omina HD ومين قال بس إنه be-2500 حزعل منه قوي
ده أنا كنت جايبه من NewEgg بي 4000 جينه
حرام يعني :D

انا حاليا بفكر جديا في الموبايل ده خصوصا بعد السعر الجديد ليه ممكن تقولنا انطباعاتك عنه و تجربتك معاه و مميزاته و عيوبه من وجهة نظرك

[A-Bomb]

انا حاليا بفكر جديا في الموبايل ده خصوصا بعد السعر الجديد ليه ممكن تقولنا انطباعاتك عنه و تجربتك معاه و مميزاته و عيوبه من وجهة نظرك

اقرأ هنا قبل ما تفكر في الجهاز دا:
https://anphase.wordpress.com/
اقراها كلها, كل يوم جزء من البلوج و شوف العذاب....جهاز من اقوي الاجهزة و دعم من اسوأ ما يكون, سبق وقته الجهاز فمعملش المطلوب منه

[BlacK ShaDoW]

الف شكر مستر قلبظ عالموضوع

بالمناسبة محدش يعرف مواقع لتحميل العاب - برامج - ثيمات للموبايل غير zedge و mobile 9 لاني مش لاقي فيهم حاجة

اقرأ هنا قبل ما تفكر في الجهاز دا:
https://anphase.wordpress.com/
اقراها كلها, كل يوم جزء من البلوج و شوف العذاب....جهاز من اقوي الاجهزة و دعم من اسوأ ما يكون, سبق وقته الجهاز فمعملش المطلوب منه

:eek: الجهاز روعة بس زي ما انت قلت ....

بالمناسبة
هل ممكن مناقشة برامج التعديلا على الموباييل و الهاكينج ليها :D

حاجة كمان : محدش يعرف منين اجيب سماعة SE K800 الاصلية لانها دلوقتي ناحية واحدة بس اللي شغالة و بصراحة السناعة صوتها روعة :ah7:

و كنت عايز اعرف رايكم في الـYari من Sony Ericsson

[SeeNoEvil]

بصراحه انا شايف ان احسن موبايلات دولقتي
الايفون
الn900
اي موبايل بنظام جوجل اندرويد

لان هي دي انظمه التشغيل اللي تستحق التجربه فعلا
مع العلم ان الاندرويد لسه قدامه مشوار طويل هو واللينكس بتاع n900

اما موبايلات نوكيا
فكلها زي بعضها --بخلاف ال900 طبعا-
يعني المفروض نوكيا تسيبها من السيمبيان ده بقا والجافا والكلام ده كله

وبرضو الويندوز موبايل كويس وكل حاجه بس في مشاكل في التوافق بين البرامج والجهاز
غير ان كل شركه بتحاول تعمل واجه للموبايل خاصه بيها على النظام ده
احيانا بتنجح واحيانا بتلاقي ان واجه الويندوز موبايل العاديه افضل
وبتلاقي فيه بعض المشاكل بين هاردوير وامكانيات الجهاز وعدجم توافقها مع نظام التشغيل احيانا ....مش عارف الحته دي واضحه ولا لا بس دي عن تجربه مع الايميت من اول الجام لحد الاومنيا اللي مكملش معايا اكتر من اسبوعين بسبب نظام التشغيل مرتحتلوش بصراحه بغض النظر عن امكانيات الجهاز فهي ممتازه

[Coolman4now]

- كعادة سامسونج وسونى أريكسون : موبايلات بمواصفات عتادية رهيبة مع دعم ضعيف جدا للسوفتوير والبرامج

- اللى بيخلى نوكيا متألقة هو دعمها الرهيب للسوفتوير ، فعلا أكتر شركة بتدعم موبايلاتها بعد البيع.

- تخيل مثلا ال Sony Ericsson Satio متقدرش مثلا تستعمل كل برامج ال Accelerometer اللى موجودة لأنه لحد دلوقتى مالهوش مكتبة Add-Ons للسينسور عشان تقدر تشتغل.

- نوكيا الدعم دة أتوجد من قبل ما أول موبايل ليها ينزل بالسينسور دة ، على الرغم من أن أول شركة أستغلت السنسور دة هى سونى أريكسون ولحد دلوقتى مكتبة الدعم لبرمجيات SDK عشان البرامج دى تشتغل بكفاءة على موبايلاتها مش موجودة!!!

- أتذكر أيام ماكان ال N82 لسه جديد ( الله يرحم :D ) كانت المكتبة موجودة وشغالة جيدا جدا ، وعرفت أسطبها بسهولة رهيبة.

- نقطة تانية تبرر تفوق نوكيا المستمر ، هى أن ال SDK بتاعت موبايلاتها بتنزل مع نزول الموبايل ، وعشان كدة تقدر تلاقى تنوع جبار فى برامجه اللى معمولة من قبل شركات أخرى Third Party Developers عشان بيقدروا يوظفوا أمكانيات الموبايل بسهولة ، من جانب أخر أدت لتوافر طرق لكسر الحماية بسهولة للنوكيا ، وعدم توافرها لأى ماركات تانية الأ كل فين وفين لما موديل ينتشر جامد والشركة تحن على مستخدمينها وتنزل ال System Developer Kit بتاعته. :D

- النقطة الأخيرة بتاعت كسر الحماية دى تهمنى أنا مثلا جامد جدا ، عشان كدة بحاول ما أبعدش عن نوكيا بقدر الأمكان ودة مش معنها أنى Fan Boy أبدا ، دة معناه أنى عارف الفرق بين النوكيا والباقى فى حتة الدعم بالذات ، ويعتبر كسر الحماية من أهم عوامل الشراء ليا.

- نقطة أخرى هى ألتزام نوكيا بالمعايير ال Standard فى أنواع الميمورى وأنواع السماعات ألخ ألخ ، مثلا ال Sony Ericsson كل موديلاتها شغالة بالسماعات العقيمة بتاعتها ، اللى بالبورت اللى سونى أخترعته الفاشل الممل دة ، وأيضا أصرارها العجيب عليه ، وأتذكر برضة أصرارها على الميمورى بتاعتها التعبانة المكلفة جدا ، واللى معظم أنواعها مش متوافقة مع بعض !!! :rolleyes:

- طبعا سونى فى الموديلات الأخيرة ألغت الميمورى التعبانة بتاعتها وأبتدت تتوجه لل MicroSD القياسية !!! طيب ماكان من الأول ، لأ لازم يكتشفوا أن الناس بتهرب من الميمورى بتاعتهم الأول عشان يغيروها ، وعقبال ما يغيروا السماعات التعبانة بتاعتهم ويشغلوا ال 3.5 ملم عشان نرتاح. :mad:

- سامسونج مشكلتها بالنسبة لى فى أصرارها الغريب على سيستم الجافا التعبان أو الويندوز موبايل فى معظم موبايلاتها ، واللى بيتابع هيكتشف أن أكتر موبايلات عملت مبيعات لسامسونج هى اللى شغالى بالسمبيان. :rolleyes:

- أوف ، معذرة ياشباب ، بس أنا كان نفسى أطلع شوية من اللى جوايا ناحية الدعم الغبى والتحيز لتكنولوجيات فاشلة ( زى سونى) فى الموبايلات الجبارة اللى بينتجوها.

[BlacK ShaDoW]

كوول مان
كنت لسة هكتب الكلمتين دول في النوكيا لما لقيت بتشتم في السوني :D
بس على ما خدت الاقتباس لقيتك كتبت المشاركة التانية :ah32:
المهم : ايه العيب في الـM2 ؟ و ايه سبب كرهك لسماعات الـSony او بالاخص البورت بتاعها ؟ انا معاك انها حاجة رزلة انهم يخلوا كله على بورت واحد و لكن بيقدموا حل عملي زي الشاحن بيجي فيه مكان لتركيب حاجة تانية زي كدة

بخصوص الدعم في التطبيقات : انا بعاني من المشكلة دي :err:
الـ3.5mm اخيـــــــــرا هينزلوها في الـVivaz :ah4:

[SeeNoEvil]

- نشتم بقى شوية فى أيفون ؟؟!!! أعتقد دة مش محتاج شتايم اللى بيشتريه بيبقى عايو موبايل منظر فقط لاغير ومحدش يقدر ينكر كدة.

:rolleyes:
منظر ازاي يعني؟؟

اعتقد انه اكتر جهاز فيه معظم مميزات الموبايلات التانيه
وكفاي انه احسن جهاز ملتميديا وجهاز ترفيه وايبود وموبايل في وقت واحد
طبعا فيه بعض القصور في نظام التشغيل ولكن كل حاجه بتتحل بيوم بعد التاني فيه ودعمه مبيقفش ابدا
تخيل جهاز بقاله 3 او 4 سنين ومتربع على عرش الموبايلات واجهزة الترفيه ودعمه مستمر وكل يوم بيزيد عن اليوم اللي قبله

عموما انا عارف ان في ناس كتير هتخش تشتم فيه !
بس في الاخر كل واحد حر في اختياره للموبايل المناسب ليه

انا عن نفسي جربت نوكيا واريكسون وسامسونج وموتورولا
لكن ملقتش احسن من الايفون لحد دلوقتي بصراحه
من ناحيه شكل او سهوله في التعامل او نظام التشغيل الرائع والبرامج اللي ملهاش نهايه

وعلى كده بقا الناس متجبش موبايلات تاني :ah35:

[Coolman4now]

كوول مان
كنت لسة هكتب الكلمتين دول في النوكيا لما لقيت بتشتم في السوني :D
بس على ما خدت الاقتباس لقيتك كتبت المشاركة التانية :ah32:
المهم : ايه العيب في الـM2 ؟ و ايه سبب كرهك لسماعات الـSony او بالاخص البورت بتاعها ؟ انا معاك انها حاجة رزلة انهم يخلوا كله على بورت واحد و لكن بيقدموا حل عملي زي الشاحن بيجي فيه مكان لتركيب حاجة تانية زي كدة
بخصوص الدعم في التطبيقات : انا بعاني من المشكلة دي :err:
الـ3.5mm اخيـــــــــرا هينزلوها في الـVivaz :ah4:

- على فكرة البتاعه اللى أنت حاطط صورتها دى أكتر حاجة مكرهانى فى الساتيو :D:D

- أخيرا هينزلوه!! هما لسه فاكرين ؟؟؟؟ بجد شركة متعنته بطريقة غريبة. :rolleyes:

:rolleyes:
منظر ازاي يعني؟؟
اعتقد انه اكتر جهاز فيه معظم مميزات الموبايلات التانيه
وكفاي انه احسن جهاز ملتميديا وجهاز ترفيه وايبود وموبايل في وقت واحد
طبعا فيه بعض القصور في نظام التشغيل ولكن كل حاجه بتتحل بيوم بعد التاني فيه ودعمه مبيقفش ابدا
تخيل جهاز بقاله 3 او 4 سنين ومتربع على عرش الموبايلات واجهزة الترفيه ودعمه مستمر وكل يوم بيزيد عن اليوم اللي قبله

- أديك قلت بنفسك ، أفضل أستخدام وسهولة فى التعامل ، ولكن كعتاد أعتقد أنه زى قلته فعلا ، عموما أكبر نقطة تحسب للأيفون هى الدعم المستمر والبرامج الكتير.

- طبعا مشكلة الأيفون التانية غير الهاردوير ، أنه كله زى بعضه ، العادى شبه الثرى جى شبة الأس الجديد ، وطبعا موبايل مش Durable نهائيا.

- مرة كنت فى ماكدونالدز ، وأسمع من ورايا بوم طرااااااااااخ ، والقى ولد واقف ومتنح فى الأرض وشبة بيعيط ، ببص على الرض لقيت الأيفون بتاعه مشرف على الأرض والشاشة مفتته لحوالى الألأف من القطع :D:D وهذا بالضبط ماحدث معى وخلانى كرهت الأيفون.

[BlacK ShaDoW]

- على فكرة البتاعه اللى أنت حاطط صورتها دى أكتر حاجة مكرهانى فى الساتيو :D:D

:D ليه ؟ .... هتعترف و لا احطهالك في التوقيع :p

أخيرا هينزلوه!! هما لسه فاكرين ؟؟؟؟ بجد شركة متعنته بطريقة غريبة.

غالاقل اتحركوا اينعم متأخرين كتيــــــــــــر بس احسن من مفيش

اكتر حاجة حببتني في السوني كمية التعديلات اللي ممكن تتعمل فيه :D بتغير التليفون بالكامل :ah7:

- مرة كنت فى ماكدونالدز ، وأسمع من ورايا بوم طرااااااااااخ ، والقى ولد واقف ومتنح فى الأرض وشبة بيعيط ، ببص على الرض لقيت الأيفون بتاعه مشرف على الأرض والشاشة مفتته لحوالى الألأف من القطع :D:D وهذا بالضبط ماحدث معى وخلانى كرهت الأيفون.

:ah25:

[SeeNoEvil]

طبعا هو الغلطان حد قاله ميجبش جراب نظيف ولا مستخسره فيه ! :p




خبر في السريع
PS3 Finally Hacked After 3 years, 2 months, 11 days

[Coolman4now]

وهذا بالضبط ماحدث معى وخلانى كرهت الأيفون.

- محدش خد باله من الجملة دى ؟؟؟

- الأيفون بتاعى برضة شاشته أتفشفشت قبل كدة لما وقع على السجادة !!!! من أرتفاع متر ونص !!!! جتك خيبة يا أبل. :rolleyes: أنا ال 82 بلعب بيه كورة ومش بيحصله حاجة ، وال 5800 كذلك.