تجربتي مع Lenovo Z580 بعد الشراء بيوم واحد

[Mr.Fito]

السلام عليكم ورحمة الله وبركاته

الحمد لله اشتريت امبارح الجهاز Core i5 من السخاوي

بجد الجهاز مش قادر اوصفة

الجهاز فى قمة الروعة يعني الحمد لله كان اختيار الحمد لله موفق برغم اني لسة مستخدمتوش غير تصفح والذي منة لان لسة الهارد فاضي

بالنسبة للحرارة ممكن اقول الجهاز مش بيسخن اصلاً درجة حرارتة طبيعية جداً وده اللي مريحني فية

صوت المروحة انا اصلاً مش بسمع لها صوت طول مانا فاتح اللاب وبالتحديد في قمة الهدوء اللى في الشقة

اللى ريحيني في اكتر ال Smart Technology

بجد بجد الجهاز حقق مبيعات مهولة لدرجة ان اكتر من محل فى المول معندوش غير كمية محدودة

بالمناسبة الجهاز لونة ابيض عشان الرمادي مش موجود للاسف حتي عند الوكيل اللى بتتعامل معاه الشركة

بالنسبة للمشاكل اللى سمعتها عن الجهاز ولا فى اى حاجة منها الحمد لله

الجهاز بيجي معاه بارتيشن كامل بشركة لينوفو في كل السوفت وير والابلكيشين

صوت الجهاز ملوش حل بجد النظام ده مش موجود غير فى توشيبا وسوني

تصميم الجهاز والكيبورد تخليك تنشكح لمنظرها واداءها

جربت كل حاجة فية من التاتش كونترول الخاصة بالجهاز اللى تحت الشاشة كل حاجة بشتغل كويس جداً سريع الاستجابة وجربت كمان اوامر Fn بجد الجهاز ممتاز ويستحق تمنة فعلاَ

عندي كام سؤال بخصوص الجهاز معلش للي يقدر يفيدني

انا لما جيت دخلت السيريال نمبر بتاع الجهاز ملقتش حاجة توضحلي انو ريفريشد

واللى ظهري انو انتهاء الضمان على الموقع هينتهي فى نص شهر 12

حاجة كمان

انا المفروض لسة معملتش الريكفري وكنت عاوز اعملو امبارح بس مكنتش عارف اعملو على الجهاز ولا على فلاشة 32 جيجا

حاجة اخيرة

الزرار التاتش اللى جمب ال Smart Fan معرفش هو بيعمل اية لحد دلوقتي ولما بتدوس علية مش بحس فى تغير فى الجهاز هو اصلاً بيعمل اية ؟

وكمان لو حد يقدر يقولي افضل طريقة لاستخدام البطارية

والسلام ختام

[arsenal_henry]

مبروك عليك اللاب ويتربى في عزك :D وكويس انك مبسوط منه خاصةً اني معايا نفس الجهاز ..

بالنسبه لاستفساراتك ..

انا لما جيت دخلت السيريال نمبر بتاع الجهاز ملقتش حاجة توضحلي انو ريفريشد
واللى ظهري انو انتهاء الضمان على الموقع هينتهي فى نص شهر 12

التاريخ اللي بيظهرلك ده الضمان الدولي وده ملوش علاقه بالضمان المحلي بتاعك اللي بيبدأ مع الوكيل من تاريخ شراء اللاب ..
يعني متقلقش من التاريخ اللي ظهرلك .. بالنسبه لموضوع refurbished فتقريباً على قد ما فاكر بيبقى موجود مكان ارسال اللاب ..

انا المفروض لسة معملتش الريكفري وكنت عاوز اعملو امبارح بس مكنتش عارف اعملو على الجهاز ولا على فلاشة 32 جيجا

بالنسبه لعمل الـRecovery ..
-هتلاقي برنامج اسمه lenovo rescue او lenovo recovery (حسب الاصدار اللي متسطب عندك) افتحه ..
-هتظهر شاشة زي دي .. عندك اختيارين .. اما تعمل ملف image للويندوز على بارتشن عندك وممكن تعمل recovery منه بعد كدة وده من خيار System backup .. او ممكن تعملها بس على اسطوانات DVD وده من خيار create recovery disk ..

-بعد ما تختار اختيار عمل الاسطوانات .. هتلاقي شاشة زي دي اختار الاختيار التاني (وهو عمل اسطوانات من نسخة الويندوز الحاليه) ..

-اضغط next .. هيقوللك اختار مكان الاسطوانة .. وهيبدأ بعدها عمل النسخة الـbackup ..

الزرار التاتش اللى جمب ال Smart Fan معرفش هو بيعمل اية لحد دلوقتي ولما بتدوس علية مش بحس فى تغير فى الجهاز هو اصلاً بيعمل اية ؟

الزرار ده اسمه One Key Theater Button بيخليك تختار بين تلات تعديلات بخصوص الشاشه والصوت، بمعنى انه بيديك خيار عادي Normal ، وخيار تاني اسمه Theater Mode بيحسن الصوت والصوره لو هتتفرج على افلام وفيديوهات، وخيار اخير Intelligent وده بيخليه يختار اوتوماتيك افضل اعدادات للشاشه والصوت اثناء العمل .. عشان تختار بتفضل دايس على الزرار بتاعه وبتختار بين التلات اعدادات بس بصراحه انا مش شايف انهم بيفرقو قوي ومش بستعمله خالص :cool: ..

[Mr.Fito]

مبروك عليك اللاب ويتربى في عزك :D وكويس انك مبسوط منه خاصةً اني معايا نفس الجهاز ..

بالنسبه لاستفساراتك ..

التاريخ اللي بيظهرلك ده الضمان الدولي وده ملوش علاقه بالضمان المحلي بتاعك اللي بيبدأ مع الوكيل من تاريخ شراء اللاب ..
يعني متقلقش من التاريخ اللي ظهرلك .. بالنسبه لموضوع refurbished فتقريباً على قد ما فاكر بيبقى موجود مكان ارسال اللاب ..


بالنسبه لعمل الـRecovery ..
-هتلاقي برنامج اسمه lenovo rescue او lenovo recovery (حسب الاصدار اللي متسطب عندك) افتحه ..
-هتظهر شاشة زي دي .. عندك اختيارين .. اما تعمل ملف image للويندوز على بارتشن عندك وممكن تعمل recovery منه بعد كدة وده من خيار System backup .. او ممكن تعملها بس على اسطوانات DVD وده من خيار create recovery disk ..

-بعد ما تختار اختيار عمل الاسطوانات .. هتلاقي شاشة زي دي اختار الاختيار التاني (وهو عمل اسطوانات من نسخة الويندوز الحاليه) ..

-اضغط next .. هيقوللك اختار مكان الاسطوانة .. وهيبدأ بعدها عمل النسخة الـbackup ..


الزرار ده اسمه One Key Theater Button بيخليك تختار بين تلات تعديلات بخصوص الشاشه والصوت، بمعنى انه بيديك خيار عادي Normal ، وخيار تاني اسمه Theater Mode بيحسن الصوت والصوره لو هتتفرج على افلام وفيديوهات، وخيار اخير Intelligent وده بيخليه يختار اوتوماتيك افضل اعدادات للشاشه والصوت اثناء العمل .. عشان تختار بتفضل دايس على الزرار بتاعه وبتختار بين التلات اعدادات بس بصراحه انا مش شايف انهم بيفرقو قوي ومش بستعمله خالص :cool: ..

الله يبارك فيك يا كبير ده زيي ابني متقلقش علية :D وبجد ربنا يبارلك في اللاب بتاعك ويبارك فيك
بالنسبة لاول حاجة مفيش مكان ارسال اللاب تمام اوي كدة
بالنسبة للريكفري يعني افكس لحوار الفلاشة واعملو على دي في دي ولا على اي بارتيشن وخلاص وقولي رأيك يعني عشان هعمل زيك عموماً بس اعتقد ان حجم الباك اب كبير حوالي 15 جيجا ولا انا بيهس
وبالنسبة للزرار فاكس مش مهم ومش عاوزة هو جميل كدة عشان مافيش حد يلعب فية وانا كمان ابطل العب فية يا سلام :D
معلش والله انا بتعبك كتير

[Mr.Fito]

اه صحيح انا في حاجات مش عارفها
مثلا زيي الBIOS بتاع اية الاخ ده ؟؟
ولو عاوز اكسر السرعة بتاعت البروسيسور عشان اجرب الاداء العالي اعمل اية
واعرف منين وانا حاطط الشاحن ان البطارية خلاص خلصت شحن
وقولي احسن استخدام للبطارية لو تقدر

[arsenal_henry]

اعمل الريكفري زي ما تحب مش هتفرق، بس الميزة انك تعمله على دي في دي وتوفر مساحه على اللاب .. ولو هتعمله على اسطوانات هتجهز 4-5 اسطوانات DVD .. بالنسبه لي معملتش الركفري لان اللاب اللي جبته كان من غير ويندوز Free Dos ..

بالنسبه لكسر السرعه فالموضوع ده غالباً مش موجود للابتوب لانه معقد ومحتاج تبريد وحوارات .. ومش هتحتاجه في حاجه ..
لو تقصد خاصية التربو Turbo Boost فدي خاصيه اوتوماتيك بتشتغل لما بيتم الضغط على البروسيسور ..

بالنسبه لموضوع البطاريه شوف الموضوع التالي هيفيدك ان شاء الله ..
https://arabhardware.net/forum/showthread.php?t=144461

[Mr.Fito]

اعمل الريكفري زي ما تحب مش هتفرق، بس الميزة انك تعمله على دي في دي وتوفر مساحه على اللاب .. ولو هتعمله على اسطوانات هتجهز 4-5 اسطوانات DVD .. بالنسبه لي معملتش الركفري لان اللاب اللي جبته كان من غير ويندوز Free Dos ..

بالنسبه لكسر السرعه فالموضوع ده غالباً مش موجود للابتوب لانه معقد ومحتاج تبريد وحوارات .. ومش هتحتاجه في حاجه ..
لو تقصد خاصية التربو Turbo Boost فدي خاصيه اوتوماتيك بتشتغل لما بيتم الضغط على البروسيسور ..

بالنسبه لموضوع البطاريه شوف الموضوع التالي هيفيدك ان شاء الله ..
https://arabhardware.net/forum/showthread.php?t=144461

تسلم ايدك والله تعبتك معايا

[moatez]

الزرار اللى جنب اللى smart fan اعمله على Intelligent وهو هيغير لوحده اتوماتيك حسب التطبيق اللى هتشتغل عليه والف مبروك عليك الجهاز ربنا يباركلك فيه ..

[hazzoom]

ألف مبروك.. ربنا يباركلك فيه.

جبته بكام؟

[Ahmed0087]

على فكرة زرار One Key Theater Button بيفرق فى الصوت والشاشة لو كنت بتسمع موسيقى او بتشوف افلام الصوت والصورة بتتحسن حسب الحاجة اللى بتشغلها و بتفرق فعلا و فى ال Notification فى ال Taskbar تحت هتلاقى ايقونة البرنامج One Key Theater Button وفيها خيارات ال Normal / Movie / Music / Picture

[Mr.Fito]

الزرار اللى جنب اللى smart fan اعمله على Intelligent وهو هيغير لوحده اتوماتيك حسب التطبيق اللى هتشتغل عليه والف مبروك عليك الجهاز ربنا يباركلك فيه ..

المشكلة هنا لما بدوس علية مش بعرف هو على انهي نظام او حتي اقدر اشوفو فين
الله يبارك فيك يا كبير والله يباركلك يا رب وتدوم بالصحة والعافية

ألف مبروك.. ربنا يباركلك فيه.

جبته بكام؟

الله يبارك فيك يا كبير وربنا يسعدك
جبتة ب 4500 ده لو لقيتو اصلاً بكارت GT 635 و رام 6 هارد 1 تيرا وويندوز 8
لاني اعتقد خلص من المحلات وثانيا سعرو هيغلي الفترة الجاية

على فكرة زرار One Key Theater Button بيفرق فى الصوت والشاشة لو كنت بتسمع موسيقى او بتشوف افلام الصوت والصورة بتتحسن حسب الحاجة اللى بتشغلها و بتفرق فعلا و فى ال Notification فى ال Taskbar تحت هتلاقى ايقونة البرنامج One Key Theater Button وفيها خيارات ال Normal / Movie / Music / Picture

انا ويندوز 8 ومش عارف حاجة فية حاسس اني بطيخة قرعة :D
بس عموما ربنا يبارك فيك على اهتمامك هدور عليها عشان تعبت منها

[AhmedouviX]

هوا يا جماعه ما ينفعش نستخدم برامج لينوفو علي جهاز مش لينوفو؟ :D

[Ḿǿĥâmeḋ Ấḅḑ Ệlậẑiz]

الف مبروك اخى الكريم على الجهاز
الجهاز بكارت Nvidia GT 630 ولا 635 ؟
و بكام ؟

[Mr.Fito]

هوا يا جماعه ما ينفعش نستخدم برامج لينوفو علي جهاز مش لينوفو؟ :D

لا الحقيقة معرفش

الف مبروك اخى الكريم على الجهاز
الجهاز بكارت Nvidia GT 630 ولا 635 ؟
و بكام ؟

كارت 635 معاه ويندوز 8 ب 4500

[!!!lovelord!!!]

الله يبارك فيك يا كبير وربنا يسعدك
جبتة ب 4500 ده لو لقيتو اصلاً بكارت GT 635 و رام 6 هارد 1 تيرا وويندوز 8
لاني اعتقد خلص من المحلات وثانيا سعرو هيغلي الفترة الجاية

سعر كويس جداً ... في هدايا معاه ؟
وسعره هيغلي ليه ؟

[teka_2010]

انا جبته من كارفور العبور بـ 4300 من غير ويندوز ولا هدايا
بس بكالرت شاشه 635