أنا مش عاوز افتى عشان المعالج بتاعك بمعمارية قديمة نسبيا وانا افهم فى كسر الساندى والأيفى بس
بس ببساطة انت عندك حاجتين بتكسر بيهم السرعة: التردد الأساسى Base Clock - (BCLK)
والمضاعف/ معامل الضرب Multiplier
لو معامل الضرب مثلا كان 30 والتردد الأساسى 100 ميجاهرتز يبقى سرعة المعالج هتبقى 100×30=3000 ميجاهرتز
ومن البيوس تقدر تزود واحد منهم أو تزود الاتنين وتبقى كسرت السرعة
بس مع كسر السرعة المعالج بيطلب فولت زيادة فلازم تزود الفولت بمقدار ضئيل جدا وتعمل اختبار ضغط للمعالج وتشوفه هل هيشتغل مستقر ولا لأ.. لو جاب شاشة زرقا أو النظام اتجمد يبقى تزود الفولت بمقدار بسيط جدا.. وبعدين تعمل اختبار الضغط تانى وهكذا لحد ما توصل للفولت المناسب اللى بيشغل المعالج مستريح
شوف.. المواضيع المثبتة فوق فى القسم كلها تقريبا بتتكلم عن كسر معالجات هازويل وأيفى وساندى، بس خد بصة عليها وهتلاقى معلومات مفيدة.. على الأقل لحد ما تلاقى حد عنده معلومات أكتر فى كسر معالجات نيهالم زى اللى معاك.. بس الأساسيات واحدة
مع العلم ان العملية هتكون كويسة معاك عشان عندك بوردة ممتازة ومشتت ممتاز
المفضلات