حرارة المعالج AMD X4 940 فى الخمول 50 !! هل هذا خطر

**SmaLLToto** · 25-07-2009, 22:32

يااااااااه انت طمنتني اوي يا غالي

انا نزلت الفولت بمقدار .125 و شغال زي الفل

وبحثت وفعلا ادنى فولت يقدر يشتغل بيه بكل قوته هو 1.250 وفى ناس كتير عملت كدا وشغال مع ناس كتير بالطريقة ديه كويس

انا خليته كدا والحرارة بتاعت الخمول قلت لـ 43

وانا شغال عادي بيبقا 47

جيمز 50

ضغط 56

كدا حلو ع ما اعتقد

وبالنسبة لبرنامج Easy Saver انا فتحته وعملتله On فى اى اعدادات تاني هعملها ؟ وهل اما ارستر الجهاز بيشتغل لوحده ولا لازم انا اشغله ؟

والبيوس افعل منين خاصية COOL and Quit من البي سي Health انا مش لاقي حاجة بالاسم ده .. يا ريت تقولي اسمها بالظبط

معلش هتعبك معايا

**Dr_TRi3** · 26-07-2009, 00:33

الحمد لله يا باشا انك اطمنت لأني عارف لما تبقى مقلق من حاجة في الجهاز الواحد بيبقى آخر عكنانه :D

- بص يا معلم Cool & Quiet حتلقيها في Advanced bios features والمفروض بتخليها على Auto
- في PC health status الـ CPU Smart fan control بتخليها Auto
- بالنسبة لـ EES انت بتعمله مرة وهو بيفضل على الأعدادات دي على طول ان شاء الله إلا لو النور قطع او الجهاز حصل فيه مشكلة او حدثت الـ Bios وفي الحالة دي بيقولك أثناء الـ Boot انه مش شغال ، وبردة مافيش مانع تبص عليه كدة كل كام يوم ولو مش شغال أديله واحد ON والدنيا حلوة بردة

**SmaLLToto** · 26-07-2009, 00:36

جميل اوي انا دخلت لقيت كله معمول اوتو وكله تمام

اانا فتحت غطا الكيسة الى هو الجمب التاني الى مفيهوش مكان للمراوح .. واصلا فى مروحة مكتب جمبه بشغلها .. قولت عشان الكمبيوتر يستفيد بالهوا ده خصوصا ان الاودة بتاعتي حر موت

والحمد لله الحرارة ف الخمول 40

وفى الضغط لمدة ساعه 54

كدا اعتقد كله تمام صح ولا ايه؟

يعني اطمن واحط ف بطني بطيخة صيفي :D