بسم الله الرحمن الرحيم
تاهـــــت كلماتى وسط طوفان المشاعر
هذا بالظبط ما يدور بداخلى بعدما قرأت ردودكم الودوده
و بعدما إستقبلت تقييماتكم الغير محدوده..
فشكـــــــــرا لكم جميعا
و أعتذر عن تأخرى فى الرد .. لانى كتبت الموضوع بالامس و خرجت و لم أعد الا فى ساعه متاخره
ندخل فى الموضوع بقا:D
-محمد سبايدر نورت الموضوع
-أستاذ مينا ....:eek: بجد نورت الموضوع و اتشرفت برد حضرتك جداااا
و ما شاء الله .. عندك 3 هاردات .. و 4 DVD ...طب الهاردات و هنقول ماشى .. لكن الDVDs ... ليه ؟؟... و انا قلت ما شاء الله .
-مستر قلبظ نورت الموضوع ... و ان شاء الله لو وقعت تحت ايدى كيس الباور فيها من اسفل هاعمل لها موضوع منفصل .
-أستاذ خالد خليل شكرا على المرور العطر .
-أستاذ مصطفى شكرا على الثناء و التشجيع و إن شاء الله اقدم ما فى وسعى .
-أحمد بك حسن .. نورت الموضوع
-دكتور هاردوير .. نورت و شكرا على التقييم ..
- V For Vendetta أكرمكم الله و أعزكم ... شكرا على المرور .
- مين ؟؟:eek:
الدكتور زيرو بحاله .. أشرقتم أهلا و حللتم سهلا .. نورت الموضوع يا كبير. و شكرا على تقييمك يا عم .
- هالكى باشا المشـــع:D
الموضوع نور بوجودك .. اتمنى تكون استفدت و شكرا على المرور و التقييم.. جزاكم الله خيرا.. على فكره انا شفت الصور بتاع اللقاء ..هابقى أرد عليك هناك:p
-أستاذ عادل .. شكرا على المرور .. و شكرا على التقييم .
-تايجر .. نورت الموضوع و حاول تعمل احلى شغل و إن شاء الله هتعمل حاجه تمام .. بس ما تنساش تورينا شغلك .
-أستاذ MZ ... الحقيقه مش عارف الاسم .. اعذرنى
اولا الكيس الجيجابايت تحفه بكل المقاييس .. ما تخلاش عنها
و ان شاء الله لما تجيب الجهاز .. لو عاوزنى اجى لك القاهره مخصوص انا تحت امر حضرتك بس ابقى بلغنى قبلها علشان اعمل حسابى .. تحت أمر حضرتك .
بالنسبه للكيس مقفوله ولا لا ... هى مفتوحه فى الهيكل المعدنى .. يعنى فيه فتحات و ثقوب لمرور الهواء فيها .. تمام .. و لكن الغطاء الخارجى اللى فى الواجهه اللى لونه اسود .. لا يوجد به اى منافذ او فتحات لتمرير الهواء بكثافه و اعتقد انه لو كان فيه فتحات واضحه المعالم كان سيولد تيار هوائى رائع .. و لكن لا تجزع .. فالكيس بها من المميزات ما يغطى على مثل هذا العيب الطفيف .
-الأستاذ / الأيوبى
الموضوع نور فعلا بمرور حضرتك .. و التقييم الأكبر ليا إن حضرتك شرفت موضوعى بالزياره و الرد .. و موضوع التثبيت انا مش هاتكلم فيه .. لو حضرتك شايف انه فعلا يستاهل يبقى توكل على الله و ثبت ..
و جزاكم الله خيراً.
- Wild Cat ... فى الحقيقه مش عارف الاسم .. نورت الموضوع و شكرا على تقييمك ..
أستاذ / محمد Fusion
يا الف أهلا و مرحبتين بالكبير
اللى كان السبب الاول فى دخولى عرب هاردوير بسبب موضوعه الصاروخى .. أسعار و أخبار الهاردوير فى السوق المصريه .. و اللى كان سبب برضه بعد توفيق ربنا .. فى إنى اشترى الكمبيوتر اللى كنت بحلم بيه .. أدعو الله أن يجزيك خيرا عن كل من تنورت افكاره و توسعت مداركه بسبب موضوعك الفذ.. و أن يغفر لك ولوالديك .نورت الموضوع.
-أحمد بك علاء .. احنا اخوات على كده بقى .. انا محمد علاء :D
نورت الموضوع و اتمنى تكون استفدت .
المشاركة الأصلية كتبت بواسطة MenDo
مجهود رائع بس سؤال صغير:
اجديب منين السلك جامع الاسلاك ده ؟
أولا نورت الموضوع
ثانيا : السلك جامع الاسلاك ده بيبقى اسمه أفيـــز و ده بتلاقيه فى محلات اكسسوارات السيارات و العجل ( اقصد البسكلته يعنى ) ... و سعره لا يتجاوز الربع جنيه او النص جنيه .. و فيه منه عده الوان ... و عده احجام ايضا .
المشاركة الأصلية كتبت بواسطة spidermohmd1
أنت وديت فين السلك بتاع المروحة ال 120 اللي قدام :rolleyes:
السلك انا وصلته فى أحد منافذ توصيل اللوحه الأم
شوف الصور دى كده ..
شوفها موجوده عندك ولا لا .. لو موجوده خير و بركه
انما لو مش موجوده يبقى اكيد السبب اختلاف تصميم فى اللوحتين
المشاركة الأصلية كتبت بواسطة alayoubi
بالنسبة للكيبل رقم 4 للـ 24بن لو تقدر تخفيه ورا القفص بتاع الديفيدي دراف يبقى أفضل .
والكيبل رقم 9 للصوت ممكن تمرره من فوق كرت الشاشة بخط مستقيم ولا قصدك علشان ما تكتر الأسلاك الماشية فوق اللوحة الأم ويكون ماشي مع الأسلاك التانية .
الكيبل رقم 4 , انت عامل زاوية فيه ولا ايه ؟
أستاذ / الأيوبـــى
فعلا الكابل انا فكرت اخفيه ورا القفص بس كان فيه مشكله .
لما حاولت اخفيه حسيت انى لو ضغطت عليه اكتر ممكن يتكسر و يسبب كسر فى
اللوحه الام .. فتراجعت فورا عن الخطوه دى .
الكيبل رقم 9 بتاع الصوت لو كنت مرته من فوق كارت الشاشه كان ممكن يسخن
جامد .. د كان هيتشوى :D... مش يبقى حرام عليا لما اجيب كابل ابن ناس و اشويه
من غير ما يعمل حاجه غلط ولا يزعلنى ..:D
و فعلا كلام حضرتك مضبوك ... كان هيعمل زحمه .. دلوقت هو مخفى تماما
و ماشى بانتظام مع باقى الكابلات .
الكيبل رقم 4 انا مش عامل فيه زاويه ولا حاجه
انا يادوب مررته من تحت اللوحه الام بهدوء كده و
بعدها قمت موجهه نحيه السوكيت بتاعه على طول
المشاركة الأصلية كتبت بواسطة DR ! ZERO
و دول بيتباعوا فين ؟ :rolleyes:
و شريط اللحام اللى على الكابلات ده خصوصا كابلات الساتا للشكل بس ولا ليه فايدة تانية ؟
شريط اللحام مالوش فايده فى عمليه تنظيم الاسلاك
و لكن الفائده الكبرى انه بيخلى الاسلاك لونها هادئ .. اقصد اقول
ان الاسلاك الساتا فى الاصل كان لونها برتقالى و كانت عامله قلق فى الكيس
فقلت اديها وش اسود بحيث تبقى اشيك
المفضلات