الاعضاء المحترمين
ارجو افادتى فى موضوع الباقات الجديدة من we
انا حاليا مشترك على سرعة ٥ ميجا وتحميل ٢٠٠ جيجا شهريا. وارغب فى الاشتراك فى باقة ٢٥٠ جيجا بسرعة حتى ٣٠ ميجا.
انا املك راوتر tp link archer d20 وهو يدعم adsl فقط ولا يدعم vdsl. فهل يمكن ان اشترك فى هذه الباقة الجديدة مع الراوتر الحالى ؟ وانا اعلم جيدا ان السرعة لن تصل الى ٣٠ ميجا واعلم الفرق بين vdsl و adsl.
سؤالى هو هل الباقة الجديدة ستعمل مع الراوتر الحالى لى ام يجب ان اغيره؟ واعلم ان السرعة لن تكون ٣٠ ميجا مع الراوتر الحالى لانه لا يدعم vdsl ولا ارغب فى تغييره حاليا.
الراوتر يعطيني max rate 25360 فى الداونلود اى انه يصل الى ٢٥ ميجا واعلم ان السرعة الجديدة لن تصل الى هذا الرقم.
وبالنسبة لل snr فهى 31db download و 34db upload.
عذرا على الاطالة وشكرا لكم مقدما.
If it ain't broke, don't fix it
الباقه الجديد هتشتغل عندك عادي ...بس
لو حولت هتكون اقصي حاجه لتقنية +adsl2 هي 24 ميجا ..واحتمال كمان يكون اقل ...بس اسوء سيناريو انه يوصل ليك 17 ميجا .... كلم خدمة العملاء واسأل عن خط يستحمل كام
...
يعني تقدر تروح للعرض بس مستحيل تاخد السرعة كامله 30 ميجا ب الروتر الحالي ..لكن اقصي سرعة ممكن توصل ليك هي 24 ميجا
طب بلنسبة للروتر بتاع الشركة اللى بتسلمه للعميل هيقدر يستحمل سرعة 30ميجا ولا لا?
موديل الروتر ايه ...الشركة من فتره الي التانيه تغير موديل الروتر ب حاجه افضل شويه ..دلوقتي اي روتر هتستلمه من الشركة هيكون يدعم vdslالمشاركة الأصلية كتبت بواسطة Mohamedkhattab
الموديل zte
Zxhn h108n
تجربتى مع العرض الجديد
انا مشترك معهم باقة 15 ميجا
ولقيت عرض ال30 ميجا حلو مش وحش
وهى 30 ميجا ولك 250 جيجا دون لود
والسعر 210 + طبعا الضريبة وخلافة
انا حاليا فى ال15 ميجا بدفع 285 ج
وتحميل 200 جيجا
المهم عشان لا اطول عليكم
كلمتهم وتم تقديم الطلب وقالو لى بالحرف ادفع قبل الساعة 12 مساء
ولما دفعت عن طريق فوري لقيت المبلغ 285 استغربت اتصلت بهم وقلت لة قالى لى
لا توجد مشكلة دة يعتبر رصيد زيادة وسوف تتحول سرعتك خلال 24 ساعة الى ال30 ميجا
اليوم نظرت على الراورتر لقيت السرعة كما هى 17 ميجا اتصلت بهم تفاجأت بقسم البيع
بيقول لى لا ياة فندم لا يوجد امامنا اى طلب للاشتراك فى العرض الجديد
واذا اردت العرض الجديد سوف يضيع عليك اللى لسة دافعة ال285 ج
يعنى من الاخر عايزين اشتراك جديد
==
نسيت اقول لكم ان تجديد الاشتراك بيداء من 5 كل شهر يبقى كيف يروح على اللي دفعتة
==
ههههههه
وجابو من الاخر معى اذهب الى اقرب فرع واحكى لهم حكايتك
هههههههههههههههه
تحياتى لشركات النت كلها
ملحوظة للاخوة
لن تزيد سرعة الدون لود عن 1.6 او 2 ميجا بالكثير جدا حتى لو اشتركت 100 ميجا
تحياتى لكم جميعا وبالتوفيق
التعديل الأخير تم بواسطة ayoub_bob ; 03-07-2019 الساعة 19:58
بالنسبة لروتر VDSL الخاص بشركة المصرية للإتصالات
فيوجد نوعين لدى الشركة يمكنك شراء أحدهم
موديل Huawei HG630 v2 سعره 400 جنيه
موديل Huawei HG633 سعره 600 جنيه
التعديل الأخير تم بواسطة amirymk88 ; 03-07-2019 الساعة 20:04
الموديل ده لا يدعم تقنية vdsl ...
يعني الروتر يدعم تقنية adsl2+ والتقنية دي اقصي سرعة ليها 24 ميجا ...روتر الشركة مش بيكون كويس جدا* ..يعني النت هيكون مستقر عندك لما يكون علي 20 او 19 ميجا ....(طبعا اقصد لو الخط عندك يدعم السرعة دي)
*ملحوظة لم استخدم روتر vdsl بتاع شركة وي...هي الفكره انا مش بحب روتر شركات الاتصالات ل سببين الاول السفتوير المعدل اللي الشركة بتعمله علي الروتر ومفيش تحديثات امنية بتوصل للروتر وان معظم الموديلات روتر اللي يباع من شركات الاتصالات في مصر بيكون الاداء سئ
التعديل الأخير تم بواسطة زكريا شاهين ; 04-07-2019 الساعة 16:54
اكيد موظف خدمة العملاء كان جديد في الشغل وعمل حاجه غلط .... في حاجات كتيره في الشركة لازم تتصلح ..المفروض جميع خدمات الشركة زي تحويل السرعة تكون عن طريق النت من غير تكلم خدمة العملاء .عشان نخلص من مشاكل خدمة العملاء السئ جدا
جرب محاولة تانيه
اتصل ب المبيعات واطلب منهم رقم شكوي ..وكلم 155 واعمل شكوي علي الشركة والموضوع هيتحل علطول .. من كام يوم فودافون دفعت غرامه 10 مليون جنيه للحكومة بسبب انقطاع الخدمة في ليلة عيد الفطر .. وده يعتبر عبره لكل الشركات الاتصالات
التعديل الأخير تم بواسطة زكريا شاهين ; 04-07-2019 الساعة 16:47
اتصلت بخدمة العملاء
اخبروني ان خطي يتحمل حتى سرعة ٧٠ ميجا
لذا بالنسبة لى باقة ٢٥٠ جيجا بسرعة حتى ٣٠ ميجا ستكون مناسبة لي لانى لا ارغب فى تغيير الراوتر فى الوقت الحالى وهى تتناسب مع ما ادفعه شهريا حاليا.
لكن هذا سيكون فى الشهر القادم مع تجديد الاشتراك والا سيضيع ما دفعته منذ ايام.
ضوابط المشاركة
رد مع اقتباس
المفضلات