طلب مواصفات لاب توب بقيمة 3000 جنية مصرى

[zozo2013]

أعضاء ومشرفين المعهد الغاليين
مطلوب مواصفات لاب توب
حدود ميزانية : 3000 جنية
موعد الشراء : خلال الأسبوع الحالى
الإستخدام : إستخدام عادى وبعض البرامج أقصاها فوتوشوب

من فضلكم محتاج معرفة ردكم على الإستفسارات

1_ هل الأفضل شراء جهاز جديد من مصر أم أشترى جهاز من الخارج مستورد إستعمال ؟
لأن هناك من نصحنى بذلك لأن المواصفات بالخارج تكون أفضل ومضمونة وبالتالى يكون الجهاز أفضل تحمل وأداء

2_ أفضل ماركة تكون هل dell أم توشيبا أم لينوفو أم hp ؟ ولماذا تحديدا من ناحية التحمل للعمل والحرارة والمشاكل ؟

3_ أفضل مواصفات وماركة فى حدود هذه الميزانية؟

4_ حجم الشاشة هيكون كام ؟

5_ أفضل نظام تشغيل يتم تركيبة علية؟وهل بيكون معاة نسخة ويندوز مرخصة ولا لأ ؟

[arsenal_henry]

1_ هل الأفضل شراء جهاز جديد من مصر أم أشترى جهاز من الخارج مستورد إستعمال ؟
لأن هناك من نصحنى بذلك لأن المواصفات بالخارج تكون أفضل ومضمونة وبالتالى يكون الجهاز أفضل تحمل وأداء

رأيي الشخصي طالما الجهاز يعتبر منخفض التكلفة يبقى تشتريه جديد من مصر افضل وبالضمان ..

2_ أفضل ماركة تكون هل dell أم توشيبا أم لينوفو أم hp ؟ ولماذا تحديدا من ناحية التحمل للعمل والحرارة والمشاكل ؟

3_ أفضل مواصفات وماركة فى حدود هذه الميزانية؟

مفيش ماركة افضل من الاخرى .. لازم يتم المقارنة بين جهاز محدد لكل ماركة .. لان كل ماركة لها مئات الاجهزة ..
Samsung ATIV Book 2 NP270E5V .. بسعر 2,700 جنيه ..
Intel® Core™ i3-3120M Processor (3M Cache, 2.50 GHz)
4GB DDR3 RAM 1333MHz
500GB HDD SATA 5400 rpm
15.6" HD LED Display (1366 x 76
Intel® HD Graphics 4000
Free Dos

Dell 3521 .. بسعر 3,000 جنيه ..
Intel® Core™ i3-3217U Processor (3M Cache, 1.80 GHz)
4GB DDR3 RAM
500GB SATA 5400 rpm
15.6" HD LED (1366 x 76
Intel® HD Graphics 4000
Free Dos

4_ حجم الشاشة هيكون كام ؟

لا تقل عن 14 بوصة ويفضل 15.6 بوصة (كالاجهزة المقترحة بالاعلى) ..

5_ أفضل نظام تشغيل يتم تركيبة علية؟وهل بيكون معاة نسخة ويندوز مرخصة ولا لأ ؟

يوجد اجهزة بنظام تشغيل واخرى بدون .. والاجهزة بدون ستتطلب منك تنزيل نسخة ويندوز ويفضل ان تكون Win 8 or Win 7 x64 ..

[zozo2013]

أنا أقصد أن مبلغ 3000 أفضل ماركة ومواصفات أية
بمعنى أن السعر دة يقدر يوفلى أفضل جاهز من ماركة كذا ومواصفات كذا؟
لأن فى ناس كتير بتأيد الـديل واللينوفو والتوشيبا حاليا لأنهم بيتحملوا الشغل أكتر ومشاكلهم قليلة فبالسعر دة أية أفضل حاجة فيهم مواصفات,,,خصوصا انى ملاحظ اللاب الديل البروسيسور بتاعة أقل من السامسونج
لأنى مش عايز بعد كدة مشاكل حرارة أو ضغط
وهل دى أقصى مواصفات ممكن المبلغ دة يجبها ولا فى غيرها؟

[wael45]

بالفعل شراء جهاز جديد أفضل من المستعمل حتى لو من الخارج .. أنا أخويا اشترى أكتر من 6 لابات مستعملة من انجلترا HP و توشيبا و ديل و أسوس و كلهم تعبانين يعنى زى المستعمل عندنا مفيش فرق يذكر .. و طبعاً الـ HP كان أسوأهم و التوشيبا و الديل كانا أفضل بمراحل ( يعنى بيتحملوا أكتر و خامة أنضف ) .

و الـ 3000 ج كحد أقصى يجيب لاب بالامكانيات و المواصفات المذكورة هنا فى الموضوع ( معالج i3 - رامات 4 جيجا - هارد 500 ) و اللى ممكن يزود المبلغ حوالى 200- 300 ج لو هتجيب اللاب بكارت شاشة منفصل ، مش محتاجه هاته بكارت مدمج من انتل .

و كل اللابات فرى دوس يعنى مش جاى معاها نظام تشغيل ( أقصد اللابات اللى فى حدود الميزانية بتاعتك ) تركب عليها ويندوز 7 أو 8 براحتك .

أفضل خيارين متاحين أمامك توشيبا و لينوفو و ممكن برضه ديل ، إنما ال HP يعنى سخونة و مشاكل و بهدلة .

فيه عندك
Toshiba Satellite C50-A412

دى المواصفات الكاملة بتاعته

https://www.toshibamea.com/ComputerP...52830?pageid=4

سعره 3000 ج

[zozo2013]

طب يا باشا وضحتلى ان أفضل ماركات متاحة فى السعر دة هى توشيبا ولينوفو وديل
طب أية أفضل مواصفات فى كل واحدة فيهم فى السعر دة؟
وياريت لو تقييم لكل حاجة فيهم يعنى تساعد الواحد يختار بين الــ 3 ماركات لأن الحيرة متعبة شوية

[Ziad Hassan]

أسف على تدخلي في الموضوع بدون إفادة صاحب الموضوع لكن أريد سؤال "asenal_henry" على شئ.

رأيي الشخصي طالما الجهاز يعتبر منخفض التكلفة يبقى تشتريه جديد من مصر افضل وبالضمان ..

طب لو مثلاً من السعودية أو دبي أو الإمارات أو كدة بس مش مستعمل و بضمان يكون جودته احسن من الي بيتباع في مصر؟

مفيش ماركة افضل من الاخرى .. لازم يتم المقارنة بين جهاز محدد لكل ماركة .. لان كل ماركة لها مئات الاجهزة ..

أنا بردوا كنت عاوز اسأل السؤال دة مين أفضل ماركة ...... أنا عارف إن كل جهاز لي مميزات و عيوب و ممكن جهاز من مركة يغلب جهاز من مركة تانية بس الجهاز الي من المركة تانية يغلب جهاز تالت من المركة الأولى ...... بس انا عاوز اعرف عامتاً ما الشركة الي بتهتب في معظم اجهزتها بالجودة و معظم أجهزتها قليلة المشاكل و الي بتصنع دايماً بخامة كويسة؟

[Ziad Hassan]

أنا أخويا اشترى أكتر من 6 لابات مستعملة من انجلترا HP و توشيبا و ديل و أسوس و كلهم تعبانين يعنى زى المستعمل عندنا مفيش فرق يذكر .. و طبعاً الـ HP كان أسوأهم و التوشيبا و الديل كانا أفضل بمراحل ( يعنى بيتحملوا أكتر و خامة أنضف ) .

طب و مين الي كان الأحسن التوشيبا أم الديل؟

[arsenal_henry]

طب يا باشا وضحتلى ان أفضل ماركات متاحة فى السعر دة هى توشيبا ولينوفو وديل
طب أية أفضل مواصفات فى كل واحدة فيهم فى السعر دة؟
وياريت لو تقييم لكل حاجة فيهم يعنى تساعد الواحد يختار بين الــ 3 ماركات لأن الحيرة متعبة شوية

محدش هيقدر يحدد لك اسم جهاز بعينه ويقولك ده الافضل بالميزانية دي ..
لما تلاقي نفسك محتار لدرجة كبيرة جداً ومش عارف تختار الجهاز .. انزل يوم ولف على المحلات واتفرج على الاجهزة اللي انت محددها ..
وشوف تصميم الجهاز وايه اللي مرتاحله اكتر .. بعد ما اتكون اتأكدت من مواصفاته طبعاً ..
هتقوللي يعني هختار الجهاز علشان شكله .. هقولك مش شكله بس، ما انت محدد الاجهزة بالامكانيات القصوى المطلوبة وباقي بس شوية تفاصيل صغيرة هي اللي هترجح كفة جهاز عن التاني .. زي التصميم وحتى اللون .. او شوية اضافات في الجهاز عايزها زي فتحات USB 3.0 اكتر وهكذا ..

[arsenal_henry]

طب لو مثلاً من السعودية أو دبي أو الإمارات أو كدة بس مش مستعمل و بضمان يكون جودته احسن من الي بيتباع في مصر؟

لو نفس اصدار الجهاز يبقى مفيش فرق .. لكن بينزل هناك اصدارات وسلاسل اخرى مش بتنزل مصر ..

أنا بردوا كنت عاوز اسأل السؤال دة مين أفضل ماركة ...... أنا عارف إن كل جهاز لي مميزات و عيوب و ممكن جهاز من مركة يغلب جهاز من مركة تانية بس الجهاز الي من المركة تانية يغلب جهاز تالت من المركة الأولى ...... بس انا عاوز اعرف عامتاً ما الشركة الي بتهتب في معظم اجهزتها بالجودة و معظم أجهزتها قليلة المشاكل و الي بتصنع دايماً بخامة كويسة؟

زي ما ذكرت قبل كدة ان منقدرش نقول ان ماركة افضل من اخرى، لكن لو السؤال ايه الماركة اللي بتهتم بتصميم وخامة الجهاز بغض النظر عن السعر فأقولك كل ماركة بينزل لها اصدارات بخامات قوية وامكانيات عالية لكن سعرها طبعاً بيتخطى 10,000 جنيه ..
يعني مثلاً اللينوفو هتلاقي سلسلسلة ThinkPad X .. وفي الاتش بي سلسلة Envy .. وفي الديل XPS .. والسوني فايو .. والابل طبعاً ..

[zozo2013]

طيب دلوقتى هل ترشحلى لابات أية لينوفو بالمبلغ دة؟
وهل فى لابات تانية ديل او توشيبا فى حدود المبلغ دة ولا السعر دة ما يجبش فى الماركتين غير دول
Toshiba Satellite C50-A412
Dell 3521
وياريت لو تدينى فكرة عن نقطة كارت الشاشة لو مدمج أو خارجى فى كل واحد؟وهتبقى التكلفة قد أية فى كل حالة يعنى عايز أعرف الأسعار لكل لا فى حالة الكارت الخارجى

[Ziad Hassan]

زي ما ذكرت قبل كدة ان منقدرش نقول ان ماركة افضل من اخرى، لكن لو السؤال ايه الماركة اللي بتهتم بتصميم وخامة الجهاز بغض النظر عن السعر فأقولك كل ماركة بينزل لها اصدارات بخامات قوية وامكانيات عالية لكن سعرها طبعاً بيتخطى 10,000 جنيه ..
يعني مثلاً اللينوفو هتلاقي سلسلسلة ThinkPad X .. وفي الاتش بي سلسلة Envy .. وفي الديل XPS .. والسوني فايو .. والابل طبعاً ..

يعني مثلاً جميع نسخ الديل XPS متقلش عن 10,000 جنيه.

[zozo2013]

الموضوع تحول من غرضة الأساسى للإستفسارات المتنوعة :cool::D

[wael45]

زى ما قلتلك و قالك الأخ arsenal_henry الميزانية دى تجيب لاب بالامكانيات دى ( i3 - رامات 4 - هارد 500 ) ، و المواصفات دى بالسعر ده هتلاقيها فى توشيبا و ديل و لينوفو ، و كل اللابات الشاشة 15.6 بوصة و فيها واى فاى و بلوتوث و 3 منافذ USB و ديفيدى .

فالامكانيات تقريباً واحدة ، الفرق بيكون هل اللاب فيه منفذ للـ USB 3 و لا كلهم USB 2 ؟ و بيشيل لغاية 8 جيجا و لا 16 جيجا رام ؟

و بعدين أنت تختار الماركة اللى شايف إنها أفضل من حيث جودة التصنيع و الخامة و التحمل .

أنا شخصياً بميل للتوشيبا ثم اللينوفو ثم الديل ( و لو فيه لاب بنفس الامكانيات بتاعتهم و السعر من شركة MSI أو أسوس كنت قدمته على اللينوفو ، و لكن بحثت و لم أجد فى مصر ) .

اللاب التوشيبا ده أنا هشتريه إن شاء الله فى خلال يومين ، ميزته أنه فيه منفذ USB 3 و بيشيل لغاية 16 جيجا رامات .

النسخة اللى فيها كارت شاشة منفصل بتكون أغلى حوالى 300 ج ، لكن أنا مليش فى الألعاب فعلشان كده هجيب الللاب بكارت مدمج من انتل ، مع العلم إن الكارت المنفصل ميزته أنه ليه ذاكرة خاصة به عكس المدمج بيستخدم ذاكرة الجهاز و ده بيأثر على سرعة الجهاز و لكن الكلام ده تقريباً وقت الضغط غير كده بيستهلك نسبة عادية من الرامات .

و طبعاً كارت الشاشة المنفصل بيسخن أكتر من المدمج و اللاب توب بصفة عامة مش محتاج سخونة كارت الشاشة كفاية سخونة المعالج .

بالنسبة للاب التوشيبا C50 - A 412 هو نفسه C50 - A 393 و C50 - A 394

التلاتة واحد لا يوجد فرق بينهم نهائياً ، و لكن A 412 فضى و التانيين لونهم أسود .

و نفس النظام ده هتلاقيه فى الماركات الأخرى ، الموضوع تسويقى مش أكتر .


ع فكرة أنا مرة دخلت على موقع من مواقع التسوق العالمية ( مش فاكر كان أمازون تقريباً ) و لقيت إن اللابات اللى عليها إقبال و طلب هى : ( اللينوفو و الأسوس و الـ MSI و السامسونج ) و لا شوفت HP و لا ديل و لا توشيبا و لا سونى أصلاً .

[zozo2013]

زى ما قلتلك و قالك الأخ arsenal_henry الميزانية دى تجيب لاب بالامكانيات دى ( i3 - رامات 4 - هارد 500 ) ، و المواصفات دى بالسعر ده هتلاقيها فى توشيبا و ديل و لينوفو ، و كل اللابات الشاشة 15.6 بوصة و فيها واى فاى و بلوتوث و 3 منافذ USB و ديفيدى .

فالامكانيات تقريباً واحدة ، الفرق بيكون هل اللاب فيه منفذ للـ USB 3 و لا كلهم USB 2 ؟ و بيشيل لغاية 8 جيجا و لا 16 جيجا رام ؟

و بعدين أنت تختار الماركة اللى شايف إنها أفضل من حيث جودة التصنيع و الخامة و التحمل .

أنا شخصياً بميل للتوشيبا ثم اللينوفو ثم الديل ( و لو فيه لاب بنفس الامكانيات بتاعتهم و السعر من شركة MSI أو أسوس كنت قدمته على اللينوفو ، و لكن بحثت و لم أجد فى مصر ) .

اللاب التوشيبا ده أنا هشتريه إن شاء الله فى خلال يومين ، ميزته أنه فيه منفذ USB 3 و بيشيل لغاية 16 جيجا رامات .

النسخة اللى فيها كارت شاشة منفصل بتكون أغلى حوالى 300 ج ، لكن أنا مليش فى الألعاب فعلشان كده هجيب الللاب بكارت مدمج من انتل ، مع العلم إن الكارت المنفصل ميزته أنه ليه ذاكرة خاصة به عكس المدمج بيستخدم ذاكرة الجهاز و ده بيأثر على سرعة الجهاز و لكن الكلام ده تقريباً وقت الضغط غير كده بيستهلك نسبة عادية من الرامات .

و طبعاً كارت الشاشة المنفصل بيسخن أكتر من المدمج و اللاب توب بصفة عامة مش محتاج سخونة كارت الشاشة كفاية سخونة المعالج .

بالنسبة للاب التوشيبا C50 - A 412 هو نفسه C50 - A 393 و C50 - A 394

التلاتة واحد لا يوجد فرق بينهم نهائياً ، و لكن A 412 فضى و التانيين لونهم أسود .

و نفس النظام ده هتلاقيه فى الماركات الأخرى ، الموضوع تسويقى مش أكتر .


ع فكرة أنا مرة دخلت على موقع من مواقع التسوق العالمية ( مش فاكر كان أمازون تقريباً ) و لقيت إن اللابات اللى عليها إقبال و طلب هى : ( اللينوفو و الأسوس و الـ MSI و السامسونج ) و لا شوفت HP و لا ديل و لا توشيبا و لا سونى أصلاً .

طب دلوقتى يا باشا أنت رشحتلى لاب توشيبا Toshiba Satellite C50-A412
والأخ arsenal_henry رشحلى Dell 3521

هل يوجد مواصفات أخرى للينوفو يعنى ياريت لو تدينى كمان بعض موديلات ماركة لينوفو اللى فى جدود السعر دة
وأنت عرفتنى الموديلات التانية المتاحة فى التوشيبا بالسعر دة والفرق بنهم
مكن أعرف الموديلات الأخرى المتاحة كمان بالسعر دة فى الديل والفرق بينهم ؟
وبخصوص كارت الشاشة كنت قريت موضوع هنا بالمنتدى أن لازم كارت الشاشة يكون خارجى والإعتماد على الكارت المدمج غلط كبير لأنة هيأثر جامد على الجهاز فالواحد خايف يبص على فرق بسيط يلاقى بعد كدة مشكلة مستقبلا

[wael45]

Lenovo G500

Intel® Core™ i3-3110M Processor (3M Cache, 2.40 GHz)

4GB DDR3 RAM
500GB HDD
DVD±R/RW Drive
15.6" HD LED display ( 1366 x 76
Intel HD Graphics 4000
HD Web Camera
Wi-Fi 802.11b/g/n - USB - Ethernet 10/100
HDMI
6 cell battery
Free Dos


سعره 3000 ج تقريباً.. نفس امكانيات التوشيبا بالضبط حتى المعالج هو نفسه ، و بيدعم رامات 8 جيجا كحد أقصى

Lenovo G580

Intel® Core™ i3-2370M Processor (3M Cache, 2.40 GHz)
4GB DDR3 RAM 1066MHz
500GB HDD 5400 rpm
DVDRW DL drive
15.6" HD LED display ( 1366 x 76
Intel VGA
Web Camera
WiFi - Bluetooth - USB - Ethernet 10/100
HDMI
6 cell battery
No operating system

سعره 2800 ج .. نفس الامكانيات و لكن مع اختلاف المعالج ( i3-2370M و ليس i3-3110M )

بالنسبة للديل أنا معرفش غير الموديل ده بالامكانيات دى ، و لكن لو وجد مع اختلاف الموديل نفس الامكانيات بالضبط فهو نفسه مفيش اختلاف . ( نفس النظام فى الـ 3 موديلات فى التوشيبا و كلهم واحد ) .

مش عارف تقصد إيه بتخوفك من الكارت المدمج و لكن لو استخدامك عادى تصفح و نت و قراءة فوفر تمن الجهاز بكارت منفصل ( خصوصاً أنه بيسخن أكتر من المدمج ) و الكارت المدمج بيسحب من الرامات حوالى 15 % تقريباً فى الوضع العادى .

و ده موضوع عن الفرق بين كارت الشاشة المدمج و الكارت المنفصل فى اللابات

https://computers.toptenreviews.com/...dedicated.html