السلام عليكم ورحمة الله وبركاته
بعد محاولات مضنيه لتخفيض حرارة الجهاز على الكيسه النونوه GigaByte SETTO 1000 قبل أن أتخذ القرار لإستبدالها بالـ HAF 922 وجدت أن أفضل تبريد هوائي قوي جدا جدا جدا وصلت حرارة السيستم أمس إلى 36 وبدونه إلى 41 والبروسيسور 39 بدل من 45 يعني مش عارف أعبر عن سعادتي إزاي وتعالوا نحكي الحكاية:
أولا أنا عندي Q6600 عامله كسر سرعة لـ 9 × 389 ليصل إلى 3.5 جيجا هرتز مع العلم إن الـ VID 1.31250V وده معناه إن البروسيسور يحتاج لفولت عالي جدا علشان أزود السرعة وأنا مديله 1.45 فولت.
الفكرة إني إشتريت مرحتين 120 سم الواحدة بـ 15 جنيه وبدأت المحاولات مع مروحة البروسيسور الإنتل الأصليه ولكن المروحة الثانية ليس لها أي إستخدام وفي أي مكان أضعها فيه بتزيد الحرارة.
إذا أنا إستخدمت مروحة واحدة بس بـ 15 جنيه ويمكن أقل!!!
الفكرة إني عندي مشتت Cooler Master Hyper TX2
وكيسه GigaByte SETTO 1000 وكارت شاشة ATI 4850 حجمه واكل عرض الكيسه بالكامل
فالفكرة ببساطة شديده ولكن أن تتخيلها حتى أصل إلى المنزل مساءا وأرفق صوره هو لصق مروحة 120 سم بالشيكارتون الحراري المحكم بالمروحة التي في الخلف والماجهه لمروحة المشتت. لما شغلت الإثنين ملصوقين طلعوا الحرارة على بره بقوة رهيبه والجهاز لا تزيد حرارة إطلاقا عن 36 حتى مع البرايم والبروسيسور بدل ما كان بيعدي الـ 68 أصبح أقصى شيء على الإطلاق 57 درجه ودي نتيجه رائع.
المروحتين لاصقين ببعض بشيكارتون يدوا هواء لبره بقوة رهيبه وسديت فتحة جنب الكيس إللي فوق علشان ميسحبوش هواء من بره يروح بره ثاني. ولو مسدتش الفتحة الحرارة بتكون 39 جوه الجهاز.
مع العلم إني لو ركبت مروحة شفط من الجنب الحرارة بتكون 38 والهواء الساخن بيجي عليه وده صعب قوي لإن الجهاز على يميني.
أما الآن فالهواء الساخن بيخرج من الخارج طيارة نفاثه ولكن العيب الوحيد هو إني تخليت عن ميزة الهدوء حيث أن صوت المرحتين الملصوقين مزعج نوعا ما.
المفضلات