32GB Ram for Gigabyte GA-AB350-Gaming 3

[freezcore]

ما رايكم فى هذه النوعيه من الرمات للبورده المذكوره Gigabyte GA-AB350-Gaming 3
Crucial Ballistix Tactical 32GB Kit (4 X 8GB) DDR4 2666 CL16 1.2V
سعرها 3000 جنيه

وهل هذا النوع اقصد الشركه كويس مش بيعمل مشاكل ..لانى اجد انه سعره قليل بالنسبه لغيره مثلا
Corsair Vengeance LED 32GB (4 X 8GB) DDR4 DRAM 2666MHz C16 V1.2 Memory Kit
سعرها 5300 جنيه

[abdalhaliem]

الأخ الفاضل لابد أن تراجع مانويل اللوحه الأم

وهذا رابط مباشر

من هنا


وبالنسبه للفرق بين


Crucial Ballistix وبين Corsair Vengeanc

فالأثنان رائعان ومن الممكن أن تتفوق تلك عن هذه

بفارق طفيف بسرعه التوقيت أو بعض مميزات

كمثال دعمها لحزمة اومر

التى يستطيع المُستخدم من خلالها تغير سُرعتها

لكنى أشك بالأسعار التى أرفقتها

ممكن أن تضع الروابط للتأكد


وكل عام وأنتم بخير

[freezcore]

شكرا لردك فعلا اتصلت بالشركه وطلع السعر غير محدث
بس كنت عايز أسال انا قبل مده اتكلمت مع شركه جيجابابت عشان فكره دعم الرامات ده قالى احنا مش بنتست كل الرامات الى فى السوق والرامات الموجوده فى موقع البورده هى الى ت أختبارها فهل لو انا اشتريت ram Kit متمش أختباره هيكون فى مشكله ؟

وهل الرامات TEAM دى كشركه كويسه ولا ما ذكرتهم من قبل هم الافضل

[abdalhaliem]

أهلا أخى الكريم

هو من المفترض ان الرامات طالما

داخل نطاق الترددات + القيم التى تدعمها البورده المعنيه

أقول من المفترض أن تعمل بدون أدنى مشكله

حتى وأن لم تكن مذكوره بالجدول

لكن يتبقى أحتمال 1% أن لاتعمل لأمور تقنيه بحته

فالرامات حتى وأن كانت خارج الجدول المدعوم للبورده

طالما نفس القيم منطقياا ستعمل

لكن الخوف يبقى فى هذا الأحتمال البعيد

وأضف ألى ذلك الأسعار المرتفعه جداا

لذلك نحن نتمسك دائما بمانويل اللوحه

مع أنها ليست قاعده كما ذكرنا

ورامات ( TEAM ) جيده أخى ومنتشره جداا

حاول أن تشترى من داخل جدول المانويل أفضل

ولو حتى عن طريق أمازون


وكل عام وأنتم بخير

[freezcore]

وانت بخير أخى الكريم
شكرا جدا على ردك بس فى سؤال ما رايك من ناحيه 1- الجوده فى التصنيع 2- الشركه المصنعه
هل أشترى Gigabyte - Asus - Msi فى البورده . لاننى سوف اقوم بتجميع الكيس دى عشان تفضل باذن الله فتره كبيره معايا عشان هحط فيها مبلغ بالنسبالى كبير وزى ما حضرت ذكرت فى ظل ارتفاع الاسعار فانا مش عايز حاجه تعمل معايا مشاكل بعد كده خصوصا انى شغلى هو جرافيك و رندر 3D ويمكن يكون الجهاز هيشتغل لفترات طويله ويمكن المكان الى انا فيه درجات حرارته مرتفعه بعض الشىء ..فأريد ان يكون أختيارى صحيح لحاجه تستحمل الشغل الشاق ...شكر

[abdalhaliem]

الأخ الكريم

كل الشركات الكبرى تحديدا

تنتج عده فئات

الأقتصاديه والمتوسطه والعليا والأحترافيه

وأيضا القصه تخضع لأهواء الشخص ذاته

فهذا يفضل ( asus ) وذاك يفضل ( msi )

وأخر يفضل ( Gigabyte ) وهكذا

أنا عن نفسى أفضل جيجا بايت ولم يحدث أن خذلتنى مسبقاا

المهم الفئه التى تختارها تكون محتاجها فعلا

حتى لاتنفق نقوداا بدون طائل

بمعنى لا تقتنى بورده

من الفئات المخصصه لكسر السرعه

أذا كنت لاتنوى كسر السرعه

وكل عام وأنتم بخير