حملة لمقاطعة الإنترنت اللامحدود "المحدود" في مصر

[HuLkY]

مينا بك, لو قلنا لهمنقلل السعر للسرعة حيرجع لك تانى الخط 256 وال 128 وال 32!!!!!!!!!!!!!!!!!!!!!!!

احنا لازم لنا كلنا وقفة واحدة
منتدى دي في دي 4 عرب , عاملين حملة يوم 10/8/2009م
يا جدعان , المشرف على الموضوع هنا وليكن أى حد مش مهم مين يتواصل مع المسئولين هناك
يعرف لنا أخر الكلام ده إيه
فى ناس بتقول حوقف الخدمة
فى بيقول حيقفلها أساسا! حيكنسلها!
نتأكد بس لنا من موقف
عشان صدقونى ’ انا متخيل المنظر فى اسكندرية وكلنا متجمعين فى يوم معين عشان نلغى الخدمة!
ههههههههههههههههههههههههههههههههههه
بدل ما كله داخل يجدد
داخل يلغى!
أوبااااااااااااااااا
أوباااااااااااااااااااااااااااااااا

حد يرد عليا ومستنى ردك مستر مينا

[spidermohmd1]

يا جماعة انا هتصل ألغي أشتراكي في يوم 10 لو هو دة اليوم أوك ؟

[mahmoud saad]

ردا علي ما تقوم به الشركات المزودة لخدمة الانترنت في مصر و علي ما تقوم به من تصعيد الامور فيما يتعلق ب سياسة الاستخدام العادل " الظالمة " تقرر الاتي :
إعلان يوم الاثنين الموافق 10/8/2009 موعدا لثورة مستخدمي الانترنت في مصر في حالة عدم تراجع الشركات عن قراراها فيما يتعلق بسياسة الاستخدام العادل .
مباديء هذه الثورة .



نحن ندفع مقابل الخدمة التي نحصل عليها ولسنا عبيد احسان هذه الشركات .
ليس من حق شركات النت في مصر تحديد سعة الدونلود لكل خط حسب ما تراه في الوقت الذي تراه ( النهارده يقولي انت اخرك 40 بكره يقول انت اخرك 20 ).
الاتجاه العام في هذه الثورة :

سيقوم الجميع بإيقاف خدمة ال adsl ابتداء من الاثنين 10/8/2009 علي مستوي الشركات جميعها وخصوصا تي داتا ولينك صاحبتي التصعيدات الاخيرة .
سيتم نشر هذا الاعلان علي جميع المنتديات والمواقع والكل مسئول عن هذا الاعلان .
شعارنا في هذه الثورة :
" نحن ندفع مقابل الخدمة التي نحصل عليها ولسنا عبيد احسان هذه الشركات "
الاخبار والحملة بدأت تظهر وصوتنا وصل والقادم أعلي.


من جروب الفيس بوك الخاص بالحمله

[spidermohmd1]

[Marine]

من 12/8 مفيش نت ويورونا هيعملوا ايه

[bika08]

انضموا للحملة على ال Facebook
Link

[A-Bomb]

https://www.facebook.com/group.php?gid=117150926635
دا الجروب...عدد الناس عدي ال10000 خلال يومين, كان في اكتر من جروب بس كله انضم للجروب دا علشان الكلمة تبقي واحدة ما يبقاس الناس متوزعة علي groups كتير.

[hemo200]

في البحرين الوضع اسوأ بكير من عندكم
خط 512 مع ليميت 5 جي بي

[mohammedsn]

بص يا أخي أنا متعاقد مع شركة فودافون
هما مطبقين السياسة دية من أول يوم بدأوا فيه العمل ك SP
و كانت الاول صغيرة و لكن حاليا اصبحت مثلا لل 1Mb/s من حقك download 100 G في الشهر
لا يتاثر من هذا الشرط غير 1% فقط من المشتركين
و دول من الواضح انهم بيضروا الشركة جدا و ساحبين علي طول السرعة
في حين انك لو اتعديت السرعة السرعة هتنخفض مش هيبقي عليك فلوس و لا هيقطع النت
انا شايف ان ده حل جميل جدا الصراحة
ويوك العقد لما قالولي كده قولتلهم ده معنا انه unlimited لاني استحالة هنزل ربع المسموح بيا غير لو انا فاضي و مش وراي و لا شغلة و لا مشغلة

[Marine]

الاعتصام 10 /8

[hamada_hotline]

في البحرين الوضع اسوأ بكير من عندكم
خط 512 مع ليميت 5 جي بي

ياسيدى الفاضل انت تشبه البحرين مع احترامى ( بالنسبه للحجم ) يعنى عدد السكان لا يتعدى عدد سكان البحرين ربع مليون نسمه نصفهم من الاجانب حنقول نصف الشعب البحرينى بيستخدم الانترنت يعنى تقريبا 150 الف شخص يعنى الشركات هناك مش مطالبه انها تدخل امكانيات كبيره علشان تسع الاعداد الكبيره
تعالى حضرتك لمصر 80 مليون واعتقد ازيد بالزحام اللى عندنا طبعا صعب تعرف اى احصائيات عندنا حنقول ( بالويم كده ) عدد المستخدمين عندنا من 3 الى 5 مليون مشترك يعنى فرق شاسع جدا اخى وهذا الرقم قابل للزياده نظرا للاقبال الكبير على خدمات الانترنت كالاتصالات وعمل الداونلود من المواقع المجانيه والغير مجانيه للبرامج والفيديوهات والاغانى والافلام وخلافه ده غير اللى بيتابعوا البورصه واللى بيدير اعماله على مستوى العالم عن طريقه و و و و و وووووووووو
ده غير كمان ان اغلب البرامج الحديثه بتعتمد الان لعمل الابديت بتاعها باستمرار من على النت بجانب ارسال الشكاوى والحلول للشركات والذى ياخذ وقتا فى المراسلات سواء عن طريق الايميل او عن طريق اخر
يعنى المفروض تكون مستوى الخدمه باجهزه قويه كابلات حديثه تتحمل الضغوط والسرعات العاليه باندويث اكتر وده اهم حاجه وفوق كل ده العقول اللى تدير كل المنظومه ده وده للاسف مش موجود عندنا يوجد عندنا مهندسين فى العكننه مديرين فى التخريب مبتكرين لاساليب جديده لتعذيب الناس وحررقة دمهم
وحسبى الله ونعم الوكيل

[Flashy]

يا جماعة محدش يعرف smart dsl بتاع etisalat
لأني لسه شايف اعلان في التلفزيزن
بيقولوا التركيب في نفس اليوم :eek::eek::eek::eek: (بيدولك usb modem تعيش بيه حياتك لحد ما الراوتر يركبهولك))
يعني ممكن كلنا نحول etisalat في يوم المقاطعة
بدل ما نتبهدل بعد المقاطعة

[فوزان]

يا جماعه انا محبط

الجروب لم يزيد عن 12 الف عضو ولا جريده محترمه نشرت الخبر وحاسس ان الناس مكبره دماغها ومش فارق معاها

ولا حول ولا قوه الا بالله

[spidermohmd1]

يا جماعة محدش يعرف smart dsl بتاع etisalat
لأني لسه شايف اعلان في التلفزيزن
بيقولوا التركيب في نفس اليوم :eek::eek::eek::eek: (بيدولك usb modem تعيش بيه حياتك لحد ما الراوتر يركبهولك))
يعني ممكن كلنا نحول etisalat في يوم المقاطعة
بدل ما نتبهدل بعد المقاطعة

ال FUP علي كل الشركات

[Ҝ ђ Λ Ł Є δ]

يا جماعه انا محبط

الجروب لم يزيد عن 12 الف عضو ولا جريده محترمه نشرت الخبر وحاسس ان الناس مكبره دماغها ومش فارق معاها

ولا حول ولا قوه الا بالله

لا تقلق الموضوع في بدايته ولم ينتصر احد الطرفين بعد ,يبقي الوضع علي ما هو عليه :cool:

ومين اللي مكبر دماغه؟!! كل الناس متحمسة وخصوصا لو عملوا التجمع اللي بيقولوا عليه في الاسكندرية وغير كدة ناس كتير اكيد هتفصل النت دا لو مكنش في حد فصل فعلا

اكيد هالكي هو المتابع الحاجات دي عندهم ولا ايه؟