على فكره أنا كنت خايف تزعل
و لولا خوفى عليك و الله ما كنت كتبت الرد
بص يا سيدى ...
هل لفظ " الكبائر " له أكثر من معنى ؟
ايه أول حاجه بتتبادر لذهنك لما يتقال " الكبائر " أكيد بنفتكر ساعتها قتل النفس التى حرم الله الا بالحق , و بنفتكر عقوق الوالدين
و غيرها من الكبائر ...
كلمه "المحرمات" .. ايه أول حاجه بتتبادر للذهن لما أقول مثلا : أنا عاوز أجتبن المحرمات ... أكيد بنفتكر الذنوب و المعاصى و خلافه
و بالتالى أنا خفت تكون بتستخدمها هنا كنوع من الدعابه أو المزاح
و بعدين يا اخى أنا ما قلتش : انت بتفترى على شرع الله يا أستاذ محمود .... ساعتها كان هيبقى اسلوبى وحش
انما انا قلت : ولا ده افتراء على شرع الله ؟
يعنى استخدام الاسلوب الانشائى هنا المتمثل فى شكل سؤال أضفى مزيدا من الرفق و اللين فى الحديث , و فى نفس الوقت استنكار .
و حضرتك عارف انى عمرى ما كلمت حد بقسوه ولا هاكلمك انت بالذات بقسوه أو باسلوب وحش .. علشان انت حبيبى بس
أستاذ محمود إحنا فى منتدى هنامن غير تحقق من النيه
يعنى بنتحاسب باللى أصابعنا بتكتبه , مش باللى قلوبنا ناوياه
أنا هأعرف نيتك ازاى من على الصفحات ؟ و لو بفرض انا عرفت بسبب معرفتى بيك , طب الأعضاء هيعرفو ازاى ؟
النيه اللى هيحاسبنا عليها ربنا سبحانه و تعالى
انما هنا على الانترنت هنتحاسب بكلامنا اللى بنكتبه .. ولا أنا غلطان
و ما تنساش ان الرجل مننا ممكن يقول كلمه لا يلقى لها بالا فيهوى بها فى النار سبعين خريفا
المفضلات