السلام عليكم ورحمة الله وبركاتة



معظمنا حاليا بيستخدم التورنت كاختيار اول

لتحميل اى شى يريدة

و هنالك اساسيات للتحميل بالتورنت

من اهم تلك الاساسيات هو

فتح بورت فى الراوتر


لكن عشان تعمل كدة فالطريقة المعروفة و المتبعة هى ::

انك تعرف نوع الراوتر و كمان موديلة

و لو معمول باسوورد تعرفة

و بعد كدة تفضل تتبع فى خطوات كتير و بتاع


الحمد لله ربنا وفقنى و اكتشف طريقة ((بمحض الصدفة )) تريحنا من الخطوات الكتير دى

و نقدر نفتح بيها بورت من غير ما نحتاج نعرف اى حاجة عن الراوتر



و دة عن طريق اداة صغيرة حجمها 1.5 ميجا




دى صورة الاداة اول ما تفتحها





هاننزل تحت و نضغط على كلمة open ports

كما بالصورة الاتية




دى ارقام البورتات المفتوحة

فى الخانة port اللى عليها علامة باللون الاحمر

كما فى الصورة الاتية




ها تاخد الرقم اللى قدام اسم برنامج التحميل بتاعك


ممكن تحصل و تلاقى اسم برنامج التحميل متكرر اكتر من مرة و كل مرة برقم

خد اى رقم بورت بس يكون مكون من اربعة ارقام




و خد بالك اووووى

لازم العمود اللى اسمة

state
يكون مكتوب فية قدام اسمة برنامج التورنت

listening

انا بستخدم ال U Torrent

و هاكمل الشرح باستخدامة



دى صورة برنامج ال U Torrent او ما تفتحة





و بعدين هادوس على

ctrl + p

هاتفتحلك صندوق كما بالصورة القادمة




هاتدوس على connection

و قدام رقم 1 هاتكتب رقم البورت اللى لقيتة فى الاداة (( راجع الصورة رقم 3 فوق ))


و خد بالك اوى الاختيار الاول اللى هو

randomize port each time utorrent starts

اياك اياك تعلم علية ابداااااااا

لان دة هاغيرلك رقم البورت فى كل مرة

و بعد كدة هاتدوس ok

و عشان تتاكد ان البورت مفتوح و انت بتحمل هتلاقى العلامة اللى فى اخر البرنامج من تحت اللى مكتوب جنبها رقم 2 لونها اخضر


(( توضيح النقاط السابقة فى الصورة الاتية ))




طريقة اخرى للتأكد

ان البورت اتفتح خلاص

من غير ما تحتاج تحمل حاجة و تشوف العلامة هايبقى لونها اخضر و لا

اول تفتح برنامج ال µTorrent

دوس على Ctrl + G

هايطلع صندوق بالشكل دة



عند رقم 1 هنلاقى مكتوب رقم البورت اللى خدناة من الاداة و حطنيها فى البرنامج

هاندوس على الايقونة اللى تحت الرقم 2

هاتفتح لنا صفحة نت

اذا كان البورت مفتوح

فا صفحة النت هاتظهرلنا بالشكل الاتى







ملحوظة هامة ::

انت مش محتاج تعرف اى حاجة عن الراوتر او الشبكة او اى حاجة خالص اصلا

مجرد انك هاتنزل الاداة مساحتها 1.5 mb

و تتبع الخطوات ..

و هى دى ميزة الطريقة

عشان الناس اللى مشتركين فى شبكات و الناس اللى مالهاش خبرة و الناس اللى الراوتر اللى واخدين منة علية باس وورد

الحمد لله

الطريقة دى تنفع لاى حد مهما كان نوع اتصالة بالنت











اخر حاجة ... و اهم حاجة

لينك تحميل الاداة الجديد

اتفضلو



هـــــــــــنـــــــــــا




تم بحمد الله

يارب اكون شرحت كويس

و الناس كلها تكون فهمت الطريقة